§1.80.1ὡς δὲ Τουβέρων Αἴλιος δεινὸς ἀνὴρ καὶ περὶ τὴν συναγωγὴν τῆς ἱστορίας ἐπιμελὴς γράφει, προειδότες οἱ τοῦ Νεμέτορος θύσοντας τὰ Λύκαια τοὺς νεανίσκους τῷ Πανὶ τὴν Ἀρκαδικὴν ὡς Εὔανδρος κατεστήσατο θυσίαν ἐνήδρευσαν τὸν καιρὸν ἐκεῖνον τῆς ἱερουργίας, ἡνίκα χρῆν τοὺς περὶ τὸ Παλλάντιον οἰκοῦντας τῶν νέων ἐκ τοῦ Λυκαίου τεθυκότας περιελθεῖν δρόμῳ τὴν κώμην γυμνοὺς ὑπεζωσμένους τὴν αἰδῶ ταῖς δοραῖς τῶν νεοθύτων.
역사 자료 수집에 열정적이고 뛰어난 인물인 아이리우스 투베로가 기록한 바와 같이, 누미토르의 부하들은 젊은이들이 에우안드로스가 제정한 아르카디아식 제사인 판 신을 위한 리카이아 제사를 올릴 것임을 미리 알고, 그 신성한 의식이 치러지는 바로 그 시기에 매복을 감행했다. 그때 팔라티움 주변에 살던 젊은이들은 리카이온에서 제사를 마친 후, 벌거벗은 채로 새로 제물로 바친 짐승의 가죽으로 하부를 가리고 마을 주변을 달려야 했다.
τοῦτο δὲ καθαρμόν τινα τῶν κωμητῶν πάτριον ἐδύνατο, §1.80.2ὡς καὶ νῦν ἔτι δρᾶται.
이것은 주민들의 조상 전래의 일종의 정화 의식의 성격을 띠고 있었는데, 이는 오늘날까지도 여전히 행해지는 바와 같다.
ἐν δὴ τούτῳ τῷ χρόνῳ τοὺς ἱεροποιοὺς νεανίσκους οἱ βουκόλοι λοχήσαντες κατὰ τὸ στενόπορον τῆς ὁδοῦ, ἐπειδὴ τὸ πρῶτον τάγμα τὸ σὺν τῷ Ῥώμῳ κατʼ αὐτοὺς ἐγένετο, τῶν ἀμφὶ Ῥωμύλον τε καὶ ἄλλων ὑστεριζόντων ʽτριχῇ γὰρ ἐνενέμηντο καὶ ἐκ διαστήματος ἔθεονʼ οὐ περιμείναντες τοὺς λοιποὺς ὁρμῶσιν ἐπὶ τοὺς πρώτους ἐμβοήσαντες ἀθρόοι καὶ περιστάντες ἔβαλλον οἱ μὲν ἀκοντίοις, οἱ δὲ λίθοις, οἱ δʼ ὡς ἕκαστοί τι διὰ χειρὸς εἶχον.
바로 이 시기에 목동들은 길의 좁은 길목에서 제사를 지내던 젊은이들을 매복 습격했다. 로무스가 이끄는 첫 번째 대열이 그들에게 다다랐을 때, 로물루스와 다른 이들이 뒤처져 있었기 때문에(그들은 세 그룹으로 나뉘어 일정한 간격을 두고 달리고 있었기 때문이다), 그들은 나머지 사람들을 기다리지 않고 일제히 소리를 지르며 첫 번째 대열을 향해 돌진했다. 그리고 그들을 포위한 뒤, 어떤 이들은 투창으로, 어떤 이들은 돌로, 또 다른 이들은 각자 손에 잡히는 대로 무기를 던졌다.
οἱ δʼ ἐκπλαγέντες τῷ παραδόξῳ τοῦ πάθους καὶ ἀμηχανοῦντες ὅ τι δράσειαν πρὸς ὡπλισμένους ἄνοπλοι μαχόμενοι κατὰ πολλὴν εὐπέτειαν ἐχειρώθησαν.
