§3.58.1Οὐιεντανοὶ μὲν οὖν ἐξ ἐκείνης τῆς μάχης μεγάλως κακωθέντες οὐκέτι προῄεσαν ἐκ τῆς πόλεως, ἀλλʼ ἠνείχοντο κειρομένην τὴν χώραν ὁρῶντες.
그리하여 베이인들은 그 전투로 큰 타격을 입고 더 이상 성 밖으로 나오지 않았으며, 자신들의 영토가 황폐해지는 것을 보면서도 참아냈다.
βασιλεὺς δὲ Ταρκύνιος τρισὶν εἰσβολαῖς χρησάμενος καὶ τριετῆ χρόνον ἀποστερήσας τοὺς Οὐιεντανοὺς τῶν ἐκ τῆς σφετέρας γῆς ἐπικαρπιῶν, ὡς ἔρημον ἐποίησε τὴν πλείστην καὶ οὐδὲν ἔτι βλάπτειν αὐτὴν εἶχεν, ἐπὶ τὴν Καιρητανῶν πόλιν ἦγε τὴν δύναμιν, ἣ πρότερον μὲν Ἄγυλλα ἐκαλεῖτο Πελασγῶν αὐτὴν κατοικούντων, ὑπὸ δὲ Τυρρηνοῖς γενομένη Καίρητα μετωνομάσθη, εὐδαίμων δʼ ἦν εἰ καί τις ἄλλη τῶν ἐν Τυρρηνίᾳ πόλεων καὶ πολυάνθρωπος·
타르쿠이니우스 왕은 세 차례의 침입을 감행하고 3년 동안 베이인들에게서 그들 영토의 수확물을 빼앗아 그 대부분을 황폐하게 만들어 더 이상 그곳에 입힐 피해가 없게 되자, 카에레인들의 도시로 군대를 이끌었다. 이 도시는 과거 펠라스고이인들이 거주할 때는 아길라로 불렸으나, 에트루리아인들의 지배하에 들어가면서 카에레로 개명되었으며, 에트루리아의 다른 어떤 도시 못지않게 부유하고 인구도 많았다.
§3.58.2ἐξ ἧς στρατιὰ μεγάλη μαχησομένη περὶ τῆς χώρας ἐξῆλθε καὶ πολλοὺς μὲν διαφθείρασα τῶν πολεμίων, πολλῷ δʼ ἔτι πλείους ἀποβαλοῦσα τῶν σφετέρων, εἰς τὴν πόλιν κατέφυγε.
그 도시에서 영토를 지키기 위해 싸우고자 대군이 출격하였으나, 적의 군사를 많이 죽였음에도 자신들의 군사는 그보다 훨씬 더 많이 잃고 성 안으로 도망쳤다.
τῆς δὲ χώρας αὐτῶν οἱ Ῥωμαῖοι κρατοῦντες ἄφθονα πάντα παρεχομένης συχνὰς διέτριψαν ἡμέρας, καὶ ἐπειδὴ καιρὸς ἀπάρσεως ἦν, ἄγοντες ὅσας οἷοί τε ἦσαν ὠφελείας ἀπῄεσαν ἐπʼ οἴκου.
로마인들은 모든 것이 풍부하게 제공되는 그들의 영토를 장악한 채 여러 날을 보냈고, 철수할 때가 되자 가져갈 수 있는 만큼의 전리품을 챙겨 고향으로 돌아갔다.
§3.58.3Ταρκύνιος δʼ ἐπειδὴ τὰ πρὸς Οὐιεντανοὺς ἐχώρησεν αὐτῷ κατὰ νοῦν, ἐπὶ τοὺς ἐν Φιδήνῃ πολεμίους ἐξάγει τὴν στρατιὰν ἐκβαλεῖν τε βουλόμενος τὴν ἐν αὐτῇ φρουρὰν καὶ τοὺς παραδόντας τοῖς Τυρρηνοῖς τὰ τείχη τιμωρήσασθαι προθυμούμενος.
타르쿠이니우스는 베이인들에 대한 일이 자신의 뜻대로 풀리자 피데나에의 적들을 향해 군대를 이끌고 나아갔는데, 이는 성 안의 수비대를 몰아내고 에트루리아인들에게 성벽을 넘겨준 자들을 처벌하기를 열망했기 때문이다.
ἐγένετο μὲν οὖν καὶ ἐκ παρατάξεως μάχη τοῖς Ῥωμαίοις πρὸς τοὺς ἐκ τῆς πόλεως ἐξελθόντας καὶ ἐν ταῖς τειχομαχίαις ἀγὼν καρτερός.
그리하여 성에서 나온 자들과 로마인들 사이에 회전도 벌어졌고, 성벽을 둘러싼 공방전에서도 격렬한 싸움이 일어났다.
§3.58.4ἑάλω δʼ οὖν ἡ πόλις κατὰ κράτος, καὶ οἱ μὲν φρουροὶ δεθέντες ἅμα τοῖς ἄλλοις τῶν Τυρρηνῶν αἰχμαλώτοις ἦσαν ἐν φυλακῇ, Φιδηναίων δὲ οἱ δοκοῦντες αἴτιοι γεγονέναι τῆς ἀποστάσεως οἱ μὲν ὑπὸ μαστίγων αἰκισθέντες ἐν τῷ φανερῷ τοὺς αὐχένας ἀπεκόπησαν, οἱ δὲ φυγαῖς ἐζημιώθησαν ἀιδίοις·
결국 성은 무력으로 함락되었고, 수비대는 포박되어 다른 에트루리아인 포로들과 함께 감옥에 갇혔다. 피데나에인들 중 반란의 원인을 제공한 것으로 여겨진 자들은, 일부는 공개적으로 매질을 당해 고문을 겪은 뒤 목이 베였고, 다른 이들은 영구 추방형에 처해졌다.
τὰς δὲ οὐσίας αὐτῶν διέλαχον οἱ καταλειφθέντες Ῥωμαίων ἔποικοί τε καὶ φρουροὶ τῆς πόλεως.
그리고 그들의 재산은 성의 정착민이자 수비대로 남겨진 로마인들에게 분배되었다.