§10.8.1ταῦτʼ εἰπόντος αὐτοῦ κραυγή τε ἐκ τῶν παρόντων ἐγένετο καὶ ὁρμὴ πολλῶν ἐπὶ τὴν ἐκ χειρὸς δίκην.
그가 이 말을 마치자 참석자들 사이에서 비명이 터져 나왔고, 많은 이들이 사적인 징벌을 가하기 위해 돌진했다.
ἀλλʼ οἵ τε ὕπατοι ἐμποδὼν ἐγένοντο καὶ τῶν δημάρχων οἱ πλείους πονηρὸν ἔθος οὐκ ἀξιοῦντες εἰς τὴν πόλιν εἰσάγειν.
그러나 집정관들이 가로막아 섰고, 호민관들 중 과반수 역시 악한 관행을 도성에 들여놓을 수 없다며 이를 저지했다.
ἦν δὲ καὶ τοῦ δήμου τὸ καθαρώτατον οὐ βουλόμενον ἀποστερεῖν λόγου τοὺς ὑπὲρ τῶν μεγίστων ἀγωνιζομένους.
또한 평민 중 가장 양식 있는 이들도, 가장 큰 형벌을 두고 싸우는 피고인에게서 변론의 기회를 빼앗기를 원하지 않았다.
§10.8.2τότε μὲν οὖν ἐπέσχε τὴν τῶν θρασυτέρων ὁρμὴν ἡ τοῦ δικαίου πρόνοια, καὶ ἀναβολὴν ἔλαβεν ἡ δίκη, οὐ μικρᾶς ἐμπεσούσης φιλοτιμίας καὶ ζητήσεως ὑπὲρ τοῦ σώματος, εἴτʼ ἐν δεσμοῖς αὐτὸ δεῖ φυλάττεσθαι τέως, εἴτʼ ἐγγυητὰς δοῦναι τῆς ἀφίξεως, ὥσπερ καὶ ὁ πατὴρ ἠξίου·
그리하여 당시에는 정의에 대한 사려가 더 무모한 자들의 충동을 억제했고 재판은 연기되었는데, 그의 신병을 둘러싸고, 즉 재판이 열릴 때까지 그를 감옥에 가두어 감시해야 하는지, 아니면 아버지가 요구한 대로 출석을 보증할 보증인을 세워야 하는지를 두고 적지 않은 대립과 논쟁이 발생했기 때문이다.
καὶ ἡ βουλὴ συνελθοῦσα ἐψηφίσατο χρήμασι διεγγυηθὲν ἐλεύθερον εἶναι τὸ σῶμα μέχρι δίκης.
그리고 원로원이 소집되어 보증금으로 신병을 보증하고 재판 때까지 자유를 누릴 수 있도록 의결했다.
§10.8.3τῇ δʼ ἑξῆς ἡμέρᾳ συναγαγόντες οἱ δήμαρχοι τὸ πλῆθος, ἐκλιπόντος τοῦ μειρακίου τὴν δίκην, ἐκύρωσαν τὴν κατʼ αὐτοῦ ψῆφον καὶ τοὺς ἐγγυητὰς δέκα ὄντας ἐπράξαντο τὰ περὶ τοῦ σώματος τῆς ἀποκαταστάσεως ὁμολογηθέντα χρήματα.
이튿날 호민관들은 민중을 소집했으나, 그 청년이 재판에 출석하지 않고 도망치자, 그에 대한 유죄 판결 투표를 확정하고, 10명의 보증인으로부터 신병 인도에 관해 합의된 보증금을 징수했다.
§10.8.4Καίσων μὲν οὖν τοιαύτῃ περιπεσὼν ἐπιβουλῇ, κατασκευασαμένων ἅπαντα τῶν δημάρχων καὶ Οὐολουσκίου ψευδῆ μαρτυρήσαντος, ὡς ἐγένετο φανερὸν σὺν χρόνῳ, φεύγων εἰς Τυρρηνίαν ᾤχετο·
그리하여 카에소는 호민관들이 모든 것을 꾸며내고 볼스키우스가 위증을 한 탓에—이 사실은 시간이 흐름에 따라 명백해졌지만—이러한 음모에 빠져 에트루리아로 망명하기 위해 떠나갔다.
ὁ δὲ πατὴρ αὐτοῦ τὰ πλεῖστα τῆς οὐσίας ἀπεμπολήσας καὶ τὰ ὁμολογηθέντα ὑπὸ τῶν ἐγγυητῶν χρήματα ἀποδοὺς ἑαυτῷ χωρίον ἓν μικρὸν ὑπολειπόμενος πέραν τοῦ Τεβέριος ποταμοῦ, ἐν ᾧ ταπεινή τις ἦν καλύβη, γεωργῶν αὐτόθι μετὰ δούλων ὀλίγων ἐπίπονον καὶ ταλαίπωρον ἔζη βίον ὑπὸ λύπης τε καὶ πενίας, οὔτε πόλιν ὁρῶν οὔτε φίλους ἀσπαζόμενος οὔθʼ ἑορτάζων οὔτʼ ἄλλης εὐφροσύνης οὐδεμιᾶς ἑαυτῷ μεταδιδούς.
그의 아버지는 재산의 대부분을 처분하고 보증인들이 합의했던 금액을 치른 뒤, 테베레강 건너편에 초라한 오두막이 있는 작은 토지 하나만을 자신을 위해 남겨 두고, 그곳에서 소수의 노예와 함께 농사를 지으며 슬픔과 가난 속에서 고되고 비참한 삶을 살았으니, 도성을 바라보지도 않고 친구를 맞이하지도 않으며 축제를 즐기지도 않고 그 어떤 다른 즐거움도 자신에게 허락하지 않았다.
τοῖς μέντοι δημάρχοις πολὺ τὸ παράλογον ἐγένετο τῆς ἐλπίδος.
그러나 호민관들의 기대는 크게 어긋나게 되었다.
οὐ γὰρ ὅπως ἐπαύσατο ἡ τῶν νέων φιλοτιμία σωφρονισθεῖσα τῇ Καίσωνος συμφορᾷ, πολὺ δὲ χαλεπωτέρα καὶ πλείων ἐγένετο ἔργοις τε καὶ λόγοις καταγωνιζομένη τὸν νόμον·
청년들의 대항심은 카에소의 불행을 거울삼아 징계되어 가라앉기는커녕, 행동과 말 양면에서 법과 대적하며 훨씬 더 사납고 거대해졌기 때문이다.
ὥστʼ οὐθὲν ἔτι αὐτοῖς ἐξεγένετο διαπράξασθαι δαπανηθέντος εἰς ταῦτα τοῦ χρόνου τῆς ἀρχῆς.
그 결과 그들의 임기 시간이 이 일들에 소모되어, 호민관들로서는 더 이상 아무것도 성취할 수 없게 되었다.
ὁ μέντοι δῆμος εἰς τὸν ἐπιόντα πάλιν ἐνιαυτὸν ἄρχοντας ἀπέδειξεν αὐτούς.
그러나 평민은 다가올 해에 그들을 다시 관직자로 임명했다.