§1.50.1ἐκ δὲ τῆς Παλλήνης ἄραντες οἱ Τρῶες εἰς Δῆλον ἀφικνοῦνται βασιλεύοντος αὐτῆς Ἀνίου·
트로이인들은 팔레네에서 출항하여 아니오스가 다스리던 델로스 섬에 도착한다.
καὶ ἦν πολλὰ σημεῖα ἐν Δήλῳ τῆς Αἰνείου τε καὶ Τρώων παρουσίας, ἕως ἤνθει τε καὶ ᾤκισθʼ ἡ νῆσος.
그리고 델로스 섬에는 그 섬이 번영하고 사람이 거주하는 동안, 아이네아스와 트로이인들의 체류를 보여주는 많은 흔적들이 있었다.
ἔπειτα εἰς Κύθηρα νῆσον ἑτέραν, ἣ πρόκειται Πελοποννήσου, §1.50.2παραγενόμενοι ἱερὸν Ἀφροδίτης ἱδρύονται.
그 후 페로폰네소스 반도 앞에 위치한 또 다른 섬인 키테라 섬에 도착하여 아프로디테 신전을 세운다.
ἀπὸ δὲ Κυθήρων ποιούμενοι τὸν πλοῦν οὐ πρόσω τῆς Πελοποννήσου τελευτήσαντα τῶν ἑταίρων τινὰ τῶν Αἰνείου Κίναιθον ἐπὶ τῶν ἀκρωτηρίων τινὸς θάπτουσιν, ὃ νῦν ἀπʼ ἐκείνου Κιναίθιον καλεῖται·
키테라 섬에서 항해를 계속하다가 페로폰네소스 반도에서 멀지 않은 곳에서, 사망한 아이네아스의 동료 중 한 명인 키나이토스를 곶들 중 하나에 묻었는데, 그곳은 현재 그를 따서 키나이티온이라 불린다.
καὶ τὴν πρὸς Ἀρκάδας συγγένειαν ἀνανεωσάμενοι, περὶ ἧς ἐν ὑστέρῳ λόγῳ διηγήσομαι, χρόνον τε ὀλίγον περὶ ταῦτα τὰ χωρία διατρίψαντες καὶ ὑπολιπόμενοί τινας σφῶν αὐτῶν εἰς Ζάκυνθον ἀφικνοῦνται.
그리고 아르카디아인들과의 친족 관계(이에 대해서는 나중의 서술에서 자세히 다룰 것이다)를 갱신하고, 이 지역들에 짧은 시간 머무르며 자신들 중 일부를 뒤에 남겨둔 후 자킨토스 섬에 도착한다.
§1.50.3δεξαμένων δʼ αὐτοὺς καὶ τῶν Ζακυνθίων πρὸς φιλίαν διὰ τὸ συγγενές·
자킨토스인들 역시 혈연 관계 덕분에 그들을 우호적으로 맞이했다.
Δαρδάνῳ γὰρ τῷ Διὸς καὶ Ἠλέκτρας τῆς Ἀτλαντίδος δύο γενέσθαι φασὶν ἐκ Βατείας παῖδας, Ζάκυνθόν τε καὶ Ἐριχθόνιον, ὧν ὁ μὲν Αἰνείου πρόγονος ἦν, Ζάκυνθος δὲ τῆς νήσου κτίστης·
제우스와 아틀라스의 딸 일렉트라의 아들 다르다노스에게는 바테이아와의 사이에서 자킨토스와 에릭토니오스라는 두 아들이 태어났다고 전해지는데, 그중 한 명은 아이네아스의 조상이었고, 자킨토스는 섬의 건설자였기 때문이다.
ταύτης τε δὴ τῆς συγγενείας ἀναμνήσει καὶ φιλοφροσύνῃ τῶν ἐπιχωρίων διατρίβοντες αὐτόθι καὶ ἅμα ἀπλοίᾳ κατειργόμενοι θύουσιν Ἀφροδίτῃ πρὸς τῷ κατασκευασθέντι ἱερῷ θυσίαν, ἣν εἰς τόδε χρόνου συντελοῦσι κοινῇ Ζακύνθιοι, καὶ ἀγῶνα ποιοῦσιν ἐφήβοις τῶν τε ἄλλων ἀγωνισμάτων καὶ δρόμου·
이 친족 관계의 회상과 현지인들의 친절 덕분에 그곳에 머물고, 동시에 항해 불능으로 인해 묶이게 되면서 그들은 건설된 신전 곁에서 아프로디테에게 제물을 바쳤는데, 이 제사를 자킨토스인들은 오늘날까지 공동으로 지내고 있다. 또한 그들은 청년들을 위해 다른 경기들과 함께 달리기 시합으로 구성된 경기 대회를 개최한다.
