§11.31.1τοιαῦτα τοῦ Νομιτωρίου λέξαντος καὶ τοῦ περιεστηκότος ὄχλου μεγάλῃ βοῇ διασημήναντος, ὡς δίκαια ἀξιοῖ, μικρὸν ἐπισχὼν χρόνον Ἄππιος·
누미토리우스가 이와 같이 말하고 둘러선 군중이 큰 소리로 그의 요구가 정당하다고 찬동의 뜻을 표하자, 아피우스는 잠시 뜸을 들인 뒤 말하였다.
ἐγὼ τὸν μὲν νόμον, εἶπεν, οὐκ ἀγνοῶ τὸν ὑπὲρ τῆς διεγγυήσεως τῶν εἰς δουλείαν ἀγομένων κείμενον, ὃς οὐκ ἐᾷ παρὰ τοῖς ἀφαιρουμένοις εἶναι τὸ σῶμα μέχρι δίκης, οὐδὲ καταλύσαιμι ἂν ὃν αὐτὸς ἔγραψα ἑκών·
"나는 노예로 전락할 위험에 처한 이들의 보석에 관하여 제정된 법, 즉 재판 전까지 자유를 박탈하려는 자의 손에 그 신변을 두는 것을 허용하지 않는 법을 모르는 바가 아니며, 내가 스스로 기꺼이 기록한 법을 내 손으로 폐지할 생각도 없다.
ἐκεῖνο μέντοι δίκαιον ἡγοῦμαι, δυεῖν ὄντων τῶν ἀντιποιουμένων, κυρίου καὶ πατρός, εἰ μὲν ἀμφότεροι παρῆσαν, τὸν πατέρα κρατεῖν τοῦ σώματος μέχρι δίκης.
그러나 권리를 주장하는 자가 둘, 즉 소유주와 아버지가 있는 상황에서, 만일 양측이 모두 배석해 있다면 재판 때까지 아버지가 신변을 보유하는 것이 정당하다고 나는 생각한다.
§11.31.2ἐπεὶ δʼ ἐκεῖνος ἄπεστι, τὸν κύριον ἀπαγαγεῖν ἐγγυητὰς ἀξιοχρέους δόντα καταστήσειν ἐπὶ τὴν ἀρχήν, ὅταν ὁ πατὴρ αὐτῆς παραγένηται.
그러나 아버지가 부재중이므로, 소유주가 충분한 자력을 갖춘 보증인을 세워 그녀의 아버지가 돌아왔을 때 관청 앞에 출두시키겠다는 약속 하에 그녀를 데려가는 것이 정당하다.
περὶ δὲ τῶν ἐγγυητῶν καὶ τοῦ τιμήματος καὶ τοῦ μηδὲν ὑμᾶς ἐλαττωθῆναι περὶ τὴν δίκην, πολλὴν ποιήσομαι πρόνοιαν, ὦ Νομιτώριε.
누미토리우스여, 보증인과 보석금, 그리고 당신들이 재판에서 조금도 불이익을 당하지 않도록 하는 일에 대해서는 내가 충분히 배려하겠다.
§11.31.3νῦν δὲ παράδος τὴν κόρην. τοῦτο τὸ τέλος ἐξενέγκαντος Ἀππίου πολὺς μὲν ὀδυρμὸς ὑπὸ τῆς παρθένου καὶ τῶν περὶ αὐτὴν γυναικῶν ἐγίνετο καὶ κοπετός, πολλὴ δὲ κραυγὴ καὶ ἀγανάκτησις ἐκ τοῦ περιεστηκότος ὄχλου τὸ βῆμα.
그러니 이제 소녀를 넘겨라." 아피우스가 이러한 결정을 내리자, 처녀와 그녀 주변의 여인들은 크게 통곡하며 가슴을 쳤고, 연단 주변을 둘러싼 군중 역시 크게 소리치며 분개하였다.
ὁ δὲ μέλλων ἄγεσθαι τὴν κόρην Ἰκίλιος ἐμφύεταί τε αὐτῆς καί φησιν·
소녀를 아내로 맞이하려던 이키리우스는 그녀를 끌어안으며 말하였다.
οὐκ ἐμοῦ γε ζῶντος, Ἄππιε, ταύτην ἀπάξεταί τις.
"아피우스여, 내가 살아 있는 한 그 누구도 이 여인을 끌고 가지 못할 것이다.
§11.31.4ἀλλʼ εἴ σοι δέδοκται τοὺς νόμους καταλύειν, τὰ δὲ δίκαια συγχεῖν καὶ τὴν ἐλευθερίαν ἡμῶν ἀφαιρεῖσθαι, μηκέτι τὴν ὀνειδιζομένην ὑμῖν ἀρνοῦ τυραννίδα, ἀλλὰ τὸν ἐμὸν ἀποκόψας τράχηλον ταύτην τε ἀπαγαγεῖν, ὅπου σοι δοκεῖ, καὶ τὰς ἄλλας παρθένους καὶ γυναῖκας, ἵνα δὴ μάθωσιν ἤδη ποτὲ Ῥωμαῖοι δοῦλοι γεγονότες ἀντʼ ἐλευθέρων, καὶ μηδὲν ἔτι μεῖζον φρονῶσι τῆς τύχης.
그러나 만일 당신이 법을 폐지하고 정의를 어지럽히며 우리의 자유를 빼앗기로 마음먹었다면, 당신들에게 쏟아지는 참주라는 비난을 더 이상 부인하지 말고, 차라리 내 목을 벤 뒤에 그녀를 비롯한 다른 처녀들과 여인들을 당신이 원하는 곳으로 데려가라. 그리하여 로마인들이 이제 마침내 자신들이 자유인에서 노예가 되었음을 깨닫고, 자신들의 처지 이상의 분에 넘치는 생각을 더 이상 품지 않도록 하라.
§11.31.5τί οὖν ἔτι μέλλεις, ἀλλʼ οὐ τοὐμὸν ἐκχεῖς αἷμα πρὸ τοῦ βήματος ἐν τοῖς ἁπάντων ὀφθαλμοῖς;
그렇다면 왜 더 지체하는가? 왜 모두의 눈앞인 연단 앞에서 나의 피를 흘리지 않는가?
ἴσθι μέντοι σαφῶς, ὅτι ἤτοι μεγάλων κακῶν ἄρξει Ῥωμαίοις ὁ θάνατος οὑμὸς ἢ μεγάλων ἀγαθῶν.
하지만 분명히 알아두라. 나의 죽음은 로마인들에게 거대한 재앙의 시작이 되거나, 아니면 거대한 축복의 시작이 될 것이다."