§1.35καὶ τὰ μὲν ἄλλα ἴσως φέρειν δυνάμεθα, οἱ δὲ γείτονες ἡμῶν καὶ πάροικοι σφόδρα χαλεποὶ καὶ βαρεῖς εἰσιν, ἄμικτοί τε ὄντες καὶ ἄγριοι. ἦ γάρ, ἔφην ἐγώ, καὶ ἄλλοι τινές εἰσιν ἐν τῷ κήτει; πολλοὶ μὲν οὖν, ἔφη, καὶ ἄξενοι καὶ τὰς μορφὰς ἀλλόκοτοι·
“다른 일들은 아마 우리가 견딜 수 있을지도 모르나, 우리의 이웃이자 동거인들은 몹시 까다롭고 성가신 존재이며, 사귀기를 꺼리고 야만적입니다.” “그렇다면,” 하고 내가 말했다, “고래 속에 다른 이들이 또 있단 말씀입니까?” “많다마다요,” 그가 말했다, “손님을 박대하고 모습도 기괴한 자들이라오.
τὰ μὲν γὰρ ἑσπέρια τῆς ὕλης καὶ οὐραῖα Ταριχᾶνες οἰκοῦσιν, ἔθνος ἐγχελυωπὸν καὶ καραβοπρόσωπον, μάχιμον καὶ θρασὺ καὶ ὠμοφάγον·
숲의 서쪽과 꼬리 쪽 지역에는 타리카네스인들이 살고 있는데, 이들은 뱀장어 같은 눈과 바닷가재 같은 얼굴을 한 부족으로, 호전적이고 대담하며 날고기를 먹소.
τὰ δὲ τῆς ἑτέρας πλευρᾶς κατὰ τὸν δεξιὸν τοῖχον Τριτωνομένδητες, τὰ μὲν ἄνω ἀνθρώποις ἐοικότες, τὰ δὲ κάτω τοῖς γαλεώταις, ἧττον μέντοι ἄδικοί εἰσιν τῶν ἄλλων·
오른쪽 벽을 따르는 반대편에는 트리토노멘데테스인들이 사는데, 상반신은 인간을 닮았고 하반신은 도마뱀을 닮았으나, 그나마 다른 자들보다는 덜 사악한 편이라오.
τὰ λαιὰ δὲ Καρκινόχειρες καὶ Θυννοκέφαλοι συμμαχίαν τε καὶ φιλίαν πρὸς ἑαυτοὺς πεποιημένοι·
왼쪽에는 카르키노케이레스인들과 틴노케팔로이인들이 사는데, 자기들끼리 동맹과 우호 관계를 맺고 있소.
τὴν δὲ μεσόγαιαν νέμονται Παγουρίδαι καὶ Ψηττόποδες, γένος μάχιμον καὶ δρομικώτατον·
내륙 지방은 파구리다이인들과 프셋토포데스인들이 차지하고 있는데, 호전적이고 아주 발이 빠른 종족이라오.
τὰ ἑῷα δέ, τὰ πρὸς αὐτῷ τῷ στόματι, τὰ πολλὰ μὲν ἔρημά ἐστι, προσκλυζόμενα τῇ θαλάττῃ·
동쪽, 즉 입 바로 근처의 지역은 대부분 바닷물이 들이쳐서 황폐해져 있소.
ὅμως δὲ ἐγὼ ταῦτα ἔχω φόρον τοῖς Ψηττόποσιν ὑποτελῶν ἑκάστου ἔτους ὄστρεια πεντακόσια. §1.36τοιαύτη μὲν ἡ χώρα ἐστίν·
그럼에도 나는 프셋토포데스인들에게 매년 굴 오백 개를 공납으로 바치며 이 땅을 차지하고 있는 형편이라오.” “이 땅의 사정은 이러하오.
ὑμᾶς δὲ χρὴ ὁρᾶν ὅπως δυνησόμεθα τοσούτοις ἔθνεσι μάχεσθαι καὶ ὅπως βιοτεύσομεν. πόσοι δέ, ἔφην ἐγώ, πάντες οὖτοί εἰσιν;
그러니 여러분은 우리가 이토록 많은 부족들과 어떻게 싸울 수 있을지, 그리고 우리가 어떻게 살아갈 수 있을지 깊이 생각해야 할 것이오.” “이들이 모두 합해 얼마나 됩니까?” 하고 내가 물었다.
πλείους, ἔφη, τῶν χιλίων.
“천 명이 넘소.” 그가 대답했다.
