§21Μίκυλλος
οὐκοῦν, ὦ ἀλεκτρυών, ἐπειδὴ ἁπάντων σχεδὸν ἤδη τῶν βίων ἐπειράθης καὶ πάντα οἶσθα, λέγοις ἂν ἤδη σαφῶς ἰδίᾳ μὲν τὰ τῶν πλουσίων ὅπως βιοῦσιν, ἰδίᾳ δὲ τὰ πτωχικά, ὡς μάθω εἰ ἀληθῆ ταῦτα φὴς εὐδαιμονέστερον ἀποφαίνων με τῶν πλουσίων.
미퀼로스 그렇다면 수탉이여, 그대는 이제 거의 모든 종류의 삶을 겪어 보았고 모든 것을 알고 있으니, 한편으로는 부자들이 어떻게 살아가는지, 다른 한편으로는 가난한 이들의 삶은 어떠한지를 이제 각각 나누어 명확히 말해 주시오. 그대가 나를 부자들보다 더 행복하다고 선언한 것이 진실을 말한 것인지 내가 알 수 있도록 말이오.
Ἀλεκτρυών
ἰδοὺ δὴ οὕτως ἐπίσκεψαι, ὦ Μίκυλλε·
수탉 보시오, 미퀼로스여, 이렇게 생각해 보시오.
σοὶ μὲν οὔτε πολέμου πολὺς λόγος, ἢν λέγηται ὡς οἱ πολέμιοι προσελαύνουσιν, οὐδὲ φροντίζεις μὴ τὸν ἀγρὸν τέμωσιν ἐμβαλόντες ἢ τὸν παράδεισον συμπατήσωσιν ἢ τὰς ἀμπέλους δῃώσωσιν, ἀλλὰ τῆς σάλπιγγος ἀκούων μόνον, εἴπερ ἄρα, περιβλέπεις τὸ κατὰ σεαυτόν, οἷ τραπόμενον χρὴ σωθῆναι καὶ τὸν κίνδυνον διαφυγεῖν·
그대에게는 적들이 진격해 온다는 말이 들리더라도 전쟁에 대해 크게 신경 쓸 일이 없고, 그들이 침입하여 밭을 베어 버리거나 정원을 짓밟거나 포도밭을 약탈하지나 않을까 걱정하지도 않소. 오히려 나팔 소리가 들릴 때, 만약 정말로 들린다면, 그대는 오직 자기 주변을 둘러보며 어디로 피해야 살아남고 위험을 벗어날 수 있을지만 살필 뿐이오.
οἱ δʼ εὐλαβοῦνται μὲν καὶ ἀμφʼ αὑτοῖς, ἀνιῶνται δὲ ὁρῶντες ἀπὸ τῶν τειχῶν ἀγόμενα καὶ φερόμενα ὅσα εἶχον ἐν τοῖς ἀγροῖς.
하지만 그들은 자신들의 신변을 걱정할 뿐만 아니라, 밭에 가지고 있던 모든 것들이 약탈당하고 실려 가는 것을 성벽 위에서 바라보며 괴로워하오.
καὶ ἤν τε εἰσφέρειν δέῃ, μόνοι καλοῦνται, ἤν τε ἐπεξιέναι, προκινδυνεύουσι στρατηγοῦντες ἢ ἱππαρχοῦντες·
게다가 전쟁세를 내야 할 때가 오면 오직 그들만이 소집되고, 출정해야 할 때가 오면 장군이나 기병대장으로서 앞장서서 위험을 무릅쓰오.
σὺ δὲ οἰσυΐνην ἀσπίδα ἔχων, εὐσταλὴς καὶ κοῦφος εἰς σωτηρίαν, ἕτοιμος ἑστιᾶσθαι τὰ ἐπινίκια, ἐπειδὰν θύῃ ὁ στρατηγὸς νενικηκώς.
하지만 그대는 버드나무로 엮은 방패를 들고 몸 가볍고 날쌔게 도망쳐 목숨을 구하며, 승리한 장군이 제사를 지낼 때면 언제든 전승 축하연에서 대접받을 준비가 되어 있소.
§22Ἀλεκτρυών
ἐν εἰρήνῃ τε αὖ σὺ μὲν τοῦ δήμου ὢν ἀναβὰς εἰς ἐκκλησίαν τυραννεῖς τῶν πλουσίων, οἱ δὲ φρίττουσι καὶ ὑποπτήσσουσι καὶ διανομαῖς ἱλάσκονταί σε.
