§5.45.1Ῥωμαῖοι δʼ ἀγανακτοῦντες ἐπὶ τῇ συμφορᾷ καὶ τὸν ἕτερον τῶν ὑπάτων Ποστόμιον ἐν αἰτίαις ἔχοντες ἔγνωσαν ἁπάσαις δυνάμεσι στρατεύειν κατὰ τάχος ἐπὶ τὴν Σαβίνων γῆν, τήν τε ἧτταν αἰσχρὰν καὶ ἀνέλπιστον γενομένην ἐπανορθῶσαι προθυμούμενοι, καὶ ἐπὶ τῇ νεωστὶ ἀφικομένῃ παρὰ τῶν πολεμίων πρεσβείᾳ πολλὴν ὕβρις ἐχούσῃ καὶ αὐθάδειαν ἀχθόμενοι.
로마인들은 이 참변에 분개하고 두 집정관 중 한 명인 포스투미우스에게 책임을 물으며, 수치스럽고도 예상치 못하게 일어난 패배를 만회하기를 열망하고, 최근 적들로부터 온 오만무례함으로 가득 찬 사절단에 분노하여, 전 군세를 이끌고 신속히 사비니인의 영토로 원정하기로 결의했다.
§5.45.2ὡς γὰρ δὴ κρατοῦντες ἤδη καὶ δίχα πόνου τὴν Ῥώμην αἱρήσοντες αὐτῶν μὴ βουλομένων τὰ κελευόμενα ποιεῖν, Ταρκυνίοις τε διδόναι τὴν κάθοδον ἐκέλευον καὶ τῆς ἡγεμονίας σφίσι παραχωρεῖν πολιτείαν τε καταστήσασθαι καὶ νόμους, οὓς ἂν οἱ κεκρατηκότες τάξωσιν.
왜냐하면 사비니인들은 마치 자신들이 이미 승리자이며, 로마인들이 명령받은 바를 행하려 하지 않는다면 힘들이지 않고 로마를 함락시킬 것처럼, 타르퀴니우스 가문의 복귀를 허용하고 자신들에게 주도권을 양도하며 승리자들이 규정할 정체와 법률을 수립하라고 명령했기 때문이다.
ἀποκρινάμενοι δὲ τοῖς πρεσβευταῖς ἀπαγγέλλειν πρὸς τὸ κοινόν, ὅτι Ῥωμαῖοι κελεύουσι Σαβίνους ὅπλα τʼ ἀποθέσθαι καὶ παραδοῦναι σφίσι τὰς πόλεις ὑπηκόους τʼ εἶναι πάλιν, ὥσπερ πρότερον ἦσαν, ταῦτα δὲ ποιήσαντας ἥκειν τότε περὶ ὧν ἠδίκησαν ἢ κατέβλαψαν αὐτοὺς ἐν ταῖς πρότερον εἰσβολαῖς δεησομένους, εἰ βούλονται τυχεῖν εἰρήνης καὶ φιλίας·
로마인들은 사절들에게 그들의 국가에 이렇게 전하라고 답했다. "로마인들은 사비니인들에게 무기를 내려놓고 자신들에게 도시들을 인도하며 이전처럼 다시 복속될 것을 명령한다. 그리고 이를 이행한 뒤에, 만약 평화와 우호를 얻고자 한다면, 이전의 침입에서 자신들에게 가한 불의와 피해에 대해 간청하기 위해 그때 찾아와야 할 것이다.
ἐὰν δὲ μὴ ποιῶσι τὰ κελευόμενα προσδέχεσθαι τὸν πόλεμον ἥξοντα ἐπὶ τὰς πόλεις αὐτῶν οὐκ εἰς μακράν. §5.45.3τοιαῦτα ἐπιταχθέντες τε καὶ ἐπιτάξαντες ἀλλήλοις, ἐπειδὴ πᾶσιν ἐξηρτύσαντο τοῖς εἰς τὸν ἀγῶνα ἐπιτηδείοις, ἐξῆγον τὰς δυνάμεις, Σαβῖνοί τε τὴν κρατίστην ἐξ ἁπάσης πόλεως νεότητα ὅπλοις ἐκπρεπέσι κεκοσμημένην ἐπαγόμενοι, Ῥωμαῖοί τε πᾶσαν τὴν δύναμιν τήν τε κατὰ πόλιν καὶ τὴν ἐν τοῖς φρουρίοις ἀναλαβόντες, ἱκανοὺς οἰόμενοι τοὺς ὑπὲρ τὴν στρατεύσιμον ἡλικίαν γεγονότας καὶ τὸν οἰκετικὸν ὄχλον τήν τε πόλιν καὶ τὰ ἐπὶ τῆς χώρας ἐρύματα φυλάττειν.
만약 명령받은 바를 행하지 않는다면, 머지않아 자신들의 도시들로 전쟁이 닥쳐올 것을 각오하라." 이러한 요구를 서로 주고받은 그들은 전투에 필요한 모든 준비를 마치자 군대를 출동시켰다. 사비니인들은 모든 도시에서 선발된, 훌륭한 무기로 무장한 정예 청년들을 이끌고 나왔고, 로마인들은 시내의 군세와 요새의 군세를 모두 데려갔는데, 군역 연령을 넘긴 이들과 노예 무리만으로도 시내와 지방의 요새들을 지키기에 충분하다고 여겼기 때문이다.
§5.45.4καὶ συνελθόντες ὁμόσε τίθενται τοὺς χάρακας ἀμφότεροι μικρὸν ἀπέχοντας ἀλλήλων Ἠρήτου πόλεως, ἣ τοῦ Σαβίνων ἐστὶν ἔθνους, οὐ πρόσω.
그리하여 그들은 서로 가까이 나아가, 사비니 부족의 도시인 에레툼에서 멀지 않은 곳에 서로 약간의 거리를 두고 진을 쳤다.