τὸ δὲ νικητήριον ὁ πρῶτος ἐλθὼν εἰς τὸν νεὼν λαμβάνει·
우승의 포상은 신전에 가장 먼저 도달한 이가 받는다.
λέγεται δὲ Αἰνείου καὶ Ἀφροδίτης ὁ δρόμος, καὶ §1.50.4ξόανα τούτων ἕστηκεν ἀμφοτέρων.
이 달리기 시합은 '아이네아스와 아프로디테의 달리기'라고 불리며, 이들 둘의 목조 신상이 서 있다.
ἐκεῖθεν δὲ πελάγιον ποιησάμενοι τὸν πλοῦν εἰς Λευκάδα κατάγονται, κατεχόντων ἔτι τὸ χωρίον Ἀκαρνάνων.
그곳에서 외해로 항해를 떠나 그들은 레우카스 섬에 상륙하는데, 그곳은 당시 아직 아카르나니아인들이 지배하고 있었다.
κἀν ταύτῃ πάλιν ἱερὸν Ἀφροδίτης ἱδρύονται τοῦτο, ὃ νῦν ἐστιν ἐν τῇ νησῖδι τῇ μεταξὺ τοῦ Διορύκτου τε καὶ τῆς πόλεως, καλεῖται δὲ Ἀφροδίτης Αἰνειάδος.
이 섬에서도 그들은 다시 아프로디테 신전을 세웠는데, 이는 현재 운하와 도시 사이에 있는 작은 섬에 있으며 '아이네아스 아프로디테 신전'이라 불린다.
ἄραντες δὲ αὐτόθεν ἐπί τε Ἄκτιον ἐλθόντες ὁρμίζονται τοῦ Ἀμβρακικοῦ κόλπου πρὸς τὸ ἀκρωτήριον.
그곳에서 출항하여 액티움에 이르러 암브라키아 만의 곶에 정박한다.
κἀκεῖθεν εἰς Ἀμβρακίαν ἀφικνοῦνται πόλιν, ἧς ἐβασίλευεν Ἄμβραξ ὁ Δεξαμενοῦ τοῦ Ἡρακλέους, καὶ ὑπολείπονται ἑκατέρωθι μνημεῖα τῆς ἀφίξεως·
그곳에서 그들은 헤라클레스의 아들 덱사메노스의 아들 암브락스가 다스리던 암브라키아 도시에 도착하고, 양쪽 모두에 도착의 기념비를 남긴다.
ἐν Ἀκτίῳ μὲν Ἀφροδίτης Αἰνειάδος ἱερὸν καὶ πλησίον αὐτοῦ θεῶν μεγάλων, ἃ καὶ εἰς ἐμὲ ἦν· ἐν δὲ Ἀμβρακίᾳ ἱερόν τε τῆς αὐτῆς θεοῦ καὶ ἡρῶον Αἰνείου πλησίον τοῦ μικροῦ θεάτρου, ἐν ᾧ καὶ ξόανον μικρὸν ἀρχαϊκὸν Αἰνείου λεγόμενον, καὶ αὐτὸ θυσίαις ἐγέραιρον αἱ καλούμεναι παρʼ αὐτοῖς ἀμφίπολοι.
액티움에는 아이네아스 아프로디테 신전과 그 부근에 내 시대까지 존재했던 위대한 신들의 신전이 있고, 암브라키아에는 동일한 여신의 신전과 작은 극장 근처에 아이네아스의 영웅묘가 있으며, 그 안에는 아이네아스의 것이라고 전해지는 고졸기의 작은 목조 신상이 있어, 그들 사이에서 '암피폴로이'라 불리는 여사제들이 제사를 지내며 그것을 공경했다.