수탉 또한 평화로울 때에 그대는 민중의 일원으로서 민회에 올라가 부자들 위에 군림하며, 그들은 사시나무 떨듯 떨고 굽실거리며 분배물로 그대의 비위를 맞추오.
λουτρὰ μὲν γὰρ ὡς ἔχοις καὶ θεάματα καὶ τἆλλα διαρκῆ ἅπαντα, ἐκεῖνοι πονοῦσι, σὺ δὲ ἐξεταστὴς καὶ δοκιμαστὴς πικρὸς ὥσπερ δεσπότης, οὐδὲ λόγου μεταδιδοὺς ἐνίοτε, κἄν σοι δοκῇ κατεχαλάζησας αὐτῶν ἀφθόνους τοὺς λίθους ἢ τὰς οὐσίας αὐτῶν ἐδήμευσας·
그대가 목욕탕과 구경거리와 그 외 필요한 모든 충분한 것들을 누릴 수 있도록 그들은 노고를 아끼지 않는데, 그대는 주인처럼 엄격한 검사관이자 심사관이 되어 때로는 변명할 기회조차 주지 않고, 그대의 마음에 들기만 하면 그들에게 가차 없이 돌벼락을 내리치거나 그들의 재산을 몰수해 버리오.
οὔτε δὲ συκοφάντην δέδιας αὐτὸς οὔτε λῃστὴν μὴ ὑφέληται τὸ χρυσίον ὑπερβὰς τὸ θριγκίον ἢ διορύξας τὸν τοῖχον, οὔτε πράγματα ἔχεις λογιζόμενος ἢ ἀπαιτῶν ἢ τοῖς καταράτοις οἰκονόμοις διαπυκτεύων καὶ πρὸς τοσαύτας φροντίδας μεριζόμενος, ἀλλὰ κρηπῖδα συντελέσας ἑπτὰ ὀβολοὺς τὸν μισθὸν ἔχων, ἀπαναστὰς περὶ δείλην ὀψίαν λουσάμενος, ἢν δοκῇ, σαπέρδην τινὰ ἢ μαινίδας ἢ κρομμύων κεφαλίδας ὀλίγας πριάμενος εὐφραίνεις σεαυτὸν ᾄδων τὰ πολλὰ καὶ τῇ βελτίστῃ Πενίᾳ προσφιλοσοφῶν.
그대 자신은 밀고자(쉬코판테스)를 두려워하지도 않고, 도둑이 담장을 넘거나 벽을 뚫고 들어와 금화를 훔쳐 가지 않을까 걱정하지도 않소. 또한 셈을 하거나 독촉을 하거나, 저 빌어먹을 집사들과 격렬하게 다투며 그토록 많은 걱정거리로 마음이 갈가리 찢기는 귀찮은 일도 없소. 도리어 신발 한 짝을 완성하여 일당으로 7오볼로스를 손에 쥐고서, 늦은 저녁 무렵에 일어서서 원한다면 목욕을 하고, 염장 생선이나 잔물고기 혹은 양파 몇 뿌리를 사서 노래를 부르며 스스로를 즐겁게 하고, 가장 훌륭한 '가난'의 여신과 더불어 철학을 논하오.
§23Ἀλεκτρυών
ὥστε διὰ ταῦτα ὑγιαίνεις τε καὶ ἔρρωσαι τὸ σῶμα καὶ διακαρτερεῖς πρὸς τὸ κρύος·
수탉 그리하여 이 모든 일들 덕분에 그대는 건강하고 몸이 튼튼하며 추위도 잘 견뎌내오.
οἱ πόνοι γάρ σε παραθήγοντες οὐκ εὐκαταφρόνητον ἀνταγωνιστὴν ἀποφαίνουσι πρὸς τὰ δοκοῦντα τοῖς ἄλλοις ἄμαχα εἶναι.
노고가 그대를 단련시켜, 다른 이들에게는 극복하기 불가능해 보이는 일들에 맞서서 결코 만만치 않은 경쟁 상대로 만들어 주기 때문이오.
