§52ἀποθανόντες δὲ Γάλλοι οὐκ ὁμοίην ταφὴν τοῖσιν ἄλλοισι θάπτονται, ἀλλʼ ἐὰν ἀποθάνῃ Γάλλος, ἑταῖροί μιν ἀείραντες ἐς τὰ προάστεια φέρουσιν, θέμενοι δὲ αὐτὸν καὶ τὸ φέρτρον τῷ ἐκόμισαν, ὕπερθε λίθοις βάλλουσιν, καὶ τάδε πρήξαντες ὀπίσω ἀπονοστέουσιν.
그러나 갈로스들이 죽었을 때 그들은 다른 이들과 같은 방식의 장례로 묻히는 것이 아니라, 만약 한 갈로스가 죽으면 그의 동료들이 그를 들어 올려 교외로 나르고, 그와 그를 운반해 온 상여를 내려놓은 뒤 그 위에 돌을 던지며, 이 일들을 행한 뒤에 다시 돌아간다.
φυλάξαντες δὲ ἑπτὰ ἡμερέων ἀριθμὸν οὕτως ἐς τὸ ἱρὸν ἐσέρχονται· πρὸ δὲ τουτέων ἢν ἐσέλθωσιν, οὐκ ὅσια ποιέουσιν.
그리고 칠 일간의 일수를 지킨 뒤에 비로소 이와 같이 신전으로 들어가니, 만약 이 일수 전에 들어가면 그들은 부정함을 행하는 것이다.
§53νόμοισι δὲ ἐς ταῦτα χρέωνται τουτέοισι.
그리고 그들은 이 일들에 대해 다음과 같은 규정들을 따르고 있다.
ἢν μέν τις αὐτέων νέκυν ἴδηται, ἐκείνην τὴν ἡμέρην ἐς τὸ ἱρὸν οὐκ ἀπικνέεται, τῇ ἑτέρῃ δὲ καθήρας ἑωυτὸν ἐσέρχεται.
만약 그들 중 누군가가 시체를 본다면 그날은 신전에 가지 않으며, 다음 날에 자신을 정결하게 한 뒤에 들어간다.
αὐτῶν δὲ τῶν οἰκείων τοῦ νέκυος ἕκαστοι φυλάξαντες ἀριθμὸν ἡμερέων τριήκοντα καὶ τὰς κεφαλὰς ξυράμενοι ἐσέρχονται· πρὶν δὲ τάδε ποιῆσαι, οὐ σφίσι ἐσιέναι ὅσιον.
그러나 죽은 이의 친척들 자신은 저마다 삼십 일간의 일수를 지키고 머리를 깎은 뒤에 들어가니, 이것들을 행하기 전에는 그들이 들어가는 것이 허용되지 않는다.
§54θύουσιν δὲ βόας ἄρσενάς τε καὶ θήλεας καὶ αἶγας καὶ ὄϊας.
그들은 황소와 암소, 그리고 염소와 양을 희생으로 바친다.
σύας δὲ μοῦνον ἐναγέας νομίζοντες οὔτε θύουσιν οὔτε σιτέονται.
그러나 돼지만은 부정하다고 여겨 바치지도 않고 먹지도 않는다.
ἄλλοι δʼ οὐ σφέας ἐναγέας, ἀλλὰ ἱροὺς νομίζουσιν.
하지만 다른 이들은 그것들을 부정하다고 여기지 않고 신성하다고 여긴다.
ὀρνίθων τε αὐτέοισι περιστερὴ δοκέει χρῆμα ἱρότατον καὶ οὐδὲ ψαύειν αὐτέων δικαιέουσιν·
또한 새들 중에서는 비둘기가 그들에게 가장 신성한 것으로 여겨지며, 그것들을 만지는 것조차 옳지 않다고 여긴다.
καὶ ἢν ἀέκοντες ἅψωνται, ἐναγέες ἐκείνην τὴν ἡμέρην εἰσί.
그리고 비록 뜻하지 않게 만지더라도 그날은 부정해진다.
τοὔνεκα δὲ αὐτέοισι σύννομοί τέ εἰσι καὶ ἐς τὰ οἰκεῖα ἐσέρχονται καὶ τὰ πολλὰ ἐν γῇ νέμονται.
그리하여 비둘기들은 그들과 함께 살며 집 안으로 들어오고 대부분 땅에서 먹이를 먹는다.