ὅπλα δὲ τίνα ἐστὶν αὐτοῖς; οὐδέν, ἔφη, πλὴν τὰ ὀστᾶ τῶν ἰχθύων. οὐκοῦν, ἔφην ἐγώ, ἄριστα ἂν ἔχοι διὰ μάχης ἐλθεῖν αὐτοῖς, ἅτε οὖσιν ἀνόπλοις αὐτούς γε ὡπλισμένους·
“그들의 무기는 무엇입니까?” “아무것도 없소,” 그가 말했다, “다만 물고기의 뼈 말고는.” “그렇다면,” 하고 내가 말했다, “그들과 전쟁을 치르는 것이 최선이겠군요. 그들은 무방비한 반면 우리는 무장하고 있으니 말입니다.
εἰ γὰρ κρατήσομεν αὐτῶν, ἀδεῶς τὸν λοιπὸν βίον οἰκήσομεν. ἔδοξε ταῦτα, καὶ ἀπελθόντες ἐπὶ ναῦν παρεσκευαζόμεθα.
우리가 그들을 이겨 낸다면, 남은 여생을 아무 걱정 없이 살 수 있을 것입니다.” 이 제안이 가결되어, 우리는 배로 돌아가 준비를 갖추었다.
αἰτία δὲ τοῦ πολέμου ἔμελλεν ἔσεσθαι τοῦ φόρου ἡ οὐκ ἀπόδοσις, ἤδη τῆς προθεσμίας ἐνεστώσης.
전쟁의 빌미는 공납의 미납이 될 참이었는데, 마침 기한이 닥쳐오고 있었기 때문이다.
καὶ δὴ οἱ μὲν ἔπεμπον ἀπαιτοῦντες τὸν δασμόν· ὁ δὲ ὑπεροπτικῶς ἀποκρινάμενος ἀπεδίωξε τοὺς ἀγγέλους.
과연 그들은 공납을 요구하기 위해 사절을 보냈으나, 그는 거만하게 대답하고는 사절들을 쫓아내 버렸다.
πρῶτοι οὖν οἱ Ψηττόποδες καὶ οἱ Παγουρίδαι χαλεπαίνοντες τῷ Σκινθάρῳ — τοῦτο γὰρ ἐκαλεῖτο — μετὰ πολλοῦ θορύβου ἐπῄεσαν.
그리하여 먼저 프셋토포데스인들과 파구리다이인들이 스킨타로스—이것이 노인의 이름이었다—에게 분노하여, 큰 소동을 피우며 엄습해 왔다.
§1.37ἡμεῖς δὲ τὴν ἔφοδον ὑποπτεύοντες ἐξοπλισάμενοι ἀνεμένομεν, λόχον τινὰ προτάξαντες ἀνδρῶν πέντε καὶ εἴκοσι.
우리는 습격을 예상하고 있었기에 무장을 한 채 대기하였고, 스물다섯 명의 전사들로 구성된 매복 부대를 미리 배치해 두었다.
προείρητο δὲ τοῖς ἐν τῇ ἐνέδρᾳ, ἐπειδὰν ἴδωσι παρεληλυθότας τοὺς πολεμίους, ἐπανίστασθαι· καὶ οὕτως ἐποίησαν.
매복해 있던 전사들에게는 적들이 지나쳐 간 것을 보았을 때 기습하라고 미리 일러두었는데, 그들은 그대로 행동했다.
ἐπαναστάντες γὰρ κατόπιν ἔκοπτον αὐτούς, καὶ ἡμεῖς δὲ αὐτοὶ πέντε καὶ εἴκοσι τὸν ἀριθμὸν ὄντες — καὶ γὰρ ὁ Σκίνθαρος καὶ ὁ παῖς αὐτοῦ συνεστρατεύοντο — ὑπηντιάζομεν, καὶ συμμίξαντες θυμῷ καὶ ῥώμῃ διεκινδυνεύομεν.
그들이 뒤쪽에서 덮쳐서 적들을 베어 나갔고, 우리 자신 역시 스물다섯 명의 숫자로—스킨타로스와 그의 아들도 종군했기 때문이다—정면에서 맞서 싸웠으며, 뒤엉켜 싸우며 투지와 힘으로 생사를 걸고 대적했기 때문이다.
τέλος δὲ τροπὴν αὐτῶν ποιησάμενοι κατεδιώξαμεν ἄχρι πρὸς τοὺς φωλεούς.
마침내 우리는 그들을 패주시켰고 그들의 소굴 앞까지 추격했다.
ἀπέθανον δὲ τῶν μὲν πολεμίων ἑβδομήκοντα καὶ ἑκατόν, ἡμῶν δὲ εἷς, ὁ κυβερνήτης, τρίγλης πλευρᾷ διαπαρεὶς τὸ μετάφρενον.
적군 중에서는 백일흔 명이 죽었고, 우리 측에서는 키잡이 한 명이 노랑촉수의 갈비뼈에 등을 찔려 목숨을 잃었다.
