§20.71.1ὁ δʼ Ἀγαθοκλῆς ἐπειδὴ διεκομίσθη ταχέως ἐκ τῆς Λιβύης εἰς τὴν Σικελίαν, μεταπεμψάμενος μέρος τῆς δυνάμεως παρῆλθεν εἰς τὴν τῶν Αἰγεσταίων πόλιν οὖσαν σύμμαχον.
한편 아가토클레스는 리비아에서 시칠리아로 신속히 건너간 뒤, 군대의 일부를 불러들여 동맹국이었던 아이게스타인들의 도시로 갔다.
ἀπορούμενος δὲ χρημάτων εἰσφέρειν ἠνάγκαζε τοὺς εὐπόρους τὸ πλεῖον μέρος τῆς ὑπάρξεως,
그러나 자금이 부족했기 때문에, 그는 부유한 시민들에게 그들 재산의 대부분을 납부하도록 강요했다.
§20.71.2οὔσης τῆς πόλεως τότε μυριάνδρου.
당시 그 도시는 만 명에 달했다.
πολλῶν δʼ ἐπὶ τούτοις ἀγανακτούντων καὶ συντρεχόντων αἰτιασάμενος τοὺς Αἰγεσταίους ἐπιβουλεύειν αὐτῷ δειναῖς περιέβαλε συμφοραῖς τὴν πόλιν·
이에 대해 많은 이들이 분개하며 모여들자, 그는 아이게스타인들이 자신을 상해하려 음모를 꾸밀고 있다고 비난하며 그 도시에 끔찍한 재앙을 안겨주었다.
τοὺς μὲν γὰρ ἀπορωτάτους προαγαγὼν ἐκτὸς τῆς πόλεως παρὰ τὸν Σκάμανδρον ποταμὸν ἀπέσφαξεν, τοὺς δὲ δοκοῦντας οὐσίαν κεκτῆσθαι μείζονα βασανίζων ἠνάγκαζε λέγειν ὁπόσα ἔχων τις τυγχάνει χρήματα καὶ τοὺς μὲν αὐτῶν ἐτρόχιζε, τοὺς δὲ εἰς τοὺς καταπέλτας ἐνδεσμεύων κατετόξευεν, ἐνίοις δʼ ἀστραγάλους προστιθεὶς βιαιότερον δειναῖς ἀλγηδόσι περιέβαλλεν.
즉, 가장 빈곤한 이들은 성 밖 스카만드로스 강가로 끌고 가 도살했고, 더 많은 재산을 소유한 것으로 보이는 자들에게는 고문을 가해 각자가 얼마나 많은 돈을 가지고 있는지 말하도록 강요했다. 그리하여 그들 중 일부는 수레바퀴에 묶어 고문하고, 어떤 이들은 투석기에 묶어 화살로 쏘아 죽였으며, 또 다른 이들에게는 발목 형구를 난폭하게 채워 끔찍한 고통을 겪게 했다.
§20.71.3ἐξεῦρε δὲ καὶ ἑτέραν τιμωρίαν ἐμφερῆ τῷ Φαλάριδος ταύρῳ·
그는 또한 팔라리스의 황소와 유사한 또 다른 형벌을 고안해 냈다.
κατεσκεύασε γὰρ κλίνην χαλκῆν ἀνθρωπίνου σώματος τύπου ἔχουσαν καὶ καθʼ ἕκαστον μέρος κλεισὶ διειλημμένην, εἰς ταύτην δʼ ἐναρμόζων τοὺς βασανιζομένους ὑπέκαιε ζῶντας, τούτῳ διαφερούσης τῆς κατασκευῆς ταύτης παρὰ τὸν ταῦρον, τῷ καὶ θεωρεῖσθαι τοὺς ἐν ταῖς ἀνάγκαις ἀπολλυμένους.
즉, 그는 인간 신체 형상의 청동 침대를 제작하게 하고, 각 부위를 잠금장치로 고정할 수 있게 하였으며, 여기에 고문받는 이들을 끼워 맞춘 뒤 아래에서 불을 지펴 산 채로 구워 죽였다. 이 장치가 황소와 다른 점은, 고통 속에서 죽어가는 자들의 모습을 직접 볼 수 있다는 데 있었다.
§20.71.4τῶν δὲ γυναικῶν τῶν εὐπόρων τινῶν μὲν καρκίνοις σιδηροῖς τὰ σφυρὰ πιέζων συνέτεινε, τινῶν δὲ τοὺς τιτθοὺς ἀπέτεμνεν, ταῖς δʼ ἐγκύοις πλίνθους ἐπὶ τὴν ὀσφῦν ἐπιτιθεὶς τὸ ἔμβρυον ἀπὸ τοῦ βάρους ἐξέθλιβεν.
그리고 부유한 여성들에 대해서는, 일부에게는 철제 집게로 발목을 옥죄어 으스러뜨렸고, 다른 일부에게는 유방을 잘라냈으며, 임신한 여성들에게는 허리 위에 벽돌을 얹어 그 무게로 태아를 압사시켰다.
τούτῳ δὲ τῷ τρόπῳ τὰ χρήματα πάντα τοῦ τυράννου ζητοῦντος καὶ μεγάλου φόβου τὴν πόλιν ἐπέχοντος τινὲς μὲν αὑτοὺς συγκατέκαυσαν ταῖς οἰκίαις, τινὲς δὲ ἀγχόνῃ τὸ ζῆν ἐξέλιπον.
참주가 이런 방식으로 모든 돈을 찾아내려 하고 큰 공포가 도시를 휩쓸자, 어떤 이들은 집과 함께 자신을 불태웠고, 다른 이들은 교수형으로 삶을 마감했다.
§20.71.5ἡ μὲν οὖν Αἴγεστα τυχοῦσα μιᾶς ἡμέρας ἀτυχοῦς ἡβηδὸν ἐθανατώθη.
이리하여 아이게스타는 단 하루의 불행한 날을 맞아, 젊은이부터 어른에 이르기까지 몰살당했다.
ὁ δʼ Ἀγαθοκλῆς παρθένους μὲν καὶ παῖδας εἰς τὴν Ἰταλίαν διακομίσας ἀπέδοτο τοῖς Βρεττίοις, τῆς δὲ πόλεως οὐδὲ τὴν προσηγορίαν ἀπολιπών, ἀλλὰ Δικαιόπολιν μετονομάσας ἔδωκεν οἰκητήριον τοῖς αὐτομόλοις.
반면 아가토클레스는 처녀들과 아이들을 이탈리아로 실어 나른 뒤 브루티인들에게 팔아넘겼고, 도시의 이름조차 남겨두지 않은 채, 그곳을 디카이오폴리스로 개명하여 탈영병들에게 거처로 제공했다.