§2.10τέταρτοι δὲ ἡμεῖς προσήχθημεν·
네 번째로 우리가 인도되었다.
καὶ ὁ μὲν ἤρετο τί παθόντες ἔτι ζῶντες ἱεροῦ χωρίου ἐπιβαίημεν· ἡμεῖς δὲ πάντα ἑξῆς διηγησάμεθα.
그리고 그는 우리가 무슨 일을 겪었기에(어째서) 아직 살아있는 몸으로 신성한 땅을 밟았느냐고 물었고, 우리는 모든 일을 차례대로 설명했다.
οὕτω δὴ μεταστησάμενος ἡμᾶς ἐπὶ πολὺν χρόνον ἐσκέπτετο καὶ τοῖς συνέδροις ἐκοινοῦτο περὶ ἡμῶν.
그러자 그는 우리를 물러나게 한 뒤 오랫동안 숙고하고 배석 판사들과 우리에 관해 논의했다.
συνήδρευον δὲ ἄλλοι τε πολλοὶ καὶ Ἀριστείδης ὁ δίκαιος ὁ Ἀθηναῖος.
배석한 이들 중에는 다른 많은 이들과 함께 아테네의 의인 아리스티데스도 있었다.
ὡς δὲ ἔδοξεν αὐτῷ, ἀπεφήναντο, τῆς μὲν φιλοπραγμοσύνης καὶ τῆς ἀποδημίας, ἐπειδὰν ἀποθάνωμεν, δοῦναι τὰς εὐθύνας, τὸ δὲ νῦν ῥητὸν χρόνον μείναντας ἐν τῇ νήσῳ καὶ συνδιαιτηθέντας τοῖς ἥρωσιν ἀπελθεῖν.
그의 결심이 서자 그들은 판결을 내렸으니, 우리의 참견과 여행에 대해서는 우리가 죽은 후에 심사를 받도록 하고, 지금은 정해진 기간 동안 섬에 머물며 영웅들과 함께 생활한 뒤에 떠나라는 것이었다.
ἔταξαν δὲ καὶ τὴν προθεσμίαν τῆς ἐπιδημίας μὴ πλέον μηνῶν ἑπτά.
그들은 체류 기한을 일곱 달을 넘지 않도록 정했다.
§2.11τοὐντεῦθεν αὐτομάτων ἡμῖν τῶν στεφάνων περιρρυέντων ἐλελύμεθα καὶ εἰς τὴν πόλιν ἠγόμεθα καὶ εἰς τὸ τῶν Μακάρων συμπόσιον.
그 후 우리에게서 화관이 저절로 흘러내려 우리는 풀려났고, 도시로, 그리고 복된 자들의 향연으로 인도되었다.
αὐτὴ μὲν οὖν ἡ πόλις πᾶσα χρυσῆ, τὸ δὲ τεῖχος περίκειται σμαράγδινον·
이 도시 자체는 온통 황금으로 되어 있고, 둘러싼 성벽은 에메랄드로 되어 있다.
πύλαι δέ εἰσιν ἑπτά, πᾶσαι μονόξυλοι κινναμώμινοι·
문은 일곱 개인데 모두 통짜 시나몬 나무로 되어 있다.
τὸ μέντοι ἔδαφος τὸ τῆς πόλεως καὶ ἡ ἐντὸς τοῦ τείχους γῆ ἐλεφαντίνη·
그러나 도시의 바닥과 성벽 안쪽의 땅은 상아로 되어 있다.
ναοὶ δὲ πάντων θεῶν βηρύλλου λίθου ᾠκοδομημένοι, καὶ βωμοὶ ἐν αὐτοῖς μέγιστοι μονόλιθοι ἀμεθύστινοι, ἐφʼ ὧν ποιοῦσι τὰς ἑκατόμβας.
모든 신들의 신전은 베릴(녹주석) 석재로 지어졌고, 그 안의 제단들은 자수정 통돌로 아주 거대하게 만들어졌는데, 그 위에서 그들은 백우 희생을 바친다.
περὶ δὲ τὴν πόλιν ῥεῖ ποταμὸς μύρου τοῦ καλλίστου, τὸ πλάτος πήχεων ἑκατὸν βασιλικῶν, βάθος δὲ πέντε, ὥστε νεῖν εὐμαρῶς.
도시 주변으로는 가장 훌륭한 향유의 강이 흐르는데, 너비는 백 왕실 큐빗이고 깊이는 다섯 큐빗이어서 편하게 수영할 수 있을 정도이다.
