§1.79.1μέχρι μὲν δὴ τούτων οἱ πλεῖστοι τῶν συγγραφέων τὰ αὐτὰ ἢ μικρὸν παραλλάττοντες οἱ μὲν ἐπὶ τὸ μυθωδέστερον, οἱ δʼ ἐπὶ τὸ τῇ ἀληθείᾳ ἐοικὸς μᾶλλον ἀποφαίνουσι, περὶ δὲ τῶν ἑξῆς διαφέρονται.
여기까지는 대부분의 역사학자들이 어떤 이는 보다 신화적인 방향으로, 어떤 이는 보다 진실에 가까운 방향으로 묘사하면서도 동일하거나 약간의 차이가 있는 사실을 전하고 있으나, 그 이후의 일들에 대해서는 이견을 보이고 있다.
§1.79.2οἱ μὲν γὰρ εὐθὺς ἀναιρεθῆναι λέγουσι τὴν κόρην, οἱ δʼ ἐν εἱρκτῇ φυλαττομένην ἀδήλῳ διατελέσαι δόξαν τῷ δήμῳ παρασχοῦσαν ἀφανοῦς θανάτου.
어떤 이들은 처녀가 즉시 죽임을 당했다고 말하고, 다른 이들은 사람들에게 알려지지 않은 죽음이라는 인상을 주면서 비밀스러운 감옥에 갇힌 채 지냈다고 말한다.
ἐπικλασθῆναι δὲ Ἀμόλιον εἰς τοῦτο ἱκετευούσης τῆς θυγατρὸς χαρίσασθαι τὴν ἀνεψιὰν αὐτῇ·
그러나 아물리우스는 자신의 딸이 사촌을 자신에게 자비로이 살려달라고 간청하자 이에 마음이 움직였다고 한다.
ἦσαν δὲ σύντροφοί τε καὶ ἡλικίαν ἔχουσαι τὴν αὐτὴν ἀσπαζόμεναί τε ἀλλήλας ὡς ἀδελφάς.
그들은 함께 자랐고 나이도 같았으며 서로를 자매처럼 아꼈기 때문이다.
χαριζόμενον οὖν ταύτῃ Ἀμόλιον, μόνη δʼ ἦν αὐτῷ θυγάτηρ, θανάτου μὲν ἀπολῦσαι τὴν Ἰλίαν, φυλάττειν δὲ καθείρξαντα ἐν ἀφανεῖ· λυθῆναι δὲ αὐτὴν ἀνὰ χρόνον Ἀμολίου τελευτήσαντος.
그리하여 아물리우스는 그녀(외동딸이었다)의 청을 들어주어 일리아를 사형에서 면하게 해주고, 비밀스러운 곳에 가두어 감시하게 하였으며, 시간이 흘러 아물리우스가 죽었을 때 그녀가 석방되었다고 한다.
§1.79.3περὶ μὲν οὖν τῆς Ἰλίας οὕτω διαλλάττουσιν αἱ τῶν παλαιῶν γραφαί, λόγον δʼ ἔχουσιν ὡς ἀληθεῖς ἑκάτεραι.
일리아에 관한 고대의 기록은 이처럼 엇갈리지만, 두 가지 설 모두 진실해 보일 만한 합리적인 근거를 가지고 있다.
διὰ τοῦτο κἀγὼ μνήμην ἀμφοτέρων ἐποιησάμην, ὁποτέρᾳ δὲ χρὴ πιστεύειν αὐτός τις εἴσεται τῶν ἀναγνωσομένων.
이 때문에 나 역시 두 가지 모두를 기록하였으니, 어느 쪽을 믿어야 할지는 독자 각자가 스스로 판단하게 될 것이다.
§1.79.4περὶ δὲ τῶν ἐκ τῆς Ἰλίας γενομένων Κόιντος μὲν Φάβιος ὁ Πίκτωρ λεγόμενος, ᾧ Λεύκιός τε Κίγκιος καὶ Κάτων Πόρκιος καὶ Πείσων Καλπούρνιος καὶ τῶν ἄλλων συγγραφέων οἱ πλείους ἠκολούθησαν, γέγραφε·
한편 일리아에게서 태어난 아이들에 대해서는 픽토르라 불리는 퀸투스 파비우스가 기록하였고, 루키우스 싱키우스, 카토 포르키우스, 피소 칼푸르니우스 및 다른 대부분의 역사학자들이 그를 따랐다.
