§1.75.1καὶ μὴν ἀπό γε τῆς ἐκβολῆς τῶν βασιλέων ἐπὶ τὸν πρῶτον ἄρξαντα τῆς πόλεως Ῥωμύλον ἀναβιβασθεὶς ὁ χρόνος ἔτη τέτταρα πρὸς τοῖς τετταράκοντα καὶ διακοσίοις ἀποτελεῖ.
참으로 왕들의 추방으로부터 이 도시를 최초로 통치한 로물루스까지 소급하여 산정된 시간은 244년이 된다.
γνωρίζεται δὲ τοῦτο ταῖς διαδοχαῖς τῶν βασιλέων καὶ τοῖς ἔτεσιν, οἷς ἕκαστοι κατέσχον τὴν ἀρχήν.
이 사실은 왕들의 왕위 계승과 그들 각각이 권력을 유지한 년수를 통해 확인된다.
Ῥωμύλος μὲν γὰρ ὁ κτίσας τὴν πόλιν ἑπτὰ καὶ τριάκοντα ἔτη λέγεται κατασχεῖν τὴν δυναστείαν· μετὰ δὲ τὸν Ῥωμύλου θάνατον ἀβασίλευτος ἡ πόλις γενέσθαι χρόνον ἐνιαύσιον.
왜냐하면 도시를 건립한 로물루스는 37년 동안 통치권을 유지했다고 전해지며, 로물루스가 사망한 후 이 도시는 1년 동안 왕이 없는 상태가 되었기 때문이다.
§1.75.2ἔπειτα Νόμας Πομπίλιος αἱρεθεὶς ὑπὸ τοῦ δήμου τρία καὶ τετταράκοντα ἔτη βασιλεῦσαι.
그 후 민중에 의해 선출된 누마 폼필리우스가 43년 동안 통치했다.
Τύλλος δὲ Ὁστίλιος μετὰ Νόμαν δύο καὶ τριάκοντα. ὁ δʼ ἐπὶ τούτῳ βασιλεύσας Ἄγκος Μάρκιος τέτταρα πρὸς τοῖς εἴκοσι. μετὰ δὲ Μάρκιον Λεύκιος Ταρκύνιος ὁ κληθεὶς Πρίσκος ὀκτὼ καὶ τριάκοντα. τοῦτον δὲ διαδεξάμενος Σερούϊος Τύλλιος τετταράκοντα καὶ τέτταρα.
누마 다음의 툴루스 호스티리우스는 32년 동안, 그의 뒤를 이어 통치한 안쿠스 마르키우스는 24년 동안, 마르키우스 다음의 프리스크스라 불린 루키우스 타르퀴니우스는 38년 동안, 그를 계승한 세르비우스 툴리우스는 44년 동안 통치했다.
ὁ Σερούϊον δὲ ἀνελὼν Λεύκιος Ταρκύνιος ὁ τυραννικὸς καὶ διὰ τὴν τοῦ δικαίου ὑπεροψίαν κληθεὶς Σούπερβος ἕως εἰκοστοῦ καὶ πέμπτου προαγαγεῖν τὴν ἀρχήν.
그리고 세르비우스를 살해하고 정의를 불신하여 수페르부스라 불린 참주 루키우스 타르퀴니우스는 그의 통치를 25년째까지 끌고 갔다.
§1.75.3τεττάρων δὲ καὶ τετταράκοντα καὶ διακοσίων ἀναπληρουμένων ἐτῶν, ἃ κατέσχον οἱ βασιλεῖς, ὀλυμπιάδων δὲ μιᾶς καὶ ἑξήκοντα πᾶσα ἀνάγκη τὸν πρῶτον ἄρξαντα τῆς πόλεως Ῥωμύλον ἔτει πρώτῳ τῆς ἑβδόμης ὀλυμπιάδος παρειληφέναι τὴν βασιλείαν ἄρχοντος Ἀθήνησι τῆς δεκαετίας Χάροπας ἔτος πρῶτον.
왕들이 통치한 244년, 즉 61회의 올림피아드가 완전히 채워짐에 따라, 이 도시를 최초로 통치한 로물루스가 제7회 올림피아드 제1년에, 아테네에서 10년 임기제 아르콘인 카롭스의 제1년에 왕권을 인수했다는 것은 절대적인 필연이다.
τοῦτο γὰρ ὁ λογισμὸς τῶν ἐτῶν ἀπαιτεῖ.
왜냐하면 년수의 계산이 이것을 요구하기 때문이다.
ὅτι δὲ τοσαῦτα ἕκαστος τῶν βασιλέων ἦρξεν ἔτη διʼ ἐκείνου δηλοῦταί μοι τοῦ λόγου.
각각의 왕들이 이만큼의 년수 동안 통치했다는 것은 나의 그 저술에서 밝혀두었다.
§1.75.4τὰ μὲν δὴ περὶ τοῦ χρόνου καθʼ ὃν ἡ νῦν δυναστεύουσα πόλις ᾠκίσθη τοῖς τε πρὸ ἐμοῦ γενομένοις εἰρημένα κἀμοὶ δοκοῦντα τοιάδʼ ἐστιν.
현재 지배적인 이 도시가 건립된 시기에 관해서, 내 이전에 살았던 이들이 서술한 바와 나에게 타당하게 여겨지는 바는 이와 같다.
οἰκισταὶ δʼ αὐτῆς οἵτινες ἦσαν καὶ τίσι τύχαις χρησάμενοι τὴν ἀποικίαν ἔστειλαν ὅσα τε ἄλλα περὶ τὴν κτίσιν ταύτην ἱστόρηται πολλοῖς μὲν εἴρηται καὶ διαφόρως τὰ πλεῖστα ἐνίοις, λεχθήσεται δὲ κἀμοὶ τὰ πιθανώτατα τῶν μνημονευομένων.
그러나 이 도시의 건립자들이 누구였는지, 그리고 어떤 운명을 겪으며 식민시를 개척하여 보냈는지, 그 밖에 이 건립에 관해 탐구된 다른 모든 일들은 많은 이들에 의해, 그리고 어떤 이들에 의해서는 대체로 서로 다르게 서술되어 있지만, 나 역시 전해지는 이야기들 중 가장 설득력 있는 것들을 서술하고자 한다.
ἔχει δὲ ὧδε·
내용은 다음과 같다.