λουτρὰ δέ ἐστιν αὐτοῖς οἶκοι μεγάλοι ὑάλινοι, τῷ κινναμώμῳ ἐγκαιόμενοι·
그들의 목욕탕은 유리로 된 거대한 건물인데, 시나몬 나무로 불을 지핀다.
ἀντὶ μέντοι τοῦ ὕδατος ἐν ταῖς πυέλοις δρόσος θερμὴ ἔστιν.
그러나 욕조 안의 물 대신 따뜻한 이슬이 들어 있다.
§2.12ἐσθῆτι δὲ χρῶνται ἀραχνίοις λεπτοῖς, πορφυροῖς.
그들은 고운 자줏빛 거미줄을 의복으로 삼는다.
αὐτοὶ δὲ σώματα μὲν οὐκ ἔχουσιν, ἀλλʼ ἀναφεῖς καὶ ἄσαρκοί εἰσιν, μορφὴν δὲ καὶ ἰδέαν μόνην ἐμφαίνουσιν, καὶ ἀσώματοι ὄντες ὅμως συνεστᾶσιν καὶ κινοῦνται καὶ φρονοῦσι καὶ φωνὴν ἀφιᾶσιν, καὶ ὅλως ἔοικε γυμνή τις ἡ ψυχὴ αὐτῶν περιπολεῖν τὴν τοῦ σώματος ὁμοιότητα περικειμένη·
그들 자신은 몸을 갖고 있지 않아서 만질 수 없고 살도 없지만, 형태와 외관만을 보여주며, 육체가 없음에도 불구하고 함께 모여 있고 움직이며 생각하고 목소리를 낸다. 요컨대 그들의 영혼 자체가 알몸으로 돌아다니며 몸의 유사물을 걸치고 있는 것 같다.
εἰ γοῦν μὴ ἅψαιτό τις, οὐκ ἂν ἐξελέγξειε μὴ εἶναι σῶμα τὸ ὁρώμενον·
적어도 누군가가 만져보지 않는다면, 보이는 것이 육체가 아니라는 점을 증명할 수 없을 것이다.
εἰσὶ γὰρ ὥσπερ σκιαὶ ὀρθαί, οὐ μέλαιναι.
그들은 마치 똑바로 선 그림자 같지만 검지는 않다.
γηράσκει δὲ οὐδείς, ἀλλʼ ἐφʼ ἧς ἂν ἡλικίας ἔλθῃ παραμένει.
아무도 늙지 않고, 이곳에 도달했을 때의 나이 그대로 머문다.
οὐ μὴν οὐδὲ νὺξ παρʼ αὐτοῖς γίνεται, οὐδὲ ἡμέρα πάνυ λαμπρά·
또한 그들에게는 밤이 찾아오지 않으며, 아주 밝은 낮도 되지 않는다.
καθάπερ δὲ τὸ λυκαυγὲς ἤδη πρὸς ἕω, μηδέπω ἀνατείλαντος ἡλίου, τοιοῦτο φῶς ἐπέχει τὴν γῆν.
해가 아직 뜨지 않은, 이미 새벽을 향해가는 여명과도 같은 빛이 땅을 덮고 있다.
καὶ μέντοι καὶ ὥραν μίαν ἴσασιν τοῦ ἔτους· αἰεὶ γὰρ παρʼ αὐτοῖς ἔαρ ἐστὶ καὶ εἷς ἄνεμος πνεῖ παρʼ αὐτοῖς ὁ ζέφυρος.
게다가 그들은 일 년 중 한 계절만 아는데, 그들에게는 언제나 봄이고 부는 바람은 오직 서풍(제피로스)뿐이기 때문이다.
§2.13ἡ δὲ χώρα πᾶσι μὲν ἄνθεσιν, πᾶσι δὲ φυτοῖς ἡμέροις τε καὶ σκιεροῖς τέθηλεν·
이 지방은 모든 꽃과, 모든 가꾸어진 식물 및 그늘진 식물들로 무성하다.
αἱ μὲν γὰρ ἄμπελοι δωδεκάφοροί εἰσιν καὶ κατὰ μῆνα ἕκαστον καρποφοροῦσιν· τὰς δὲ ῥοιὰς καὶ τὰς μηλέας καὶ τὴν ἄλλην ὀπώραν ἔλεγον εἶναι τρισκαιδεκάφορον· ἑνὸς γὰρ μηνὸς τοῦ παρʼ αὐτοῖς Μινῴου δὶς καρποφορεῖν·
포도나무는 일 년에 열두 번 열매를 맺어 매달 결실을 보고, 석류와 사과 및 다른 과수들은 일 년에 열세 번 열매를 맺는다고 전해지는데, 그들의 한 달인 '미노스' 달에는 두 번 결실하기 때문이다.
