§6.83.1ὡς δʼ ἐπαύσατο, πάντες οἱ παρόντες ἐπεθορύβησαν ὡς τὰ δέοντα λελογισμένῳ συγκατατιθέμενοι καὶ μετὰ τοῦτο ἡσυχίας γενομένης Μενήνιος Ἀγρίππας, ὅσπερ καὶ τοὺς ἐν τῇ βουλῇ λόγους ὑπὲρ τοῦ δήμου διέθετο καὶ τοῦ πεμφθῆναι τὴν αὐτοκράτορα πρεσβείαν τὴν γνώμην ἀποφηνάμενος αἰτιώτατος ἦν, διεσήμηνεν ὅτι βούλεται καὶ αὐτὸς εἰπεῖν.
그가 말을 마치자 배석한 모든 이들이 그가 필요한 일을 생각했다며 동의하여 크게 웅성거렸습니다. 그 후 고요함이 찾아왔을 때, 원로원에서도 평민을 위해 대변하는 연설을 하고 전권 사절단을 파견하자는 의견을 표명하여 그 일의 가장 큰 원인이 되었던 메네니우스 아그리파가 자신도 말하고 싶다는 신호를 보냈습니다.
τοῖς δὲ κατʼ εὐχὴν τὸ πρᾶγμα ἐφάνη καὶ νυνί γέ τοι λόγων ὑπέλαβον ἀκούσεσθαι συμβάσεις ἀληθινὰς καὶ γνώμας σωτηρίους ἀμφοῖν ἐχόντων.
사람들에게 이 일은 바라던 대로였으며, 이제야말로 양자 모두에게 구원이 되는 의견을 지닌 진정한 화해의 말을 들을 수 있으리라 생각했습니다.
§6.83.2καὶ τὸ μὲν πρῶτον ἐπερρόθησαν ἅπαντες βοῇ μεγάλῃ λέγειν κελεύοντες·
그리고 처음에는 모두가 큰 소리로 외치며 말하기를 청했습니다.
ἔπειτα ἐπέσχον, καὶ σιγὴ τοσαύτη κατέλαβε τὴν ἐκκλησίαν, ὥστε μηθὲν διαλλάξαι τὸν τόπον ἐρημίας.
그러고 나서 그들은 잠잠해졌고, 민회에는 아주 큰 정적이 감돌아 그곳이 황야와 아무런 차이가 없을 정도였습니다.
ὁ δὲ τά τε ἄλλα, ὡς οἷόν τε ἦν, πιθανωτάτοις ἔδοξε χρήσασθαι λόγοις καὶ τοῦ βουλήματος τῶν ἀκουόντων ἐστοχασμένοις, τελευτῶν δὲ τῆς δημηγορίας λέγεται μῦθόν τινα εἰπεῖν εἰς τὸν Αἰσώπειον τρόπον συμπλάσας πολλὴν ὁμοιότητα πρὸς τὰ πράγματα ἔχοντα, καὶ τούτῳ μάλιστʼ αὐτοὺς ἑλεῖν·
그는 다른 점에서도 가능한 한 가장 설득력 있고 청중의 바람을 겨냥한 말을 사용한 듯 보였으나, 연설의 마지막에는 이솝 우화의 방식을 본떠 지어낸, 현재 상황과 매우 닮은 어떤 우화를 말하여 이것으로 그들을 가장 강력하게 사로잡았다고 전해집니다.
ὅθεν καὶ μνήμης ἀξιοῦται ὁ λόγος καὶ φέρεται ἐν ἁπάσαις ταῖς ἀρχαίαις ἱστορίαις.
이 때문에 이 연설은 기억할 만한 가치가 있는 것으로 여겨지며 모든 고대 역사서에 실려 있습니다.
ἦν δὲ τὰ λεχθέντα ὑπʼ αὐτοῦ τοιάδε.
그가 한 말은 다음과 같았습니다.
§6.83.3ἡμεῖς ἀπεστάλημεν ὑπὸ τῆς βουλῆς, ὦ δημόται, πρὸς ὑμᾶς οὔτε ἀπολογησόμενοι ὑπὲρ ἐκείνης οὔτε ὑμῶν κατηγορήσοντες·
「평민 여러분, 우리는 원로원에 의해 여러분에게 파견되었으나, 원로원을 대변하여 변명하려는 것도 아니고 여러분을 비난하려는 것도 아닙니다.
οὐ γὰρ ἐδόκει ταῦτα καιρὸν ἔχειν οὐδʼ εἶναι ταῖς κατεχούσαις τὸ κοινὸν τύχαις πρόσφορα·
그러한 일은 지금 때에 맞지 않으며 국가를 장악한 처지에도 적합하지 않다고 여겨졌기 때문입니다.
ἀλλὰ διαλύσοντες ἁπάσῃ προθυμίᾳ καὶ μηχανῇ τὴν στάσιν καὶ καταστήσοντες εἰς τὸν ἐξ ἀρχῆς κόσμον τὴν πολιτείαν, ἔχοντες δὲ τούτου τὴν ἐξουσίαν αὐτοκράτορα.
오히려 온갖 열성과 수단으로 내분을 종식시키고 국정을 원래의 질서로 회복시키고자 함이며, 우리는 이 일에 대한 전권을 가지고 있습니다.
