§1.39.1ἔστι δὲ τῶν ὑπὲρ τοῦ δαίμονος τοῦδε λεγομένων τὰ μὲν μυθικώτερα, τὰ δʼ ἀληθέστερα.
이 신에 대해 전해지는 이야기 중에는 다소 신화적인 것도 있고, 더 진실에 가까운 것도 있다.
ὁ μὲν οὖν μυθικὸς περὶ τῆς παρουσίας αὐτοῦ λόγος ὧδʼ ἔχει·
그의 도래에 관한 신화적인 이야기는 다음과 같다.
ὡς δὴ κελευσθεὶς ὑπʼ Εὐρυσθέως Ἡρακλῆς σὺν τοῖς ἄλλοις ἄθλοις καὶ τὰς Γηρυόνου βοῦς ἐξ Ἐρυθείας εἰς Ἄργος ἀπελάσαι, τελέσας τὸν ἆθλον καὶ τὴν οἴκαδε πορείαν ποιούμενος ἄλλῃ τε πολλαχῇ τῆς Ἰταλίας ἀφίκετο καὶ τῆς Ἀβοριγίνων γῆς εἰς τὸ προσεχὲς τῷ Παλλαντίῳ χωρίον.
즉, 헤라클레스가 에우리스테우스의 명령을 받아 다른 과업들과 함께 게리온의 소들을 에리테이아에서 아르고스로 몰고 가야 했는데, 그 과업을 완수하고 집으로 돌아가는 길에 이탈리아의 다른 여러 곳에 이르렀고, 아보리기네스의 땅 중 팔란티움에 인접한 지역에도 도착했다는 것이다.
§1.39.2εὑρὼν δὲ πόαν ἐν αὐτῷ βουκολίδα πολλὴν καὶ καλήν, τὰς μὲν βοῦς· ἀνῆκεν εἰς νομὴν, αὐτὸς δὲ βαρυνόμενος ὑπο κόπου κατακλιθεὶς ἔδωκεν αὑτὸν ὕπνῳ.
그는 그곳에서 소를 기르기에 아주 좋고 아름다운 풀밭을 발견하여 소들을 방목하도록 풀어놓았고, 자신은 피로로 몸이 무거워져 누워 잠에 빠져들었다.
ἐν δὲ τούτῳ λῃστής τις ἐπιχώριος ὄνομα Κάκος περιτυγχάνει ταῖς βουσὶν ἀφυλάκτοις νεμομέναις καὶ αὐτῶν ἔρωτα ἴσχει.
그러는 사이에 카쿠스라는 이름의 현지 도적이 감시 없이 풀을 뜯고 있던 소들을 우연히 발견하고 그것들에 대한 탐욕을 품었다.
ως δὲ τὸν Ἡρακλέα κοιμώμενον αὐτοῦ κατέμαθεν, ἁπάσας μὲν οὐκ ἂν ᾤετο δύνασθαι λαθεῖν ἀπελάσας, καὶ ἅμα οὐδὲ ῥᾴδιον ὂν τὸ πρᾶγμα κατεμάνθανεν·
그는 헤라클레스가 잠들어 있는 것을 발견하고, 소들을 전부 몰고 가면 들키지 않을 수 없을 것이라 생각했고, 또한 그것이 쉬운 일이 아님을 깨달았다.
ὀλίγας δέ τινας ἐξ αὐτῶν εἰς τὸ ἄντρον, ἐν ᾧ πλησίον ὄντι ἐτύγχανε τὴν δίαιταν ποιούμενος, ἀποκρύπτεται ἔμπαλιν τῆς κατὰ φύσιν τοῖς ζῴοις πορείας ἐπισπώμενος ἑκάστην κατʼ οὐράν.
그래서 그는 그 소들 중 몇 마리를 근처에 있어 자신이 거처로 삼고 있던 동굴 속으로 숨겼는데, 동물들의 자연스러운 걸음걸이와는 반대 방향으로 각각의 꼬리를 잡아당겨 끌고 갔다.
τοῦτο δὲ αὐτῷ τῶν ἐλέγχων ἀφανισμὸν ἐδύνατο παρασχεῖν ἐναντίας φανησομένης τοῖς ἴχνεσι τῆς ὁδοῦ.
이는 그에게 증거를 인멸할 수 있게 해주었는데, 발자국 때문에 길의 방향이 반대로 보일 것이기 때문이었다.
§1.39.3ἀναστὰς δὲ μετʼ ὀλίγον ὁ Ἡρακλῆς καὶ τὸν ἀριθμὸν ἐπιλεξάμενος τῶν βοῶν, ὡς ἔμαθέ τινας ἐκλειπούσας, τέως μὲν ἠπόρει ποῦ κεχωρήκασι καὶ ὡς πεπλανημένας ἀπὸ τῆς νομῆς ἐμάστευεν ἀνὰ τὸν χῶρον·
조금 뒤에 일어난 헤라클레스는 소들의 수를 세어 보고 몇 마리가 없어졌음을 알게 되자, 한동안 그것들이 어디로 갔는지 당황해하며 방목지에서 길을 잃은 것으로 여겨 그 지역을 찾아 헤맸다.
