§1ἄξιόν γε παρατηρεῖν τὰ ὑπὸ τῶν πολλῶν ἐν τοῖς πένθεσι γιγνόμενα καὶ λεγόμενα καὶ τὰ ὑπὸ τῶν παραμυθουμένων δῆθεν αὐτοὺς αὖθις λεγόμενα, καὶ ὡς ἀφόρητα ἡγοῦνται τὰ συμβαίνοντα σφίσι τε αὐτοῖς οἱ ὀδυρόμενοι καὶ ἐκείνοις οὓς ὀδύρονται, οὐ μὰ τὸν Πλούτωνα καὶ Φερσεφόνην κατʼ οὐδὲν ἐπιστάμενοι σαφῶς οὔτε εἰ πονηρὰ ταῦτα καὶ λύπης ἄξια οὔτε εἰ τοὐναντίον ἡδέα καὶ βελτίω τοῖς παθοῦσι, νόμῳ δὲ καὶ συνηθείᾳ τὴν λύπην ἐπιτρέποντες.
상례(喪禮) 때 대중이 행하고 말하는 것과, 이어서 그들을 위로한답시고 나서는 자들이 하는 말을 관찰하는 것은 참으로 가치 있는 일이다. 또한 애도하는 자들이 자신들에게 일어난 일이나 자신들이 애도하는 죽은 이들에게 일어난 일이 얼마나 견디기 힘든 것인지 생각하는 방식을 보는 것도 그러하다. 그들은 플루톤과 페르세포네의 이름을 걸고 맹세컨대, 이러한 일이 나쁘고 슬퍼할 만한 일인지, 아니면 반대로 그것을 겪은 이들에게 즐겁고 더 좋은 일인지를 조금도 명확히 알지 못하며, 단지 관습과 습관에 그 슬픔을 내맡기고 있을 뿐이다.
ἐπειδὰν τοίνυν ἀποθάνῃ τις, οὕτω ποιοῦσιν — μᾶλλον δὲ πρότερον εἰπεῖν βούλομαι ἅστινας περὶ αὐτοῦ τοῦ θανάτου δόξας ἔχουσιν·
그리하여 누군가 죽으면 그들은 이와 같이 행동한다. ―― 차라리 그보다 먼저 그들이 죽음 자체에 대해 어떤 의견을 가지고 있는지 말하고 싶다.
οὕτω γὰρ ἔσται φανερὸν οὗτινος ἕνεκα τὰ περιττὰ ἐκεῖνα ἐπιτηδεύουσιν.
그래야 그들이 왜 저런 군더더기 같은 일들을 정성껏 행하는지 분명해질 것이기 때문이다.
§2ὁ μὲν δὴ πολὺς ὅμιλος, οὓς ἰδιώτας οἱ σοφοὶ καλοῦσιν, Ὁμήρῳ τε καὶ Ἡσιόδῳ καὶ τοῖς ἄλλοις μυθοποιοῖς περὶ τούτων πειθόμενοι καὶ νόμον θέμενοι τὴν ποίησιν αὐτῶν, τόπον τινα ὑπὸ τῇ γῇ βαθὺν Ἅιδην ὑπειλήφασιν, μέγαν δὲ καὶ πολύχωρον τοῦτον εἶναι καὶ ζοφερὸν καὶ ἀνήλιον, οὐκ οἶδʼ ὅπως αὐτοῖς φωτίζεσθαι δοκοῦντα πρὸς τὸ καὶ καθορᾶν τῶν ἐνόντων ἕκαστον·
지혜로운 자들이 '속물(凡夫)'이라 부르는 대중은, 이 일에 관하여 호메로스와 헤시오도스 및 다른 신화 작가들의 말을 믿고 그들의 시를 법으로 삼아, 땅속 깊은 어떤 곳을 하데스로 상정하고 있다. 그리고 이곳은 넓고 광대하며 어둡고 해가 들지 않는 곳인데, 웬일인지 그곳에 있는 것들을 하나하나 다 볼 수 있을 정도로 빛이 비치고 있다고 그들은 생각한다.
βασιλεύειν δὲ τοῦ χάσματος ἀδελφὸν τοῦ Διὸς Πλούτωνα κεκλημένον, ὥς μοι τῶν τὰ τοιαῦτα δεινῶν τις ἔλεγε, διὰ τὸ πλουτεῖν τοῖς νεκροῖς τῇ προσηγορίᾳ τετιμημένον.
또한 제우스의 형제이자 플루톤이라 불리는 이가 이 심연을 지배하고 있다고 믿는데, 이 방면에 능한 어떤 이가 내게 말해 주었듯이, 그는 죽은 자들을 풍부하게 거느리고 있기에 이 이름으로 일컬어지는 영예를 얻었다고 한다.
τοῦτον δὲ τὸν Πλούτωνα τὴν παρʼ αὑτῷ πολιτείαν καὶ τὸν κάτω βίον καταστήσασθαι τοιοῦτον·
그리고 이 플루톤은 자기의 국가와 저승의 삶을 다음과 같이 조직했다는 것이다.
κεκληρῶσθαι μὲν γὰρ αὐτὸν ἄρχειν τῶν ἀποθανόντων, καταδεξάμενον δὲ αὐτοὺς καὶ παραλαβόντα κατέχειν δεσμοῖς ἀφύκτοις, οὐδενὶ τὸ παράπαν τῆς ἄνω ὁδοῦ ὑφιέμενον πλὴν ἐξ ἅπαντος τοῦ αἰῶνος πάνυ ὀλίγων ἐπὶ μεγίσταις αἰτίαις.