§1.38ἐκείνην μὲν οὖν τὴν ἡμέραν καὶ τὴν νύκτα ἐπηυλισάμεθα τῇ μάχῃ καὶ τρόπαιον ἐστήσαμεν ῥάχιν ξηρὰν δελφῖνος ἀναπήξαντες.
그날 하루와 밤 동안 우리는 전장에 야영하였고, 말린 돌고래 등뼈를 박아 세워 전승 기념비를 세웠다.
τῇ ὑστεραίᾳ δὲ καὶ οἱ ἄλλοι αἰσθόμενοι παρῆσαν, τὸ μὲν δεξιὸν κέρας ἔχοντες οἱ Ταριχᾶνες — ἡγεῖτο δὲ αὐτῶν Πήλαμος — τὸ δὲ εὐώνυμον οἱ Θυννοκέφαλοι, τὸ μέσον δὲ οἱ Καρκινόχειρες·
이튿날 소식을 들은 다른 자들도 나타났는데, 타리카네스인들이 우익을 맡고—펠라모스가 그들을 이끌었다—좌익은 틴노케팔로이인들이, 중앙은 카르키노케이레스인들이 맡았다.
οἱ γὰρ Τριτωνομένδητες τὴν ἡσυχίαν ἦγον οὐδετέροις συμμαχεῖν προαιρούμενοι.
트리토노멘데테스인들은 어느 편과도 동맹을 맺지 않기로 결정하고 관망하고 있었기 때문이다.
ἡμεῖς δὲ προαπαντήσαντες αὐτοῖς παρὰ τὸ Ποσειδώνιον συνεμίξαμεν πολλῇ βοῇ χρώμενοι, ἀντήχει δὲ τὸ κύτος ὥσπερ τὰ σπήλαια.
우리는 포세이돈 신전 근처에서 그들을 맞이하여 큰 소리를 지르며 교전했는데, 고래 속이 동굴처럼 울려 퍼졌다.
τρεψάμενοι δὲ αὐτούς, ἅτε γυμνῆτας ὄντας, καὶ καταδιώξαντες ἐς τὴν ὕλην τὸ λοιπὸν ἐπεκρατοῦμεν τῆς γῆς.
그들은 무장이 안 된 상태였기에, 우리는 그들을 격퇴하고 숲속까지 추격하여 마침내 그 땅을 완전히 제압했다.
§1.39καὶ μετʼ οὐ πολὺ κήρυκας ἀποστείλαντες νεκρούς τε ἀνῃροῦντο καὶ περὶ φιλίας διελέγοντο·
머지않아 그들은 전령을 보내어 시신들을 수습하고 평화 조약에 대해 논의했다.
ἡμῖν δὲ οὐκ ἐδόκει σπένδεσθαι, ἀλλὰ τῇ ὑστεραίᾳ χωρήσαντες ἐπʼ αὐτοὺς πάντας ἄρδην ἐξεκόψαμεν πλὴν τῶν Τριτωνομενδήτων.
그러나 우리는 조약을 맺을 생각이 없었기에, 다음 날 그들에게 진격하여 트리토노멘데테스인들을 제외한 모든 이들을 뿌리째 소탕해 버렸다.
οὗτοι δὲ ὡς εἶδον τὰ γινόμενα, διαδράντες ἐκ τῶν βραγχίων ἀφῆκαν αὑτοὺς εἰς τὴν θάλατταν.
이들은 상황이 벌어지는 것을 보자 아가미 밖으로 도망쳐 바다로 몸을 던졌다.
ἡμεῖς δὲ τὴν χώραν ἐπελθόντες ἔρημον ἤδη οὖσαν τῶν πολεμίων τὸ λοιπὸν ἀδεῶς κατῳκοῦμεν, τὰ πολλὰ γυμνασίοις τε καὶ κυνηγεσίοις χρώμενοι καὶ ἀμπελουργοῦντες καὶ τὸν καρπὸν συγκομιζόμενοι τὸν ἐκ τῶν δένδρων, καὶ ὅλως ἐῴκειμεν τοῖς ἐν δεσμωτηρίῳ μεγάλῳ καὶ ἀφύκτῳ τρυφῶσι καὶ λελυμένοις.
우리는 적들이 사라져 텅 빈 땅을 둘러본 뒤 그곳에 아무 걱정 없이 정착했고, 대개는 체력 단련과 사냥을 하거나 포도밭을 가꾸고 나무 열매를 수확하며 지냈다. 전체적으로 우리는 탈출할 수 없는 거대하고 든든한 감옥 안에서, 결박이 풀린 채 사치를 누리는 사람들과도 같았다.
ἐνιαυτὸν μὲν οὖν καὶ μῆνας ὀκτὼ τοῦτον διήγομεν τὸν τρόπον.
이리하여 우리는 1년 8개월을 이러한 방식으로 보냈다.