§20.98.1ἅμα δὲ τούτοις πραττομένοις Πτολεμαῖος μὲν ὁ βασιλεὺς ἀπέστειλε τοῖς Ῥοδίοις σῖτον καὶ τὴν ἄλλην ἀγορὰν οὐκ ἐλάττονα τῆς πρότερον ἐκπεμφθείσης καὶ στρατιώτας χιλίους καὶ πεντακοσίους, ὧν ἦν ἡγεμὼν Ἀντίγονος ὁ Μακεδών.
이러한 일들이 행해지고 있는 것과 동시에, 프톨레마이오스 왕은 로도스인들에게 지난번에 파견된 것 못지않은 곡식과 기타 식량, 그리고 마케도니아인 안티고노스를 지휘관으로 하는 1500명의 군사를 파견했다.
§20.98.2καθʼ ὃν δὴ χρόνον ἧκον πρὸς τὸν Δημήτριον πρέσβεις παρά τε Ἀθηναίων καὶ τῶν ἄλλων Ἑλληνίδων πόλεων, τὸν ἀριθμὸν μὲν ὄντες ὑπὲρ τοὺς πεντήκοντα, πάντες δὲ ἀξιοῦντες διαλύσασθαι τὸν βασιλέα πρὸς τοὺς Ῥοδίους.
바로 그 당시에 아테네인들과 다른 그리스 도시들로부터 전령들이 데메트리오스에게 도달했는데, 그들의 수는 50명이 넘었으며, 모두가 왕에게 로도스인들과 화해할 것을 요청하고 있었다.
§20.98.3γενομένων οὖν ἀνοχῶν καὶ πολλῶν καὶ παντοδαπῶν ῥηθέντων λόγων πρός τε τὸν δῆμον καὶ πρὸς τοὺς περὶ τὸν Δημήτριον οὐδαμῶς ἐδυνήθησαν συμφωνῆσαι·
그리하여 휴전이 성립되고 민중과 데메트리오스의 측근들에게 온갖 종류의 많은 논의가 오갔으나, 그들은 결코 합의에 도달할 수 없었다.
διόπερ οἱ πρέσβεις ἀπῆλθον ἄπρακτοι.
이 때문에 전령들은 아무런 성과 없이 떠났다.
§20.98.4Δημήτριος δὲ διανοηθεὶς νυκτὸς ἐπιθέσθαι τῇ πόλει κατὰ τὸ πεπτωκὸς τοῦ τείχους ἐπέλεξε τῶν τε μαχίμων τοὺς κρατίστους καὶ τῶν ἄλλων τοὺς εὐθέτους εἰς χιλίους καὶ πεντακοσίους.
데메트리오스는 밤중에 성벽의 무너진 구역을 통해 도시를 공격하기로 마음먹고, 전투원들 중 가장 강건한 자들과 다른 자들 중 적임자들을 골라 1500명가량을 선발했다.
§20.98.5τούτους μὲν οὖν προσέταξεν ἡσυχῇ προσελθεῖν τῷ τείχει περὶ δευτέραν φυλακήν, αὐτὸς δὲ διασκευάσας παρήγγειλε τοῖς ἐφʼ ἑκάστῳ μέρει τεταγμένοις, ὅταν σημήνῃ, συναλαλάξαι καὶ προσβολὰς ποιεῖσθαι καὶ κατὰ γῆν καὶ κατὰ θάλατταν.
그리하여 그는 이들에게 제2경점 무렵에 성벽에 조용히 접근하라고 명령했고, 자신은 전열을 정비한 후 각처에 배치된 자들에게 신호가 떨어지면 일제히 함성을 지르고 육지와 바다 양쪽에서 공격을 가하라고 지시했다.
§20.98.6πάντων δὲ τὸ παραγγελθὲν ποιούντων οἱ μὲν ἐπὶ τὰ πεπτωκότα τῶν τειχῶν ὁρμήσαντες τοὺς προφυλάττοντας ἐπὶ τῆς τάφρου κατασφάξαντες παρεισέπεσον εἰς τὴν πόλιν καὶ τοὺς περὶ τὸ θέατρον τόπους κατελαμβάνοντο·
모든 이들이 명령받은 대로 행하자, 성벽의 무너진 구역들로 돌진한 자들은 참호에서 전초 경계를 서던 자들을 베어 죽이고 도시로 난입하여 극장 주변 구역들을 점령했다.
