§19.14.1ταῦτα μὲν τῶν τριῶν πρεσβευτῶν παρόντων ἔλεξεν, ἰδίᾳ δὲ τὸν Φαβρίκιον ἀπολαβών·
이것은 세 명의 사절이 배석한 자리에서 그가 한 말이었으나, 사사로이 파브리키우스를 따로 불러 이렇게 말했다.
ἐγὼ σέ, φησίν, ὦ Φαβρίκιε, πυνθάνομαι κράτιστον ἐν ἡγεμονίαις πολέμων εἶναι κἀν τῷ βίῳ δίκαιον καὶ σώφρονα καὶ τὰς ἄλλας ἁπάσας ἔχοντα ἀρετάς, χρημάτων δʼ ἄπορον καὶ καθʼ ἓν τὸ μέρος τοῦτο ἐλασσούμενον ὑπὸ τῆς τύχης, ὥστε μηδὲν ἄμεινον τῶν πενεστάτων βουλευτῶν ἐν τοῖς κατὰ τὸν βίον διατελεῖν.
“파브리키우스여, 나는 그대가 전쟁의 지휘에 있어서 가장 뛰어나고, 생활에 있어서는 공정하고 절제 있으며, 다른 모든 미덕을 갖추고 있으나, 재물에 있어서는 결핍되어 있어서 이 한 가지 면에서 운명에 의해 불이익을 당하고 있어, 생활 형편에 있어서 가장 가난한 원로원 의원들보다 나을 것 없는 처지로 계속 지내고 있다고 듣고 있소.
§19.14.2τοῦτο δὴ τὸ μέρος ἐκπληρῶσαι προθυμούμενος ἕτοιμός εἰμι διδόναι σοὶ πλῆθος ἀργυρίου καὶ χρυσίου τοσοῦτον, ὅσον κτησάμενος ἅπαντας ὑπερβαλεῖς πλούτῳ τοὺς μάλιστα δοκοῦντας Ῥωμαίων εὐπορεῖν·
바로 이 부족한 부분을 채워주기를 열망하기에, 나는 그대가 그것을 얻으면 로마인들 중 가장 부유하다고 여겨지는 이들 모두를 부에 있어서 능가할 만큼의 엄청난 양의 은과 금을 그대에게 줄 준비가 되어 있소.
καλὸν νομίσας ἀνάλωμα καὶ πρέπον ἡγεμόνι τοὺς ἀγαθοὺς ἄνδρας ἀναξίως τῆς ἀρετῆς διὰ πενίαν πράττοντας εὐεργετεῖν καὶ βασιλικοῦ πλούτου τοῦτʼ ἀνάθημα καὶ κατασκεύασμα λαμπρότατον.
왜냐하면 자신의 미덕에 어울리지 않게 가난 때문에 불우하게 지내는 훌륭한 사람들을 돕는 것이 지도자에게 아름답고도 어울리는 지출이며, 왕다운 부의 가장 빛나는 봉헌물이자 기념비라고 내가 생각하기 때문이오.
§19.14.3μαθὼν δὲ τὴν ἐμὴν προαίρεσιν, Φαβρίκιε, καὶ πᾶσαν ἀποθέμενος αἰδῶ μέτεχε τῶν παρʼ ἡμῖν ὑπαρχόντων ἀγαθῶν, ὡς ἐμοῦ μέλλοντος εἴσεσθαι καὶ μεγάλην σοι χάριν, καὶ μὰ Δίʼ οὐκ ἐλάττω.
그러므로 파브리키우스여, 나의 이러한 의도를 알고서 모든 사양하는 마음을 내려놓고 우리가 가진 좋은 것들을 함께 나누도록 합시다.
. . καὶ ξένων τοὺς τιμιωτάτους εἶναι νόμιζε.
나는 그대에게 커다란 감사를 느끼게 될 것이며, 제우스를 두고 맹세컨대 결코 못지않게… 그리고 나를 손님들 중에서 가장 귀한 이로 여겨 주시오.
ἐμοὶ δʼ ἀντὶ τούτων μήτʼ ἄδικον μήτʼ αἰσχρὰν πρᾶξιν ὑπηρετήσῃς μηδεμίαν, ἀλλʼ ἐξ ὧν αὐτὸς κρείττων ἔσῃ καὶ τιμιώτερος ἐν τῇ σεαυτοῦ πατρίδι.
그 대신 나에게 어떠한 불의하거나 부끄러운 일도 행해 줄 필요는 없고, 오직 그대 자신이 그대 자신의 조국에서 더 훌륭해지고 더 존경받게 될 만한 일들만을 행해 주시오.