즉, 그는 죽은 자들을 지배하도록 배정받았으며, 그들을 받아들이고 넘겨받아서는 빠져나갈 수 없는 결박으로 붙잡아 두고, 영원한 시간 속에서 아주 극소수의 이들이 지극히 중대한 이유로 허락받은 경우를 제외하고는, 그 누구에게도 위로 올라가는 길을 전혀 내어주지 않는다는 것이다.
§3περιρρεῖσθαι δὲ τὴν χώραν αὐτοῦ ποταμοῖς μεγάλοις τε καὶ φοβεροῖς καὶ ἐκ μόνων τῶν ὀνομάτων·
또한 그의 나라는 이름만 들어도 무시무시한 큰 강들로 둘러싸여 있다.
Κωκυτοὶ γὰρ καὶ Πυριφλεγέθοντες καὶ τὰ τοιαῦτα κέκληνται.
그것들은 코키토스(애곡의 강)나 피리플레게톤(불타는 강) 따위로 불리기 때문이다.
τὸ δὲ μέγιστον, ἡ Ἀχερουσία λίμνη πρόκειται πρώτη δεχομένη τοὺς ἀπαντῶντας, ἣν οὐκ ἔνι διαπλεῦσαι ἢ παρελθεῖν ἄνευ τοῦ πορθμέως·
그리고 가장 중요한 것으로, 아케루시아 호수가 맨 먼저 앞을 가로막아 도착하는 이들을 맞이하는데, 이곳은 사공 없이는 배로 건너거나 지나갈 수 없다.
βαθεῖά τε γὰρ περᾶσαι τοῖς ποσὶν καὶ διανήξασθαι πολλή, καὶ ὅλως οὐκ ἂν αὐτὴν διαπταίη οὐδὲ τὰ νεκρὰ τῶν ὀρνέων.
발로 걸어 건너기에는 깊고 헤엄쳐 건너기에는 너무나 넓으며, 요컨대 죽은 새조차도 결코 이를 날아서 건널 수 없다.
§4πρὸς δὲ αὐτῇ τῇ καθόδῳ καὶ πύλῃ οὔσῃ ἀδαμαντίνῃ ἀδελφιδοῦς τοῦ βασιλέως Αἰακὸς ἕστηκε τὴν φρουρὰν ἐπιτετραμμένος καὶ παρʼ αὐτῷ κύων τρικέφαλος μάλα κάρχαρος, τοὺς μὲν ἀφικνουμένους φίλιόν τι καὶ εἰρηνικὸν προσβλέπων, τοὺς δὲ πειρῶντας ἀποδιδράσκειν ὑλακτῶν καὶ τῷ χάσματι δεδιττόμενος.
그리고 바로 그 내려가는 길과 금강석으로 된 문이 있는 곳에, 왕의 조카인 아이아코스가 파수를 위임받아 서 있고, 그 곁에는 이빨이 매우 날카로운 머리 셋 달린 개가 있어, 도착하는 이들에게는 다소 친근하고 평온한 눈빛을 보내지만, 도망치려는 이들에게는 짖어대며 아가리를 벌려 겁을 준다.
§5περαιωθέντας δὲ τὴν λίμνην εἰς τὸ εἴσω λειμὼν ὑποδέχεται μέγας τῷ ἀσφοδέλῳ κατάφυτος καὶ ποτὸν μνήμης πολέμιον·
호수를 건너 안쪽으로 들어가면 아스포델로스가 무성한 넓은 들판이 그들을 맞이하고, 기억의 적인 음료가 기다린다.
Λήθης γοῦν διὰ τοῦτο ὠνόμασται.
적어도 이런 이유로 그것은 레테(망각)라 명명되었다.
ταῦτα γὰρ ἀμέλει διηγήσαντο τοῖς πάλαι ἐκεῖθεν ἀφιγμένοι Ἄλκηστίς τε καὶ Πρωτεσίλαος οἱ Θετταλοὶ καὶ Θησεὺς ὁ τοῦ Αἰγέως καὶ ὁ τοῦ Ὁμήρου Ὀδυσσεύς, μάλα σεμνοὶ καὶ ἀξιόπιστοι μάρτυρες, ἐμοὶ δοκεῖν οὐ πιόντες τῆς πηγῆς·
왜냐하면 이러한 일들을 옛날에 그곳에서 돌아온 자들인 테살리아의 알케스티스와 프로테실라오스, 아이게우스의 아들 테세우스, 그리고 호메로스의 오디세우스가 확실히 이야기해 주었기 때문인데, 이들은 매우 엄숙하고 신뢰할 만한 증인들로서, 내가 보기에는 그 샘물을 마시지 않은 듯하다.
οὐ γὰρ ἂν ἐμέμνηντο αὐτῶν.
그렇지 않았다면 그들이 이런 일들을 기억하지 못했을 테니 말이다.
§6ὁ μὲν οὖν Πλούτων, ὡς ἐκεῖνοι ἔφασαν, καὶ ἡ Φερσεφόνη δυναστεύουσι καὶ τὴν τῶν ὅλων δεσποτείαν ἔχουσιν, ὑπηρετοῦσι δʼ αὐτοῖς καὶ τὴν ἀρχὴν συνδιαπράττουσιν ὄχλος πολύς, Ἐρινύες τε καὶ Ποιναὶ καὶ Φόβοι καὶ ὁ Ἑρμῆς, οὗτος μέν γε οὐκ ἀεὶ συμπαρών.
그리하여 플루톤과 페르세포네가, 그들의 말에 따르면, 지배권을 행사하며 만물에 대한 주권을 쥐고 있고, 대단히 많은 무리가 그들을 보좌하며 통치를 함께 집행한다. 즉 에리뉘에스들과 포이나이들, 포보스들, 그리고 헤르메스인데, 이 헤르메스는 늘 함께 있는 것은 아니다.