§5.2.1ὡς δὲ κατεστήσαντο ταῦτα, δείσαντες, ὡς ἐμοὶ δοκεῖ, μὴ δόξα τοῖς πολλοῖς ἐγγένηται περὶ τῆς καινῆς πολιτείας οὐκ ἀληθής, ὅτι δύο βασιλεῖς κύριοι γεγόνασι τῆς πόλεως ἀνθʼ ἑνὸς ἑκατέρου τῶν ὑπάτων τοὺς δώδεκα πελέκεις ἔχοντος, ὥσπερ εἶχον οἱ βασιλεῖς, ἔκριναν τό τε δέος ἀφελέσθαι τῶν πολιτῶν καὶ τῆς ἐξουσίας μειῶσαι τὸν φθόνον, τοῦ μὲν ἑτέρου τῶν ὑπάτων τοὺς δώδεκα κατατάξαντες προηγεῖσθαι πελέκεις, τοῦ δʼ ἑτέρου δώδεκα ὑπηρέτας ῥάβδους ἔχοντας μόνον, ὡς δέ τινες ἱστοροῦσι, καὶ κορύνας, γίνεσθαι δὲ τῶν πελέκεων τὴν παράληψιν ἐκ περιτροπῆς ἕνα μῆνα κατέχοντος αὐτοὺς ἑκατέρου παραλλάξ.
이러한 일들을 확립한 뒤, 내가 보기에 그들은 새로운 국정에 관해 대중들 사이에 잘못된 생각이 생겨날 것을 두려워했으니, 곧 집정관들이 각자 예전의 왕들이 가졌던 것처럼 열두 개의 도끼를 가짐으로써 한 명 대신 두 명의 왕이 도시의 주인이 되었다고 여길까 염려한 것이었다. 그리하여 그들은 시민들의 공포를 덜어주고 그 권력에 대한 시기심을 줄하기로 결정했다. 즉, 한쪽 집정관 앞에는 열두 개의 도끼가 앞장서서 가도록 정하고, 다른 쪽 집정관에게는 단지 지팡이만—몇몇 기록에 따르면 곤봉도—가진 열두 명의 부하들만을 따르게 했으며, 도끼의 인수는 교대로 이루어지되 각자가 한 달씩 번갈아 가며 그것들을 소유하도록 했다.
§5.2.2τοῦτο δὴ τὸ πολίτευμα καταστησάμενοι καὶ ἄλλα τούτοις παραπλήσια οὐκ ὀλίγα πρόθυμον ἐποίησαν εἰς τὴν διαμονὴν τῶν πραγμάτων τὸν δημότην καὶ ταπεινὸν ὄχλον καὶ γὰρ τοὺς νόμους τοὺς περὶ τῶν συμβολαίων τοὺς ὑπὸ Τυλλίου γραφέντας φιλανθρώπους καὶ δημοτικοὺς εἶναι δοκοῦντας, οὓς ἅπαντας κατέλυσε Ταρκύνιος, ἀνενεώσαντο καὶ τὰς θυσίας τάς τε κατὰ πόλιν καὶ τὰς ἐπὶ τῶν ἀγρῶν, ἃς ἐποιοῦντο κοινῶς συνιόντες οἱ δημόται τε καὶ οἱ φυλέται, πάλιν προσέταξαν ἐπιτελεῖσθαι, ὡς ἐπὶ Τυλλίου συνετελοῦντο·
그들은 이 제도와 이와 유사한 적지 않은 다른 일들을 확립함으로써, 평민과 비천한 대중을 현 체제의 유지에 열성적이게 만들었다. 왜냐하면 툴리우스에 의해 성문화되어 인도주의적이고 민주적인 것으로 여겨졌으나 타르퀴니우스가 모두 폐지해 버렸던 계약에 관한 법률들을 그들이 부활시켰고, 또한 평민들과 부족민들이 공동으로 모여 거행하던 도성 안과 들판에서의 희생제들을 툴리우스 시절에 거행되던 방식대로 다시 치르도록 명령했기 때문이다.
ἐκκλησιάζειν τʼ αὐτοῖς ἀπέδοσαν ὑπὲρ τῶν μεγίστων καὶ ψῆφον ἐπιφέρειν καὶ τἆλλα πράττειν, ὅσα κατὰ τοὺς προτέρους ἐθισμοὺς ἔπραττον.
또한 그들은 대중에게 가장 중대한 일들에 관해 민회를 열고 표결권을 행사하며, 이전의 관습에 따라 행하던 다른 모든 일들을 행할 권리를 돌려주었다.
§5.2.3τοῖς μὲν οὖν πολλοῖς καθʼ ἡδονὴν τὰ γινόμενα ὑπʼ αὐτῶν ἦν ἐκ πολυχρονίου δουλείας εἰς ἀνέλπιστον ἀφιγμένοις ἐλευθερίαν, εὑρέθησαν δέ τινες ἐξ αὐτῶν ὅμως, οἷς πόθος ἦν τῶν ἐν τυραννίδι κακῶν διʼ εὐήθειαν ἢ διὰ πλεονεξίαν, ἄνδρες οὐκ ἀφανεῖς, οἳ συνώμοσαν ἐπὶ προδοσίᾳ τῆς πόλεως Ταρκύνιόν τε καταδέξασθαι συνθέμενοι καὶ τοὺς ὑπάτους ἀποκτεῖναι.
그리하여 오랜 예속에서 벗어나 뜻밖의 자유를 얻게 된 많은 대중에게는 그들에 의해 행해진 일들이 마음에 드는 것이었다. 하지만 그들 중에서도 어리석음이나 탐욕 때문에 참주정하에서의 해악을 그리워하는 자들이 있었으니, 이들은 신분이 미천하지 않은 인물들로서 도시를 배반할 음모를 꾸미고 타르퀴니우스를 다시 받아들이며 집정관들을 살해하기로 합의했다.
ἡγεμόνες δʼ αὐτῶν οἵτινες ἐγένοντο καὶ διʼ οἵας ἐξηλέγχθησαν ἀνελπίστου συντυχίας καίτοι πάντας ἀνθρώπους λεληθέναι δοκοῦντες, μικρὰ τῶν ἔμπροσθεν γενομένων ἀναλαβὼν λέξω.
그들의 지도자들이 누구였는지, 그리고 모든 사람의 눈을 피했다고 생각했음에도 불구하고 어떤 뜻밖의 일로 인해 탄로 나게 되었는지는, 그 이전에 일어난 일들을 조금 거슬러 올라가 설명하도록 하겠다.