§7.63.1τοῦτο καταμαθὼν ὁ Δέκιος ἐκεῖνος, ὁ καὶ τοὺς ἐν τῇ βουλῇ ποιησάμενος λόγους καὶ τὸ προβούλευμα περὶ τῆς δίκης γραφῆναι παρασκευάσας, ἀνέστη καὶ σιωπὴν γενέσθαι κελεύσας ἔλεξεν·
그 데키우스는——그는 또한 원로원에서 연설을 하고 재판에 관한 원로원 결의안을 기안하도록 주선한 인물인데——이것을 알아차리고 일어나 조용히 하라고 명령한 뒤 이렇게 말했다.
ἐπειδή, ὦ δημόται, τῶν ἐν τῇ βουλῇ λεχθέντων ὑπὸ Μαρκίου λόγων, καὶ τῶν διὰ τούτους ἀκολουθησάντων ἔργων βιαίων τε καὶ ὑπερηφάνων ἀπολύουσιν αὐτὸν οἱ πατρίκιοι καὶ οὐδʼ ἡμῖν ἐπιτρέπουσι κατηγορεῖν, ἀκούσατε, οἷον ὑμῖν ἔργον ἕτερον ἔξω τῶν λόγων ὁ γενναῖος οὗτος ἀνὴρ τυγχάνει διαπεπραγμένος, ὡς αὔθαδες καὶ τυραννικόν, καὶ οἷον ὑμῶν κατέλυσε νόμον αὐτὸς ἰδιώτης ὢν μάθετε.
"시민 여러분, 원로원에서 마르키우스가 했던 말들과 그로 인해 일어난 폭력적이고 오만한 행위들에 대해 귀족들이 그를 방면하고 우리에게 기소하는 것마저 허락하지 않으니, 이 고결한 인물이 말 이외에 또 어떤 오만하고 참주적인 다른 행위를 저질렀는지 들어보십시오.
§7.63.2ἴστε δήπου πάντες, ὅτι τὰ ἐκ τῶν πολέμων λάφυρα, ὅσων ἂν ἡμῖν ὑπάρχῃ τυχεῖν διʼ ἀρετήν, δημόσια εἶναι κελεύει ὁ νόμος, καὶ τούτων οὐχ ὅπως τις ἰδιώτης γίνεται κύριος, ἀλλʼ οὐδʼ αὐτὸς ὁ τῆς δυνάμεως ἡγεμών·
그리고 그가 한낱 사인의 신분이면서 여러분의 어떤 법을 어겼는지 알아보십시오." "여러분도 모두 알다시피, 우리가 용맹함으로 얻게 되는 전쟁의 전리품은 공공의 소유가 되어야 한다고 법은 명하고 있으며, 이에 대해서는 어떤 사인뿐만 아니라 군대의 지휘관 자신조차 소유권을 갖지 못합니다.
ὁ δὲ ταμίας αὐτὰ παραλαβὼν ἀπεμπολᾷ καὶ εἰς τὸ δημόσιον ἀναφέρει τὰ χρήματα·
재무관이 그것들을 넘겨받아 매각하고 그 돈을 국고에 납입하는 것입니다.
καὶ τοῦτον τὸν νόμον, ἐξ οὗ τήνδε οἰκοῦμεν τὴν πόλιν, οὐχ ὅπως κατέλυσέ τις, ἀλλʼ οὐδʼ ᾐτιάσατο μὴ οὐχὶ καλῶς ἔχειν·
그리고 우리가 이 도시에 거주하기 시작한 이래로 이 법은 누군가에 의해 폐지된 적이 없을 뿐만 아니라, 올바르지 못하다고 비난받은 적도 없습니다.
