§20.60.1ἀνέτρεχον εἰς τὴν προϋπάρχουσαν φιλίαν.
그들은 이전의 우호 관계로 되돌아갔다.
ὁ δʼ Ἀρχάγαθος ὁρῶν διειλημμένην ἅπασαν τὴν Λιβύην πολεμίοις στρατοπέδοις καὶ αὐτὸς διεῖλε τὴν δύναμιν καὶ μέρος μὲν ἐξέπεμψεν εἰς τὴν παραθαλάττιον, τῆς δʼ ἄλλης στρατιᾶς ἣν μὲν Αἰσχρίωνι παραδοὺς ἐξέπεμψεν, ἧς δʼ αὐτὸς ἡγεῖτο, καταλιπὼν τὴν ἱκανὴν φυλακὴν ἐπὶ τοῦ Τύνητος.
그러나 아르카가토스는 리비아 전역이 적의 군대들에 의해 분할된 것을 보고, 자신도 군대를 분할하여 일부는 해안 지방으로 파견하고, 남은 군대 중 일부는 에스크리온에게 맡겨 파견했으며, 다른 일부는 자신이 직접 이끌면서 투네스에 충분한 수비대를 남겨두었다.
§20.60.2τοσούτων δὲ στρατοπέδων ἐπὶ τῆς χώρας πανταχῇ πλαζομένων καὶ προσδοκωμένης ἔσεσθαι πραγμάτων ὁλοσχεροῦς μεταβολῆς ἅπαντες ἠγωνίων, §20.60.3καραδοκοῦντες τὸ τέλος τῶν ἀποβησομένων.
이처럼 많은 군대가 지방 곳곳을 배회하고 정세의 전면적인 변화가 예상되는 상황 속에서 모두가 전전긍긍하며, 앞으로 일어날 일의 결과를 초조하게 기다리고 있었다.
Ἄννων μὲν οὖν ἡγούμενος τοῦ κατὰ τὴν μεσόγειον στρατοπέδου θεὶς ἐνέδραν τοῖς περὶ τὸν Αἰσχρίωνα καὶ παραδόξως ἐπιθέμενος ἀνεῖλε πεζοὺς μὲν πλείους τῶν τετρακισχιλίων, ἱππεῖς δὲ περὶ διακοσίους, ἐν οἷς ἦν καὶ αὐτὸς ὁ στρατηγός·
그리하여 내륙 지방의 군대를 이끌던 한논은 에스크리온과 그 주변 사람들에게 매복을 가했다가 뜻밖에 습격하여, 보병 사천 명 이상과 기병 이백 명가량을 사살했는데, 그중에는 장군 자신도 포함되어 있었다.
τῶν δʼ ἄλλων οἱ μὲν ἥλωσαν, οἱ δὲ διεσώθησαν πρὸς Ἀρχάγαθον, ἀπέχοντα σταδίους πεντακοσίους.
남은 이들 중 일부는 포로가 되었고, 다른 이들은 오백 스타디온 떨어져 있던 아르카가토스에게로 도망쳐 살아남았다.
§20.60.4Ἰμίλκων δʼ ἐπὶ τοὺς ἄνω τόπους στρατεύειν ἀποδειχθεὶς τὸ μὲν πρῶτον ἐφήδρευε τῇ πόλει πρὸς τὸν Εὔμαχον, ἐφελκόμενον βαρὺ τὸ στρατόπεδον διὰ τὰς ἐκ τῶν ἁλουσῶν πόλεων ὠφελείας.
한편 내륙 깊은 곳으로 진군하도록 임명된 히밀콘은 처음에는 에우마코스를 대비하여 도시에 머물며 대기하고 있었는데, 에우마코스는 함락시킨 도시들로부터 얻은 전리품들 때문에 무거워진 군대를 이끌고 있었다.