ἀντὶ δὲ πυροῦ οἱ στάχυες ἄρτον ἕτοιμον ἐπʼ ἄκρων φύουσιν ὥσπερ μύκητας.
밀 대신에 이삭들이 그 끝에 버섯처럼 이미 완성된 빵을 키워낸다.
πηγαὶ δὲ περὶ τὴν πόλιν ὕδατος μὲν πέντε καὶ ἑξήκοντα καὶ τριακόσιαι, μέλιτος δὲ ἄλλαι τοσαῦται, μύρου δὲ πεντακόσιαι, μικρότεραι μέντοι αὗται, καὶ ποταμοὶ γάλακτος ἑπτὰ καὶ οἴνου ὀκτώ.
도시 주변에는 물의 샘이 삼백육십오 개, 꿀의 샘이 그만큼 더 있으며, 향유의 샘이 오백 개 있는데 이것들은 다소 작다. 그리고 젖의 강이 일곱 개, 와인의 강이 여덟 개 흐른다.
§2.14τὸ δὲ συμπόσιον ἔξω τῆς πόλεως πεποίηνται ἐν τῷ Ἠλυσίῳ καλουμένῳ πεδίῳ·
그들은 향연을 도시 바깥의 엘리시온이라 불리는 평원에 마련했다.
λειμὼν δέ ἐστιν κάλλιστος καὶ περὶ αὐτὸν ὕλη παντοία πυκνή, ἐπισκιάζουσα τοὺς κατακειμένους.
그곳은 가장 아름다운 초원이며, 그 주변에는 온갖 울창한 숲이 있어 누워 있는 사람들에게 그늘을 드리워 준다.
καὶ στρωμνὴν μὲν ἐκ τῶν ἀνθῶν ὑποβέβληνται, διακονοῦνται δὲ καὶ παραφέρουσιν ἕκαστα οἱ ἄνεμοι πλήν γε τοῦ οἰνοχοεῖν·
그들은 꽃으로 된 잠자리를 밑에 깔고 있으며, 바람들이 시중을 들고 술을 따르는 일을 제외한 모든 것을 실어 나른다.
τούτου γὰρ οὐδὲν δέονται, ἀλλʼ ἔστι δένδρα περὶ τὸ συμπόσιον ὑάλινα μεγάλα τῆς διαυγεστάτης ὑάλου, καὶ καρπός ἐστι τῶν δένδρων τούτων ποτήρια παντοῖα καὶ τὰς κατασκευὰς καὶ τὰ μεγέθη.
술 따르는 일은 전혀 필요가 없기 때문인데, 향연 주변에 가장 투명한 유리로 된 큰 유리 나무들이 있고, 이 나무들의 열매는 온갖 형태와 크기의 잔이기 때문이다.
ἐπειδὰν οὖν παρίῃ τις ἐς τὸ συμπόσιον, τρυγήσας ἓν ἢ καὶ δύο τῶν ἐκπωμάτων παρατίθεται, τὰ δὲ αὐτίκα οἴνου πλήρη γίνεται.
그러므로 누군가 향연에 참석하게 되면, 그 잔들 중 하나나 둘을 따서 곁에 놓아두는데, 그것들은 곧바로 와인으로 가득 찬다.
οὕτω μὲν πίνουσιν, ἀντὶ δὲ τῶν στεφάνων αἱ ἀηδόνες καὶ τὰ ἄλλα τὰ μουσικὰ ὄρνεα ἐκ τῶν πλησίον λειμώνων τοῖς στόμασιν ἀνθολογοῦντα κατανείφει αὐτοὺς μετʼ ᾠδῆς ὑπερπετόμενα.
그들은 이런 식으로 마신다. 화관 대신에 나이팅게일과 다른 노래하는 새들이 근처 초원에서 입에 꽃을 물고 날아와, 노래하며 그들 위를 날아다니며 꽃을 눈처럼 내려준다.
καὶ μὴν καὶ μυρίζονται ὧδε·
게다가 그들은 향유를 이렇게 바른다.
νεφέλαι πυκναὶ ἀνασπάσασαι μύρον ἐκ τῶν πηγῶν καὶ τοῦ ποταμοῦ καὶ ἐπιστᾶσαι ὑπὲρ τὸ συμπόσιον ἠρέμα τῶν ἀνέμων ὑποθλιβόντων ὕουσι λεπτὸν ὥσπερ δρόσον.
짙은 구름이 샘들과 강에서 향유를 빨아올려 향연 자리에 멈춰 서서, 바람들이 부드럽게 쥐어짬에 따라 고운 이슬처럼 비로 내려주는 것이다.