ὡς κελεύσαντος Ἀμολίου τὰ βρέφη λαβόντες ἐν σκάφῃ κείμενα τῶν ὑπηρετῶν τινες ἔφερον ἐμβαλοῦντες εἰς τὸν ποταμὸν ἀπέχοντα τῆς πόλεως ἀμφὶ τοὺς ἑκατὸν εἴκοσι σταδίους.
즉 아물리우스가 명령하자, 하인들 중 일부가 상자(또는 배)에 담겨 누워 있는 아기들을 받아 도시에서 약 120스타디온 떨어진 강에 던져 넣으려고 운반해 갔다는 것이다.
§1.79.5ἐπεὶ δὲ ἐγγὺς ἐγένοντο καὶ εἶδον ἔξω τοῦ γνησίου ῥείθρου τὸν Τέβεριν ὑπὸ χειμώνων συνεχῶν ἐκτετραμμένον εἰς τὰ πεδία, καταβάντες ἀπὸ τοῦ Παλλαντίου τῆς κορυφῆς ἐπὶ τὸ προσεχέστατον ὕδωρ, (οὐ γὰρ ἔτι προσωτέρω χωρεῖν οἷοίτε ἦσαν) ἔνθα πρῶτον ἡ τοῦ ποταμοῦ πλήμη τῆς ὑπωρείας ἥπτετο, τίθενται τὴν σκάφην ἐπὶ τοῦ ὕδατος.
그들이 강 근처에 도달했을 때, 계속된 폭풍으로 인해 티베리스강이 본래의 물길을 벗어나 평원으로 범람하고 있는 것을 보고, 팔라티움 언덕 꼭대기에서 가장 가까운 물가로 내려가(더 이상 앞으로 나아갈 수 없었기 때문이다), 강의 범람이 처음으로 언덕 기슭에 닿아 있는 그곳에 상자를 물 위에 놓았다.
ἡ δὲ μέχρι μέν τινος ἐνήχετο, ἔπειτα τοῦ ῥείθρου κατὰ μικρὸν ὑποχωροῦντος ἐκ τῶν περὶ ἔσχατα λίθου προσπταίσει περιτραπεῖσα ἐκβάλλει τὰ βρέφη.
상자는 한동안 떠 있었으나, 이후 물이 점차 빠짐에 따라 가장자리 부근의 돌에 부딪혀 뒤집히면서 아기들을 밖으로 떨어뜨렸다.
§1.79.6τὰ μὲν δὴ κνυζούμενα κατὰ τοῦ τέλματος ἐκυλινδεῖτο, λύκαινα δέ τις ἐπιφανεῖσα νεοτόκος σπαργῶσα τοὺς μαστοὺς ὑπὸ γάλακτος ἀνεδίδου τὰς θηλὰς τοῖς στόμασιν αὐτῶν καὶ τῇ γλώττῃ τὸν πηλόν, ᾧ κατάπλεοι ἦσαν, ἀπελίχμα.
아기들은 진흙 위에서 칭얼거리며 뒹굴고 있었는데, 마침 새끼를 낳아 젖이 불어 있는 암늑대 한 마리가 나타나 그들의 입에 젖꼭지를 물려주고 그들이 뒤집어쓰고 있던 진흙을 혀로 핥아 주었다.
ἐν δὲ τούτῳ τυγχάνουσιν οἱ νομεῖς ἐξελαύνοντες τὰς ἀγέλας ἐπὶ νομήν ʽἤδη γὰρ ἐμβατὸν ἦν τὸ χωρίονʼ καί τις αὐτῶν ἰδὼν τὴν λύκαιναν ὡς ἠσπάζετο τὰ βρέφη τέως μὲν ἀχανὴς ἦν ὑπό τε θάμβους καὶ ἀπιστίας τῶν θεωρουμένων·
이때 마침 목동들이 가축 떼를 방목지로 몰고 가고 있었는데(그곳은 이미 발을 들여놓을 수 있는 상태였기 때문이다), 그들 중 한 명이 암늑대가 아기들을 보살피는 것을 보고 목격한 광경에 대한 놀라움과 불신으로 한동안 입을 벌린 채 멍하니 서 있었다.
