§15ἔστιν δὲ καὶ ἄλλος λόγος ἱρός, τὸν ἐγὼ σοφοῦ ἀνδρὸς ἤκουσα, ὅτι ἡ μὲν θεὴ Ῥέη ἐστίν, τὸ δὲ ἱρὸν Ἄττεω ποίημα.
또한 다른 성스러운 이야기도 있는데, 나는 어떤 지혜로운 이로부터 그것을 들었다. 즉, 그 여신은 레아이고, 신전은 아티스의 작품이라는 것이다.
Ἄττης δὲ γένος μὲν Λυδὸς ἦν, πρῶτος δὲ τὰ ὄργια τὰ ἐς Ῥέην ἐδιδάξατο.
아티스는 종족상 뤼디아인이었으며, 레아에 관한 신성한 의식을 처음으로 가르친 사람이었다.
καὶ τὰ Φρύγες καὶ Λυδοὶ καὶ Σαμόθρᾳκες ἐπιτελέουσιν, Ἄττεω πάντα ἔμαθον.
프리기아인, 뤼디아인, 사모트라케인들이 행하는 의식들은 모두 아티스로부터 배운 것이다.
ὡς γάρ μιν ἡ Ῥέη ἔτεμεν, βίου μὲν ἀνδρηίου ἀπεπαύσατο, μορφὴν δὲ θηλέην ἠμείψατο καὶ ἐσθῆτα γυναικηίην ἐνεδύσατο καὶ ἐς πᾶσαν γῆν φοιτέων ὄργιά τε ἐπετέλεεν καὶ τὰ ἔπαθεν ἀπηγέετο καὶ Ῥέην ἤειδεν.
레아가 그를 거세했을 때, 그는 남성으로서의 삶을 그치고 여성의 형상으로 바꾸었으며, 여성의 옷을 입고 온 땅을 돌아다니며 의식을 거행하고 자신이 겪은 일을 이야기하며 레아를 노래했기 때문이다.
ἐν τοῖσιν καὶ ἐς Συρίην ἀπίκετο.
그 와중에 그는 시리아에도 이르렀다.
ὡς δὲ οἱ πέρην Εὐφρήτεω ἄνθρωποι οὔτε αὐτὸν οὔτε ὄργια ἐδέκοντο, ἐν τῷδε τῷ χώρῳ τὸ ἱρὸν ἐποιήσατο.
유프라테스강 건너편의 사람들이 그도 그의 의식도 받아들이지 않자, 그는 이 지역에 신전(성소)을 세웠다.
σημήια δέ·
그 증거는 이러하다.
ἡ θεὸς τὰ πολλὰ ἐς Ῥέην ἐπικνέεται.
이 여신은 많은 점에서 레아와 일치한다.
λέοντες γάρ μιν φέρουσι καὶ τύμπανον ἔχει καὶ ἐπὶ τῇ κεφαλῇ πυργοφορέει, ὁκοίην Ῥέην Λυδοὶ ποιέουσιν.
사자들이 그녀를 태우고 가며, 그녀는 북을 들고 있고, 머리에는 성벽 관을 쓰고 있는데, 이는 뤼디아인들이 레아를 묘사하는 방식과 같기 때문이다.
ἔλεγεν δὲ καὶ Γάλλων πέρι, οἵ εἰσιν ἐν τῷ ἱρῷ, ὅτι Γάλλοι Ἥρῃ μὲν οὐδαμά, Ῥέῃ δὲ τέμνονται καὶ Ἄττεα μιμέονται.
그는 또한 신전에 있는 갈리들에 관해서도 이야기했는데, 갈리들은 결코 헤라를 위해서가 아니라 레아를 위해 거세하며 아티스를 모방하는 것이라고 했다.
τὰ δέ μοι εὐπρεπέα μὲν δοκέει ἔμμεναι, ἀληθέα δὲ οὔ·
그러나 이 이야기들은 내가 보기에 그럴듯해 보이지만 참되지는 않다.
ἐπεὶ καὶ τῆς τομῆς ἄλλην αἰτίην ἤκουσα πολλὸν πιστοτέρην.
