§7.8.1ταῦτʼ εἰπὼν καὶ θαυμαστῶν ἅπαντας ἐμπλήσας ἐλπίδων τοὺς δημοτικοὺς δύο τὰ κάκιστα τῶν ἐν ἀνθρώποις καθίσταται πολιτευμάτων, οἷς ἅπασα χρῆται προοιμίοις τυραννίς, γῆς ἀναδασμὸν καὶ χρεῶν ἄφεσιν·
이렇게 말하고 민중파 사람들 모두를 경이로운 희망으로 가득 채운 뒤, 그는 모든 참주정이 서막으로 삼는 인간 사회의 가장 악한 두 가지 정치적 조치, 즉 토지 재분배와 부채 탕감을 도입했다.
τούτων δὲ τὴν ἐπιμέλειαν αὐτὸς ἀμφοτέρων ὑπισχνεῖται ποιήσεσθαι στρατηγὸς ἀποδειχθεὶς αὐτοκράτωρ, ἕως ἐν ἀσφαλεῖ τὰ κοινὰ γένηται καὶ δημοκρατικὴν
그리고 자신이 전권을 가진 독재 장군으로 임명되면, 공공의 사안이 안전한 상태에 이르고 그들이 민주적인 정체를 확립할 때까지 자신이 직접 이 두 가지 일을 처리하겠다고 약속했다.
§7.8.2καταστήσωνται πολιτείαν. ἀσμένως δὲ τοῦ δημοτικοῦ καὶ πονηροῦ πλήθους τὴν ἁρπαγὴν τῶν ἀλλοτρίων δεξαμένου λαβὼν τὴν αὐτοκράτορα ἀρχὴν αὐτὸς παρʼ ἑαυτοῦ ἕτερον ἐπιφέρει βούλευμα, διʼ οὗ παρακρουσάμενος αὐτοὺς ἁπάντων ἀφείλετο τὴν ἐλευθερίαν.
민중과 사악한 군중이 타인의 재산을 약탈하는 일을 기꺼이 받아들이자, 그는 독점적인 권력을 스스로 독단하여 손에 넣고는, 다른 음모를 들고나와 그들을 속여 모든 자유를 빼앗았다.
σκηψάμενος γὰρ ὑποπτεύειν ταραχὰς καὶ ἐπαναστάσεις ἐκ τῶν πλουσίων εἰς τοὺς δημοτικοὺς διὰ τὸν ἀναδασμὸν τῆς γῆς καὶ τὰς τῶν δανείων ἀφέσεις, ἵνα μὴ γένοιτο πόλεμος ἐμφύλιος μηδὲ φόνοι πολιτικοί, μίαν εὑρίσκειν ἔφη πρὶν εἰς τὰ δεινὰ ἐλθεῖν φυλακήν, εἰ τὰ ὅπλα προενέγκαντες ἐκ τῶν οἰκιῶν ἅπαντες τοῖς θεοῖς καθιερώσειαν, ἵνα κατὰ τῶν ἔξωθεν ἐπιόντων πολεμίων ἔχοιεν αὐτοῖς, ὅταν ἀνάγκη τις καταλάβῃ, χρῆσθαι καὶ μὴ καθʼ ἑαυτῶν, κεῖσθαι δʼ αὐτὰ τέως παρὰ τοῖς θεοῖς ἐν καλῷ.
왜냐하면 토지 재분배와 부채 탕감 때문에 부유층이 민중을 상대로 소요와 봉기를 일으키지 않을까 의심하는 척하면서, 내란이나 시민 간의 학살이 일어나지 않도록 하기 위해서는 참사에 이르기 전에 오직 하나의 방책이 있을 뿐이라고 말했기 때문이다. 그것은 모든 이가 집에서 무기를 가지고 나와 신들에게 봉헌하는 것으로, 그리하면 외지에서 공격해오는 적들에 대항하여 어떤 필요가 닥쳤을 때 그것들을 사용할 수 있을 뿐 자신들을 대항해 사용하지는 않게 될 것이고, 그때까지는 신들 곁의 마땅한 곳에 보관될 것이라는 내용이었다.
