§4.71.1ταῦτʼ εἰπὼν ἐκάλει καὶ τοὺς ἄλλους ἅπαντας ἐπὶ τὸν αὐτὸν ὅρκον·
이 말을 마치고 그는 다른 사람들 모두에게도 똑같은 맹세를 하도록 청했다.
οἱ δʼ οὐδὲν ἔτι ἐνδοιάσαντες ἀνίσταντο καὶ τὸ ξίφος δεχόμενοι παρʼ ἀλλήλων ὤμνυον.
그들은 더 이상 아무런 망설임 없이 일어서서, 서로 검을 건네받으며 맹세했다.
γενομένων δὲ τῶν ὁρκωμοσιῶν μετὰ τοῦτʼ εὐθὺς ἐζήτουν, τίς ὁ τῆς ἐπιχειρήσεως ἔσται τρόπος.
서약이 이루어지자, 그 직후에 그들은 어떻게 거사를 실행할 것인지 그 방법을 모색했다.
καὶ ὁ Βροῦτος αὐτοῖς ὑποτίθεται τοιάδε·
그러자 브루투스는 그들에게 다음과 같이 제안했다.
πρῶτον μὲν διὰ φυλακῆς τὰς πύλας ἔχωμεν, ἵνα μηδὲν τῶν ἐν τῇ πόλει λεγομένων τε καὶ πραττομένων κατὰ τῆς τυραννίδος αἴσθηται Ταρκύνιος, πρὶν ἢ τὰ παρʼ ἡμῶν εὐτρεπῆ §4.71.2γενέσθαι.
"첫째로, 우리의 준비가 완료되기 전에 참주정에 반대하여 성 안에서 말해지고 행해지는 일들을 타르쿠이니우스가 전혀 알아차리지 못하도록 성문을 경비 하에 둡시다.
ἔπειτα κομίσαντες τὸ σῶμα τῆς γυναικὸς ὡς ἔστιν αἵματι πεφυρμένον εἰς τὴν ἀγορὰν καὶ προθέντες ἐν φανερῷ συγκαλῶμεν τὸν δῆμον εἰς ἐκκλησίαν.
다음으로, 여인의 시신을 피에 젖은 그대로 광장으로 운반하여 공개적인 자리에 놓아두고, 민중을 민회로 소집합시다.
ὅταν δὲ συνέλθῃ καὶ πλήθουσαν ἴδωμεν τὴν ἀγοράν, προελθὼν Λουκρήτιός τε καὶ Κολλατῖνος ἀποδυράσθωσαν τὰς ἑαυτῶν τύχας ἅπαντα τὰ γενόμενα φράσαντες.
그리고 사람들이 모여들어 광장이 가득 찬 것을 보게 될 때, 루크레티우스와 콜라티누스가 앞으로 나아가 일어난 모든 일을 설명하며 자신들의 불행을 슬피 울부짖도록 합시다.
§4.71.3ἔπειτα τῶν ἄλλων ἕκαστος παριὼν κατηγορείτω τῆς τυραννίδος καὶ τοὺς πολίτας ἐπὶ τὴν ἐλευθερίαν παρακαλείτω.
그다음에 다른 사람들 각자도 단에 나아가 참주정을 규탄하고 시민들에게 자유를 향해 동참할 것을 호소합시다.
ἔσται δὲ πᾶσι Ῥωμαίοις κατʼ εὐχήν, ἐὰν ἴδωσιν ἡμᾶς τοὺς πατρικίους ἄρχοντας τῆς ἐλευθερίας·
만약 우리 귀족들이 자유의 선두에 서서 이끌고 있는 것을 보게 된다면, 그것은 모든 로마인들에게 더할 나위 없는 염원대로 될 것입니다.
πολλὰ γὰρ καὶ δεινὰ πεπόνθασιν ὑπὸ τοῦ τυράννου καὶ μικρᾶς ἀφορμῆς δέονται.
그들은 참주 밑에서 수많은 가혹한 일들을 겪어왔기에, 단지 아주 작은 계기만을 필요로 하고 있기 때문입니다.