거세에 관해서는 훨씬 더 믿을 만한 다른 원인을 들었기 때문이다.
§16ἁνδάνει δέ μοι ἃ λέγουσιν τοῦ ἱροῦ πέρι τοῖς Ἕλλησι τὰ πολλὰ ὁμολογέοντες, τὴν μὲν θεὸν Ἥρην δοκέοντες, τὸ δʼ ἔργον Διονύσου τοῦ Σεμέλης ποίημα·
신전에 관해 전해지는 이야기 중 많은 부분에서 그리스인들과 일치하는 설이 내 마음에 든다. 즉, 여신을 헤라로 여기고, 이 성업을 세멜레의 아들 디오니소스의 작품으로 여기는 것이다.
καὶ γὰρ δὴ Διόνυσος ἐς Συρίην ἀπίκετο κείνην ὁδὸν τὴν ἦλθεν ἐς Αἰθιοπίην.
실제로 디오니소스는 에티오피아로 가던 길에 저 시리아에 이르렀기 때문이다.
καὶ ἔστι πολλὰ ἐν τῷ ἱρῷ Διονύσου ποιητέω σήματα, ἐν τοῖσι καὶ ἐσθῆτες βάρβαροι καὶ λίθοι Ἰνδοὶ καὶ ἐλεφάντων κέρεα, τὰ Διόνυσος ἐξ Αἰθιόπων ἤνεικεν, καὶ φαλλοὶ δὲ ἑστᾶσι ἐν τοῖσι προπυλαίοισι δύο κάρτα μεγάλοι, ἐπὶ τῶν ἐπίγραμμα τοιόνδε ἐπιγέγραπται,
τούσδε φαλλοὺς Διόνυσος Ἥρῃ μητρυιῇ ἀνέθηκα. τὸ ἐμοὶ μέν νυν καὶ τόδε ἀρκέει, ἐρέω δὲ καὶ ἄλλʼ ὅ τι ἐστὶν ἐν τῷ νηῷ Διονύσου ὄργιον.
그리고 신전 안에는 건립자 디오니소스의 징표들이 많이 있는데, 그중에는 디오니소스가 에티오피아인들로부터 가져온 이방의 의복들과 인도의 보석들, 코끼리의 상아들이 있으며, 또한 문루에는 매우 커다란 두 개의 남근상이 서 있는데, 그 위에는 다음과 같은 비문이 새겨져 있다. "이 남근상들을 나 디오니소스가 계모 헤라에게 바쳤노라." 나로서는 이것만으로도 충분하지만, 신전에 있는 디오니소스의 또 다른 의식에 대해서도 말하겠다.
φαλλοὺς Ἕλληνες Διονύσῳ ἐγείρουσιν, ἐπὶ τῶν καὶ τοιόνδε τι φέρουσιν, ἄνδρας μικροὺς ἐκ ξύλου πεποιημένους, μεγάλα αἰδοῖα ἔχοντας·
그리스인들은 디오니소스를 위해 남근상을 세우고, 그 위에 다음과 같은 것을 들고 가는데, 그것은 커다란 남근을 가진 나무로 만든 작은 인형들로, 이것들은 조종 인형이라고 불린다.
καλέεται δὲ τάδε νευρόσπαστα. ἔστι δὲ καὶ τόδε ἐν τῷ ἱρῷ·
신전 안에는 이러한 것도 있다.
ἐν δεξιῇ τοῦ νηοῦ κάθηται μικρὸς ἀνὴρ χάλκεος ἔχων αἰδοῖον μέγα.
신전 오른편에는 커다란 남근을 가진 청동으로 만든 작은 남자가 앉아 있다.
§17τοσάδε μὲν ἀμφὶ τῶν οἰκιστέων τοῦ ἱροῦ μυθολογέουσιν.
신전의 건립자들에 관해서는 이만큼의 신화들이 전해진다.
ἤδη δὲ ἐρέω καὶ τοῦ νηοῦ πέρι θέσιός τε ὅκως ἐγένετο καὶ ὅστις μιν ἐποιήσατο.
이제 나는 신전 자체와 그것의 입지가 어떻게 결정되었는지, 그리고 누가 그것을 지었는지에 대해 말하겠다.