§19.14.4καὶ πρῶτον μὲν ἐπὶ τὰς διαλλαγάς, ὅση δύναμις ἐν σοί, παρόρμησον τὴν ἄχρι τοῦδε δύσεριν καὶ οὐδὲν τῶν μετρίων φρονοῦσαν βουλήν, διδάσκων, ὡς οὐκ ἐπὶ κακῷ τῆς πόλεως ὑμῶν ἀφῖγμαι Ταραντίνοις καὶ τοῖς ἄλλοις Ἰταλιώταις ὑποσχόμενος βοηθήσειν, οὓς οὔτε ὅσιον οὔτʼ εὔσχημόν ἐστί μοι παρόντι μετὰ δυνάμεως καὶ τὴν πρώτην νενικηκότι μάχην ἐγκαταλιπεῖν.
그리고 먼저, 지금까지 호전적이었고 어떠한 온건한 생각도 품지 않았던 원로원을 그대의 온 힘을 다해 화친으로 인도하시오. 내가 그대들 도시의 해를 끼치기 위해 온 것이 아니라, 타렌툼인들과 다른 이탈리아인들에게 원조를 약속했기 때문이며, 군대를 이끌고 이 자리에 와서 첫 전투를 이긴 마당에 그들을 저버리는 것은 경건하지도 않고 품위가 서는 일도 아니라는 점을 가르치면서 말이오.
καὶ πάνυ πολλὰ καὶ ἀναγκαῖα πράγματα κατὰ τοῦτον γενόμενα τὸν καιρὸν ἐπὶ τὴν ἰδίαν με ἀρχὴν μετακαλεῖ.
게다가 이 시기에 발생한 아주 많고 긴박한 사정들이 나를 내 자신의 영토로 다시 불러들이고 있소.
§19.14.5πίστεις τε ὑπέχομαι πάσας, ὁπόσαι βεβαιοῦσιν ἀνθρώπων ὁμολογίας, καὶ μόνῳ καὶ μετὰ τῶν ἄλλων πρεσβευτῶν περὶ τῆς οἴκαδε ἀνακομιδῆς % εἶναι Ῥωμαῖοι ποιήσαιντο φίλοι, ἵνα θαρρῶν πρὸς τοὺς σεαυτοῦ πολίτας λέγῃς, εἰ δή τισι τὸ τῆς βασιλείας ὄνομα ὕποπτόν ἐστιν ὡς ἀπατηλὸν ἐν ὁμολογίαις, ἐξ ὧν ἕτεροί τινες ἐν ὅρκοις καὶ σπονδαῖς παρανομεῖν ἔδοξαν ὅμοια καὶ περὶ ἐμοῦ τεκμαιρομένοις.
그리고 인간의 합의를 확고히 해 주는 모든 보증을 그대 단독에게도, 그리고 다른 사절들과 공동으로도 귀환에 관하여 제공할 준비가 되어 있소… 로마인들이 친구가 되고자 한다면 말이오. 이는 왕정이라는 이름이, 다른 이들이 맹세와 조약에서 법을 위반한 것으로 보였던 일로부터 나에 대해서도 비슷한 추측을 하여 합의에 있어 기만적인 것으로 누군가에게 의심을 받는다 할지라도, 그대가 자국의 시민들에게 자신 있게 말할 수 있도록 하기 위함이오.
§19.14.6γενομένης δὲ τῆς εἰρήνης ἴθι μετʼ ἐμοῦ σύμβουλός τε ἁπάντων ἐσόμενος ἐμοὶ καὶ ὑποστράτηγος καὶ τῆς βασιλικῆς εὐτυχίας μέτοχος.
그리고 평화가 이루어지면 나와 함께 가서 내 모든 일의 고문이자 부장이 되고, 왕으로서의 행운을 나누는 자가 되시오.
ἐμοί τε γὰρ ἀνδρὸς ἀγαθοῦ καὶ πιστοῦ φίλου δεῖ, σοί τε χορηγίας βασιλικῆς καὶ πραγμάτων βασιλικῶν·
나에게는 훌륭한 사람과 충실한 친구가 필요하고, 그대에게는 왕의 지원과 왕의 사업이 필요하기 때문이오.
ἐὰν δὴ συνενέγκωμεν ταῦτʼ εἰς τὸ κοινόν, τὰ μέγιστα τῶν ἀγαθῶν παρʼ ἀλλήλων ἀποισόμεθα.
만일 우리가 이것들을 공동으로 모은다면, 우리는 서로에게서 가장 큰 이익을 거두게 될 것이오.”