§5.39.1ἀγῶνος δὲ καρτεροῦ γενομένου καὶ τοῦ δεξιοῦ τῶν Ῥωμαίων κέρατος, ἔνθα ἦν ὁ ὕπατος, ἐπιβαίνοντος τοῖς ἐναντίοις καὶ προσωτέρω χωροῦντος, τοῦ δʼ εὐωνύμου κάμνοντος ἤδη καὶ πρὸς τῶν πολεμίων ἐπὶ τὸν ποταμὸν ἐξωθουμένου, μαθὼν τὸ γινόμενον ὁ τὴν ἑτέραν τῶν Ῥωμαίων παρεμβολὴν κατέχων ὕπατος ἐξῆγε τὴν στρατιάν.
치열한 전투가 벌어져 집정관이 있던 로마군의 우익은 적을 압박하며 더 앞으로 나아가고 있었으나, 좌익은 이미 지쳐서 적들에게 밀려 강 쪽으로 쫓기고 있었다. 이 상황을 알게 된 로마의 다른 쪽 진영을 지휘하던 집정관이 군대를 이끌고 나왔다.
§5.39.2αὐτὸς μὲν οὖν τὴν φάλαγγα τῶν πεζῶν ἐπαγόμενος βάδην ἠκολούθει· τῶν δὲ πρεσβυτέρων Σπόριον Λάρκιον τὸν ὑπατεύσαντα τῷ παρελθόντι ἐνιαυτῷ τοὺς ἱππεῖς ἄγοντα πέμπει κατὰ σπουδήν·
그 자신은 보병 방진을 이끌고 걸어서 뒤따랐으며, 원로들 중에서 지난 장교이자 작년에 집정관을 지낸 스푸리우스 라르키우스를 기병을 이끌고 가도록 급히 파견했다.
ὃς ἀπὸ ῥυτῆρος τοὺς ἵππους ἐλαύνων τόν τε ποταμὸν διαπεραιοῦται κωλύοντος οὐδενὸς εὐπετῶς καὶ κατὰ τὸ δεξιὸν τῶν πολεμίων κέρας παριππεύσας, ἐνσείει πλαγίοις τοῖς ἱππεῦσι τῶν Σαβίνων·
그는 고삐를 늦추고 말을 몰아 아무런 방해도 받지 않고 쉽게 강을 건넜고, 적의 우익 옆을 달려 지나가 사비니인들의 기병에게 측면에서 돌격했다.
καὶ γίνεται μέγας αὐτόθι τῶν ἱππέων ἀμφοτέρων συστάδην μαχομένων ἐπὶ χρόνον πολὺν ἀγών.
그리하여 그곳에서 양측 기병이 오랫동안 백병전으로 맞붙어 싸우는 큰 전투가 벌어졌다.
§5.39.3ἐν δὲ τούτῳ καὶ ὁ Ποστόμιος τοὺς πεζοὺς ἄγων πλησίον αὐτῶν ἐγίνετο·
그사이에 포스투미우스도 보병을 이끌고 그들 가까이에 도달했다.
καὶ συρράξας τοῖς πεζοῖς ἀποκτείνει τε πολλοὺς μαχομένους καὶ τοὺς λοιποὺς ἐξωθεῖ τῆς τάξεως.
그리고 적의 보병과 격돌하여 싸우고 있던 많은 이를 죽이고 나머지를 대열 밖으로 몰아냈다.
εἰ δὲ μὴ νὺξ ἐπέλαβεν, ἅπαντες ἂν οἱ Σαβῖνοι κυκλωθέντες ὑπὸ τῶν Ῥωμαίων ἱπποκρατούντων ἤδη πανσυδὶ διεφθάρησαν.
만약 밤이 찾아오지 않았다면, 이미 기병전에서 승기를 잡은 로마군에게 포위되어 사비니인들은 모두 남김없이 전멸당했을 것이다.
νῦν δὲ τὸ σκότος τοὺς διαφυγόντας ἐκ τῆς μάχης ὄντας ἀνόπλους καὶ οὐ πολλοὺς ἐρρύσατο καὶ διέσωσεν ἐπὶ τὰ οἰκεῖα.
그러나 실제로는 어둠이 전투에서 도망쳐 무기도 없고 수도 많지 않았던 이들을 구하여 그들의 집으로 무사히 돌아가게 해주었다.
τῆς δὲ παρεμβολῆς αὐτῶν οἱ ὕπατοι χωρὶς ἀγῶνος ἐκράτησαν ἐκλειφθείσης ὑπὸ τῶν ἔνδον ἅμα τῷ θεάσασθαι τὴν τροπὴν τῶν σφετέρων·
또한 집정관들은 그들의 진영을 아무런 저항 없이 차지했는데, 진영 안에 있던 자들이 자신들의 군대가 패주하는 것을 보자마자 진영을 포기했기 때문이다.
ἐξ ἧς πολλὰς ὠφελείας λαβόντες, ἃς τοῖς στρατιώταις ἄγειν τε καὶ φέρειν ἐπέτρεψαν, §5.39.4ἀπῆγον ἐπʼ οἴκου τὰς δυνάμεις.
그곳에서 많은 전리품을 얻은 집정관들은 군사들에게 그것을 약탈하도록 허락한 뒤, 군대를 고향으로 데려갔다.
τότε πρῶτον ἡ πόλις ἀναλαβοῦσα ἑαυτὴν ἐκ τοῦ Τυρρηνικοῦ πταίσματος εἰς τὸ ἐξ ἀρχῆς ἀποκατέστη φρόνημα, καὶ τῆς ἡγεμονίας τῶν περιοίκων ὡς πρότερον ἐθάρρησεν ἀντιποιεῖσθαι, καὶ ψηφίζεται κοινῇ μὲν ἀμφοτέροις τοῖς ὑπάτοις θριάμβου καταγωγήν, ἰδίᾳ δὲ θατέρῳ τῶν ἀνδρῶν Οὐαλερίῳ δωρεὰν τόπον εἰς οἴκησιν ἐν τῷ κρατίστῳ τοῦ Παλλαντίου δοθῆναι, καὶ τὰς εἰς τὴν κατασκευὴν δαπάνας ἐκ τοῦ δημοσίου χορηγεῖσθαι.
그때 비로소 로마는 에트루리아에서의 패배에서 벗어나 스스로를 추스르고 원래의 기개를 되찾았으며, 이전처럼 주변 세력에 대한 패권을 주장할 용기를 냈다. 그리고 공동으로 두 집정관 모두에게 개선식의 거행을 가결했고, 개별적으로는 두 인물 중 한 명인 발레리우스에게 집을 지을 수 있는 부지를 팔라티움 언덕의 가장 좋은 곳에 선물로 주도록 하였으며, 그 건축 비용은 국고에서 지원하기로 의결했다.
ταύτης τῆς οἰκίας, παρʼ ἣν ὁ χαλκοῦς ἕστηκε ταῦρος, αἱ κλισιάδες θύραι μόναι τῶν ἐν τῇ Ῥώμῃ δημοσίων τε καὶ ἰδιωτικῶν οἴκων εἰς τὸ ἔξω μέρος ἀνοίγονται.
이 집의 옆에는 청동 황소상이 서 있는데, 이 집의 양개형 문만은 로마의 모든 공공 및 사가 중에서 유일하게 바깥쪽으로 열리게 되어 있다.