§2.31.1ταῦτα δὲ γενέσθαι τινὲς μὲν γράφουσι κατὰ τὸν πρῶτον ἐνιαυτὸν τῆς Ῥωμύλου ἀρχῆς, Γναῖος δὲ Γέλλιος κατὰ τὸν τέταρτον· ὃ καὶ μᾶλλον εἰκός.
이 사건들이 일어난 연대에 대해 어떤 이들은 로물루스 치세의 첫해였다고 기록하지만, 그나이우스 겔리우스는 넷째 해였다고 기록하는데, 이것이 더 그럴듯하다.
νέον γὰρ οἰκιζομένης πόλεως ἡγεμόνα πρὶν ἢ καταστήσασθαι τὴν πολιτείαν ἔργῳ τηλικούτῳ ἐπιχειρεῖν οὐκ ἔχει λόγον.
새롭게 건설되는 도시의 지도자가 국제를 정비하기 전에 이토록 중대한 사업에 착수하는 것은 이치에 맞지 않기 때문이다.
τῆς δὲ ἁρπαγῆς τὴν αἰτίαν οἱ μὲν εἰς σπάνιν γυναικῶν ἀναφέρουσιν, οἱ δʼ εἰς ἀφορμὴν πολέμου, οἱ δὲ τὰ πιθανώτατα γράφοντες, οἷς κἀγὼ συγκατεθέμην, εἰς τὸ συνάψαι φιλότητα πρὸς τὰς πλησιοχώρους πόλεις ἀναγκαίαν.
약탈의 원인에 대해 어떤 이들은 여성의 부족으로 돌리고, 다른 이들은 전쟁의 구실로 돌리지만, 가장 설득력 있는 글을 쓰는 이들, 그리고 나 자신도 동의하는 이들은 이웃 도시들과 필수적인 우호 관계를 맺기 위한 것으로 돌린다.
§2.31.2τὴν δὲ τότε ὑπὸ Ῥωμύλου καθιερωθεῖσαν ἑορτὴν ἔτι καὶ εἰς ἐμὲ ἄγοντες Ῥωμαῖοι διετέλουν Κωνσουάλια καλοῦντες, ἐν ᾗ βωμός τε ὑπόγειος ἱδρυμένος παρὰ τῷ μεγίστῳ τῶν ἱπποδρόμων περισκαφείσης τῆς γῆς θυσίαις τε καὶ ὑπερπύροις ἀπαρχαῖς γεραίρεται, καὶ δρόμος ἵππων ζευκτῶν τε καὶ ἀζεύκτων ἐπιτελεῖται.
당시 로물루스에 의해 제정된 축제를 로마인들은 내 시대에 이르기까지 '콘수알리아'라고 부르며 계속해서 거행해 오고 있다. 이 축제에서는 가장 큰 전차 경기장 옆에 마련된 지하 제단이 흙을 파헤친 후에 희생 제물과 불로 태운 첫 수확물로 숭배받으며, 멍에를 멘 말과 멍에를 메지 않은 말들의 경주가 거행된다.
καλεῖται δὲ ὁ θεός, ᾧ ταῦτʼ ἐπιτελοῦσι, Κῶνσος ὑπὸ Ῥωμαίων, ὃν ἐξερμηνεύοντες εἰς τὴν ἡμετέραν γλῶτταν Ποσειδῶνα σεισίχθονά φασιν εἶναί τινες καὶ διὰ τοῦτο ὑπογείῳ τετιμῆσθαι βωμῷ λέγουσιν, ὅτι τὴν γῆν ὁ θεὸς οὗτος ἔχει.
그들이 이 의식을 거행하는 신은 로마인들에 의해 '콘수스'라고 불리는데, 어떤 이들은 이 신을 우리 언어로 번역하여 '대지를 흔드는 포세이돈'이라고 말하며, 이 신이 대지를 지배하고 있기 때문에 지하 제단으로 숭배받는 것이라고 말한다.
§2.31.3ἐγὼ δὲ καὶ ἕτερον οἶδα λόγον ἀκούων, ὡς τῆς μὲν ἑορτῆς τῷ Ποσειδῶνι ἀγομένης καὶ τοῦ δρόμου τῶν ἵππων τούτῳ τῷ θεῷ γινομένου, τοῦ δὲ καταγείου βωμοῦ δαίμονι ἀρρήτῳ τινὶ βουλευμάτων κρυφίων ἡγεμόνι καὶ φύλακι κατασκευασθέντος ὕστερον·
그러나 나는 축제는 포세이돈을 위해 거행되고 말들의 경주도 이 신을 위해 치러지는 한편, 지하 제단은 비밀스러운 계획의 인도자이자 수호자인 어떤 말할 수 없는 정령을 위해 나중에 만들어진 것이라는 또 다른 이야기를 들어 알고 있다.
Ποσειδῶνι γὰρ ἀφανῆ βωμὸν οὐδαμόθι γῆς οὔθʼ ὑφʼ Ἑλλήνων οὔθʼ ὑπὸ βαρβάρων καθιδρῦσθαι·
왜냐하면 그리스인들에 의해서든 이방인들에 의해서든, 포세이돈을 위해 보이지 않는 제단이 지상 어디에도 세워진 적이 없기 때문이다.
τὸ δʼ ἀληθὲς ὅπως ἔχει χαλεπὸν εἰπεῖν.
그러나 진실이 어떠한지는 말하기 어렵다.