§20.63.1Ἀγαθοκλῆς δὲ ἐν ἡμέραις ὀλίγαις καὶ πεζῇ καὶ κατὰ θάλατταν νενικηκὼς τοὺς πολεμίους ἔθυε τοῖς θεοῖς καὶ λαμπρὰς ὑποδοχὰς τῶν φίλων ἐποιεῖτο.
아가토클레스는 며칠 사이에 육상과 해상 모두에서 적들을 물리쳤으므로, 신들에게 제사를 지내고 친구들을 성대하게 대접했다.
ἀπετίθετο δʼ ἐν τοῖς πότοις τὸ τῆς τυραννίδος ἀξίωμα καὶ τῶν τυχόντων ἰδιωτῶν ταπεινότερον ἑαυτὸν ἀπεδείκνυεν, ἅμα μὲν διὰ τῆς τοιαύτης πολιτείας θηρώμενος τὴν παρὰ τῶν πολλῶν εὔνοιαν, ἅμα δὲ διδοὺς ἐν τῇ μέθῃ καθʼ αὑτοῦ παρρησίαν ἀκριβῶς κατενόει τὴν ἑκάστου διάνοιαν, τῆς ἀληθείας ἐκφερομένης ἀπαρακαλύπτως διὰ τὸν οἶνον.
그는 술자리에서 참주의 권위를 내려놓고 보통의 평민보다 자신을 더 낮추어 보였는데, 이는 한편으로는 그러한 처신을 통해 대중의 호의를 얻고자 함이었고, 다른 한편으로는 취중에 자신에 대한 솔직한 발언을 허용함으로써 각자의 본심을 정확히 파악하기 위함이었다. 술로 인해 진실이 숨김없이 드러나기 때문이었다.
§20.63.2ὑπάρχων δὲ καὶ φύσει γελωτοποιὸς καὶ μῖμος οὐδʼ ἐν ταῖς ἐκκλησίαις ἀπείχετο τοῦ σκώπτειν τοὺς καθημένους καί τινας αὐτῶν εἰκάζειν, ὥστε τὸ πλῆθος πολλάκις εἰς γέλωτα ἐκτρέπεσθαι, καθάπερ τινὰ τῶν ἠθολόγων ἢ θαυματοποιῶν θεωροῦντας.
그는 태생이 광대이자 흉내쟁이였기에 민회에서조차 앉아 있는 사람들을 조롱하고 그들 중 일부를 흉내 내는 일을 삼가지 않았으며, 그 결과 군중은 마치 성격 배우나 요술쟁이를 구경하는 것처럼 자주 웃음바다를 이루었다.
§20.63.3δορυφορούμενος δὲ ὑπὸ πλήθους εἰς τὰς ἐκκλησίας εἰσῄει μόνος, οὐχ ὁμοίως Διονυσίῳ τῷ τυράννῳ·
그는 수많은 호위병을 거느리고 다니면서도 민회에는 혼자서 들어갔는데, 이는 참주 디오니시우스와는 다른 모습이었다.
οὗτος γὰρ ἐπὶ τοσοῦτον ἀπίστως διέκειτο πρὸς ἅπαντας ὥστε κατὰ μὲν τὸ πλεῖστον κομᾶν καὶ πωγωνοτροφεῖν, ὅπως μὴ συναναγκασθῇ τῷ τοῦ κουρέως σιδήρῳ παραβαλεῖν τὰ κυριώτατα μέρη τοῦ σώματος·
디오니시우스는 모든 사람에 대해 어찌나 불신했는지, 이발사의 철제 칼날에 자기 몸의 가장 치명적인 부분을 맡겨야 하는 상황을 피하기 위해 대부분 머리와 수염을 기르고 다녔다.
εἰ δὲ καί ποτε χρεία γένοιτο τὴν κεφαλὴν ἀποκείρασθαι, περιέκαε τὰς τρίχας, μίαν ἀσφάλειαν τυραννίδος ἀποφαινόμενος τὴν ἀπιστίαν.
만일 머리를 깎아야 할 필요가 생기더라도 그는 머리카락을 불로 태웠으며, 불신이야말로 참주정의 유일한 안전책이라고 주장했다.
