§4.31.1λέγει πρὸς αὐτὸν ὁ Ταρκύνιος·
타르쿠이니우스가 그에게 말했습니다.
βραχύς ἐστιν ὁ παρʼ ἐμοῦ λόγος, ὦ Τύλλιε, καὶ δίκαιος·
"툴리우스여, 내 말은 간결하고도 정당하오.
καὶ διὰ τοῦτο προειλόμην αὐτὸν εἰς τούτους ἐκφέρειν.
그렇기에 나는 원로원 의원들 앞에서 이 말을 하기로 결정했소.
Ταρκύνιος ἐμὸς ὢν πάππος ἐκτήσατο τὴν Ῥωμαίων ἀρχὴν πολλοὺς καὶ μεγάλους ἀγῶνας ὑπὲρ αὐτῆς ἀράμενος·
나의 할아버지인 타르쿠이니우스는 로마의 지배권을 얻기 위해 수많고 거대한 투쟁을 치렀고, 그것을 획득했소.
ἐκείνου τελευτήσαντος ἐγὼ διάδοχός εἰμι κατὰ τοὺς κοινοὺς ἁπάντων Ἑλλήνων τε καὶ βαρβάρων νόμους·
그분이 돌아가셨을 때, 모든 그리스인과 야만인의 공통된 법에 따라 내가 그분의 후계자요.
καὶ προσήκει μοι καθάπερ καὶ τοῖς ἄλλοις τοῖς διαδεχομένοις τὰ παππῷα, μὴ μόνον τῶν χρημάτων, ἀλλὰ §4.31.2καὶ τῆς βασιλείας αὐτοῦ κληρονομεῖν.
그리고 할아버지의 유산을 물려받는 다른 이들과 마찬가지로, 나 또한 그 재산뿐만 아니라 그분의 왕위까지도 상속받는 것이 마땅하오.
σὺ δὲ τὰ μὲν χρήματα τὰ καταλειφθέντα ὑπʼ αὐτοῦ παραδέδωκάς μοι, τὴν δὲ βασιλείαν ἀποστερεῖς με καὶ τοσοῦτον ἤδη κατέχεις χρόνον, οὐκ ἐκ τοῦ δικαίου λαβών·
그러나 당신은 그분이 남기신 재산은 내게 넘겨주었으나, 왕위는 나에게서 빼앗아 불법적인 방법으로 차지한 채 이토록 오랜 시간 동안 쥐고 있소.
οὔτε γὰρ μεσοβασιλεῖς σε ἀπέδειξαν, οὔτε ἡ βουλὴ ψῆφον ὑπὲρ σοῦ διήνεγκεν, οὔτε ἀρχαιρεσίαις νομίμοις τῆς ἐξουσίας ταύτης ἔτυχες, ὡς ὁ πάππος τε οὑμὸς καὶ πάντες οἱ πρὸ αὐτοῦ γενόμενοι βασιλεῖς·
임시왕(인테르렉스)들이 당신을 지명한 것도 아니고, 원로원이 당신을 위해 표를 던진 것도 아니며, 나의 할아버지나 그 이전의 모든 왕들처럼 합법적인 민회를 통해 이 권력을 얻은 것도 아니기 때문이오.
ἀλλὰ τὸ ἀνέστιον καὶ ἄπορον καὶ πρὸς καταδίκας ἢ χρέα τὴν ἐπιτιμίαν ἀπολωλεκὸς φῦλον, ᾧ τῶν κοινῶν οὐδενὸς ἔμελε, καταμισθοδοτήσας καὶ πάντα τρόπον διαφθείρας, καὶ οὐδὲ τότε μέντοι σαυτῷ πράττειν τὴν δυναστείαν λέγων, ἀλλʼ ἡμῖν φυλάξειν σκηπτόμενος ὀρφανοῖς οὖσι καὶ νηπίοις, ἐπὶ τὰ πράγματα παρῆλθες καὶ πάντων ἀκουόντων ὡμολόγεις, ὅταν ἀνδρωθῶμεν ἡμεῖς, ἐμοὶ §4.31.3παραδώσειν ὄντι πρεσβυτέρῳ τὴν ἀρχήν.
오히려 당신은 판결이나 부채로 인해 시민권을 잃고 공공의 일에는 아무런 관심도 없는, 집 없고 가난한 무리를 돈으로 매수하고 온갖 방법으로 타락시켜 권력을 잡았소. 게다가 그때 당신은 자신을 위해 지배권을 행사하겠다고 말하지 않고, 고아이자 어린아이였던 우리를 위해 그것을 지키겠다고 핑계를 대며 정무에 끼어들었소. 그리고 모든 이들이 듣는 앞에서, 우리가 성인이 되면 연장자인 나에게 지배권을 넘겨주겠다고 약속했소.
ἐχρῆν μὲν οὖν σε, εἰ τὰ δίκαια ποιεῖν ἤθελες, ὅτε μοι τὸν οἶκον τοῦ πάππου παρεδίδους, ἅμα τοῖς χρήμασι καὶ τὴν βασιλείαν ἀποδεδωκέναι παραδείγμασι χρώμενον τοῖς τῶν καλῶν καὶ ἀγαθῶν ἐπιτρόπων ἔργοις, ὅσοι βασιλικοὺς παῖδας ὀρφανοὺς πατέρων παραλαβόντες εἰς ἄνδρας ἐλθοῦσιν ὀρθῶς καὶ δικαίως τὰς πατρῴας καὶ §4.31.4προγονικὰς ἀπέδωκαν ἀρχάς·
그러므로 당신이 정의를 행하고자 했다면, 할아버지의 가문을 내게 넘겨줄 때 재산과 함께 왕위도 돌려주었어야 했소. 아버지를 여의고 고아가 된 왕의 자녀들을 인도하여 그들이 성인이 되었을 때 올바르고 공정하게 부친과 조상 전래의 지배권을 돌려준 훌륭하고 도덕적인 후견인들의 행실을 본보기로 삼았어야 했소.
εἰ δὲ μήπω σοι φρονεῖν τὰ καθήκοντα ἐφαινόμην, ἀλλʼ ἔτι διὰ τὸ νέον τῆς ἡλικίας οὐχ ἱκανὸς εἶναι πόλιν τηλικαύτην διοικεῖν, ὅτʼ εἰς τὴν κρατίστην παρεγενόμην τοῦ σώματος καὶ τῆς φρονήσεως ἀκμὴν τριάκοντα γεγονὼς ἔτη, μετὰ τοῦ γάμου τῆς θυγατρὸς καὶ τὰ τῆς πόλεως ἐγχειρίσαι πράγματα·
하지만 내가 아직 해야 할 도리를 깨닫지 못한 것처럼 당신에게 보였거나, 내 나이가 너무 젊어 이토록 큰 도시를 다스리기에는 아직 부족하다고 여겨졌다면, 내가 서른 살이 되어 육체와 지혜의 가장 전성기에 이르렀을 때, 딸과의 혼인과 함께 도시의 국정 또한 내게 위임했어야 마땅하오.
ταύτην γέ τοι τὴν ἡλικίαν ἔχων καὶ σὺ τόν τʼ οἶκον τὸν ἡμέτερον ἐπιτροπεύειν ἤρξω καὶ τῆς βασιλείας ἐπιμελεῖσθαι.
실로 당신 역시 이 나이였을 때 우리의 가문을 관리하기 시작했고 왕국을 보살피기 시작하지 않았소."