λέγουσι τὸν νηὸν τὸν νῦν ἐόντα μὴ ἔμμεναι τὸν τὴν ἀρχὴν γεγενημένον, ἀλλʼ ἐκεῖνον μὲν κατενεχθῆναι χρόνῳ ὕστερον, τὸν δὲ νῦν ἐόντα Στρατονίκης ἔμμεναι ποίημα, γυναικὸς τοῦ Ἀσσυρίων βασιλέως.
그들이 말하기를, 지금 있는 신전은 처음에 지어진 것이 아니라, 처음의 것은 나중에 허물어졌고, 지금 있는 것은 아시리아 왕의 아내인 스트라토니케의 작품이라고 한다.
δοκέει δέ μοι ἡ Στρατονίκη ἐκείνη ἔμμεναι, τῆς ὁ πρόγονος ἠρήσατο, τὸν ἤλεγξεν τοῦ ἰητροῦ ἐπινοίη·
내가 보기에 이 스트라토니케는, 그녀의 의붓아들이 사랑하였고 의사의 지혜가 밝혀냈던 바로 그 스트라토니케인 듯하다.
ὡς γάρ μιν ἡ συμφορὴ κατέλαβεν, ἀμηχανέων τῷ κακῷ αἰσχρῷ δοκέοντι κατʼ ἡσυχίην ἐνόσεεν, ἔκειτο δὲ ἀλγέων οὐδέν, καί οἱ ἥ τε χροιὴ πάμπαν ἐτρέπετο καὶ τὸ σῶμα διʼ ἡμέρης ἐμαραίνετο.
왜냐하면 재앙이 그를 덮쳤을 때, 그는 그 부끄럽게 여겨지는 병 때문에 어찌할 바를 몰라 조용히 앓아누웠는데, 통증은 전혀 없었으나 그의 안색은 완전히 변하고 몸은 매일 쇠약해졌기 때문이다.
ὁ δὲ ἰητρὸς ὡς εἶδέ μιν ἐς οὐδὲν ἐμφανὲς ἀρρωστέοντα, ἔγνω τὴν νοῦσον ἔρωτα ἔμμεναι.
의사는 그가 겉으로 드러나는 뚜렷한 이유 없이 앓고 있는 것을 보고, 그 병이 사랑 때문임을 알았다.
ἔρωτος δὲ ἀφανέος πολλὰ σημήια, ὀφθαλμοί τε ἀσθενέες καὶ φωνὴ καὶ χροιὴ καὶ δάκρυα.
숨겨진 사랑에는 많은 징후가 있으니, 힘없는 눈빛, 목소리, 안색, 그리고 눈물이다.
μαθὼν δὲ ταῦτα ἐποίεε·
이를 알게 된 의사는 다음과 같이 행했다.
χειρὶ μὲν τῇ δεξιῇ εἶχε τοῦ νεηνίσκου τὴν καρδίην, ἐκάλεε δὲ τοὺς ἀνὰ τὴν οἰκίην πάντας·
오른손으로 청년의 심장(맥박)을 짚고, 집안에 있는 사람들을 모두 불렀다.
ὁ δὲ τῶν μὲν ἄλλων ἐσιόντων πάντων ἐν ἠρεμίῃ μεγάλῃ ἦν, ὡς δὲ ἡ μητρυιὴ ἀπίκετο, τήν τε χροιὴν ἠλλάξατο καὶ ἱδρώειν ἄρξατο καὶ τρόμῳ εἴχετο καὶ ἡ καρδίη ἀνεπάλλετο.
다른 이들이 모두 들어올 때 청년은 매우 차분했으나, 의붓어머니가 도달하자 안색을 바꾸고 식은땀을 흘리기 시작하며 떨림에 사로잡혔고 심장은 요동쳤다.
τὰ δὲ γιγνόμενα ἐμφανέα τῷ ἰητρῷ τὸν ἔρωτα ἐποίεεν, καί μιν ὧδε ἰήσατο.
이러한 일들은 의사에게 사랑을 명백하게 보여주었고, 그는 그를 다음과 같이 치료했다.