§55λέξω δὲ καὶ τῶν πανηγυριστέων τὰ ἕκαστοι ποιέουσιν.
또한 축제에 오는 이들이 저마다 행하는 일도 설명하겠다.
ἀνὴρ εὖτʼ ἂν ἐς τὴν ἱρὴν πόλιν πρῶτον ἀπικνέηται, κεφαλὴν μὲν ὅδε καὶ ὀφρύας ἐξύρατο, μετὰ δὲ ἱρεύσας ὄϊν τὰ μὲν ἄλλα κρεουργέει τε καὶ εὐωχέεται, τὸ δὲ νάκος χαμαὶ θέμενος ἐπὶ τούτου ἐς γόνυ ἕζεται, πόδας δὲ καὶ κεφαλὴν τοῦ κτήνεος ἐπὶ τὴν ἑωυτοῦ κεφαλὴν ἀναλαμβάνει·
사람이 처음으로 성스런 도시에 도착할 때, 이 사람은 머리와 눈썹을 깎는다. 그 후에 양을 희생으로 바치고 다른 부위는 고기를 썰어 잔치를 벌이지만, 그 가죽을 땅에 깔고 그 위에 무릎을 꿇으며, 그 가축의 발과 머리를 자신의 머리 위에 얹는다.
ἅμα δὲ εὐχόμενος αἰτέει τὴν μὲν παρεοῦσαν θυσίην δέκεσθαι, μέζω δὲ ἐσαῦτις ὑπισχνέεται.
그리고 동시에 기도하며 현재의 희생 제물을 받아줄 것을 구하고 향후에 더 큰 것을 약속한다.
τελέσας δὲ ταῦτα, τὴν κεφαλὴν αὐτοῦ τε στέφεται καὶ τῶν ἄλλων ὁκόσοι τὴν αὐτὴν ὁδὸν ἀπικνέονται, ἄρας δὲ ἀπὸ τῆς ἑωυτοῦ ὁδοιπορέει, ὕδασί τε ψυχροῖσι χρεόμενος λουτρῶν τε καὶ πόσιος εἵνεκα καὶ ἐς πάμπαν χαμοκοιτέων·
이것들을 마친 뒤, 그는 자신의 머리와 같은 길로 도착하는 다른 모든 이들의 머리에 화환을 씌우고, 출발하여 자신의 땅으로부터 여행을 계속하며, 목욕과 음용을 위해 찬물을 쓰고 철저히 노숙한다.
οὐ γάρ οἱ εὐνῆς ἐπιβῆναι ὅσιον πρὶν τήν τε ὁδὸν ἐκτελέσαι καὶ ἐς τὴν ἑωυτοῦ αὖτις ἀπικέσθαι.
왜냐하면 여행을 마치고 다시 자신의 집에 도착하기 전에는 그가 침대에 드는 것이 허용되지 않기 때문이다.
§56ἐν δὲ τῇ ἱρῇ πόλει ἐκδέκεταί μιν ἀνὴρ ξεινοδόκος ἀγνοέοντα·
그리고 성스런 도시에서는 사정을 모르는 그를 영접인 남자가 맞이한다.
ῥητοὶ γὰρ δὴ ὦν ἑκάστης πόλιος αὐτόθι ξεινοδόκοι εἰσίν, καὶ τόδε πατρόθεν οἴκοι δέκονται.
왜냐하면 참으로 거기에는 각 도시마다 정해진 영접인들이 있어, 이것을 가문 대대로 아버지로부터 물려받기 때문이다.
καλέονται δὲ ὑπὸ Ἀσσυρίων οἵδε διδάσκαλοι, ὅτι σφίσι πάντα ὑπηγέονται.
그리고 이들은 아시리아인들에게 '교사'라 불리는데, 그들에게 모든 것을 지도해 주기 때문이다.
§57θύουσι δὲ οὐκ ἐν αὐτῷ τῷ ἱρῷ, ἀλλʼ ἐπεὰν παραστήσῃ τῷ βωμῷ τὸ ἱρήιον, ἐπισπείσας αὖτις ἄγει ζῳὸν ἐς τὰ οἰκεῖα, ἐλθὼν δὲ κατʼ ἑωυτὸν θύει τε καὶ εὔχεται.
