§4.27.1μετὰ τὴν ταρκυνίου τελευτὴν αἱ παραδοῦσαι τὴν ἡγεμονίαν ἐκείνῳ πόλεις οὐκέτι φυλάττειν ἐβούλοντο τὰς ὁμολογίας Τυλλίῳ τʼ οὐκ ἀξιοῦσαι ταπεινῷ κατὰ γένος ὄντι ὑπακούειν, καὶ τὴν διαφορὰν τῶν πατρικίων τὴν πρὸς τὸν ἡγεμόνα γενομένην μεγάλην σφίσιν ὠφέλειαν παρέξειν νομίζουσαι.
타르쿠이니우스가 사망한 후, 그에게 지도권을 인도했던 도시들은 더 이상 협정을 지키고 싶어 하지 않았으니, 가문이 비천한 툴리우스에게 복종하는 것을 수치스럽게 여겼고, 귀족들과 지배자 사이에 발생한 커다란 불화가 자신들에게 큰 이익을 가져다줄 것이라고 생각했기 때문이었습니다.
§4.27.2ἤρξαντο δὲ τῆς ἀποστάσεως οἱ καλούμενοι Οὐιεντανοὶ καὶ τοῖς ἐλθοῦσι παρὰ τοῦ Τυλλίου πρεσβευταῖς ἀπεκρίναντο μηδεμίαν εἶναί σφισι πρὸς ἐκεῖνον μήθʼ ὑπὲρ ἡγεμονίας παραχωρήσεως μήτε περὶ φιλίας καὶ συμμαχίας συνθήκην.
반란은 이른바 베이인들로부터 시작되었는데, 그들은 툴리우스가 보낸 사절들에게 자신들과 그 사이에는 지도권의 양도에 관해서나 우호 및 동맹에 관한 어떠한 조약도 존재하지 않는다고 답변하였습니다.
ἀρξάντων δὲ τούτων Καιρητανοί τʼ ἠκολούθησαν καὶ Ταρκυνιῆται, καὶ τελευτῶσα ἐν ὅπλοις ἦν ἅπασα ἡ Τυρρηνία.
이들이 선동하자 카에레인들과 타르쿠이니인들도 그 뒤를 따랐고, 마침내 에트루리아 전체가 무장 봉기하였습니다.
§4.27.3οὗτος ὁ πόλεμος εἴκοσι διέμεινεν ἔτη συνεχῶς πολεμούμενος εἰσβολάς τε πολλὰς ἀμφοτέρων μεγάλοις στρατεύμασι ποιουμένων εἰς τὴν ἀλλήλων καὶ παρατάξεις ἄλλας ἐπʼ ἄλλαις συνισταμένων.
이 전쟁은 20년 동안 끊임없이 지속되었으며, 양측은 대군을 이끌고 서로의 영토에 수없이 침입하였고 연이은 회전을 치렀습니다.
ἐν ἁπάσαις δὲ ταῖς μάχαις κατορθῶν ὁ Τύλλιος, ὅσαι κατὰ πόλεις τε καὶ πρὸς ὅλον τὸ ἔθνος αὐτῷ συνέστησαν, καὶ τρισὶν ἐπιφανεστάτοις κοσμηθεὶς θριάμβοις τελευτῶν ἠνάγκασε τοὺς οὐκ ἀξιοῦντας ἄρχεσθαι τὸν χαλινὸν ἑκόντας λαβεῖν.
툴리우스는 개별 도시들 및 민족 전체를 상대로 치러진 모든 전투에서 승리를 거두었고, 세 차례의 가장 빛나는 개선식으로 장식되었으며, 마침내 지배받기를 원치 않던 자들이 스스로 고삐를 받아들이도록 강제하였습니다.
§4.27.4εἰκοστῷ δʼ οὖν ἔτει συνελθοῦσαι πάλιν αἱ δώδεκα πόλεις ἐξανηλωμέναι τῷ πολέμῳ τά τε σώματα καὶ τὰ χρήματα γνώμην ἔσχον παραδοῦναι Ῥωμαίοις τὴν ἡγεμονίαν ἐφʼ οἷς πρότερον ἐψηφίσαντο.
그리하여 20년째 되던 해에, 전쟁으로 인적 자원과 재물을 모두 탕진한 12개 도시가 다시 모여, 이전에 결의했던 조건에 따라 로마인들에게 지도권을 넘겨주기록 결의하였습니다.
καὶ παρῆσαν ἀπὸ πάσης πόλεως οἱ προχειρισθέντες σὺν ἱκετηρίαις ἐπιτρέποντες Τυλλίῳ τὰς πόλεις καὶ μηδὲν ἀνήκεστον βουλεῦσαι περὶ αὐτῶν ἀξιοῦντες.
그리고 모든 도시로부터 선출된 대표들이 탄원의 가지를 들고 와서 툴리우스에게 도시들을 위임하며, 자신들에 대해 어떠한 돌이킬 수 없는 처분도 내리지 말아 달라고 간청하였습니다.