ἔπειτʼ ἀπελθὼν καὶ συλλέξας ὅσους ἐδύνατο πλείστους τῶν ἀγχοῦ νεμόντων (οὐ γὰρ ἐπιστεύετο λέγων) ἄγει τοὖργον αὐτὸ θεασομένους.
그 후 그는 자리를 떠나 근처에서 방목하던 자들을 가능한 한 많이 모아(그가 말로만 했을 때는 믿지 않았기 때문이다) 그 실제 광경을 직접 보여주기 위해 그들을 데려왔다.
§1.79.7ὡς δὲ κἀκεῖνοι πλησίον ἐλθόντες ἔμαθον τὴν μὲν ὥσπερ τέκνα περιέπουσαν, τὰ δʼ ὡς μητρὸς ἐξεχόμενα, δαιμόνιόν τι χρῆμα ὁρᾶν ὑπολαβόντες ἐγγυτέρω προσῄεσαν ἀθρόοι δεδιττόμενοι βοῇ τὸ θηρίον.
그들 역시 가까이 다가가 암늑대가 마치 자신의 새끼처럼 아기들을 보살피고 아기들은 어머니에게 매달리듯 매달려 있는 것을 보고, 신성한 이적을 목격하고 있다고 생각하여 무리를 지어 더 가까이 다가가 소리를 지르며 짐승을 위협했다.
ἡ δὲ λύκαινα οὐ μάλα ἀγριαίνουσα τῶν ἀνθρώπων τῇ προσόδῳ, ἀλλʼ ὡσπερὰν χειροήθης ἀποστᾶσα τῶν βρεφῶν ἠρέμα καὶ κατὰ πολλὴν ἀλογίαν τοῦ ποιμενικοῦ ὁμίλου ἀπῄει.
암늑대는 인간들의 접근에 그리 사납게 굴지 않고, 마치 길들여진 것처럼 아기들에게서 조용히 물러나 목동 무리를 완전히 무시한 채 떠나갔다.
§1.79.8καὶ ἦν γάρ τις οὐ πολὺ ἀπέχων ἐκεῖθεν ἱερὸς χῶρος ὕλῃ βαθείᾳ συνηρεφὴς καὶ πέτρα κοίλη πηγὰς ἀνιεῖσα, ἐλέγετο δὲ Πανὸς εἶναι τὸ νάπος, καὶ βωμὸς ἦν αὐτόθι τοῦ θεοῦ·
실제로 그곳에서 그리 멀지 않은 곳에 울창한 숲으로 뒤덮이고 물이 솟아나는 동굴이 있는 신성한 장소가 있었는데, 그 골짜기는 판 신의 것이라고 전해졌으며 그곳에는 그 신의 제단도 있었다.
εἰς τοῦτο τὸ χωρίον ἐλθοῦσα ἀποκρύπτεται.
그녀는 이 장소로 들어가 모습을 감추었다.
τὸ μὲν οὖν ἄλσος οὐκέτι διαμένει, τὸ δὲ ἄντρον, ἐξ οὗ ἡ λιβὰς ἐκδίδοται, τῷ Παλλαντίῳ προσῳκοδομημένον δείκνυται κατὰ τὴν ἐπὶ τὸν ἱππόδρομον φέρουσαν ὁδόν, καὶ τέμενός ἐστιν αὐτοῦ πλησίον, ἔνθα εἰκὼν κεῖται τοῦ πάθους λύκαινα παιδίοις δυσὶ τοὺς μαστοὺς ἐπίσχουσα, χαλκᾶ ποιήματα παλαιᾶς ἐργασίας.
현재 그 숲 자체는 남아 있지 않지만, 샘물이 솟아나는 그 동굴은 팔라티움 언덕에 편입되어 마차 경기장으로 통하는 길가에 보존되어 있으며, 그 근처에는 신역이 있어 그곳에 이 사건을 묘사한 상, 즉 두 아기에게 젖을 먹이고 있는 암늑대 상이 놓여 있는데, 이는 고대 양식으로 만들어진 청동 작품이다.
ἦν δὲ τὸ χωρίον τῶν σὺν Εὐάνδρῳ ποτὲ οἰκισάντων αὐτὸ Ἀρκάδων ἱερὸν ὡς λέγεται.
그리고 이 장소는 과거 에반드로스와 함께 그곳에 정착한 아카디아인들의 성소였다고 전해진다.