§10.20.1Κοίντου δὲ Φαβίου Οὐιβολανοῦ παρειληφότος τὴν ὑπατείαν τὸ τρίτον καὶ Λευκίου Κορνηλίου καὶ τελούντων πατρίους ἀγῶνας Αἰκανῶν ἄνδρες ἐπίλεκτοι πλῆθος ἀμφὶ τοὺς ἑξακισχιλίους ὁπλισμῷ τʼ εὐζώνῳ συνεσταλμένοι καὶ ἐν νυκτὶ ποιησάμενοι τὴν ἔξοδον σκότους ἔτι ὄντος ἐπὶ πόλιν ἀφικνοῦνται Τυσκλάνων, ἥ ἐστι μὲν τοῦ Λατίνων ἔθνους, ἀφέστηκε δὲ τῆς Ῥώμης οὐκ ἔλαττον σταδίων ἑκατόν.
퀸투스 파비우스 위볼라누스가 세 번째로, 루키우스 코르넬리우스가 (첫 번째로) 집정관직을 넘겨받고, 아이쿠이인들이 조상 전래의 경기를 치르고 있을 때, 약 육천 명의 엄선된 남자들이 가벼운 무장을 갖추고 아직 어둠이 가시지 않은 밤에 출발하여 투스쿨룸인들의 도성에 다다랐다. 이 도성은 라티움 민족에 속하며, 로마로부터 백 스타디온 이상 떨어져 있다.
§10.20.2εὑρόντες δὲ ὡς ἐν εἰρήνῃ πύλας τε ἀκλείστους καὶ τεῖχος ἀφύλακτον αἱροῦσι τὴν πόλιν ἐξ ἐφόδου μνησικακοῦντες τοῖς Τυσκλάνοις, ὅτι τῇ Ῥωμαίων πόλει τά τε ἄλλα μετὰ προθυμίας συμπράττοντες διετέλουν, καὶ ἐν τῇ πολιορκίᾳ τοῦ Καπιτωλίου μόνοι συνήραντο τοῦ §10.20.3πολέμου.
그들은 마치 평화로운 때처럼 성문이 열려 있고 성벽도 무방비 상태인 것을 발견하고 급습하여 도성을 함락시켰다. 이들이 투스쿨룸인들에게 원한을 품고 있었던 것은, 그들이 다른 일들에서도 로마 도성을 열성적으로 계속 도왔을 뿐만 아니라, 카피톨리움이 포위되었을 때에도 유일하게 그 전쟁에 동참했기 때문이었다.
ἄνδρας μὲν οὐ πολλούς τινας ἐν τῇ καταλήψει διέφθειραν, ἀλλʼ ἔφθασαν ἤδη αὐτοὺς ὑπὸ τὴν ἅλωσιν τῆς πόλεως ὠσάμενοι διὰ τῶν πυλῶν οἱ ἔνδον, χωρὶς ἢ ὅσοι ὑπὸ νόσων ἢ γήρως φυγεῖν ἀδύνατοι ἦσαν, γύναια δὲ καὶ παιδία καὶ θεράποντας αὐτῶν ἠνδραποδίσαντο καὶ τὰ χρήματα διήρπασαν.
점령 과정에서 그들은 그리 많은 남자들을 죽이지는 않았는데, 병이나 노환으로 도망치지 못한 이들을 제외하고는, 성 안의 사람들이 이미 도시가 함락되기 직전에 그들보다 앞서서 성문을 통해 빠져나갔기 때문이었다. 그러나 그들은 여자들과 아이들, 그리고 그들의 하인들을 노예로 삼고 재산을 약탈했다.
§10.20.4ὡς δʼ ἀπηγγέλθη τὸ δεινὸν εἰς τὴν Ῥώμην ἐκ τῶν διαφυγόντων ἐκ τῆς ἁλώσεως, οἱ μὲν ὕπατοι βοηθεῖν ᾤοντο δεῖν τοῖς φυγάσι κατὰ τάχος καὶ τὴν πόλιν αὐτοῖς ἀποδιδόναι, ἀντέπραττον δὲ οἱ δήμαρχοι στρατιὰν οὐκ ἐῶντες καταγράφειν, ἕως ἂν ἡ περὶ τοὺς νόμους διενεχθῇ ψῆφος.
이 끔찍한 소식이 함락 과정에서 탈출한 이들을 통해 로마에 보고되자, 집정관들은 신속히 망명자들을 돕고 도성을 그들에게 돌려주어야 한다고 생각했으나, 호민관들은 법률에 관한 투표가 가결되기 전까지는 군대를 소집하지 못하게 하며 반대했다.
ἀγανακτούσης δὲ τῆς βουλῆς καὶ διατριβὴν λαμβανούσης τῆς στρατείας ἕτεροι παρῆσαν ἀπὸ τοῦ Λατίνων ἔθνους ἀποσταλέντες, οἳ τὴν Ἀντιατῶν πόλιν ἤγγελλον ἐκ τοῦ φανεροῦ ἀφεστηκέναι, μιᾷ χρησαμένων γνώμῃ Οὐολούσκων τε τῶν ἀρχαίων οἰκητόρων τῆς πόλεως καὶ Ῥωμαίων τῶν ἀφικομένων ὡς αὐτοὺς ἐποίκων καὶ μερισαμένων τὴν γῆν.
