§20.37.1ἐπʼ ἄρχοντος δʼ Ἀθήνησι Χαρίνου Ῥωμαῖοι μὲν τὴν ὕπατον ἀρχὴν παρέδοσαν Ποπλίῳ Δεκίῳ καὶ Κοΐντῳ Φαβίῳ, παρὰ δὲ τοῖς Ἠλείοις ὀλυμπιὰς ἤχθη ὀγδόη πρὸς ταῖς ἑκατὸν δέκα, καθʼ ἣν ἐνίκα στάσιον Ἀπολλωνίδης Τεγεάτης.
在卡里努斯担任雅典执政官期间，罗马人将执政官权力交给了普布利乌斯·德基乌斯和昆图斯·法比乌斯，而在埃利斯人中，举行了第一百一十八届奥林匹克运动会，特格亚的阿波罗尼德斯获得了斯塔迪翁短跑冠军。
κατὰ δὲ τούτους τοὺς χρόνους Πτολεμαῖος μὲν ἐκ τῆς Μύνδου πλεύσας ἁδρῷ στόλῳ διὰ νήσων ἐν παράπλῳ τὴν Ἄνδρον ἠλευθέρωσε καὶ τὴν φρουρὰν ἐξήγαγε.
在此期间，托勒密率领庞大舰队从明多斯出发，穿过群岛，在航行途中解放了安德罗斯并撤走了驻军。
κομισθεὶς δʼ ἐπὶ τὸν Ἰσθμὸν Σικυῶνα καὶ Κόρινθον παρέλαβεν παρὰ Κρατησιπόλεως.
在抵达地峡后，他从克拉特西波利斯手中接管了西基翁和哥林多。
τὰς δὲ αἰτίας διʼ ἃς ἐκυρίευσε πόλεων ἐπιφανῶν προδεδηλωκότες ἐν ταῖς πρὸ ταύτης βίβλοις τὸ διλογεῖν ὑπὲρ τῶν αὐτῶν παρήσομεν.
由于我们已在前几卷中阐明了她占有这些著名城市的缘由，因此将不再赘述。
§20.37.2ἐπεβάλετο μὲν οὖν καὶ τὰς ἄλλας Ἑλληνίδας πόλεις Πτολεμαῖος ἐλευθεροῦν, μεγάλην προσθήκην ἡγούμενος ἔσεσθαι τοῖς ἰδίοις πράγμασι τὴν τῶν Ἑλλήνων εὔνοιαν· ἐπεὶ δὲ οἱ Πελοποννήσιοι συνταξάμενοι χορηγήσειν σῖτον καὶ χρήματα τῶν ὡμολογημένων οὐδὲν συνετέλουν, ἀγανακτήσας ὁ δυνάστης πρὸς μὲν Κάσανδρον εἰρήνην ἐποιήσατο, καθʼ ἣν ἑκατέρους ἔδει κυριεύειν τῶν πόλεων ὧν εἶχον, τὴν δὲ Σικυῶνα καὶ Κόρινθον ἀσφαλισάμενος φρουρᾷ διῆρεν εἰς τὴν Αἴγυπτον.
托勒密因而着手解放其他希腊城市，认为希腊人的好意将对他自己的事业大有裨益；但由于伯罗奔尼撒人虽然同意提供粮食和资金，却未履行任何诺言，这位统治者大为恼火，于是与卡山德缔结了和约，规定双方各自统治其所占领的城市，并在用驻军巩固了西基翁和哥林多的防务后，启程前往埃及。
§20.37.3ἅμα δὲ τούτοις πραττομένοις Κλεοπάτρα τῷ μὲν Ἀντιγόνῳ προσκόπτουσα, τῇ δʼ αἱρέσει πρὸς τὸν Πτολεμαῖον ἀποκλίνουσα προῆγεν ἐκ Σάρδεων, ὡς διακομισθησομένη πρὸς ἐκεῖνον.
在进行这些事务的同时，克丽奥佩特拉由于对安提柯不满，且在倾向性上倒向托勒密，便从萨迪斯出发，准备渡海去往他那里。
ἦν δὲ ἀδελφὴ μὲν Ἀλεξάνδρου τοῦ Πέρσας καταπολεμήσαντος, θυγάτηρ δὲ Φιλίππου τοῦ Ἀμύντου, γυνὴ δὲ γεγενημένη τοῦ εἰς Ἰταλίαν στρατεύσαντος Ἀλεξάνδρου.
她是击败波斯人的亚历山大的姐妹，阿敏塔斯之子腓力的女儿，并且曾是远征意大利的亚历山大的妻子。
§20.37.4διὰ τὴν ἐπιφάνειαν οὖν τοῦ γένους οἱ περὶ Κάσανδρον καὶ Λυσίμαχον, ἔτι δὲ Ἀντίγονον καὶ Πτολεμαῖον καὶ καθόλου πάντες οἱ μετὰ τὴν Ἀλεξάνδρου τελευτὴν ἀξιολογώτατοι τῶν ἡγεμόνων ταύτην ἐμνήστευον· ἕκαστος γὰρ τούτῳ τῷ γάμῳ συνακολουθήσειν Μακεδόνας ἐλπίζων ἀντείχετο τῆς βασιλικῆς οἰκίας, ὡς τὴν τῶν ὅλων ἀρχὴν περιστήσων εἰς ἑαυτόν.
因此，由于她出身的高贵显赫，卡山德、莱西马库斯、以及安提柯和托勒密，甚至总的来说亚历山大死后所有最著名的领袖都向她求婚；因为他们每一个人都希望通过这桩婚姻获得马其顿人的追随，从而紧紧依附于王室，企图将整个帝国的统治权据为己有。
§20.37.5ὁ δὲ ἐπιμελητὴς τῶν Σάρδεων ἔχων παράγγελμα παρʼ Ἀντιγόνου τηρεῖν τὴν Κλεοπάτραν, διεκώλυεν αὐτῆς τὴν ἔξοδον· ὕστερον δὲ προστάξαντος τοῦ δυνάστου διά τινων γυναικῶν ἐδολοφόνησεν.
但萨迪斯的总督因接到安提柯监视克丽奥佩特拉的命令，阻挠了她的离去；后来，在这位统治者的授意下，他通过一些妇女暗杀了她。
§20.37.6ὁ δʼ Ἀντίγονος οὐ βουλόμενος λέγεσθαι κατʼ αὐτοῦ περὶ τῆς ἀναιρέσεως, τῶν γυναικῶν τινας ἐκόλασεν ὡς ἐπιβεβουλευκυίας καὶ τὰ περὶ τὴν ἐκφορὰν βασιλικῶς ἐφιλοκάλησεν.
安提柯不希望针对他的谋杀指控流传，便惩罚了其中一些妇女，声称她们阴谋暗害，并以皇家规格隆重举办了葬礼。
Κλεοπάτρα μὲν οὖν περιμάχητος γενομένη παρὰ τοῖς ἐπιφανεστάτοις ἡγεμόσι πρὸ τοῦ συντελεσθῆναι τὸν γάμον τοιαύτης ἔτυχε καταστροφῆς.
克丽奥佩特拉在最显赫的领袖们争夺之后，在婚礼达成之前，遭遇了如此的悲剧结局。
§20.37.7ἡμεῖς δὲ διεληλυθότες τὰ κατὰ τὴν Ἀσίαν καὶ τὴν Ἑλλάδα μεταβιβάσομεν τὸν λόγον ἐπὶ τὰ ἄλλα μέρη τῆς οἰκουμένης.
我们在叙述完亚洲和希腊的局势后，将把论述转移到已知世界的其他部分。