§20.91.1τοῦ δʼ ἐνιαυσίου χρόνου διεληλυθότος Ἀθήνησι μὲν ἦρχε Φερεκλῆς, ἐν Ῥώμῃ δὲ τὴν ὑπατικὴν ἀρχὴν διεδέξαντο Πόπλιος Σεμπρώνιος καὶ Πόπλιος Σολπίκιος, ὀλυμπιὰς δʼ ἤχθη παρὰ τοῖς Ἠλείοις ἐνάτη πρὸς ταῖς ἑκατὸν δέκα, καθʼ ἣν ἐνίκα στάδιον Ἀνδρομένης Κορίνθιος.
1년의 시간이 흘렀을 때, 아테네에서는 페레클레스가 아르콘이었고, 로마에서는 푸블리우스 셈프로니우스와 푸블리우스 술피키우스가 집정관직을 승계했으며, 엘리스인들 사이에서는 제119회 올림피아 대회가 개최되어 코린토스의 안드로메네스가 스타디온 경주에서 우승했다.
ἐπὶ δὲ τούτων Δημήτριος μὲν Ῥόδον πολιορκῶν, ἐπὶ ταῖς κατὰ θάλατταν προσβολαῖς ἀποτυγχάνων, ἀπὸ τῆς γῆς διέγνω τὰς ἐπιθέσεις ποιεῖσθαι.
이들의 임기 중에, 로도스를 포위 공격하던 데메트리오스는 해상에서의 공격에 실패하자 육지로부터 공격을 감행하기로 결심했다.
§20.91.2παρασκευασάμενος οὖν ὕλης παντοίας πλῆθος κατεσκεύασε μηχανὴν τὴν καλουμένην ἑλέπολιν, ὑπεραίρουσαν πολὺ τῷ μεγέθει τῶν πρὸ αὐτῆς γενομένων.
이에 그는 온갖 종류의 목재를 다량으로 준비하여 헬레폴리스라 불리는 공성 기계를 제작했는데, 이는 크기에 있어 그 이전에 제작된 것들을 훨씬 능가했다.
ἐσχαρίου γὰρ ὄντος τετραγώνου τὴν μὲν πλευρὰν ἑκάστην ὑπεστήσατο πηχῶν σχεδὸν πεντήκοντα, συμπεπηγυῖαν ἐκ τετραγώνων ξύλων σιδήρῳ δεδεμένων·
기단 틀이 정사각형이었기에 그는 각 변을 거의 50큐빗으로 정하고, 철로 단단히 묶은 사각 목재들로 이를 조립했다.
τὴν δὲ ἀνὰ μέσον χώραν διέλαβε δοκοῖς ἀλλήλων ἀπεχούσαις ὡσανεὶ πῆχυν, ὅπως παράστασις ᾖ τοῖς προωθεῖν τὴν μηχανὴν μέλλουσιν.
그리고 그 중간 공간을 서로 약 1큐빗씩 떨어진 들보들로 나누었는데, 이는 기계를 앞으로 밀어야 할 이들이 설 수 있는 자리를 마련하기 위함이었다.
§20.91.3τὸ δὲ πᾶν βάρος ἦν ὑπότροχον, στερεοῖς καὶ μεγάλοις ὀκτὼ τροχοῖς ὑπειλημμένον·
전체 무거운 구조물은 바퀴가 달려 있어서, 튼튼하고 거대한 여덟 개의 바퀴가 아래를 받치고 있었다.
τὰ γὰρ πάχη τῶν ἀψίδων ὑπῆρχε πηχῶν δυεῖν, σεσιδηρωμένα λεπίσιν ἰσχυραῖς.
바퀴 테의 두께가 2큐빗이었고, 강철판으로 덮여 있었기 때문이다.
πρὸς δὲ τὴν ἐκ πλαγίας μετάθεσιν ἦσαν ἀντίστρεπτα πεπραγματευμένα, δι’ ὧν ἡ πᾶσα μηχανὴ ῥᾳδίως παντοίαν ὑπελάμβανε κίνησιν.
또한 옆방향으로의 전환을 위해 그것들은 자유롭게 회전할 수 있도록 제작되었는데, 이 장치들을 통해 기계 전체가 쉽게 온갖 방향으로의 움직임을 취할 수 있었다.
§20.91.4ἐκ δὲ τῶν γωνιῶν ὑπῆρχον κίονες ἴσοι τῷ μήκει, βραχὺ λείποντες τῶν ἑκατὸν πηχῶν, οὕτως συννενευκότες εἰς ἀλλήλους ὡς τοῦ παντὸς κατασκευάσματος ὄντος ἐννεαστέγου τὴν μὲν πρώτην στέγην ὑπάρχειν ἀκαινῶν τεσσαράκοντα τριῶν, τὴν δʼ ἀνωτάτω ἐννέα.
네 모퉁이로부터는 길이가 같은 기둥들이 솟아 있었는데, 100큐빗에서 조금 모자라는 높이였으며, 서로를 향해 기울어져 있어서 전체 구조물이 9층으로 이루어지게 되었고, 제1층은 43아카에나였고 최상층은 9아카에나였다.