ἀλλʼ οὗτος ὁ Μάρκιος πρῶτος καὶ μόνος ὑπεριδὼν αὐτοῦ κειμένου καὶ κυρίου ὄντος ἠξίωσε σφετερίσασθαι τὰ κοινὰ ἡμῶν, ὦ δημόται, λάφυρα, πέρυσι καὶ οὐ πάλαι. §7.63.3ποιησαμένων γὰρ ὑμῶν καταδρομὴν τῆς Ἀντιατῶν γῆς καὶ πολλὰ μὲν σώματα, πολλὰ δὲ βοσκήματα, πολὺν δὲ σῖτον, πολλὰ δʼ ἄλλα χρήματα περιβαλομένων οὔτε τῷ ταμίᾳ ταῦτʼ ἀπέδειξεν οὔτʼ αὐτὸς ἀποδόμενος εἰς τὸ δημόσιον ἀνήνεγκε τὸ ἀργύριον, ἀλλὰ διένειμε καὶ κατεχαρίσατο τοῖς ἑαυτοῦ φίλοις ἅπασαν τὴν λείαν·
그러나 이 마르키우스는 법이 버젓이 존재하고 유효함에도 불구하고 이를 무시한 최초이자 유일한 자로서, 시민 여러분, 바로 작년에, 그리 오래되지 않은 과거에 우리의 공동 전리품을 횡령하고자 했습니다." "여러분들이 안티움인들의 땅을 약탈하여 많은 포로와 많은 가축, 많은 곡물 및 기타 많은 재물을 거두었을 때, 그는 이것들을 재무관에게 넘기지도 않았고 스스로 매각하여 국고에 그 돈을 납입하지도 않았으며, 전리품 전부를 자기 친구들에게 분배하고 나누어 주었기 때문입니다.
τοῦτο δὴ τυραννίδος τεκμήριον εἶναι φημὶ τὸ ἔργον·
바로 이 행위야말로 참주정의 증거라고 나는 주장합니다.
πῶς γὰρ οὔ;
어찌 그렇지 않겠습니까?
ὃς τοὺς ἑαυτοῦ κόλακάς τε καὶ σωματοφύλακας καὶ τῆς μελλούσης τυραννίδος συνεργοὺς ἐκ τῶν δημοσίων εὐηργέτει χρημάτων· §7.63.4καὶ νόμου κατάλυσιν εἶναι φανερὰν ταύτην λέγω.
공공의 재물로 자신의 아첨꾼들과 호위병들, 그리고 미래 참주정의 공모자들에게 은혜를 베풀었으니 말입니다." "그리고 나는 이것이 명백한 위법 행위라고 말합니다.
δυεῖν δὴ θάτερον ἀποφηνάτω παρελθὼν Μάρκιος, ἢ ὡς οὐ διένειμε τὰ λάφυρα τοῖς ἑαυτοῦ φίλοις, ἃ ἔλαβεν ἐκ τῆς πολεμίας, ἢ ὡς ταῦτα ποιῶν οὐ καταλύει τοὺς νόμους·
마르키우스는 앞으로 나아와 두 가지 중 하나를 밝혀야 할 것입니다. 적국에서 얻은 전리품을 자기 친구들에게 나누어 주지 않았다는 것인지, 아니면 그렇게 함으로써 법을 어기지 않았다는 것인지 말입니다.
ὧν οὐδέτερον ἕξει πρὸς ὑμᾶς εἰπεῖν.
그러나 그는 여러분 앞에서 둘 중 어느 것도 말할 수 없을 것입니다.
αὐτοὶ γὰρ ἀμφότερα ἴστε, καὶ τὸν νόμον καὶ τὸ ἔργον, καὶ οὐκ ἔνεσθʼ ὑμῖν ἀποψηφισαμένοις αὐτοῦ τὰ δίκαια καὶ τὰ εὔορκα δοκεῖν ἐγνωκέναι.
여러분 스스로가 법과 행위라는 두 가지 모두를 알고 있으며, 그를 무죄 방면한다면 여러분이 정의롭고 맹세에 따른 판결을 내린 것으로 보일 리 없기 때문입니다.
ἐάσας δὴ τοὺς στεφάνους καὶ τὰ ἀριστεῖα καὶ τὰ τραύματα καὶ τὴν ἄλλην τερατείαν πρὸς ταῦτα λέγε, ὦ Μάρκιε·
그러니 마르키우스여, 관과 훈장과 상처와 그 밖의 모든 과장된 몸짓은 접어두고 이에 대해 말해 보시오.
παραδίδωμι γὰρ ἤδη σοὶ τὸν λόγον.
이제 발언권을 당신에게 넘기겠소."