젊은이들은 이 뜻밖의 사태에 경악하고 무장한 적들을 상대로 맨몸으로 어떻게 싸워야 할지 몰라 갈팡질팡하다가 매우 쉽게 제압당했다.
§1.80.3ὁ μὲν οὖν Ῥῶμος ἐπὶ τοῖς πολεμίοις γενόμενος οὕτως, εἴθʼ ὡς ὁ Φάβιος παραδέδωκε δέσμιος εἰς τὴν Ἄλβαν ἀπήγετο.
그리하여 로무스는 적들의 손에 넘어가게 되었고, 혹은 파비우스가 전하는 바에 따르면 결박된 채 알바로 압송되었다.
Ῥωμύλος δʼ ἐπειδὴ τὸ περὶ τὸν ἀδελφὸν ἔγνω πάθος, διώκειν εὐθὺς ᾤετο δεῖν τοὺς ἀκμαιοτάτους ἔχων τῶν νομέων, ὡς ἔτι κατὰ τὴν ὁδὸν ὄντα καταληψόμενος τὸν Ῥῶμον·
로물루스는 형제에게 닥친 불행을 알게 되자, 길 위에서 로무스를 따라잡기 위해 목동들 중 가장 혈기 왕성한 자들을 이끌고 즉시 추격해야 한다고 생각했다.
ἀποτρέπεται δʼ ὑπὸ τοῦ Φαιστύλου.
그러나 그는 파이스틸로스에 의해 저지당했다.
ὁρῶν γὰρ αὐτοῦ τὴν σπουδὴν μανικωτέραν οὖσαν οὗτος νομισθεὶς ὁ πατήρ, ἃ τὸν ἔμπροσθεν χρόνον ἀπόρρητα ποιούμενος τοῖς μειρακίοις διετέλεσεν, ὡς μὴ θᾶττον ὁρμήσωσι παρακινδυνεῦσαί τι πρὶν ἐν τῷ κρατίστῳ τῆς ἀκμῆς γενέσθαι, τότε δὴ πρὸς τῆς ἀνάγκης βιασθεὶς μονωθέντι τῷ Ῥωμύλῳ λέγει.
그들의 아버지로 여겨지던 이 인물은 로물루스의 급한 기색이 광기에 가깝다는 것을 보고, 그들이 가장 강력한 전성기에 이르기 전에 성급하게 위험한 도전을 하지 않도록 그동안 젊은이들에게 비밀로 해두었던 사실을, 마침내 상황의 압박을 받아 홀로 남은 로물루스에게 털어놓았다.
§1.80.4μαθόντι δὲ τῷ νεανίσκῳ πᾶσαν ἐξ ἀρχῆς τὴν κατασχοῦσαν αὐτοὺς τύχην τῆς τε μητρὸς οἶκτος εἰσέρχεται καὶ Νεμέτορος φροντίς, καὶ πολλὰ βουλευσαμένῳ μετὰ τοῦ Φαιστύλου τῆς μὲν αὐτίκα ὁρμῆς ἐπισχεῖν ἐδόκει, πλείονι δὲ παρασκευῇ δυνάμεως χρησάμενον ὅλον ἀπαλλάξαι τὸν οἶκον τῆς Ἀμολίου παρανομίας κίνδυνόν τε τὸν ἔσχατον ὑπὲρ τῶν μεγίστων ἄθλων ἀναρρῖψαι, πράττειν δὲ μετὰ τοῦ μητροπάτορος ὅ τι ἂν ἐκείνῳ δοκῇ.
그 젊은이는 자신들에게 닥친 모든 운명을 처음부터 다 듣고 나자 어머니에 대한 연민과 누미토르에 대한 걱정이 솟구쳤고, 파이스틸로스와 깊이 상의한 끝에 즉각적인 돌격은 유보하기로 했다. 대신 더 큰 군사력을 준비하여 아물리우스의 무법천지로부터 가문 전체를 구하고, 가장 큰 보상을 위해 최후의 위험을 무릅쓰기로 결심했으며, 외조부와 협력하여 그가 좋다고 생각하는 바를 이행하기로 했다.