§6Τίμων
ὥστε ὑπὸ τῶν κακῶν ἐπὶ ταύτην τὴν ἐσχατιὰν τραπόμενος ἐναψάμενος διφθέραν ἐργάζομαι τὴν γῆν ὑπόμισθος ὀβολῶν τεττάρων, τῇ ἐρημίᾳ καὶ τῇ δικέλλῃ προσφιλοσοφῶν.
티몬 그리하여 나는 불행들로 인해 이 변방으로 도망쳐, 가죽 겉옷을 걸치고 4오볼로스의 삯을 받으며 땅을 일구고, 고독과 곡괭이를 벗 삼아 철학을 하고 있소.
ἐνταῦθα τοῦτο γοῦν μοι δοκῶ κερδανεῖν, μηκέτι ὄψεσθαι πολλοὺς παρὰ τὴν ἀξίαν εὖ πράττοντας·
적어도 여기서는 공로도 없으면서 분에 넘치게 잘사는 많은 사람들을 더는 보지 않아도 된다는 이득을 얻는 듯하오.
ἀνιαρότερον γὰρ τοῦτό γε.
왜냐하면 그것이야말로 더욱 괴로운 일이기 때문이오.
ἤδη ποτὲ οὖν, ὦ Κρόνου καὶ Ῥέας υἱέ, τὸν βαθὺν τοῦτον ὕπνον ἀποσεισάμενος καὶ νήδυμον — ὑπὲρ τὸν Ἐπιμενίδην γὰρ κεκοίμησαι — καὶ ἀναρριπίσας τὸν κεραυνὸν ἢ ἐκ τῆς Αἴτνης ἐναυσάμενος μεγάλην ποιήσας τὴν φλόγα ἐπιδείξαιό τινα χολὴν ἀνδρώδους καὶ νεανικοῦ Διός, εἰ μὴ ἀληθῆ ἐστι τὰ ὑπὸ Κρητῶν περὶ σοῦ καὶ τῆς ἐκεῖ ταφῆς μυθολογούμενα.
그러므로 이제 마침내, 오 크로노스와 레아의 아들이시여, 이 깊고 감미로운 잠을 털어버리시고 ――당신은 에피메니데스보다 더 오래 주무셨으니 말이오 ―― 벼락을 다시 부채질해 살리시거나 에트나 화산에서 불을 붙여 큰 불꽃을 일으켜서, 사내답고 활기찬 제우스의 분노를 보여주시오. 크레타인들이 당신에 대해, 그리고 그곳에 있는 당신의 무덤에 대해 꾸며낸 신화가 사실이 아니라면 말이오.
§7Ζεύς
τίς οὗτός ἐστιν, ὦ Ἑρμῆ, ὁ κεκραγὼς ἐκ τῆς Ἀττικῆς παρὰ τὸν Ὑμηττὸν ἐν τῇ ὑπωρείᾳ πιναρὸς ὅλος καὶ αὐχμῶν καὶ ὑποδίφθερος;
제우스 헤르메스야, 히메토스 산기슭의 아티카에서 고함을 지르고 있는, 온몸이 더럽고 까칠하며 가죽 옷을 입은 저자는 대체 누구냐?
σκάπτει δὲ οἶμαι ἐπικεκυφώς·
보아하니 몸을 굽히고 땅을 파고 있는 것 같구나.
λάλος ἄνθρωπος καὶ θρασύς.
수다스럽고 대담한 녀석이로다.
ἦ που φιλόσοφός ἐστιν·
필시 철학자이리라.
οὐ γὰρ ἂν οὕτως ἀσεβεῖς τοὺς λόγους διεξῄει καθʼ ἡμῶν.
그렇지 않다면 우리를 거슬러 이토록 불경한 말을 늘어놓았을 리가 없으니 말이다.
Ἑρμῆς
τί φής, ὦ πάτερ;
헤르메스 아버지, 무슨 말씀을 하시는 것입니까?
ἀγνοεῖς Τίμωνα τὸν Ἐχεκρατίδου τὸν Κολλυτέα;
에케크라티데스의 아들이자 콜리토스 구 출신인 티몬을 모르십니까?
οὗτός ἐστιν ὁ πολλάκις ἡμᾶς καθʼ ἱερῶν τελείων ἑστιάσας, ὁ νεόπλουτος, ὁ τὰς ὅλας ἑκατόμβας, παρʼ ᾧ λαμπρῶς ἑορτάζειν εἰώθαμεν τὰ Διάσια.
