§5.21.1Ποπλίου δὲ Οὐαλερίου τοῦ προσαγορευθέντος Ποπλικόλα τὸ τρίτον ἐπὶ τὴν αὐτὴν ἀποδειχθέντος ἀρχὴν καὶ σὺν αὐτῷ Μάρκου Ὁρατίου Πολβίλλου τὸ δεύτερον βασιλεὺς Κλουσινῶν τῶν ἐν Τυρρηνίᾳ Λάρος ὄνομα, Πορσίνας ἐπίκλησιν, καταφυγόντων ἐπʼ αὐτὸν Ταρκυνίων, ὑποσχόμενος αὐτοῖς δυεῖν θάτερον ἢ διαλλάξειν αὐτοὺς πρὸς τοὺς πολίτας ἐπὶ καθόδῳ καὶ ἀναλήψει τῆς ἀρχῆς ἢ τὰς οὐσίας ἀνακομισάμενος, ἃς ἀφῃρέθησαν, ἀποδώσειν, ἐπειδὴ πρέσβεις ἀποστείλας εἰς τὴν Ῥώμην ἐν τῷ παρελθόντι ἐνιαυτῷ μεμιγμένας ἀπειλαῖς ἐπικλήσεις κομίζοντας οὔτε διαλλαγὰς εὕρετο τοῖς ἀνδράσι καὶ κάθοδον, αἰτιωμένης τῆς βουλῆς τὰς ἀρὰς καὶ τοὺς ὅρκους τοὺς γενομένους κατʼ αὐτῶν, οὔτε τὰς οὐσίας ἀνεπράξατο αὐτοῖς, τῶν διανειμαμένων καὶ κατακληρουχησάντων αὐτὰς οὐκ ἀξιούντων ἀποδιδόναι· §5.21.2ὑβρίζεσθαι φήσας ὑπὸ Ῥωμαίων καὶ δεινὰ πάσχειν, ὅτι τῶν ἀξιουμένων οὐδετέρου παρʼ αὐτῶν ἔτυχεν, ἀνὴρ αὐθάδης καὶ διεφθαρμένος τὴν γνώμην ὑπό τε πλούτου καὶ χρημάτων καὶ ἀρχῆς μεγέθους, ἀφορμὰς ὑπέλαβεν ἔχειν καλὰς καταλῦσαι τὴν Ῥωμαίων ἀρχὴν παλαίτερον ἔτι τοῦτο βουλόμενος καὶ προεῖπεν αὐτοῖς τὸν πόλεμον.
포플리콜라라 불리는 푸블리우스 우알레리우스가 세 번째로, 그리고 그와 함께 마르쿠스 호라티우스 풀빌루스가 두 번째로 동일한 관직에 임명되었을 때, 튀레니아의 클루시움 왕으로 이름은 라르스, 별칭은 포르세나인 자가, 타르쿠이니우스 가문 사람들이 그에게 망명해 오자, 그들에게 두 가지 중 하나, 즉 그들을 시민들과 화해시켜 귀환과 권력 회복을 이루어 주거나, 혹은 그들이 빼앗긴 재산을 회복하여 돌려주겠다고 약속했다. 그러나 그가 지난 해에 로마로 협박이 섞인 탄원을 전달하는 사절들을 파견했음에도 불구하고, 원로원이 그들에 대해 맹세한 저주와 서약들을 이유로 들었기 때문에 그들을 위한 화해와 귀환을 얻어내지 못했고, 또한 그 재산들을 나누어 갖고 분배받은 자들이 그것들을 반환하는 것을 마땅치 않게 여겼기 때문에 그들을 위해 재산을 찾아주지도 못했으므로, 그는 로마인들에게 모욕을 당하고 부당한 대우를 받고 있다고 주장하며(그가 요구한 두 가지 중 어느 것도 그들로부터 얻어내지 못했기 때문에), 부와 재산 및 거대한 권력으로 인해 오만해지고 판단력을 상실한 자였던 그는, 로마의 지배를 타도할 좋은 명분을 얻었다고 생각했고(전부터 이미 이것을 원하고 있었는데), 그들에게 전쟁을 선포했다.
§5.21.3συνῄρετο δʼ αὐτῷ τοῦ πολέμου πᾶσαν προθυμίαν ἀποδεῖξαι βουλόμενος ὁ Ταρκυνίου γαμβρὸς Ὀκταούιος Μαμίλιος, ἐκ πόλεως ὁρμώμενος Τύσκλου, Καμερίνους μὲν καὶ Ἀντεμνάτας, οἳ τοῦ Λατίνων μετεῖχον γένους, ἅπαντας ἐπαγόμενος ἀφεστηκότας ἤδη Ῥωμαίων ἐκ τοῦ φανεροῦ·
투스쿨룸 도시 출신인 타르쿠이니우스의 사위 옥타우이우스 마밀리우스가 전쟁에서 온갖 열의를 보여주고자 그와 동참하였는데, 그는 이미 로마인들로부터 공개적으로 떨어져 나간 라티움 종족에 속한 카메리누스인들과 안템나에인들 모두를 자기 편으로 끌어들였다.
παρὰ δὲ τῶν ἄλλων ὁμοεθνῶν, οἷς οὐκ ἦν βουλομένοις πολεμεῖν ἀναφανδὸν ἐνσπόνδῳ τε καὶ μεγάλην ἰσχὺν ἐχούσῃ πόλει διὰ προφάσεις οὐκ ἀναγκαίας, ἐθελοντὰς συχνοὺς ἰδίᾳ πεπεικὼς χάριτι.
반면에, 다른 동족들 중에서, 불필요한 구실 때문에 동맹 관계이자 거대한 힘을 가진 도시와 공공연히 전쟁을 벌이기를 원치 않는 자들에게는, 개인적인 친분으로써 많은 자원자들을 사적으로 설득해 놓았다.