§5.51.1μετὰ τοῦτον Ἀρικηνοί τε λόγον αἰτησάμενοι κατηγόρουν τῶν Ῥωμαίων, ὅτι τὸν Τυρρηνικὸν πόλεμον ἐπήγαγον σφίσιν ὄντες συγγενεῖς καὶ παρέσχον ὅσον ἐφʼ ἑαυτοῖς ἁπάσας τὰς Λατίνων πόλεις ὑπὸ Τυρρηνῶν τὴν ἐλευθερίαν ἀφαιρεθῆναι·
그의 뒤를 이어 아리키아인들도 발언권을 요청하여 로마인들을 비난했다. 그 내용은 로마인들이 자신들의 친족이면서도 에트루리아 전쟁을 자신들에게 불러들였고, 자신들이 할 수 있는 한 라티움의 모든 도시가 에트루리아인들에게 자유를 빼앗기도록 방치했다는 것이었다.
καὶ Ταρκύνιος ὁ βασιλεὺς ἀνανεούμενος τὰς γενομένας αὐτῷ πρὸς τὸ κοινὸν τῶν πόλεων συνθήκας περὶ φιλίας τε καὶ συμμαχίας, ἠξίου τὰς πόλεις ἐμπεδοῦν τοὺς ὅρκους, κατάγειν δʼ αὐτὸν ἐπὶ τὴν ἀρχήν·
또한 타르퀴니우스 왕은 이전에 여러 도시들의 공동 동맹과 맺었던 우호 및 동맹 조약을 갱신하며, 도시들이 맹세를 굳건히 지키고 자신을 복위시킬 것을 요구했다.
Καμαριναίων τε καὶ Φιδηναίων φυγάδες, οἱ μὲν τὴν ἅλωσιν καὶ τὴν φυγὴν τῆς πατρίδος, οἱ δὲ τὸν ἀνδραποδισμὸν καὶ τὴν κατασκαφὴν ὀδυρόμενοι, παρεκάλουν αὐτοὺς εἰς τὸν πόλεμον.
그리고 카마리나와 피데나에의 망명자들도, 어떤 이들은 조국의 함락과 망명을, 다른 이들은 노예화와 파괴를 한탄하며 그들을 전쟁으로 선동했다.
§5.51.2τελευταῖος δὲ πάντων ὁ Ταρκυνίου κηδεστὴς Μαμίλιος μέγιστον ἐν τοῖς τότε χρόνοις παρὰ τοῖς Λατίνοις δυνάμενος ἀναστὰς μακρὰν κατὰ τῆς πόλεως διεξῆλθε δημηγορίαν.
그리고 마지막으로, 타르퀴니우스의 사위이자 당시 라티움인들 사이에서 가장 강력한 권력을 쥐고 있던 마밀리우스가 일어나 로마시를 겨냥해 긴 연설을 행했다.
ἀπολογουμένου δὲ πρὸς ἅπαντα τοῦ Οὐαλερίου καὶ δοκοῦντος περιεῖναι τοῖς δικαίοις, ἐκείνην μὲν τὴν ἡμέραν εἰς τὰ κατηγορήματα καὶ τὰς ἀπολογίας ἀναλώσαντες οὐδὲν ἐπέθηκαν τῇ βουλῇ τέλος·
우알레리우스가 이 모든 것에 대해 변호하며 정의 면에서 우세한 것처럼 보였으나, 그들은 그날 하루를 비난 과 변호로 소모하며 회의에 아무런 결론도 내리지 못했다.
τῇ δὲ κατόπιν οὐκέτι τοὺς πρεσβευτὰς τῶν Ῥωμαίων οἱ πρόεδροι προαγαγόντες ἐπὶ τὸν σύλλογον, ἀλλὰ Ταρκυνίῳ τε καὶ Μαμιλίῳ καὶ Ἀρικηνοῖς καὶ τοῖς ἄλλοις τοῖς βουλομένοις τῆς πόλεως κατηγορεῖν ἀποδόντες λόγον, ἐπειδὴ πάντων διήκουσαν ψηφίζονται λελύσθαι τὰς σπονδὰς ὑπὸ Ῥωμαίων, καὶ τοῖς περὶ Οὐαλέριον πρέσβεσιν ἀπόκρισιν ἔδωκαν, ὅτι τὸ συγγενὲς ἐκείνων τοῖς ἀδικήμασι λελυκότων βουλεύσονται κατὰ σχολὴν ὅντινα τρόπον αὐτοὺς ἀμύνεσθαι χρή.
이튿날 의장들은 더 이상 로마의 사절들을 집회로 불러들이지 않고, 타르퀴니우스와 마밀리우스, 아리키아인들을 비롯해 로마시를 비난하고자 하는 다른 이들에게 발언권을 주었다. 그리고 모든 이의 의견을 다 들은 뒤, 그들은 조약이 로마인들에 의해 파기되었다고 결의하고, 우알레리우스 일행의 사절들에게 다음과 같이 답변했다. 즉, 로마인들이 그 불법 행위로 친족 관계를 깨뜨린 이상, 어떤 방식으로 그들에게 보복해야 할지는 앞으로 여유를 두고 충분히 심의하겠다는 것이었다.
§5.51.3ἐν ᾧ δὲ ταῦτʼ ἐπράττετο χρόνῳ, συνωμοσία κατὰ τῆς πόλεως ἐγένετο δούλων συχνῶν συνειπαμένων τάς τʼ ἄκρας καταλαβέσθαι καὶ κατὰ πολλοὺς ἐμπρῆσαι τόπους τὴν πόλιν.
이러한 일들이 진행되는 동안, 시에 대항하여 많은 노예들이 공모한 음모가 발생했다. 그들은 성채들을 점령하고 시내의 여러 곳에 불을 지르기로 서로 약속했던 것이다.
μηνύσεως δὲ γενομένης ὑπὸ τῶν συνειδότων αἱ πύλαι τʼ ὑπὸ τῶν ὑπάτων εὐθὺς ἐκλείοντο, καὶ πάντα τὰ ἐρύματα τῆς πόλεως ὑπὸ τῶν ἱππέων κατείληπτο·
내부 사정을 아는 자들의 밀고가 있자, 집정관들에 의해 성문이 즉시 닫히고 시의 모든 방어 요새가 기병들에 의해 점령되었다.
καὶ αὐτίκα οἱ μὲν ἐκ τῶν οἰκιῶν συλληφθέντες, οἱ δʼ ἐκ τῶν ἀγρῶν ἀναχθέντες, ὅσους ἀπέφαινον οἱ μηνυταὶ μετασχεῖν τῆς συνωμοσίας, μάστιξι καὶ βασάνοις αἰκισθέντες ἀνεσκολοπίσθησαν ἅπαντες.
그리고 즉시 집에서 체포되거나 들판에서 압송된 자들 중, 밀고자들에 의해 음모에 가담한 것으로 지목된 자들은 모두 채찍질과 고문으로 고통을 겪은 끝에 전원 십자가형에 처해졌다.
ταῦτʼ ἐπὶ τούτων ἐπράχθη τῶν ὑπάτων.
이 일들은 앞서 언급한 집정관들의 임기 중에 일어났다.