ὥστε περὶ μὲν τῶν δικαίων οὐδὲν ἂν οἰόμεθα δεῖν, ὅπερ Ἰούνιος ἐποίησεν οὑτοσί, εἰς μακρὸν ἐκμηκύνειν χρόνον·
따라서 정당한 권리에 관해서는, 여기 있는 유니우스가 한 것처럼 오랜 시간 질질 끌 필요가 없다고 생각합니다.
ἐφʼ οἷς δὲ φιλανθρώποις διαλῦσαι τὴν στάσιν οἰόμεθα δεῖν, καὶ τίς ἡ βεβαιώσουσα τὰς ὁμολογίας ἡμῶν ἔσται πίστις, περὶ τούτων, §6.83.4ἃ διεγνώκαμεν, ἐροῦμεν πρὸς ὑμᾶς.
다만 우리가 어떤 자비로운 조건 위에서 내분을 해결해야 한다고 생각하는지, 그리고 우리의 합의를 견고히 해줄 신표가 무엇이 될 것인지에 관하여, 우리가 결정한 바를 여러분에게 말하겠습니다.
ἡμῖν ἐνθυμουμένοις, ὅτι πᾶσα θεραπεύεται στάσις ἐξ ἁπάσης πόλεως, ὅταν ἐξαιρεθῶσιν αἱ παρασχοῦσαι τὴν διαφορὰν αἰτίαι, ἀναγκαῖον ἔδοξεν εἶναι τὰς ἀρχηγοὺς τῆς διχοστασίας προφάσεις γνῶναί τε καὶ παῦσαι.
분쟁을 일으킨 원인들이 제거될 때 모든 국가에서 모든 내분이 치유된다는 점을 우리가 생각했을 때, 불화의 근본 원인이 되는 명분들을 파악하고 종식시키는 것이 필수적이라고 여겨졌습니다.
εὑρόντες δὲ τὰς ἀποτόμους τῶν δανείων ἀναπράξεις τῶν παρόντων κακῶν αἰτίας γεγονυίας, οὕτως αὐτὰς διορθούμεθα.
그리하여 부채의 가혹한 독촉이 현재 재앙의 원인이 되었음을 알아차렸기에, 우리는 이를 다음과 같이 시정하고자 합니다.
τοὺς ὀφείλοντας χρία καὶ μὴ δυναμένους διαλύσασθαι πάντας ἀφεῖσθαι τῶν ὀφλημάτων δικαιοῦμεν·
빚을 지고 있으나 갚을 능력이 없는 모든 자들에 대해 그 채무를 탕감해 주는 것을 정당하다고 인정합니다.
καὶ εἴ τινων ἤδη τὰ σώματα ὑπερημέρων ὄντων ταῖς νομίμοις προθεσμίαις κατέχεται, καὶ ταῦτʼ ἐλεύθερα εἶναι κρίνομεν·
또한 법정 기한을 넘겨 이미 신체가 구속되어 있는 자들이 있다면 이들 역시 자유롭게 할 것을 판결합니다.
ὅσοι τε δίκαις ἁλόντες ἰδίαις παρεδόθησαν τοῖς καταδικασαμένοις, καὶ τούτους ἐλευθέρους εἶναι βουλόμεθα, καὶ τὰς καταγνώσεις αὐτῶν ἀκύρους ποιοῦμεν.
사적인 소송에서 패소하여 판결을 내린 자들에게 인도된 모든 이들에 대해서도 우리는 그들이 자유롭게 되기를 원하며, 그들에 대한 유죄 판결을 무효로 합니다.
§6.83.5περὶ μὲν δὴ τῶν ἐκ τοῦ παρεληλυθότος χρόνου συμβολαίων, ἃ τὴν ἀπόστασιν ἔδοξεν ἡμῖν ποιῆσαι, τοῦτον ἐπανορθούμεθα τὸν τρόπον·
그렇다면 우리에게 이탈을 초래한 것으로 여겨지는 과거의 계약들에 관해서는 이와 같은 방식으로 바로잡고자 합니다.
περὶ δὲ τῶν ὕστερον ἐσομένων, ὡς ἂν ὑμῖν τε τῷ δήμῳ καὶ τοῖς ἐκ τοῦ συνεδρίου κοινῇ βουλευσομένοις φανῇ, νόμου κυρωθέντος, οὕτως ἐχέτω.
그러나 앞으로 있을 계약들에 대해서는 여러분 평민들과 의회 구성원들이 공동으로 심의하여 타당하다고 여기는 대로 법률이 제정된 후에 그렇게 시행되도록 하십시오.
οὐχὶ ταῦτα μέντοι τὰ διαστήσαντα ὑμᾶς ἦν ἀπὸ τῶν πατρικίων, ὦ δημόται, καὶ τούτων εἰ τύχοιτε ἀποχρῆν ὑμῖν ᾤεσθε καὶ οὐδενὸς ἄλλου ὠρέγεσθε;
평민 여러분, 여러분을 귀족들로부터 갈라놓았던 것이 바로 이것들이 아니었습니까? 그리고 이것들을 얻게 된다면 여러분은 그것으로 충분하다고 생각하여 다른 것은 아무것도 바라지 않지 않았습니까?
δίδοται νῦν ὑμῖν·
이제 그것이 여러분에게 주어집니다.
ἄπιτε ἤδη χαίροντες εἰς τὴν πατρίδα.
그러니 이제 기쁜 마음으로 조국으로 돌아가십시오.」