ὅταν δὲ λάβωμεν τὸ πλῆθος ὡρμημένον καταλῦσαι τὴν μοναρχίαν ψῆφόν τʼ αὐτοῖς ἀναδῶμεν ὑπὲρ τοῦ μηκέτι Ῥωμαίων Ταρκύνιον ἄρξειν καὶ τὸ περὶ τούτων δόγμα πρὸς τοὺς ἐπὶ στρατοπέδου διαπεμψώμεθα ἐν τάχει.
그리고 민중이 군주정을 타도하려 고무되어 있는 것을 확인했을 때, 타르쿠이니우스가 더 이상 로마인을 지배하지 못하도록 하는 투표를 그들에게 제안하고, 이 일에 관한 결의를 진영에 있는 군대에게 신속히 전달하도록 합시다.
§4.71.4καὶ γὰρ οἱ τὰ ὅπλα ἔχοντες, εἰ μάθοιεν, ὅτι τὰ ἐν τῇ πόλει πάντα τοῖς τυράννοις ἐστὶν ἀλλότρια, πρόθυμοι περὶ τὴν τῆς πατρίδος ἐλευθερίαν γενήσονται οὔτε δωρεαῖς ἔτι κατεχόμενοι ὡς πρότερον οὔτε τὰς ὕβρεις τῶν Ταρκυνίου παίδων τε καὶ κολάκων φέρειν δυνάμενοι.
무기를 쥐고 있는 군인들 역시, 성 안의 모든 상황이 참주들에게 적대적이라는 사실을 알게 된다면 조국의 자유를 위해 기꺼이 나설 것입니다. 그들은 더 이상 이전처럼 하사품에 얽매이지도 않을 것이며, 타르쿠이니우스의 아들들과 아첨꾼들의 오만방자함을 더 이상 견딜 수도 없을 것이기 때문입니다.
§4.71.5ταῦτα λέξαντος αὐτοῦ παραλαβὼν τὸν λόγον Οὐαλέριος, Τὰ μὲν ἄλλα, ἔφησεν, ὀρθῶς ἐπιλογίζεσθαί μοι δοκεῖς, Ἰούνιε·
그가 이 말을 마쳤을 때 발레리우스가 말을 이어받아 말했다. "유니우스여, 다른 점들에 대해서는 당신이 올바르게 판단하고 있는 것으로 보입니다.
περὶ δὲ τῆς ἐκκλησίας ἔτι βούλομαι μαθεῖν, τίς ὁ καλέσων ἔσται αὐτὴν κατὰ νόμους καὶ τὴν ψῆφον ἀναδώσων ταῖς φράτραις.
그러나 민회에 관해서는, 누가 법에 따라 그것을 소집하고 각 쿠리아에 투표를 제안할 것인지 아직 더 알고 싶습니다.
ἄρχοντι γὰρ ἀποδέδοται τοῦτο πράττειν· ἡμῶν δʼ οὐδεὶς οὐδεμίαν ἀρχὴν ἔχει.
이 일을 행하는 것은 정무관에게 위임되어 있는데, 우리 중 누구도 아무런 관직을 가지고 있지 않기 때문입니다." 그러자 그가 말을 받아넘기며 말했다.
ὁ δʼ ὑπολαβών· ἐγώ, φησίν, ὦ Οὐαλέριε.
"발레리우스여, 바로 내가 할 것입니다.
§4.71.6τῶν γὰρ Κελερίων ἄρχων εἰμί, καὶ ἀποδέδοταί μοι κατὰ νόμους ἐκκλησίαν, ὅτε βουλοίμην, συγκαλεῖν.
나는 케레레스의 대장이며, 법에 따라 내가 원할 때는 언제든 민회를 소집할 권한이 나에게 주어져 있기 때문입니다.
ἔδωκε δέ μοι τὴν ἀρχὴν ταύτην ὁ τύραννος μεγίστην οὖσαν ὡς ἠλιθίῳ καὶ οὔτʼ εἰσομένῳ τὴν δύναμιν αὐτῆς οὔτʼ, εἰ γνοίην, χρησομένῳ·
참주는 매우 중대한 이 관직을 나에게 주면서, 나를 그 권능을 알지도 못하고 설령 안다고 해도 그것을 사용하지 못할 바보로 여겼던 것입니다.
καὶ τὸν κατὰ τοῦ τυράννου λόγον πρῶτος ἐγὼ διαθήσομαι.
그리고 참주에 대항하는 연설을 첫 번째로 내가 행할 것입니다."