§20.37.1ἐπʼ ἄρχοντος δʼ Ἀθήνησι Χαρίνου Ῥωμαῖοι μὲν τὴν ὕπατον ἀρχὴν παρέδοσαν Ποπλίῳ Δεκίῳ καὶ Κοΐντῳ Φαβίῳ, παρὰ δὲ τοῖς Ἠλείοις ὀλυμπιὰς ἤχθη ὀγδόη πρὸς ταῖς ἑκατὸν δέκα, καθʼ ἣν ἐνίκα στάσιον Ἀπολλωνίδης Τεγεάτης.
아테네에서 카리누스가 아르콘이었을 때, 로마인들은 집정관직을 푸블리우스 데키우스와 퀸투스 파비우스에게 위임했고, 엘리스인들 사이에서는 제118회 올림피아드 대회가 개최되어 테게아의 아폴로니데스가 스타디온 경주에서 우승했다.
κατὰ δὲ τούτους τοὺς χρόνους Πτολεμαῖος μὲν ἐκ τῆς Μύνδου πλεύσας ἁδρῷ στόλῳ διὰ νήσων ἐν παράπλῳ τὴν Ἄνδρον ἠλευθέρωσε καὶ τὴν φρουρὰν ἐξήγαγε.
이 시기에 프톨레마이오스는 민도스에서 대함대를 이끌고 출항하여 제도를 거치며 항해 중에 안드로스를 해방하고 그곳의 수비대를 철수시켰다.
κομισθεὶς δʼ ἐπὶ τὸν Ἰσθμὸν Σικυῶνα καὶ Κόρινθον παρέλαβεν παρὰ Κρατησιπόλεως.
그리고 이스토모스로 수송된 후 크라테시폴리스로부터 시키온과 코린토스를 양도받았다.
τὰς δὲ αἰτίας διʼ ἃς ἐκυρίευσε πόλεων ἐπιφανῶν προδεδηλωκότες ἐν ταῖς πρὸ ταύτης βίβλοις τὸ διλογεῖν ὑπὲρ τῶν αὐτῶν παρήσομεν.
그녀가 이러한 유명한 도시들을 지배하게 된 연유에 대해서는 이미 이전의 권들에서 밝혀두었으므로, 동일한 사항을 중언부언하는 것은 생략하기로 한다.
§20.37.2ἐπεβάλετο μὲν οὖν καὶ τὰς ἄλλας Ἑλληνίδας πόλεις Πτολεμαῖος ἐλευθεροῦν, μεγάλην προσθήκην ἡγούμενος ἔσεσθαι τοῖς ἰδίοις πράγμασι τὴν τῶν Ἑλλήνων εὔνοιαν·
프톨레마이오스는 그리스인들의 호의가 자신의 일에 큰 도움이 될 것이라 여겨 다른 그리스 도시들도 해방하는 일에 착수했다.
ἐπεὶ δὲ οἱ Πελοποννήσιοι συνταξάμενοι χορηγήσειν σῖτον καὶ χρήματα τῶν ὡμολογημένων οὐδὲν συνετέλουν, ἀγανακτήσας ὁ δυνάστης πρὸς μὲν Κάσανδρον εἰρήνην ἐποιήσατο, καθʼ ἣν ἑκατέρους ἔδει κυριεύειν τῶν πόλεων ὧν εἶχον, τὴν δὲ Σικυῶνα καὶ Κόρινθον ἀσφαλισάμενος φρουρᾷ διῆρεν εἰς τὴν Αἴγυπτον.
그러나 펠로폰네소스인들이 군량과 자금을 공급하기로 약조하고서도 합의된 사항을 전혀 이행하지 않자, 분개한 군주는 카산드로스와 평화 협정을 체결했는데, 이에 따라 각자가 보유하고 있는 도시를 지배하기로 하였고, 시키온과 코린토스에 수비대를 배치하여 안전을 확보한 후 이집트로 출항했다.
§20.37.3ἅμα δὲ τούτοις πραττομένοις Κλεοπάτρα τῷ μὲν Ἀντιγόνῳ προσκόπτουσα, τῇ δʼ αἱρέσει πρὸς τὸν Πτολεμαῖον ἀποκλίνουσα προῆγεν ἐκ Σάρδεων, ὡς διακομισθησομένη πρὸς ἐκεῖνον.