§20.63.4ὁ δʼ οὖν Ἀγαθοκλῆς παρὰ τὸν πότον λαβὼν ῥυτὸν μέγαν χρυσοῦν εἶπεν ὡς οὐ πρότερον ἀπέστη τῆς κεραμευτικῆς τέχνης ἕως τοιαῦτα ἐκπωμάτων πλάσματα φιλοτεχνῶν ἐκεραμεύσατο.
어쨌든 아가토클레스는 술자리에서 커다란 금빛 뤼톤을 받아 들고는, 자신이 예술적인 기교를 부려 이와 같은 도기 잔들을 구워낼 수 있게 되기 전까지는 도기 제작 기술을 떠나지 않았노라고 말했다.
οὐ γὰρ ἀπηρνεῖτο τὴν ἐπιστήμην, ἀλλὰ καὶ τοὐναντίον ἐκαυχᾶτο, διὰ τῆς ἰδίας ἀρετῆς ἀποφαινόμενος ἀντὶ τοῦ ταπεινοτάτου βίου τὸν ἐπιφανέστατον μετειληφέναι.
왜냐하면 그는 자신의 지식을 부인하지 않았고, 오히려 그 반대로 자신의 고유한 역량을 통하여 가장 비천한 삶 대신 가장 눈부신 삶을 얻게 되었다고 자랑했기 때문이다.
§20.63.5καί ποτε πολιορκοῦντος αὐτοῦ τινα τῶν οὐκ ἀδόξων πόλεων καὶ τῶν ἀπὸ τοῦ τείχους βοώντων “κεραμεῦ καὶ καμινεῦ, πότε τοὺς μισθοὺς ἀποδώσεις τοῖς στρατιώταις; ” ὑπολαβὼν εἶπεν “ὅταν ταύτην ἐξέλω. ”
또 한 번은 그가 제법 이름난 도시들 중 하나를 포위하고 있었을 때, 성벽 위에서 사람들이 "도기공에다 가마꾼 녀석아, 군인들에게 급료는 언제 줄 거냐?" 하고 소리치자, 그는 말을 받아 "내가 이 도시를 함락시킬 때다"라고 말했다.
§20.63.6οὐ μὴν ἀλλὰ διὰ τὴν ἐν τοῖς πότοις εὐτραπελίαν κατανοήσας τῶν μεθυόντων τοὺς ἀλλοτρίως τὰ πρὸς τὴν δυναστείαν ἔχοντας παρέλαβεν αὐτούς ποτε κατʼ ἰδίαν πάλιν ἐπὶ τὴν ἑστίασιν καὶ τῶν ἄλλων Συρακοσίων τοὺς μάλιστα πεφρονηματισμένους, τὸν ἀριθμὸν πεντακοσίους ὄντας·
그럼에도 불구하고 그는 술자리에서의 농담을 통해 취한 자들 중에서 자신의 지배에 대해 적대적인 태도를 취하는 자들을 파악해 냈고, 이들을 다시 사적으로 연회에 초청하였는데 다른 시라쿠사인들 중 가장 자존심이 센 자들까지 포함하여 그 수가 500명에 달했다.
οἷς περιστήσας τῶν μισθοφόρων τοὺς εὐθέτους ἅπαντας ἀπέσφαξεν.
그는 그들 주위에 용병들 중 알맞은 자들을 배치하여 그들을 모두 처형했다.
§20.63.7σφόδρα γὰρ εὐλαβεῖτο μὴ χωρισθέντος αὐτοῦ εἰς Λιβύην καταλύσωσι τὴν δυναστείαν, ἐπικαλεσάμενοι τοὺς μετὰ Δεινοκράτους φυγάδας.
왜냐하면 그는 자신이 리비아로 떠난 뒤에 그들이 데이노크라테스와 함께 있는 망명객들을 불러들여 참주정을 무너뜨리지 않을까 몹시 경계했기 때문이다.
τοῦτον δὲ τὸν τρόπον ἀσφαλισάμενος τὰ κατὰ τὴν ἀρχὴν ἐξέπλευσεν ἐκ τῶν Συρακουσσῶν.
이런 방식으로 지배 세력의 안전을 확보한 후 그는 시라쿠사에서 배를 타고 출발했다.