§11.43.1ὁ δὲ Οὐεργίνιος ὑπό τʼ ὀργῆς καὶ ἐκ τοῦ μηδὲν ἔτι δεδοικέναι τοὺς ἡγεμόνας αὐθαδέστερον αὐτῶν καθήπτετο λυμεῶνας τε καὶ ὀλέθρους τῆς πατρίδος ἀποκαλῶν καὶ παραινῶν τοῖς λοχαγοῖς ἅπασιν ἀραμένους τὰ σημεῖα οἴκαδε ἀπάγειν τὴν στρατιάν.
우에르기니우스는 분노와, 더 이상 지휘관들을 전혀 두려워하지 않는 마음에서 그들을 더욱 대담하게 비난하며, 조국의 파괴자이자 파멸을 가져오는 자들이라고 부르고, 모든 백인대장들에게 군기를 들어 군대를 집으로 철수시키라고 권고했다.
§11.43.2ὀρρωδούντων δʼ ἔτι τῶν πολλῶν τὰ ἱερὰ σημεῖα κινεῖν, ἔπειτα τοὺς ἡγεμόνας καὶ τοὺς στρατηγοὺς καταλιπεῖν οὔτε ὅσιον οὔτʼ ἀσφαλὲς εἶναι πᾶσι νομιζόντων·
그러나 대부분의 사람들은 신성한 군기를 움직이는 것을 여전히 두려워했는데, 지도자들과 장군들을 저버리는 것이 모두에게 경건하지도 않고 안전하지도 않다고 생각했기 때문이다.
ὅ τε γὰρ ὅρκος ὁ στρατιωτικός, ὃν ἁπάντων μάλιστα ἐμπεδοῦσι Ῥωμαῖοι, τοῖς στρατηγοῖς ἀκολουθεῖν κελεύει τοὺς στρατευομένους, ὅποι ποτʼ ἂν ἄγωσιν, ὅ τε νόμος ἀποκτείνειν ἔδωκε τοῖς ἡγεμόσιν ἐξουσίαν τοὺς ἀπειθοῦντας·
왜냐하면 로마인들이 무엇보다도 가장 엄격하게 준수하는 군사 선서는 군 복무를 하는 자들에게 장군들이 어디로 이끌든 그들을 따르도록 명령하고 있으며, 법 또한 지휘관들에게 복종하지 않는 자들을 처형할 수 있는 권한을 부여했기 때문이다.
§11.43.3ἢ τὰ σημεῖα καταλιπόντας ἀκρίτως·
혹은 재판 없이 군기를 내버려 둔 자들을 처형할 수 있는 권한을.
ταῦτα δὴ διʼ εὐλαβείας αὐτοὺς ἔχοντας ὁρῶν Οὐεργίνιος ἐδίδασκεν, ὅτι λέλυκεν αὐτῶν τὸν ὅρκον ὁ νόμος, ἐπειδὴ νόμῳ μὲν ἀποδειχθέντα δεῖ τὸν στρατηγὸν ἄρχειν τῶν δυνάμεων, ἡ δὲ τῶν δέκα ἀνδρῶν ἐξουσία παράνομος ἦν ὑπερβαλοῦσα τὸν ἐνιαύσιον χρόνον, εἰς ὃν ἀπεδείχθη.
그들이 바로 이러한 우려 때문에 조심스러워하는 것을 보고 우에르기니우스는 법이 그들의 선서를 해제했다고 가르쳤는데, 장군은 법에 따라 임명되어 군대를 다스려야 하지만, 십인위원회의 권력은 임명된 일 년의 임기를 초과하여 불법적인 것이 되었기 때문이었다.
τὸ δὲ τοῖς μὴ κατὰ νόμον ἄρχουσι ποιεῖν τὸ κελευόμενον οὐκ εὐπείθειαν εἶναι καὶ εὐσέβειαν, ἀλλʼ §11.43.4ἄνοιαν καὶ μανίαν.
법에 따르지 않고 다스리는 자들의 명령을 따르는 것은 순종이나 경건이 아니라, 도리어 어리석음이자 광기라는 것이었다.
ταῦτʼ ἀκούσαντες ὀρθῶς λέγεσθαι ἡγούμενοι καὶ παρακελευόμενοί τε ἀλλήλοις καί τι καὶ θάρσος ἐκ τοῦ δαιμονίου λαβόντες αἴρονται τὰ σημεῖα καὶ προῆγον ἐκ τοῦ χάρακος.