§7.8.3ὡς δὲ καὶ τοῦτʼ ἐπείσθησαν, αὐθημερὸν ἁπάντων παρελόμενος Κυμαίων τὰ ὅπλα ταῖς ἑξῆς ἡμέραις ἔρευναν ἐποιεῖτο τῶν οἰκιῶν, ἐν αἷς πολλοὺς καὶ ἀγαθοὺς ἀποκτείνας τῶν πολιτῶν, ὡς οὐχ ἅπαντα τοῖς θεοῖς ἀποδείξαντας τὰ ὅπλα, μετὰ ταῦτα φυλακαῖς τρισὶ κρατύνεται τὴν τυραννίδα·
그들이 이 일마저 설득당하자, 그는 당일에 모든 쿠마에인에게서 무기를 빼앗았고, 그 후 며칠 동안 가택 수색을 실시했다. 그 와중에 무기 전부를 신들에게 제시하지 않았다는 구실로 훌륭한 시민들을 많이 살해한 뒤, 그는 세 개의 호위대로 참주정을 견고히 했다.
ὧν ἦν μία μὲν ἐκ τῶν ῥυπαρωτάτων πολιτῶν, μεθʼ ὧν κατέλυσε τὴν ἀριστοκρατικὴν πολιτείαν, ἑτέρα δʼ ἐκ τῶν ἀνοσιωτάτων δούλων, οὓς αὐτὸς ἠλευθέρωσεν ἀποκτείναντας τοὺς αὑτῶν δεσπότας, τρίτη δὲ μισθοφόρος ἐκ τῶν ἀγριωτάτων βαρβάρων·
그중 하나는 그와 함께 귀족정을 무너뜨렸던 가장 비천한 시민들로 이루어졌고, 다른 하나는 자신의 주인을 살해하여 자신이 직접 해방해준 가장 불경한 노예들로 이루어졌으며, 세 번째는 가장 사나운 야만인들로 구성된 용병대였다.
οὗτοι δισχιλίων οὐκ ἐλάττους ἦσαν καὶ τὰ πολέμια μακρῷ τῶν §7.8.4ἄλλων ἀμείνους.
이들은 이천 명보다 적지 않았으며, 군사적인 면에서 다른 이들보다 훨씬 뛰어났다.
ὧν δʼ ἀπέκτεινεν ἀνδρῶν τὰς εἰκόνας ἀνελὼν ἐκ παντὸς ἱεροῦ καὶ βεβήλου τόπου, φέρων εἰς τοὺς αὐτοὺς τόπους τὰς ἰδίας ἀντʼ ἐκείνων ἀνέστησεν·
그는 자신이 살해한 남성들의 초상을 모든 성스럽고 속된 장소에서 철거하고, 그 동일한 장소에 그들 대신 자신의 초상을 가져다 세웠다.
οἰκίας δʼ αὐτῶν καὶ κλήρους καὶ τὴν λοιπὴν ὕπαρξιν ἀναλαβών, ἐξελόμενος χρυσὸν καὶ ἄργυρον καὶ εἴ τι ἄλλο τυραννίδος ἦν ἄξιον κτῆμα, τὰ λοιπὰ τοῖς συγκατασκευάσασι τὴν ἀρχὴν ἐχαρίσατο, πλείστας δὲ καὶ μεγίστας δωρεὰς τοῖς ἀποκτείνασι τοὺς ἑαυτῶν δεσπότας ἐδίδου·
그리고 그들의 집과 토지, 그 밖의 재산을 몰수하고, 금과 은, 그 밖에 참주정에 어울리는 재산을 골라낸 뒤, 남은 것들을 지배 체제 확립에 협력한 자들에게 나누어 주었으며, 자신의 주인을 살해한 자들에게는 가장 많고 가장 큰 선물을 베풀었다.
οἱ δʼ ἠξίουν ἔτι καὶ γυναιξὶ τῶν δεσποτῶν καὶ θυγατράσι συνοικεῖν.
그리고 그들은 주인의 아내와 딸들과 혼인하여 함께 사는 것까지도 요구했다.