이 자가 바로 온전한 제물을 바치며 우리를 수없이 대접했던 자이며, 통째로 백두 희생 제물을 바치던 신흥 부자였고, 우리가 그 집에서 디아시아 제전을 찬란하게 축하하곤 했던 바로 그 자입니다.
Ζεύς
φεῦ τῆς ἀλλαγῆς·
제우스 아, 어찌 이리 변했단 말이냐!
ὁ καλὸς ἐκεῖνος, ὁ πλούσιος, περὶ ὃν οἱ τοσοῦτοι φίλοι;
수많은 친구들에게 둘러싸여 있던 그 아름답고 부유하던 자가 말이냐?
τί παθὼν οὖν τοιοῦτός ἐστιν, αὐχμηρός, ἄθλιος, καὶ σκαπανεὺς καὶ μισθωτός, ὡς ἔοικεν, οὕτω βαρεῖαν καταφέρων τὴν δίκελλαν;
도대체 무슨 일을 겪었기에 이처럼 행색이 초라하고 비참하며, 보아하니 삯일꾼이자 삽질꾼이 되어 이토록 무거운 곡괭이를 내리치고 있는 것이냐?
§8Ἑρμῆς
οὑτωσὶ μὲν εἰπεῖν, χρηστότης ἐπέτριψεν αὐτὸν καὶ φιλανθρωπία καὶ ὁ πρὸς τοὺς δεομένους ἅπαντας οἶκτος, ὡς δὲ ἀληθεῖ λόγῳ, ἄνοια καὶ εὐήθεια καὶ ἀκρισία περὶ τῶν φίλων, ὃς οὐ συνίει κόραξι καὶ λύκοις χαριζόμενος, ἀλλʼ ὑπὸ γυπῶν τοσούτων ὁ κακοδαίμων κειρόμενος τὸ ἧπαρ φίλους εἶναι αὐτοὺς καὶ ἑταίρους ᾤετο, ὑπʼ εὐνοίας τῆς πρὸς αὐτὸν χαίροντας τῇ βορᾷ·
헤르메스 좋게 말하자면 선량함과 인간애, 그리고 곤경에 처한 모든 이들에 대한 동정심이 그를 망쳐놓은 것이고, 실상을 말하자면 친구들에 대한 어리석음과 순진함, 그리고 판단력 부족 때문입니다. 이 불쌍한 자는 자신이 까마귀와 늑대들에게 은혜를 베풀고 있다는 사실을 깨닫지 못했고, 그 많은 독수리들에게 간을 파먹히면서도, 그들이 먹이를 즐기는 것이 자신에 대한 호의 때문이라 여기며 그들을 친구이자 동료라고 생각했던 것입니다.
οἱ δὲ τὰ ὀστᾶ γυμνώσαντες ἀκριβῶς καὶ περιτραγόντες, εἰ δέ τις καὶ μυελὸς ἐνῆν, ἐκμυζήσαντες καὶ τοῦτον εὖ μάλα ἐπιμελῶς, ᾤχοντο αὖον αὐτὸν καὶ τὰς ῥίζας ὑποτετμημένον ἀπολιπόντες, οὐδὲ γνωρίζοντες ἔτι ἢ προσβλέποντες — πόθεν γάρ;
그들은 뼈를 샅샅이 발라내고 갉아먹은 뒤, 뼈마디에 골수라도 남아 있으면 그것마저 극히 공들여 빨아먹고는, 그를 바싹 말라버리고 뿌리가 잘린 채로 내버려 두고 떠나가 버렸습니다. 이제는 그를 알아보지도 않고 쳐다보지도 않으며 ――어찌 그러겠습니까?
— ἢ ἐπικουροῦντες ἢ ἐπιδιδόντες ἐν τῷ μέρει.
―― 도우려 하지도 않고 이번에는 자신들이 베풀려 하지도 않습니다.
διὰ ταῦτα δικελλίτης καὶ διφθερίας, ὡς ὁρᾷς, ἀπολιπὼν ὑπʼ αἰσχύνης τὸ ἄστυ μισθοῦ γεωργεῖ μελαγχολῶν τοῖς κακοῖς, ὅτι οἱ πλουτοῦντες παρʼ αὐτοῦ μάλα ὑπεροπτικῶς παρέρχονται οὐδὲ τοὔνομα, εἰ Τίμων καλοῖτο, εἰδότες.