§20.98.7οἱ δὲ τῶν Ῥοδίων πρυτάνεις πυθόμενοι τὸ συμβεβηκὸς καὶ τὴν πόλιν ὁρῶντες ἅπασαν τεθορυβημένην τοῖς μὲν ἐπὶ τοῦ λιμένος καὶ τῶν τειχῶν παρήγγειλαν μένειν ἐπὶ τῆς ἰδίας τάξεως καὶ τοὺς ἔξωθεν, ἂν προσβάλωσιν, ἀμύνασθαι, αὐτοὶ δʼ ἔχοντες τὸ τῶν ἐπιλέκτων σύστημα καὶ τοὺς ἀπὸ τῆς Ἀλεξανδρείας προσφάτως καταπεπλευκότας στρατιώτας ὥρμησαν ἐπὶ τοὺς ἐντὸς τοῦ τείχους παρεισπεπτωκότας.
한편 로도스인들의 프류타네이스들은 발생한 일을 전해 듣고 도시 전체가 혼란에 빠진 것을 보고는, 항구와 성벽에 있는 자들에게는 각자의 배치 구역에 머물며 외부에서 공격해 올 경우 격퇴하라고 명령했고, 자신들은 선발된 자들의 부대와 최근 알렉산드리아로부터 배를 타고 도착한 군사들을 거느리고 성벽 안으로 난입한 자들을 향해 돌진했다.
§20.98.8περικαταλαβούσης δʼ ἡμέρας καὶ τοῦ Δημητρίου τὸ σύσσημον ἄραντος οἱ μὲν τῷ λιμένι προσβαλόντες καὶ τὸ τεῖχος πάντοθεν περιεστρατοπεδευκότες συνηλάλαξαν, εὐθαρσεῖς ποιοῦντες τοὺς κατειληφότας μέρος τοῦ περὶ τὸ θέατρον τόπου, ὁ δὲ κατὰ τὴν πόλιν ὄχλος παίδων καὶ γυναικῶν ἐν φόβοις ἦν καὶ δάκρυσιν, ὡς τῆς πατρίδος κατὰ κράτος ἁλισκομένης.
날이 밝아 데메트리오스가 신호기를 올리자, 항구를 공격하고 사방에서 성벽을 에워싸고 있던 자들이 일제히 함성을 지르며 극장 주변 구역의 일부를 점령한 자들에게 용기를 불어넣었으나, 시내의 아이들과 여성들의 무리는 조국이 무력으로 함락되는 것처럼 두려움과 눈물 속에 빠져 있었다.
§20.98.9οὐ μὴν ἀλλὰ τοῖς παρεισπεσοῦσιν ἐντὸς τοῦ τείχους γενομένης μάχης πρὸς τοὺς Ῥοδίους καὶ πολλῶν παρʼ ἀμφοτέροις πεσόντων τὸ μὲν πρῶτον οὐδέτεροι τῆς ἰδίας τάξεως ἐξεχώρουν, μετὰ δὲ ταῦτα τῶν μὲν Ῥοδίων ἀεὶ πλειόνων γινομένων καὶ τὸν κίνδυνον ἑτοίμως ὑπομενόντων, ὡς ἂν ὑπὲρ πατρίδος καὶ τῶν μεγίστων ἀγωνιζομένων, τῶν δὲ τοῦ βασιλέως θλιβομένων Ἄλκιμος μὲν καὶ Μαντίας οἱ τὴν ἡγεμονίαν ἔχοντες πολλοῖς περιπεσόντες τραύμασιν ἐτελεύτησαν, τῶν δʼ ἄλλων οἱ πλεῖστοι οἱ μὲν ἐν χειρῶν νόμῳ διεφθάρησαν, οἱ δʼ ἥλωσαν, ὀλίγοι δὲ πρὸς τὸν βασιλέα φυγόντες διεσώθησαν.
그러나 성벽 안으로 난입한 자들과 로도스인들 사이에 전투가 벌어져 양측에서 많은 이들이 쓰러졌을 때, 처음에는 어느 쪽도 자신들의 배치 구역에서 물러서지 않았다. 하지만 그 후, 로도스인들은 계속해서 수가 늘어나고 조국과 가장 소중한 것들을 위해 싸우는 자들로서 기꺼이 위험을 감수했던 반면, 왕의 군사들은 압박을 받게 되자, 지휘권을 쥐고 있던 알키모스와 만티아스가 많은 부상을 입고 전사했다. 나머지 군사들 중 대부분은 백병전 중에 전멸당했고 다른 이들은 사로잡혔으며, 겨우 소수만이 왕에게로 도망쳐 살아남았다.
πολλοὶ δὲ καὶ τῶν Ῥοδίων ἀνῃρέθησαν, ἐν οἷς ἦν καὶ ὁ πρύτανις Δαμοτέλης ἐπʼ ἀρετῇ γενόμενος περίβλεπτος.
로도스인들 중에서도 많은 이들이 살해되었는데, 그중에는 뛰어난 덕망으로 존경을 한 몸에 받던 프류타니스 다모텔레스도 포함되어 있었다.