ἀμέλει οὐδέν σοι τῶν χαλεπῶν τούτων νοσημάτων πρόσεισιν, ἀλλʼ ἤν ποτε κοῦφος πυρετὸς ἐπιλάβηται, πρὸς ὀλίγον ὑπηρετήσας αὐτῷ ἀνεπήδησας εὐθὺς ἀποσεισάμενος τὴν ἄσην, ὁ δὲ φεύγει αὐτίκα φοβηθείς, ψυχροῦ σε ὁρῶν ἐμφορούμενον καὶ μακρὰ οἰμώζειν λέγοντα ταῖς ἰατρικαῖς περιόδοις·
참으로 이 까다로운 질병들 중 어느 것도 그대에게는 범접하지 못하오. 하지만 만약 가벼운 열이라도 오르면, 잠시 동안 열의 처분에 맡겨두는가 싶다가도 곧바로 불쾌감을 털어내고 벌떡 일어나오. 그러면 열은 그대가 찬물을 들이켜고 의사들의 회진 따위에는 "저리 꺼져 버려라" 하고 소리치는 것을 보고는 겁에 질려 즉시 도망쳐 버리오.
οἱ δὲ ὑπʼ ἀκρασίας ἄθλιοι τί τῶν κακῶν οὐκ ἔχουσι, ποδάγρας καὶ φθόας καὶ περιπλευμονίας καὶ ὑδέρους;
하지만 무절제함 탓에 비참해진 저들은 온갖 악조건들을 다 겪고 있으니, 통풍, 폐결핵, 폐렴, 수종 등이 그것이오.
αὗται γὰρ τῶν πολυτελῶν ἐκείνων δείπνων ἀπόγονοι.
이것들은 바로 저 사치스러운 만찬의 자손들이니 말이오.
τοιγαροῦν οἱ μὲν αὐτῶν ὥσπερ ὁ Ἴκαρος ἐπὶ πολὺ ἄραντες αὑτοὺς καὶ πλησιάσαντες τῷ ἡλίῳ οὐκ εἰδότες ὅτι κηρῷ ἥρμοστο αὐτοῖς ἡ πτέρωσις, μέγαν ἐνίοτε τὸν πάταγον ἐποίησαν ἐπὶ κεφαλὴν ἐς πέλαγος ἐμπεσόντες·
그리하여 그들 중 어떤 이들은 이카로스처럼 자신을 높이 띄워 태양에 가까이 다가갔으나, 자신들의 깃털이 밀랍으로 고정되어 있다는 사실을 모른 채, 때로는 머리부터 바다로 곤두박질치며 큰 파열음을 내기도 하오.
ὅσοι δὲ κατὰ τὸν Δαίδαλον μὴ πάνυ μετέωρα μηδὲ ὑψηλὰ ἐφρόνησαν ἀλλὰ πρόσγεια, ὡς νοτίζεσθαι ἐνίοτε τῇ ἅλμῃ τὸν κηρόν, ὡς τὸ πολὺ οὗτοι ἀσφαλῶς διέπτησαν.
그러나 다이달로스처럼 너무 높이 날거나 높은 곳을 바라보지 않고 땅에 가깝게 날아, 때로는 바닷물 소금기에 밀랍이 젖을지언정 무사히 날아간 이들은 대개 안전하게 지나가오.
Μίκυλλος
ἐπιεικεῖς τινας καὶ συνετοὺς λέγεις.
미퀼로스 그대는 제법 도리에 맞고 현명한 사람들을 말하고 있구려.
Ἀλεκτρυών
τῶν μέντοι γε ἄλλων, ὦ Μίκυλλε, τὰς ναυαγίας αἰσχρὰς ἴδοις ἄν, ὅταν ὁ Κροῖσος περιτετιλμένος τὰ πτερὰ γέλωτα παρέχῃ Πέρσαις ἀναβαίνων ἐπὶ τὴν πυρὰν ἢ Διονύσιος καταλυθεὶς τῆς τυραννίδος ἐν Κορίνθῳ γραμματιστὴς βλέπηται, μετὰ τηλικαύτην ἀρχὴν παιδία συλλαβίζειν διδάσκων.
수탉 하지만 미퀼로스여, 그 외의 다른 이들의 난파(파멸)는 참으로 비참하게 보일 것이오. 크로이스가 깃털을 다 뜯긴 채 장작더미 위로 올라가며 페르시아인들에게 웃음거리가 되거나, 디오니시우스가 참주의 자리에서 쫓겨나 코린토스에서, 그토록 거대한 권세를 누린 후에 어린아이들에게 글자 맞추기를 가르치는 서당 훈장 노릇을 하는 모습을 보게 될 때 말이오.