§20.91.5τὰς δὲ τρεῖς ἐπιφανεῖς πλευρὰς τῆς μηχανῆς ἔξωθεν συνεκάλυψε λεπίσι σιδηραῖς καθηλωμέναις, ἵνα μηδὲν ὑπὸ τῶν πυρφόρων βλάπτηται.
그는 이 기계에서 외부로 노출된 세 면을 못으로 고정한 철판으로 덮었는데, 이는 불화살에 의해 아무런 피해도 입지 않도록 하기 위함이었다.
θυρίδας δʼ εἶχον αἱ στέγαι κατὰ πρόσωπον, τοῖς μεγέθεσι καὶ τοῖς σχήμασι πρὸς τὰς ἰδιότητας τῶν μελλόντων ἀφίεσθαι βελῶν ἁρμοζούσας.
각 층의 전면에는 창문들이 나 있었는데, 발사될 투사체들의 특성에 맞추어 크기와 모양이 조절되어 있었다.
§20.91.6αὗται δὲ εἶχον καλύμματα διὰ μηχανῆς ἀνασπώμενα, διʼ ὧν ἀσφάλειαν ἐλάμβανον οἱ κατὰ τὰς στέγας περὶ τὴν ἄφεσιν τῶν βελῶν ἀναστρεφόμενοι·
이 창문들에는 기계 장치로 끌어올리는 덮개들이 달려 있어서, 각 층에서 투사체 발사에 전념하는 이들이 이를 통해 안전을 확보할 수 있었다.
ἦσαν μὲν γὰρ ἐκ βυρσῶν περιερραμμένα, πλήρη δὲ ἐρίων, εἰς τὸ τῇ πληγῇ ἐνδιδόναι τῶν λιθοβόλων.
왜냐하면 그것들은 가죽을 꿰매어 만든 것이며, 투석기의 충격을 완화하기 위해 속을 양모로 채웠기 때문이다.
§20.91.7ἑκάστη δὲ τῶν στεγῶν εἶχε δύο κλίμακας πλατείας, ὧν τῇ μὲν πρὸς τὴν ἀνακομιδὴν τῶν χρησίμων, τῇ δὲ πρὸς τὴν κατάβασιν ἐχρῶντο πρὸς τὸ χωρὶς θορύβου πᾶν ὑπηρετεῖσθαι.
각 층에는 두 개의 넓은 계단이 있어, 그중 하나는 필요한 물자를 나르는 데 사용되었고 다른 하나는 내려가는 데 사용되었으니, 이는 혼란 없이 모든 작업이 수행되도록 하기 위함이었다.
οἱ δὲ μέλλοντες κινήσειν τὴν μηχανὴν ἐξελέχθησαν ἐξ ἁπάσης τῆς δυνάμεως οἱ ταῖς ῥώμαις διαφέροντες ἄνδρες τρισχίλιοι καὶ τετρακόσιοι·
이 기계를 움직일 이들로는 온 군대에서 체력이 뛰어난 남자 3,400명이 선발되었다.
§20.91.8τούτων δʼ οἱ μὲν ἐντὸς ἀποληφθέντες, οἱ δʼ ἐκ τῶν ὄπισθεν μερῶν παριστάμενοι προεώθουν, πολλὰ τῆς τέχνης συνεργούσης εἰς τὴν κίνησιν.
이들 중 일부는 내부에 수용되었고 다른 이들은 후방에 서서 앞으로 밀었는데, 기술적인 정교함이 그 움직임을 크게 도왔다.
κατεσκεύασε δὲ καὶ χελώνας τὰς μὲν χωστρίδας, τὰς δὲ κριοφορους καὶ στοὰς διʼ ὧν ἔμελλον οἱ τοῖς ἔργοις προσιόντες ἐλεύσεσθαι καὶ πάλιν ἐπιστρέψειν ἀσφαλῶς.
그는 또한 참호 매립용 방호 덮개들과 충차를 장착한 방호 덮개들, 그리고 작업을 위해 접근하는 이들이 안전하게 오갈 수 있도록 통로들을 제작했다.
τοῖς δʼ ἐκ τῶν νεῶν πληρώμασιν ἀνεκάθαρε τὸν τόπον ἐπὶ σταδίους τέτταρας, διʼ ὧν ἔμελλεν προσάξειν τὰς κατασκευασθείσας μηχανάς, ὥστε γίνεσθαι τὸ ἔργον ἐπὶ μῆκος μεσοπυργίων ἓξ καὶ πύργων ἑπτά.
그는 배들의 선원들을 부려 기계들을 접근시키기 위해 4스타디온 거리에 걸쳐 지면을 평평하게 골랐으며, 그 결과 작업은 성탑 사이의 성벽 6개와 성탑 7개의 길이에 걸쳐 행해지게 되었다.
τὸ δʼ ἠθροισμένον πλῆθος τῶν τεχνιτῶν καὶ τῶν τοῖς ἔργοις προσιόντων οὐ πολὺ ἐλείπετο τῶν τρισμυρίων.
모여든 장인들과 작업에 동원된 이들의 총수는 3만 명에서 그리 모자라지 않았다.