이 말을 듣고 그것이 옳다고 생각한 그들은 서로 격려하고 또한 신으로부터 어떤 용기를 얻어 군기를 들고 진영에서 전진했다.
ἔμελλον δʼ, ὅπερ εἰκὸς ἐν ποικίλοις τʼ ἤθεσι καὶ οὐχ ἅπασι τὰ κράτιστα διανοουμένοις, ἔσεσθαί τινες οἱ μένοντες ἅμα τοῖς ὀλιγάρχαις καὶ στρατιῶται καὶ λοχαγοί, πλὴν οὐ τοσοῦτοι τὸ §11.43.5πλῆθος, ἀλλʼ ἐλάττους παρὰ πολὺ τῶν ἑτέρων.
성격이 다양하고 모두가 최선의 것을 생각하지는 않는 집단에서 당연히 예상되는 대로, 과두파와 함께 머무르는 병사들과 백인대장들도 일부 있었을 것이나, 그 수효는 그리 많지 않았고 다른 쪽에 비해 훨씬 적었다.
οἱ δʼ ἐξελθόντες ἐκ τοῦ στρατοπέδου διʼ ὅλης ἡμέρας ἐπιπορευθέντες ἑσπέρας καταλαβούσης παρῆσαν εἰς τὴν πόλιν οὐδενὸς ἐξαγγείλαντος αὐτῶν τὴν ἔφοδον, καὶ συνετάραξαν τοὺς ἔνδον οὐ μετρίως πολέμιον οἰομένους στρατὸν εἰσεληλυθέναι·
반면 진영을 나온 이들은 온종일 행군하여 저녁이 되었을 때 도성에 도착했는데, 아무도 그들의 접근을 미리 알리지 않았기 때문에 성안의 사람들을 적잖이 당황하게 만들었으니, 사람들은 적군이 들어온 줄로 생각했기 때문이었다.
κραυγή τε καὶ δρόμος ἄτακτος ἀνὰ τὴν πόλιν ἦν.
도성 안에는 비명과 무질서한 달음질이 일어났다.
οὐ μὴν ἐπὶ πολύν γε διέμεινεν ἡ ταραχὴ χρόνον, ὥστε κακόν τι γενέσθαι διʼ αὐτήν.
그러나 소동은 이로 인해 큰 해가 생길 만큼 오래 지속되지는 않았다.
διεξιόντες γὰρ τοὺς στενωποὺς ἐβόων, ὅτι φίλοι τʼ εἰσὶ καὶ ἐπʼ ἀγαθῷ τῆς πόλεως εἰσεληλύθασι, καὶ τὰ ἔργα ὅμοια παρείχοντο τοῖς λόγοις ἀδικοῦντες οὐδένα.
그들은 골목길을 지나가며 자신들이 동맹이고 도성의 이익을 위해 들어왔다고 외쳤고, 아무에게도 해를 끼치지 않음으로써 말과 일치하는 행동을 보여주었기 때문이다.
§11.43.6ἀφικόμενοι δʼ εἰς τὸν καλούμενον Ἀουεντῖνον — ἔστι δὲ τῶν ἐμπεριεχομένων ἐν τῇ Ῥώμῃ λόφων οὗτος ἐπιτηδειότατος ἐνστρατοπεδεύεσθαι — περί τε τὸ τῆς Ἀρτέμιδος ἱερὸν τίθενται τὰ ὅπλα, τῇ δʼ ἑξῆς ἡμέρᾳ κρατυνάμενοι τὸν χάρακα καὶ χιλιάρχους δέκα τῶν κοινῶν ἀποδείξαντες κυρίους, ὧν ἡγεμὼν ἦν Μάρκος Ὄππιος, ἔμενον ἐφʼ ἡσυχίας.
아우엔티누스라 불리는 언덕에 도착한 그들은 — 이 언덕은 로마 내에 포함된 언덕 중 진영을 구축하기에 가장 적합한 곳이다 — 아르테미스 신전 주변에 무기를 내려놓았고, 이튿날 진영을 공고히 한 뒤 공동체의 주권자로서 군사 호민관 열 명을 지명했는데, 그 우두머리는 마르쿠스 오피우스였으며, 그들은 평온 속에 대기했다.