원로원이 분개하고 군대 파견이 지체되고 있는 동안, 라티움 민족이 보낸 다른 사절들이 도착하여 안티움인들의 도성이 공공연히 반란을 일으켰다고 알렸다. 그것은 그 도성의 원래 거주민인 볼스키인들과, 이주민으로서 그들에게 가서 토지를 분배받았던 로마인들이 한마음으로 뜻을 모은 결과였다.
Ἑρνίκων τε ἄγγελοι κατὰ τοὺς αὐτοὺς παρῆσαν χρόνους δηλοῦντες, ὅτι Οὐολούσκων τε καὶ Αἰκανῶν δύναμις πολλὴ ἐξελήλυθε καί ἐστιν ἐν τῇ αὐτῶν ἤδη γῇ.
또한 비슷한 시기에 헤르니키인의 사절들도 도착하여, 볼스키인들과 아이쿠이인들의 대군이 출정하여 이미 자신들의 영토에 들어와 있다고 전했다.
§10.20.5τούτων ἅμα προσαγγελλομένων οὐδεμίαν ἀναστροφὴν ἔτι ποιεῖσθαι τοῖς ἐκ τοῦ συνεδρίου ἐδόκει, ἀλλὰ πανστρατιᾷ βοηθεῖν καὶ τοὺς ὑπάτους ἀμφοτέρους ἐξιέναι·
이 소식들이 동시에 보고되자, 원로원 의원들은 더 이상 어떠한 지체도 해서는 안 되며, 전군으로 지원에 나서고 두 집정관 모두 출정해야 한다고 결정했다.
ἐὰν δέ τινες ἀπολειφθῶσι τῆς στρατείας Ῥωμαίων ἢ §10.20.6τῶν συμμάχων, ὡς πολεμίοις αὐτοῖς χρῆσθαι.
그리고 만약 로마인이나 동맹시 시민들 중에 이 군대에서 이탈하는 자가 있다면 그들을 적으로 간주하기로 했다.
εἰξάντων δὲ καὶ τῶν δημάρχων καταγράψαντες τοὺς ἐν ἡλικίᾳ πάντας οἱ ὕπατοι καὶ τὰς παρὰ τῶν συμμάχων δυνάμεις μεταπεμψάμενοι κατὰ σπουδὴν ἐξῄεσαν ὑπολιπόμενοι φυλακὴν τῇ πόλει τρίτην μοῖραν τῆς ἐπιχωρίου στρατιᾶς.
호민관들 역시 양보하자, 집정관들은 군령 연령대의 모든 자들을 징집하고 동맹시들로부터 군대를 소집하여, 향토군의 3분의 1을 도성의 수비대로 남겨두고 급히 출정했다.
Φάβιος μὲν οὖν ἐπὶ τοὺς ἐν τῷ Τυσκλάνων ὄντας Αἰκανοὺς τὴν στρατιὰν ἦγε διὰ §10.20.7τάχους.
이에 따라 파비우스는 투스쿨룸에 있는 아이쿠이인들을 향해 신속히 군대를 이끌었다.
τῶν δʼ οἱ μὲν πλείους ἀπεληλύθεσαν ἤδη διηρπακότες τὴν πόλιν, ὀλίγοι δέ τινες ὑπέμενον φυλάττοντες τὴν ἄκραν·
그러나 그들 중 대부분은 이미 도성을 약탈하고 떠났으며, 소수만이 요새를 지키며 남아 있었다.
ἔστι δὲ σφόδρα ἐχυρὰ καὶ οὐ πολλῆς δεομένη φυλακῆς.
요새는 매우 견고하여 많은 수비대를 필요로 하지 않았다.
τινὲς μὲν οὖν φασι τοὺς φρουροὺς τῆς ἄκρας ἰδόντας ἐξιοῦσαν ἐκ τῆς Ῥώμης τὴν στρατιάν — εὐσύνοπτα γάρ ἐστιν ἐκ μετεώρου τὰ μεταξὺ χωρία πάντα — ἑκόντας ἐξελθεῖν, ἕτεροι δὲ ἐκπολιορκηθέντας ὑπὸ τοῦ Φαβίου καθʼ ὁμολογίαν παραδοῦναι τὸ φρούριον, τοῖς σώμασιν αὐτοῖς ἄδειαν αἰτησαμένους καὶ ζυγὸν ὑποστάντας.
그리하여 어떤 이들은 요새의 수비대원들이 로마에서 군대가 나오는 것을 보고서――높은 곳에서는 그 사이의 모든 지역이 잘 보이기 때문이다――자발적으로 물러갔다고 말하지만, 다른 이들은 파비우스에게 포위되어 조약에 따라 요새를 넘겨주었으며, 자신들의 생명 안전을 청하고 멍에 아래를 지나는 굴욕을 감수했다고 말한다.