§19.15.1παυσαμένου δʼ αὐτοῦ μικρὸν ἐπισχὼν ὁ Φαβρίκιος εἶπε·
그가 말을 마치자 파브리키우스는 잠시 뜸을 들인 뒤에 이렇게 말했다.
περὶ μὲν τῆς ἀρετῆς, ἥτις ἐστὶ περὶ ἡμᾶς ἢ κατὰ τὰς κοινὰς πράξεις ἢ κατὰ τὸν ἴδιον βίον, οὐδὲν ἐμὲ δεῖ ἐπʼ ἐμαυτοῦ λέγειν, ἐπειδὴ πέπυσαι παρʼ ἑτέρων·
“공적인 활동에서든 사사로운 생활에서든 저에게 깃들어 있는 미덕에 관해서는, 귀하께서 이미 다른 이들로부터 들으셨으니 제가 저 자신에 대해 말할 필요가 전혀 없습니다.
οὐδέ γε περὶ τῆς πενίας, ὅτι μοι γήδιον μικρόν ἐστι κομιδῆ καὶ φαῦλον οἰκίδιον καὶ οὔτʼ ἀπὸ δανεισμάτων οὔτʼ ἀπʼ ἀνδραπόδων ὁ βίος·
또한 제게 지극히 작은 토지와 보잘것없는 오두막집만 있으며, 제 생계가 대부업이나 노예들로부터 나오는 것이 아니라는 제 가난에 관해서도 마찬가지입니다.
φαίνῃ γὰρ καὶ τούτων ἀκριβῶς ἀκηκοέναι παρʼ §19.15.2ἑτέρων.
귀하께서는 이에 대해서도 다른 이들로부터 정확히 들으신 것으로 보이기 때문입니다.
περὶ δὲ τοῦ κάκιόν με Ῥωμαίων τινὸς πράττειν διʼ ἀπορίαν καὶ μηδὲν εἶναί μοι πλέον ἀσκοῦντι καλοκαγαθίαν, ὅτι τῶν πλουσίων οὐκ εἰμί, κακῶς ὑπείληφας, εἴτʼ ἀκούσας τινὸς εἴτʼ αὐτὸς εἰκάζων.
그러나 제가 결핍 때문에 다른 어떤 로마인보다도 불우하게 지내고 있으며, 부유한 자들 중 하나가 아니라는 이유로 선미의 도를 닦고 있어도 제게 아무런 이득이 없다고 귀하께서 생각하신다면, 그것은 다른 이에게 들었든 귀하 스스로 추측했든 간에 잘못 생각하신 것입니다.
ἐμοὶ γὰρ οὐδεμία πώποτε κακοδαιμονίας αἴσθησις παρὰ τὸ μὴ πολλὰ κεκτῆσθαι γέγονεν οὐδʼ ἔστιν, οὐδʼ ὠδυράμην τὴν ἐμαυτοῦ τύχην οὔτʼ ἐν τοῖς κοινοῖς πράγμασιν οὔτʼ ἐν τοῖς ἰδίοις.
저로서는 많이 소유하지 못했다는 이유로 불행하다는 느낌을 받아본 적이 한 번도 없으며 지금도 그렇고, 공적인 일에서나 사사로운 일에서나 제 처지를 한탄해 본 적도 없습니다.
§19.15.3τί γὰρ καὶ παθὼν ἐγκαλοίην ἂν αὐτῇ;
도대체 제가 무슨 일을 겪었기에 운명을 탓하겠습니까?
πότερον, ὅτι μοι τῶν καλῶν καὶ περιμαχήτων, ἐφʼ οἷς ἅπασα φύσις ἐσπούδακεν εὐγενής, οὐδενὸς ἐξεγένετο παρὰ τῆς πατρίδος μεταλαβεῖν διὰ πενίαν;
모든 고귀한 본성이 열심히 갈구하는, 아름답고 누구나 다투어 얻고자 하는 것들 중 가난 때문에 조국으로부터 아무런 몫도 받지 못했기 때문이겠습니까?