ὡς δʼ οὐχ εὕρισκεν ἐπὶ τὸ σπήλαιον ἀφικνεῖται τοῖς μὲν ἴχνεσι διαρτώμενος, οὐδὲν δὲ ἧττον οἰόμενος δεῖν διερευνήσασθαι τὸν χῶρον.
그러나 찾지 못하자 발자국 때문에 혼란스러워하면서도 그럼에도 그곳을 수색해야 한다고 생각하여 동굴에 이르렀다.
τοῦ δὲ Κάκου πρὸ τῆς θύρας ἑστῶτος καὶ οὔτʼ ἰδεῖν τὰς βοῦς φάσκοντος ἐρομένῳ οὔτʼ ἐρευνᾶσθαι ἐπιτρέποντος αἰτουμένῳ τούς τε πλησίον ὡς δεινὰ πάσχοι ὑπὸ τοῦ ξένου ἐπιβοῶντος, ἀμηχανῶν ὁ Ἡρακλῆς ὅ τι χρήσεται τῷ πράγματι εἰς νοῦν βάλλεται προσελάσαι τῷ σπηλαίῳ τὰς ἄλλας βοῦς.
카쿠스가 문 앞에 서서 소들을 보지 못했다고 우기고 수색을 요청해도 허락하지 않으며, 이방인에게 끔찍한 대접을 받고 있다고 소리치며 이웃들을 불러 모자, 어떻게 대처해야 할지 막막했던 헤라클레스는 남은 소들을 동굴 가까이로 몰고 갈 생각을 해냈다.
ὡς δὲ ἄρα τῆς συννόμου φωνῆς τε καὶ ὀσμῆς αἱ ἔντοσθεν ᾔσθοντο, ἀντεμυκῶντο ταῖς ἔκτοσθεν καὶ ἐγεγόνει ἡ φωνὴ §1.39.4αὐτῶν κατήγορος τῆς κλοπῆς.
그리하여 안에 있던 소들이 밖의 소들의 울음소리와 냄새를 알아채고 외치자, 밖의 소들에게 맞받아 울었고 그 소리가 도둑질을 고발하는 증거가 되었다.
ὁ μὲν οὖν Κάκος, ἐπειδὴ περιφανὴς ἐγένετο κακουργῶν, τρέπεται πρὸς ἀλκὴν καὶ τοὺς εἰωθότας αὐτῷ συναγραυλεῖν ἀνεκάλει· Ἡρακλῆς δὲ ἀλοιῶν αὐτὸν τῷ ῥοπάλῳ κτείνει, καὶ τὰς βοῦς ἐξαγαγών, ἐπειδὴ κακούργων ὑποδοχαῖς εὔθετον ἑώρα τὸ χωρίον, ἐπικατασκάπτει τῇ καλαύροπι τὸ σπήλαιον.
그리하여 카쿠스는 자신의 악행이 천하에 드러나자 힘에 의존하기로 하고 평소에 함께 야영하던 동료들을 불러 모았으나, 헤라클레스는 몽둥이로 그를 때려눕혀 죽이고 소들을 밖으로 몰아낸 뒤, 그곳이 악당들의 은신처로 적합한 것을 보고 지팡이로 동굴을 허물어 버렸다.
ἁγνίσας δὲ τῷ ποταμῷ τὸν φόνον ἱδρύεται πλησίον τοῦ τόπου Διὸς Εὑρεσίου βωμόν, ὅς ἐστι τῆς Ῥώμης παρὰ τῇ Τριδύμῳ πύλῃ, καὶ θύει τῷ θεῷ δάμαλιν ἕνα τῆς εὑρέσεως τῶν βοῶν χαριστήριον.
그리고 강에서 살인의 부정을 씻어낸 뒤 그 부근에 '발견의 제우스' 제단을 세웠는데, 이 제단은 로마의 트리게미나 문 옆에 있다. 그리고 소를 발견한 것에 대한 감사의 뜻으로 신에게 젊은 황소 한 마리를 제물로 바쳤다.
ταύτην ἔτι καὶ εἰς ἐμὲ τὴν θυσίαν ἡ Ῥωμαίων πόλις συνετέλει, νομίμοις Ἑλληνικοῖς ἅπασιν ἐν αὐτῇ χρωμένη, καθάπερ ἐκεῖνος κατεστήσατο.
이 제사를 로마 시는 내 시대에 이르기까지 여전히 거행하고 있었으며, 그 안에서 헤라클레스가 제정한 대로 모든 그리스식 의례를 사용했다.