이 때문에 보시는 바와 같이 곡괭이를 쥐고 가죽 옷을 입은 채, 수치심에 도성을 떠나 삯을 받으며 농사를 짓고 있으며, 자신 덕분에 부유해진 자들이 매우 오만하게 지나쳐 가며 그의 이름이 티몬인지조차 모르는 척하는 그 불행에 속을 태우고 있습니다.
§9Ζεύς
καὶ μὴν οὐ παροπτέος ἁνὴρ οὐδὲ ἀμελητέος·
제우스 참으로 그 사내를 방치하거나 모른 척해서는 안 되겠구나.
εἰκότως γὰρ ἠγανάκτει δυστυχῶν·
불행을 겪으며 분개한 것은 당연한 일이다.
ἐπεὶ καὶ ὅμοια ποιήσομεν τοῖς καταράτοις κόλαξιν ἐκείνοις ἐπιλελησμένοι ἀνδρὸς τοσαῦτα μηρία ταύρων τε καὶ αἰγῶν πιότατα καύσαντος ἡμῖν ἐπὶ τῶν βωμῶν·
만약 제단 위에서 우리에게 황소와 염소의 그토록 많은 가장 기름진 넓적다리뼈를 태워 바친 사람을 우리가 잊어버린다면, 우리 역시 저 저주받을 아첨꾼들과 다를 바 없는 짓을 행하게 될 테니 말이다.
ἔτι γοῦν ἐν ταῖς ῥισὶ τὴν κνῖσαν αὐτῶν ἔχω.
적어도 내 코에는 여전히 그 기름 탄 냄새가 남아 있구나.
πλὴν ὑπʼ ἀσχολίας τε καὶ θορύβου πολλοῦ τῶν ἐπιορκούντων καὶ βιαζομένων καὶ ἁρπαζόντων, ἔτι δὲ καὶ φόβου τοῦ παρὰ τῶν ἱεροσυλούντων — πολλοὶ γὰρ οὗτοι καὶ δυσφύλακτοι καὶ οὐδὲ ἐπʼ ὀλίγον καταμύσαι ἡμῖν ἐφιᾶσι — πολὺν ἤδη χρόνον οὐδὲ ἀπέβλεψα ἐς τὴν Ἀττικήν, καὶ μάλιστα ἐξ οὗ φιλοσοφία καὶ λόγων ἔριδες ἐπεπόλασαν αὐτοῖς·
다만, 위증하는 자들과 폭력을 행사하는 자들, 강탈하는 자들로 인한 분주함과 소란이 너무도 크고, 게다가 성소 약탈자들 ――이들은 머릿수가 많고 방비하기가 어려워 우리가 한순간도 눈을 붙이지 못하게 하누나 ―― 에 대한 두려움마저 있어, 꽤 오랫동안 아티카 땅을 굽어살피지 못했구나. 특히 그들 사이에 철학과 말다툼이 만연한 이래로 더욱 그러했다.
μαχομένων γὰρ πρὸς ἀλλήλους καὶ κεκραγότων οὐδὲ ἐπακούειν ἔστι τῶν εὐχῶν·
저희끼리 싸우고 소리를 지르는 통에 기도 소리를 들을 수조차 없으니 말이다.
ὥστε ἢ ἐπιβυσάμενον χρὴ τὰ ὦτα καθῆσθαι ἢ ἐπιτριβῆναι πρὸς αὐτῶν, ἀρετήν τινα καὶ ἀσώματα καὶ λήρους μεγάλῃ τῇ φωνῇ συνειρόντων.
그리하여 귀를 틀어막고 앉아 있거나, 아니면 "덕"이니 "비물질"이니 하는 헛소리들을 큰 목소리로 늘어놓는 자들에게 시달려 망가질 수밖에 없구나.
διὰ ταῦτά τοι καὶ τοῦτον ἀμεληθῆναι συνέβη πρὸς ἡμῶν οὐ φαῦλον ὄντα.
실로 이런 일들 때문에, 보잘것없는 인물이 아닌 이 사내마저 우리에게 방치되는 일이 생기고 만 것이다.