§6.49.1ὁ δὲ δῆμος, ἐπειδὴ παρῆν ὁ χρόνος, ἐν ᾧ τὰς ἀρχὰς ἐπικυροῦν ἔδει συνελθόντας εἰς τὸ πεδίον, οὐδενὸς οὔτε μετιόντος τὴν ὑπατείαν οὔτε διδομένην ὑπομένοντος λαβεῖν, αὐτὸς ἀποδείκνυσιν ὑπάτους ἐκ τῶν εἰληφότων ἤδη τὴν ἀρχὴν ταύτην δήμῳ τε κεχαρισμένους ἄνδρας καὶ ἀριστοκρατίᾳ, Πόστομον Κομίνιον καὶ Σπόριον Κάσσιον, ὑφʼ οὗ Σαβῖνοι καταπολεμηθέντες τῆς ἡγεμονίας ἀπέστησαν, ἐπὶ τῆς ἑβδομηκοστῆς καὶ δευτέρας ὀλυμπιάδος, ἣν ἐνίκα στάδιον Τισικράτης Κροτωνιάτης, ἄρχοντος Ἀθήνησι Διογνήτου.
한편 민중은 평원에 모여서 정무관들을 승인해야 하는 때가 오자, 아무도 집정관직을 구하려 하지 않고 주어지더라도 감당하여 받으려 하지 않는 상황에서, 이미 이 직책을 맡은 적이 있으며 민중과 귀족 모두에게 환영받는 인물들 중에서 스스로 집정관들을 임명했다. 포스투무스 코미니우스와, 사비니인들을 쳐부수어 패권을 포기하게 만든 스푸리우스 카시우스였다. 이때는 크로톤의 티시크라테스가 단거리 경주에서 우승하고 아테네에서는 디오그네토스가 아르콘이던 제72대 올림피아드 시기였다.
§6.49.2οὗτοι παραλαβόντες τὴν ἀρχὴν καλάνδαις Σεπτεμβρίαις θᾶττον ἢ τοῖς προτέροις ἔθος ἦν, πρὶν ἢ τῶν ἄλλων τι διαπράξασθαι βουλὴν συγκαλέσαντες περὶ τῆς καθόδου τῶν δημοτικῶν λέγειν ἠξίουν, ἥν τινα διάνοιαν ἔχει, πρῶτον ἀποφήνασθαι παρακαλοῦντες ἄνδρα ἡλικίας ἐν τῇ κρατίστῃ τότε ὄντα καὶ συνέσει δοκοῦντα τῶν ἄλλων διαφέρειν, μάλιστα δʼ ἐπὶ τῇ προαιρέσει τῶν πολιτευμάτων ἐπαινούμενον, ὅτι τῆς μέσης τάξεως ἦν, οὔτε τὴν αὐθάδειαν τῶν ἀριστοκρατικῶν αὔξων οὔτε τῷ δήμῳ ὅσα βουληθείη πράττειν ἐπιτρέπων, Ἀγρίππαν Μενήνιον·
이들은 이전의 관례보다 이른 9월 초하루에 직무를 인수받자마자, 다른 어떤 일도 처리하기 전에 원로원을 소집하여 평민들의 복귀에 대해 논의할 것을 요구했다. 그리고 원로원이 어떤 견해를 품고 있는지 가장 먼저 의견을 개진해 달라고 한 남성에게 요청했는데, 그는 당시 나이로 가장 전성기에 있었고 지혜에서 다른 이들보다 뛰어난 것으로 여겨졌으며, 무엇보다도 정치적 지향에 있어서 중도파에 속하여 귀족들의 오만함을 조장하지도 않고 민중이 원하는 대로 행하도록 내버려 두지도 않았다는 점으로 칭송받던 인물인 메네니우스 아그리파였다.
ὃς ἐπὶ τὰς διαλλαγὰς τὴν βουλὴν παρεκάλει τάδε λέγων·
그는 화해를 권하며 원로원에 다음과 같이 촉구했다.
§6.49.3εἰ μὲν ἅπασιν, ὦ βουλή, τοῖς παροῦσι τὴν αὐτὴν γνώμην συνέβαινεν ἔχειν, καὶ μηδεὶς ἔμελλε ταῖς πρὸς τὸν δῆμον διαλλαγαῖς ἐμποδὼν ἔσεσθαι, ἐφʼ οἷς δὲ διαλυσόμεθα πρὸς αὐτοὺς εἴτε δικαίοις οὖσιν εἴτε μή, ὅμως ταῦτα προὔκειτο μόνον σκοπεῖν, διʼ ὀλίγων ἂν ὑμῖν ἐδήλωσα λόγων, ἃ φρονῶ.
"의원 여러분, 만약 참석한 모든 이들이 우연히 같은 의견을 가지고 있고, 아무도 민중과의 화해를 방해하려 하지 않으며, 우리가 그들과 어떤 조건으로(그것이 정당하든 그렇지 않든 어쨌든 그 조건들로) 화해할 것인가 하는 점만을 검토하는 것만이 과제로 놓여 있었다면, 저는 제 생각을 여러분에게 몇 마디 말로 밝혔을 것입니다.