그들은 신전 자체 안에서 제사를 지내지 않는다. 도리어 그가 제단을 향해 희생 제물을 세워놓고 그 위에 헌주를 한 후에, 다시 산 채로 동물을 자신의 숙소로 데려가서, 혼자 그리로 가 제사를 지내고 기도한다.
§58ἔστιν δὲ καὶ ἄλλης θυσίης τρόπος τοιόσδε.
또한 다른 방식의 제사도 있으니 다음과 같다.
στέψαντες τὰ ἱρήια, ζῳὰ ἐκ τῶν προπυλαίων ἀπιᾶσιν, τὰ δὲ κατενεχθέντα θνήσκουσιν.
희생 제물에 화환을 씌운 뒤 산 채로 신전 정문에서 던져 버리는데, 떨어져 내린 것들은 죽는다.
ἔνιοι δὲ καὶ παῖδας ἑωυτῶν ἐντεῦθεν ἀπιᾶσιν, οὐκ ὁμοίως τοῖς κτήνεσιν, ἀλλʼ ἐς πήρην ἐνθέμενοι χειρὶ κατάγουσιν, ἅμα δὲ αὐτέοισιν ἐπικερτομέοντες λέγουσιν ὅτι οὐ παῖδες, ἀλλὰ βόες εἰσίν.
어떤 이들은 자신들의 아이들마저 그곳에서 던지지만, 가축들과 같은 방식이 아니라 자루에 넣은 채 손으로 내리며, 동시에 그들을 놀리면서 아이들이 아니라 소라고 말한다.
§59στίζονται δὲ πάντες, οἱ μὲν ἐς καρπούς, οἱ δὲ ἐς αὐχένας·
그리고 그들은 모두 문신을 새기는데, 어떤 이들은 손목에, 어떤 이들은 목덜미에 새긴다.
καὶ ἀπὸ τοῦδε ἅπαντες Ἀσσύριοι στιγματηφορέουσιν.
그리고 이로부터 모든 아시리아인들이 문신을 지니게 되었다.
§60ποιέουσι δὲ καὶ ἄλλο μούνοισι Ἑλλήνων Τροιζηνίοισι ὁμολογέοντες.
또한 그들은 그리스인들 중에서는 오직 트로이젠인들과만 일치하는 다른 일도 행한다.
λέξω δὲ καὶ τὰ ἐκεῖνοι ποιέουσιν.
그들이 행하는 일도 설명하겠다.
Τροιζήνιοι τῇσι παρθένοισι καὶ τοῖσιν ἠιθέοισι νόμον ἐποιήσαντο μή μιν ἄλλως γάμον ἰέναι, πρὶν Ἱππολύτῳ κόμας κείρασθαι·
트로이젠인들은 처녀들과 청년들에게 히폴리토스를 위해 머리를 깎기 전에는 결코 결혼에 들지 말라는 법을 세웠다.
καὶ ὧδε ποιέουσιν.
그리고 그들은 이와 같이 행한다.
τοῦτο καὶ ἐν τῇ ἱρῇ πόλει γίγνεται.
이것이 성스런 도시에서도 행해진다.
οἱ μὲν νεηνίαι τῶν γενείων ἀπάρχονται, τοῖς δὲ νέοισι πλοκάμους ἱροὺς ἐκ γενετῆς ἀπιᾶσιν, τοὺς ἐπεὰν ἐν τῷ ἱρῷ γένωνται, τάμνουσίν τε καὶ ἐς ἄγγεα καταθέντες οἱ μὲν ἀργύρεα, πολλοὶ δὲ χρύσεα ἐν τῷ νηῷ προσηλώσαντες ἀπίασιν ἐπιγράψαντες ἕκαστοι τὰ οὐνόματα.
청년들은 수염의 첫 수확을 바치고, 아이들을 위해서는 태어날 때부터 신성한 머리채를 길러 두는데, 이것들을 신전에 도달했을 때 깎아서 그릇에 담아두니, 어떤 이들은 은그릇에, 많은 이들은 금그릇에 담아 신전에 박아두고 떠나며, 저마다 이름을 새겨 둔다.
τοῦτο καὶ ἐγὼ νέος ἔτι ὢν ἐπετέλεσα, καὶ ἔτι μευ ἐν τῷ ἱρῷ καὶ ὁ πλόκαμος καὶ τὸ οὔνομα.
이것은 나 역시 아직 젊었을 때 수행했던 일이며, 아직도 신전에는 나의 머리채와 이름이 남아 있다.