§20.60.5μετὰ δὲ ταῦτα τῶν Ἑλλήνων ἐκταξάντων τὴν δύναμιν καὶ προκαλουμένων εἰς μάχην Ἰμίλκων μέρος μὲν τῆς στρατιᾶς κατέλιπε διεσκευασμένον ἐν τῇ πόλει, διακελευσάμενος, ὅταν αὐτὸς ἀναχωρῇ προσποιούμενος φεύγειν, ἐπεξελθεῖν τοῖς ἐπιδιώκουσιν·
그 후 그리스인들이 군대를 정렬하고 전투를 걸어왔을 때, 히밀콘은 군대의 일부를 도시에 무장한 채 남겨두며, 자신이 도망치는 척하며 퇴각할 때 추격해 오는 자들을 향해 격퇴해 나오라고 명령했다.
αὐτὸς δὲ προαγαγὼν τοὺς ἡμίσεις τῶν στρατιωτῶν καὶ μικρὸν πρὸ τῆς παρεμβολῆς συνάψας μάχην εὐθὺς ἔφευγεν ὡς καταπεπληγμένος.
그리고 자신은 병사들의 절반을 이끌고 나아가 진영 직전에서 전투를 벌인 뒤 즉시 겁에 질린 것처럼 도망쳤다.
§20.60.6οἱ δὲ περὶ τὸν Εὔμαχον ἐπαρθέντες τῇ νίκῃ καὶ τῆς τάξεως οὐδὲν φροντίσαντες ἐδίωκον καὶ τεθορυβημένως τῶν ὑποχωρούντων ἐξήπτοντο·
에우마코스와 그의 주변 사람들은 승리에 고무되어 대열은 전혀 신경 쓰지 않은 채 추격했으며, 무질서하게 후퇴하는 자들을 뒤쫓아 덮쳤다.
ἄφνω δὲ καθʼ ἕτερον μέρος τῆς πόλεως ἐκχυθείσης τῆς δυνάμεως κατεσκευασμένης καὶ πλήθους ἱκανοῦ πρὸς ἓν παρακέλευσμα συναλαλάξαντος κατεπλάγησαν.
그러나 갑자기 도시의 다른 부분에서 무장한 군대가 쏟아져 나오고 충분한 수의 무리가 일제히 함성을 지르자 그들은 공포에 질렸다.
§20.60.7ἐμβαλόντων οὖν τῶν βαρβάρων εἰς ἀσυντάκτους καὶ πεφοβημένους διὰ τὸ παράδοξον, ταχὺ τροπὴν συνέβη γενέσθαι τῶν Ἑλλήνων.
그리하여 뜻밖의 일로 무질서해지고 겁에 질린 자들에게 야만인들이 들이닥치자, 그리스인들의 패주가 빠르게 일어나게 되었다.
ὑποτεμομένων δὲ τῶν Καρχηδονίων τὴν εἰς τὴν στρατοπεδείαν ἀποχώρησιν τῶν πολεμίων ἠναγκάσθησαν οἱ περὶ τὸν Εὔμαχον καταφυγεῖν ἐπὶ τὸν πλησίον λόφον ὕδατος σπανίζοντα.
카르타고인들이 적들의 진영으로의 퇴로를 차단하자, 에우마코스와 그의 주변 사람들은 물이 부족한 근처의 언덕으로 피신할 수밖에 없었다.
§20.60.8περιστρατοπεδευσάντων δὲ τὸν τόπον τῶν Φοινίκων ἅμα μὲν ὑπὸ τοῦ δίψους καταπονηθέντες, ἅμα δʼ ὑπὸ τῶν πολεμίων κρατούμενοι σχεδὸν ἅπαντες ἀνῃρέθησαν·
페니키아인들이 그곳을 포위하자, 그들은 한편으로는 갈증에 시달리고 다른 한편으로는 적들에게 압도당하여 거의 모두가 전멸했다.
ἀπὸ μὲν γὰρ πεζῶν ὀκτακισχιλίων τριάκοντα μόνον διεσώθησαν, ἀπὸ δʼ ἱππέων ὀκτακοσίων τετταράκοντα διέφυγον τὸν κίνδυνον.
보병 팔천 명 중에서 겨우 삼십 명만이 살아남았고, 기병 팔백 명 중에서는 사십 명만이 위험을 피했기 때문이다.