ὃς ἄρχω τε τὰς μεγίστας ἀρχὰς καὶ πρεσβεύω τὰς ἐπιφανεστάτας πρεσβείας καὶ σεβασμοὺς ἱερῶν πιστεύομαι τοὺς ἁγιωτάτους καὶ γνώμην ἀγορεύειν ἀξιούμενος περὶ τῶν ἀναγκαιοτάτων καλοῦμαι ἐν ᾧ προσήκει με τόπῳ, ἐπαινοῦμαί τε καὶ ζηλοῦμαι καὶ οὐδενὸς δεύτερός εἰμι τῶν μέγιστα δυναμένων καὶ παράδειγμα τοῖς ἄλλοις εἶναι δοκῶ καλοκαγαθίας, οὐδὲν ἐκ τῆς ἐμῆς οὐσίας εἰς ταῦτα δαπανῶν,
저는 가장 높은 관직을 지내고, 가장 빛나는 사절단을 이끌며, 가장 성스러운 제사의 봉행을 위임받고, 가장 긴박한 사안들에 대해 의견을 밝히기에 적합한 인물로 인정받아 합당한 자리에서 발언자로 지명되며, 찬사를 받고 시샘을 사며, 가장 막강한 권력을 지닌 자들 중 누구에게도 뒤지지 않고, 다른 이들에게 선미의 도의 모범으로 여겨집니다. 게다가 이 일을 위해 제 자신의 재산에서 단 한 푼도 지출하지 않으면서 말입니다.
§19.15.4ὥσπερ οὐδὲ τῶν ἄλλων οὐδείς.
이는 다른 이들도 모두 마찬가지입니다만.
οὐ γὰρ ἐνοχλεῖ τοῖς ἑκάστου βίοις ἡ πόλις ἡ Ῥωμαίων ὥσπερ τινὲς ἕτεραι, ἐν αἷς ὁ κοινὸς μὲν πλοῦτος ὀλίγος ἐστίν, ὁ δὲ τῶν ἰδιωτῶν πολύς, ἀλλʼ αὐτὴ παρέχει τοῖς πρὸς τὰ κοινὰ προσιοῦσιν ἅπαντα, ὅσων δέονται, λαμπρὰς καὶ μεγαλοπρεπεῖς ὑποτιθεῖσα χορηγίας·
왜냐하면 로마 공국은 다른 일부 국가들처럼 개개인의 삶을 핍박하지 않기 때문입니다. 그러한 나라들에서는 공공의 부는 적고 사적인 부는 많지만, 로마는 공직에 나아가는 자들에게 필요한 모든 것을, 화려하고도 웅장한 지원을 제공함으로써 스스로 조달해 줍니다.
ὥστε μηδὲν ἀτιμότερον εἶναι τὸν πενέστατον τοῦ πλουσιωτάτου κατὰ τὴν ἐπαξίωσιν τῶν καλῶν, ἀλλὰ πάντας εἶναι Ῥωμαίους, ὅσοι ἂν ὦσι διὰ καλοκαγαθίαν τούτων ἄξιοι τῶν τιμῶν, ἀλλήλοις ἴσους.
그리하여 가장 가난한 자라도 아름다운 명예를 누릴 자격이 있다고 여겨지는 데 있어서 가장 부유한 자보다 전혀 낮추어 보이지 않으며, 도리어 선미의 도 덕분에 이러한 영예를 누릴 자격이 있는 로마인이라면 누구나 서로 동등합니다.
