§3.73.1ταύτης δὴ τῆς πείρας ἀποτυχόντες καὶ διαλλαγὰς τῆς ἔχθρας διὰ φίλων εὑρόμενοι μετρίως τὴν ἀγνωμοσύνην αὐτῶν ἐνέγκαντος τοῦ Ταρκυνίου διὰ τὰς ἐκ τοῦ πατρὸς εὐεργεσίας καὶ τὴν μετάνοιαν ἱκανὴν ὑπολαμβάνοντος εἶναι τῆς προπετείας διόρθωσιν ἔτη μὲν τρία διέμειναν ἐν τῇ προσποιήσει τῆς φιλίας·
이 시도에 실패한 그들은 친구들을 통해 적대 관계의 화해를 얻었고, 타르쿠이니우스가 그들 부친으로부터 입은 은혜 덕분에 그들의 배은망덕을 너그럽게 참아주고 그들의 후회가 경솔함에 대한 충분한 교정이 된다고 생각했기에, 3년 동안은 우정을 가장한 채 머물렀다.
ἐπειδὴ δὲ καιρὸν ὑπέλαβον ἐπιτήδειον ἔχειν δόλον ἐπʼ αὐτῷ ῥάπτουσι τοιόνδε·
그러나 마침내 적절한 기회를 얻었다고 생각했을 때, 그들은 왕을 겨냥하여 다음과 같은 음모를 꾸몄다.
§3.73.2νεανίσκους δύο τῶν ἐκ τῆς συνωμοσίας τοὺς τολμηροτάτους ποιμενικαῖς ἐνδύσαντες στολαῖς καὶ δρεπάνοις καθοπλίσαντες ὑλουργοῖς πέμπουσιν ἐπὶ τὴν οἰκίαν τοῦ βασιλέως ἡμέρας μεσούσης διδάξαντες ἃ χρὴ λέγειν τε καὶ πράττειν καὶ τὸν τρόπον τῆς ἐπιθέσεως αὐτοῖς ὑφηγησάμενοι.
그들은 음모 가담자들 중 가장 대담한 청년 두 명에게 목동의 옷을 입히고 나무 베는 큰 낫으로 무장시켜서, 한낮에 왕의 집으로 보냈다. 그들에게 무엇을 말하고 무엇을 해야 할지 미리 가르치고 습격 방식도 일러준 후였다.
οὗτοι πλησίον τῶν βασιλείων γενόμενοι κακῶς τε ἀλλήλους ἔλεγον ὡς ἀδικούμενοι καὶ οὐδὲ τὼ χεῖρε τῶν σωμάτων ἀπείχοντο βοῇ τε μεγάλῃ χρώμενοι τὴν παρὰ τοῦ βασιλέως βοήθειαν ἐκάλουν ἀμφότεροι, παρόντων αὐτοῖς συχνῶν ἐκ τῆς συνωμοσίας, ἀγροίκων δὴ τῷ λόγῳ, συναγανακτούντων τε ἀμφοτέροις καὶ συμμαρτυρούντων.
이들은 왕궁 근처에 이르자, 자신들이 부당한 일을 당한 것처럼 서로를 욕하고 서로의 몸에 손을 대는 것조차 삼가지 않았으며, 큰 소리를 지르며 둘 다 왕에게 도움을 청했다. 그들 곁에는 음모 가담자들 중 다수가 함께하고 있었는데, 명목상으로는 시골뜨기들이었으며, 그들 역시 양쪽 모두에게 동조하여 분개하며 증언을 해 주었다.
§3.73.3ὡς δὲ εἰσκαλέσας αὐτοὺς ὁ βασιλεὺς λέγειν ἐκέλευσεν ὑπὲρ ὧν διεφέροντο, αἰγῶν μὲν ἀμφισβητεῖν ἐσκήπτοντο, κεκραγότες δὲ ἅμα καὶ παθαινόμενοι τὸν ἄγριον τρόπον καὶ μηθὲν εἰς τὸ πρᾶγμα λέγοντες πολὺν ἐκίνησαν ἐξ ἁπάντων γέλωτα.
왕이 그들을 불러들여 무엇에 대해 다투고 있는지 말하라고 명령하자, 그들은 염소를 두고 다투는 체하며, 동시에 큰 소리를 지르고 야만적인 방식으로 격앙된 척 행동하며 사건의 본질에 대해서는 아무것도 말하지 않았기에, 배석한 모든 이들 사이에 큰 웃음을 자아냈다.
ὡς δʼ ἐκ τοῦ καταφρονεῖσθαι καιρὸν ἔδοξαν εἰληφέναι τῆς ἐπιχειρήσεως τὸν ἐπιτήδειον, φέρουσι κατὰ τῆς κεφαλῆς τοῦ βασιλέως πληγὰς τοῖς δρεπάνοις καὶ τοῦτο πράξαντες ἔφευγον ἔξω θυρῶν.
그리고 그들은 업신여김을 당하는 상황 속에서 습격을 실행할 적절한 기회를 잡았다고 생각했을 때, 왕의 머리를 향해 낫으로 일격을 가하고는 이를 행한 뒤 문 밖으로 달아났다.
§3.73.4κραυγῆς δὲ γενομένης ἐπὶ τῷ πάθει καὶ βοηθείας πολλαχόθεν συνδραμούσης οὐ δυνηθέντες διαφυγεῖν συλλαμβάνονται πρὸς τῶν ἐπιδιωξάντων, καὶ μετὰ τοῦτο βασάνοις καταικισθέντες καὶ τοὺς ἀρχηγοὺς τῆς ἐπιβουλῆς ἀναγκασθέντες εἰπεῖν τῆς προσηκούσης τιμωρίας ἔτυχον σὺν χρόνῳ.
이 참변에 비명 소리가 일고 사방에서 구원의 손길이 달려오자, 그들은 달아나지 못하고 추격해 온 자들에게 붙잡혔다. 그리고 그 후 고문으로 혹독한 심문을 당하고 음모의 주동자들을 말하도록 강요받은 뒤, 이윽고 그에 상응하는 형벌을 받게 되었다.