§1.69.1Δάρδανον μὲν ἐν τῇ κτισθείσῃ τε ὑφʼ ἑαυτοῦ καὶ ὀνομασίας ὁμοίας τυχούσῃ πόλει τὰ ἕδη καταλιπεῖν, Ἰλίου δʼ ἐν ὑστέρῳ χρόνῳ συνοικισθέντος ἐκεῖσε μετενεχθῆναι πρὸς τῶν ἐγγόνων αὐτοῦ τὰ ἱερά.
다르다노스는 자신이 건설하고 비슷한 이름을 얻은 도시에 그 신상들을 남겨두었으나, 나중에 일리온이 건설되었을 때 그의 후손들에 의해 성물들이 그곳으로 옮겨졌다는 것이다.
ποιήσασθαι δὲ τοὺς Ἰλιεῖς νεών τε καὶ ἄδυτον αὐτοῖς ἐπὶ τῆς ἄκρας καὶ φυλάττειν διʼ ἐπιμελείας ὅσης ἐδύναντο πλείστης θεόπεμπτά τε ἡγουμένους εἶναι καὶ σωτηρίας κύρια τῇ πόλει.
그리고 일리온 사람들은 요새 위에 그 신들을 위한 신전과 지성소를 짓고, 그것들이 하늘에서 내려온 것이며 도시의 구원을 다스리는 핵심적인 것이라고 믿으며 가능한 한 최대의 정성으로 수호했다는 것이다.
§1.69.2ἁλισκομένης δὲ τῆς κάτω πόλεως τὸν Αἰνείαν καρτερὸν τῆς ἄκρας γενόμενον, ἄραντα ἐκ τῶν ἀδύτων τά τε ἱερὰ τῶν μεγάλων θεῶν καὶ ὅπερ ἔτι περιῆν Παλλάδιον ʽθάτερον γὰρ Ὀδυσσέα καὶ Διομήδην νυκτός φασιν εἰς Ἴλιον ἀφικομένους κλοπῇ λαβεῖνʼ οἴχεσθαί τε κομίσαντα ἐκ τῆς πόλεως καὶ ἐλθεῖν ἄγοντα εἰς Ἰταλίαν.
그리고 아래 도시가 함락되고 있을 때, 아이네이아스가 요새를 장악하고 지성소에서 위대한 신들의 성물들과 아직 남아 있던 팔라디온을 꺼내어(왜냐하면 다른 하나는 오디세우스와 디오메데스가 밤에 일리온에 도착해 훔쳐 갔다고 전하기 때문이다), 그것들을 도시 밖으로 실어 나르고 이탈리아로 가져갔다는 것이다.
§1.69.3Ἀρκτῖνος δέ φησιν ὑπὸ Διὸς δοθῆναι Δαρδάνῳ Παλλάδιον ἓν καὶ εἶναι τοῦτο ἐν Ἰλίῳ τέως ἡ πόλις ἡλίσκετο κεκρυμμένον ἐν ἀβάτῳ·
그러나 아르크티노스는 제우스에 의해 다르다노스에게 하나의 팔라디온이 주어졌으며, 이것은 도시가 함락될 때까지 줄곧 일리온의 출입이 금지된 곳에 감춰져 있었다고 말한다.
εἰκόνα δʼ ἐκείνου κατεσκευασμένην ὡς μηδὲν τῆς ἀρχετύπου διαφέρειν ἀπάτης τῶν ἐπιβουλευόντων ἕνεκεν ἐν φανερῷ τεθῆναι καὶ αὐτὴν Ἀχαιοὺς ἐπιβουλεύσαντας λαβεῖν.
그리고 그것을 노리는 자들을 기만하기 위해 원형과 전혀 다름없도록 제작된 복제품이 공개된 장소에 놓여 있었는데, 아카이아인들이 계략을 부려 빼앗은 것은 바로 그 복제품이었다는 것이다.
§1.69.4τὰ μὲν οὖν εἰς Ἰταλίαν ὑπʼ Αἰνείου κομισθέντα ἱερὰ τοῖς εἰρημένοις ἀνδράσι πειθόμενος γράφω τῶν τε μεγάλων θεῶν εἰκόνας εἶναι, οὓς Σαμοθρᾷκες Ἑλλήνων μάλιστα ὀργιάζουσι, καὶ τὸ μυθευόμενον Παλλάδιον, ὅ φασι τὰς ἱερὰς φυλάττειν παρθένους ἐν ναῷ κείμενον Ἑστίας, ἔνθα καὶ τὸ ἀθάνατον διασώζεται πῦρ·
그러므로 아이네이아스에 의해 이탈리아로 옮겨진 성물들에 관해, 나는 앞서 언급된 인물들을 신뢰하여, 그것들이 그리스인들 중에서 사모트라케인들이 가장 독실하게 예배하는 위대한 신들의 신상들이자, 성스러운 처녀들이 헤스티아의 신전 안에 모셔두고 수호한다고 전하는 전설적인 팔라디온(그곳에는 불멸의 불꽃도 보존되어 있다)이라고 기록한다.
ὑπὲρ ὧν ἐν ὑστέρῳ λεχθήσεται λόγῳ.
이것들에 관해서는 다음 장에서 논하게 될 것이다.
εἴη δʼ ἂν καὶ παρὰ ταῦτα τοῖς βεβήλοις ἡμῖν ἄδηλα ἕτερα.
또한 이외에도 비입문자인 우리에게는 명확하지 않은 다른 일들이 있을 수 있다.
καὶ περὶ μὲν τῶν Τρωικῶν ἱερῶν τοσαῦτα εἰρήσθω.
그리하여 트로이아의 성물들에 관해서는 이쯤 해두기로 하자.