§6.49.4ἐπεὶ δὲ καὶ αὐτὸ τοῦτό τινες οἴονται βουλῆς ἔτι δεῖν, πότερον ἡμῖν ἄμεινόν ἐστι συμβῆναι πρὸς τοὺς ἀφεστηκότας ἢ πολεμεῖν, οὐχ ἡγοῦμαι ῥᾴδιον εἶναί μοι διʼ ὀλίγης δηλώσεως, ὅ τι χρὴ πράττειν παραινέσαι, ἀλλʼ ἀνάγκη διὰ πλειόνων διδάξαι λόγων τοὺς πρὸς τὰς διαλλαγὰς ἀλλοτρίως ἔχοντας ὑμῶν, ὅτι τἀναντία συμπείθουσιν ἢ καὶ δεδίττεσθαι μέλλοντες ὑμᾶς τὰ φαυλότατα τῶν χαλεπῶν καὶ ῥᾳδίας ἔχοντα τὰς ἐπανορθώσεις ὀρρωδοῦντας τῶν μεγίστων τε καὶ ἀνιάτων ἱκανῶς ἀπερισκέπτως ἔχουσι.
하지만 바로 이 점, 즉 이탈한 자들과 타협하는 것이 우리에게 더 유익한가 아니면 전쟁을 벌이는 것이 더 유익한가에 대해 여전히 논의가 필요하다고 생각하는 이들이 있으므로, 무엇을 행해야 할지 짧은 설명으로 권고하는 것은 제게 쉬운 일이 아니라고 생각합니다. 오히려 여러분 중에서 화해에 반대하는 태도를 지닌 자들에게 더 많은 말을 통해 조목조목 가르쳐 줄 필요가 있습니다. 즉 그들이 정반대의 일을 하도록 설득하고 있거나, 혹은 여러분을 겁주려 하는 과정에서, 해결하기 쉽고 가장 보잘것없는 어려움은 두려워하면서도 가장 크고 치유 불가능한 어려움에 대해서는 충분히 무모할 정도로 소홀히 대하고 있다는 점을 말입니다.
καὶ τοῦτο πεπόνθασι παρʼ οὐδὲν ἕτερον ἢ ὥστε λογισμῷ μὴ κρίνειν τὸ συμφέρον, ἀλλὰ θυμῷ καὶ μανίᾳ.
그리고 그들이 이러한 일을 겪고 있는 것은 다른 이유 때문이 아니라, 이로운 것을 이성으로 판단하지 않고 분노와 광기로 판단하기 때문입니다.
§6.49.5πῶς γὰρ ἂν οὗτοι λέγοιντο προορᾶσθαί τι τῇ διανοίᾳ τῶν χρησίμων ἢ δυνατῶν, οἵ τινες ὑπολαμβάνουσι τηλικαύτην πόλιν καὶ τοσούτων πραγμάτων κυρίαν ἤδη ἐπίφθονόν τε καὶ λυπηρὰν τοῖς περιοίκοις γιγνομένην, ἢ δίχα τοῦ δημοτικοῦ δυνήσεσθαι κατέχειν τε καὶ σώζειν τὰ ἔθνη ῥᾳδίως, ἢ ἕτερον ἐπάξεσθαι δῆμον ἀντὶ τοῦ πονηροτέρου κρείττονα, ὃς αὐτοῖς προπολεμήσει τε τῆς ἀρχῆς καὶ κατὰ πολλὴν ἡσυχίαν συμπολιτεύσεται, παρέχων καὶ ἐν εἰρήνῃ καὶ κατὰ πολέμους ἑαυτὸν μέτριον;
도대체 이들이 유익하거나 실현 가능한 일에 대해 머리속으로 조금이라도 예견하고 있다고 어찌 말할 수 있겠습니까? 이토록 거대하고 이미 수많은 세력을 지배하고 있으며 주변 이웃들에게 시기와 원망의 대상이 되고 있는 도시가, 평민들 없이도 복속된 민족들을 쉽게 통제하고 지켜낼 수 있을 것이라 여기는 자들, 아니면 그들이 악화된 기존 민중 대신에 더 나은 다른 민중을 영입해 올 수 있고, 그 새로운 민중이 그들의 지배권을 위해 대신 싸워주며 크나큰 평온 속에 함께 국가를 이루어 살아가고, 평화로울 때나 전쟁 때나 온순한 태도를 유지할 것이라 생각하는 자들 말입니다.
οὐδὲν γὰρ ἂν ἕτερον ἔχοιεν εἰπεῖν, ᾧ πιστεύοντες ἀξιώσουσιν ὑμᾶς μὴ δέχεσθαι τὰς διαλλαγάς.
왜냐하면 그들이 그것을 믿고 여러분에게 화해를 받아들이지 말라고 요구할 만한 다른 근거를 전혀 제시할 수 없을 것이기 때문입니다."