§4.27.5Τύλλιος δὲ τῆς μὲν ἀφροσύνης ἕνεκα καὶ τῶν εἰς τοὺς θεοὺς ἀσεβημάτων, οὓς ἐγγυητὰς ποιησάμενοι τῶν ὁμολογιῶν παρέβησαν τὰ συγκείμενα, πολλῶν αὐτοὺς ἔφη τιμωριῶν ἀξίους εἶναι καὶ μεγάλων·
툴리우스는 한편으로는 그들의 어리석음과, 협정의 보증인으로 삼아 놓고 계약을 위반한 신들에 대한 불경의 죄로 인해 그들이 많고도 무거운 벌을 받아 마땅하다고 말했습니다.
τῆς δὲ Ῥωμαίων ἐπιεικείας καὶ μετριότητος, ἐπειδὴ συγγνόντες ἀδικεῖν στέμμασι καὶ λιτανείαις παρῃτοῦντο §4.27.6τὴν ὀργήν, οὐδὲν ἐν τῷ παρόντι ἀτυχήσειν.
그러나 다른 한편으로는, 그들이 잘못을 인정하고 화관과 탄원으로 분노를 달래려 하였기에, 로마인의 관대함과 온건함으로 인해 현재로서는 어떠한 불행도 겪지 않을 것이라고 하였습니다.
ταῦτʼ εἰπὼν καταλύεται τὸν πρὸς αὐτοὺς πόλεμον, ταῖς μὲν ἄλλαις πόλεσιν ἁπλῶς καὶ δίχα ὀργῆς μνησικάκου πολιτεύεσθαί τʼ ἀποδοὺς ὡς πρότερον καὶ τὰ ἴδια καρποῦσθαι, μενούσαις ἐν ταῖς γραφείσαις πρὸς αὐτὰς συνθήκαις ὑπὸ βασιλέως Ταρκυνίου·
이 말을 마친 후 그는 그들과의 전쟁을 끝냈으며, 다른 도시들에는 단순히 그리고 앙심 섞인 분노 없이 이전처럼 자치를 행하고 사유재산을 누리도록 허락해 주었으니, 타르쿠이니우스 왕이 그 도시들과 맺은 조약들을 준수하는 것을 조건으로 하였습니다.
τρεῖς δʼ ἐξ αὐτῶν πόλεις, αἳ προεξανέστησάν τε καὶ τὰς ἄλλας ἐπηγάγοντο κατὰ Ῥωμαίων ἐξενεγκεῖν τὸν πόλεμον, Καιρητανοὺς καὶ Ταρκυνιήτας καὶ Οὐιεντανούς, ἀφαιρέσει χώρας τιμωρησάμενος, ἣν κατεκληρούχησε Ῥωμαίων τοῖς νεωστὶ προσεληλυθόσι πρὸς τὴν πολιτείαν.
하지만 가장 먼저 봉기하여 다른 도시들을 유인해 로마인들을 상대로 전쟁을 일으키게 한 세 도시, 즉 카에레인, 타르쿠이니인, 베이인들에 대해서는 토지 몰수로 처벌하였고, 그 토지를 최근에 로마 시민권을 얻은 이들에게 분배하였습니다.
§4.27.7ταῦτα διαπραξάμενος ἐν εἰρήνῃ τε καὶ κατὰ πολέμους καὶ ναοὺς δύο κατασκευασάμενος Τύχης, ᾗ παρὰ πάντα τὸν βίον ἔδοξεν ἀγαθῇ κεχρῆσθαι, τὸν μὲν ἐν ἀγορᾷ τῇ καλουμένῃ Βοαρίᾳ, τὸν δʼ ἕτερον ἐπὶ ταῖς ἠιόσι τοῦ Τεβέριος, ἣν ἀνδρείαν προσηγόρευσεν, ὡς καὶ νῦν ὑπὸ Ῥωμαίων καλεῖται·
이와 같이 평화로울 때나 전쟁 중에나 여러 일을 완수하고, 평생에 걸쳐 은혜롭게 누렸다고 생각되는 '운명'의 신전을 두 개 건설하였는데, 하나는 이른바 '보아리움'이라 불리는 광장에, 다른 하나는 티베리스강 기슭에 세웠으며, 이를 '안드레이아'(용기)라 명명하였고 이는 지금도 로마인들에 의해 그렇게 불립니다.
ἡλικίας τε προβεβηκὼς ἐπὶ πολὺ καὶ τῆς κατὰ φύσιν τελευτῆς οὐ μακρὰν ἀπέχων, ἐπιβουλευθεὶς ὑπὸ Ταρκυνίου τε τοῦ γαμβροῦ καὶ τῆς ἑαυτοῦ θυγατρὸς ἀποθνήσκει.
그는 고령에 이르러 자연사에 가까워졌을 때, 사위 타르쿠이니우스와 자신의 딸이 꾸민 음모에 걸려 목숨을 잃었습니다.
διηγήσομαι δὲ καὶ τῆς ἐπιβουλῆς τὸν τρόπον μικρὰ τῶν ἔμπροσθεν γενομένων ἀναλαβών.
그 음모의 방식에 대해서도 그전에 일어난 일들을 조금 거슬러 올라가 설명하도록 하겠습니다.