§19.15.5ὁπότε δὲ πενόμενος οὐδὲν παρὰ τοῦτʼ ἔλαττον ἔχω τῶν πολλὰ κεκτημένων, τί παθὼν ἂν κατηγόρησα τῆς τύχης, ὅτι οὐχ ὑμῖν ὅμοιον ἐμὲ ἐποίησε τοῖς βασιλεῦσιν, οἷς ὁ πολὺς θησαυρίζεται χρυσός;
이렇듯 제가 가난하면서도 그 때문에 많은 것을 소유한 이들보다 부족한 점이 전혀 없다면, 도대체 무슨 연유로 제가, 많은 금이 축적되어 있는 귀하와 같은 왕들과 제 처지를 똑같이 만들어주지 않았다고 해서 운명을 탓하겠습니까?
ἀλλὰ μὴν ἔν γε τοῖς ἰδίοις τοσοῦτον ἀπέχω κακοδαιμονίας, ὥστʼ ἐν ὀλίγοις πάνυ τῶν μακαρίων ἐμαυτὸν εἶναι δοκῶ παρὰ τοὺς πλουσίους ἐξετάζων, καὶ ἐπὶ τούτῳ μέγιστον φρονῶ, ἐπειδὴ τὰ μὲν ἀναγκαῖα τὸ λυπρὸν ἀπόχρη μοι γήδιον φιλεργοῦντι καὶ ταμιευομένῳ παρέχειν, §19.15.6τὰ δʼ ἔξω τῶν ἀναγκαίων οὐ βιάζεται ζητεῖν ἡ φύσις, ἀλλὰ καὶ τροφὴ πᾶσα ἡδεῖά μοι, ἣν ἂν ὁ λιμὸς σκευάσῃ, καὶ ποτὸν ἅπαν γλυκύ, ὅταν ἡ δίψα πορίσῃ, καὶ ὕπνος μαλθακός, ὅταν ἡγήσηται κόπος, ἐσθής τε ἡ παρέχουσα μὴ ῥιγοῦν αὐταρκεστάτη, καὶ σκεῦος ὅ τι ἂν εὐτελέστατον τῶν δυναμένων τὰς αὐτὰς παρέχειν χρείας οἰκειότατον.
더욱이 사사로운 처지에 있어서도 저는 불행과는 너무도 거리가 멀어서, 부유한 이들과 비교해 보았을 때 제 스스로를 극소수의 복된 이들 중 하나라고 여길 정도입니다. 그리고 저는 이 점을 가장 크게 자랑으로 여깁니다. 왜냐하면 일하기를 좋아하고 절약하는 저로서는, 저 보잘것없는 작은 토지가 제게 필요한 생활 필수품을 제공해 주기에 충분하기 때문이며, 게다가 제 본성은 필수적인 것 너머의 것들을 구하도록 저를 다그치지 않기 때문입니다. 오히려 굶주림이 양념해 주는 음식이라면 무엇이든 제게 맛있고, 갈증이 마련해 주는 음료라면 무엇이든 달콤하며, 피로가 앞설 때의 잠은 감미롭고, 추위를 막아주는 옷이라면 가장 자족할 만하며, 똑같은 쓰임새를 제공해 줄 수 있는 도구들 중 가장 값싼 것이라면 무엇이든 제게 가장 잘 맞기 때문입니다.
§19.15.7ὥστʼ οὐδὲ κατὰ τοῦτο δίκαιος εἴην ἂν τῆς τύχης κατηγορεῖν, ἥ μοι τοσαύτην παρέσχεν οὐσίαν, ὅσην ἡ φύσις ἐβούλετο ἔχειν·
그러므로 이 점에 있어서도 저는, 자연이 갖기를 원했던 만큼의 재산을 제게 제공해 준 운명을 탓하는 것이 부당할 것입니다.
τῶν δʼ ὑπερβαλλόντων οὔτε πόθον ἐνέφυσεν οὔτʼ εὐπορίαν ἔδωκεν.
과도한 것들에 대해서는 운명이 제 마음에 갈망을 심어주지도 않았고, 풍요를 선사해 주지도 않았기 때문입니다.”