이러한 일들이 진행되는 한편, 클레오파트라는 안티고노스에게 반감을 품고 프톨레마이오스 쪽으로 성향이 기울어, 그에게 건너가고자 사르디스에서 출발했다.
ἦν δὲ ἀδελφὴ μὲν Ἀλεξάνδρου τοῦ Πέρσας καταπολεμήσαντος, θυγάτηρ δὲ Φιλίππου τοῦ Ἀμύντου, γυνὴ δὲ γεγενημένη τοῦ εἰς Ἰταλίαν στρατεύσαντος Ἀλεξάνδρου.
그녀는 페르시아인들을 무찌른 알렉산드로스의 누이이자 아민타스의 아들 필리포스의 딸이었으며, 이탈리아로 원정한 알렉산드로스의 아내가 되었던 인물이었다.
§20.37.4διὰ τὴν ἐπιφάνειαν οὖν τοῦ γένους οἱ περὶ Κάσανδρον καὶ Λυσίμαχον, ἔτι δὲ Ἀντίγονον καὶ Πτολεμαῖον καὶ καθόλου πάντες οἱ μετὰ τὴν Ἀλεξάνδρου τελευτὴν ἀξιολογώτατοι τῶν ἡγεμόνων ταύτην ἐμνήστευον·
가문의 지대한 명성 때문에 카산드로스와 리시마코스 일파, 나아가 안티고노스와 프톨레마이오스 및 전반적으로 알렉산드로스 사후 가장 저명한 지도자들 모두가 그녀에게 구혼했다.
ἕκαστος γὰρ τούτῳ τῷ γάμῳ συνακολουθήσειν Μακεδόνας ἐλπίζων ἀντείχετο τῆς βασιλικῆς οἰκίας, ὡς τὴν τῶν ὅλων ἀρχὴν περιστήσων εἰς ἑαυτόν.
그들 각각은 이 혼인을 통해 마케도니아인들이 자신을 따르게 되기를 고대하며 왕가에 매달렸고, 제국 전체의 지배권을 자신에게 돌려놓으려 했던 것이다.
§20.37.5ὁ δὲ ἐπιμελητὴς τῶν Σάρδεων ἔχων παράγγελμα παρʼ Ἀντιγόνου τηρεῖν τὴν Κλεοπάτραν, διεκώλυεν αὐτῆς τὴν ἔξοδον·
그러나 사르디스의 총독은 안티고노스로부터 클레오파트라를 감시하라는 명령을 받고 있었기에 그녀의 출발을 저지했다.
ὕστερον δὲ προστάξαντος τοῦ δυνάστου διά τινων γυναικῶν ἐδολοφόνησεν.
이후 군주의 명령에 따라 그는 몇몇 여성들을 매수하여 그녀를 암살했다.
§20.37.6ὁ δʼ Ἀντίγονος οὐ βουλόμενος λέγεσθαι κατʼ αὐτοῦ περὶ τῆς ἀναιρέσεως, τῶν γυναικῶν τινας ἐκόλασεν ὡς ἐπιβεβουλευκυίας καὶ τὰ περὶ τὴν ἐκφορὰν βασιλικῶς ἐφιλοκάλησεν.
안티고노스는 자신을 겨냥한 살해 소문이 도는 것을 원치 않았기에, 음모를 꾸몄다는 죄목으로 여성들 중 몇 명을 처벌하고 장례를 왕족의 격식에 걸맞게 호화롭게 치러주었다.
Κλεοπάτρα μὲν οὖν περιμάχητος γενομένη παρὰ τοῖς ἐπιφανεστάτοις ἡγεμόσι πρὸ τοῦ συντελεσθῆναι τὸν γάμον τοιαύτης ἔτυχε καταστροφῆς.
그리하여 가장 현저한 지도자들 사이에서 쟁탈의 대상이었던 클레오파트라는 혼례가 성사되기도 전에 이와 같은 종말을 맞이하게 되었다.
§20.37.7ἡμεῖς δὲ διεληλυθότες τὰ κατὰ τὴν Ἀσίαν καὶ τὴν Ἑλλάδα μεταβιβάσομεν τὸν λόγον ἐπὶ τὰ ἄλλα μέρη τῆς οἰκουμένης.
우리는 아시아와 그리스의 사건들을 마쳤으므로, 이제 서술의 초점을 세계의 다른 지역들로 옮기고자 한다.