§20.17.1ἅμα δὲ τούτοις πραττομένοις ὁ μὲν Ἀγαθοκλῆς κρατῶν τῶν ὑπαίθρων τὰ περὶ τὴν Καρχηδόνα χωρία κατὰ κράτος ᾔρει καὶ τῶν πόλεων ἃς μὲν διὰ φόβον, ἃς δὲ διὰ τὸ πρὸς Καρχηδονίους μίσος προσηγάγετο.
이러한 일들이 벌어짐과 동시에 아가토클레스는 야지를 장악하며 카르타고 주변의 지역들을 무력으로 점령해 나갔고, 여러 도시들 중 어떤 곳들은 공포 때문에, 어떤 곳들은 카르타고인들에 대한 증오 때문에 자신에게 귀순하게 만들었다.
παρεμβολὴν δὲ πλησίον τοῦ Τύνητος ὀχυρωσάμενος καὶ τὴν ἱκανὴν ἀπολιπὼν φυλακὴν ἀνέζευξε πρὸς τὰς ἐπὶ θαλάττῃ κειμένας πόλεις.
그는 튀네스 근처에 진영을 구축하여 요새화하고 충분한 수비대를 남겨둔 채 바닷가에 위치한 도시들을 향해 진군했다.
καὶ πρώτην μὲν ἑλὼν Νέαν πόλιν κατὰ κράτος φιλανθρώπως ἐχρήσατο τοῖς χειρωθεῖσιν·
그리고 먼저 네아폴리스를 무력으로 공략한 후 항복한 자들을 관대하게 대우했다.
εἶτα παρελθὼν ἐπʼ Ἀδρύμητα πρὸς μὲν ταύτην πολιορκίαν συνεστήσατο, Αἰλύμαν δὲ τὸν βασιλέα τῶν Λιβύων εἰς συμμαχίαν προσελάβετο.
이어 하드루메툼으로 나아가 그곳에 대한 포위 공성을 전개하는 한편, 리비아인들의 왕 아이뤼마스를 동맹으로 끌어들였다.
§20.17.2ἃ δὴ πυθόμενοι οἱ Καρχηδόνιοι πᾶσαν τὴν δύναμιν προήγαγον ἐπὶ τὸν Τύνητα καὶ τῆς μὲν Ἀγαθοκλέους στρατοπεδείας ἐκυρίευσαν, τῇ πόλει δὲ μηχανὰς προσαγαγόντες συνεχεῖς προσβολὰς ἐποιοῦντο.
카르타고인들은 이 소식을 듣고 전 군세를 이끌고 튀네스로 나아가 아가토클레스의 진영을 점령했으며, 도시에 공성 병기들을 다가가게 하여 끊임없는 공격을 퍼부었다.
§20.17.3ὁ δʼ Ἀγαθοκλῆς, ἀπαγγειλάντων τινῶν αὐτῷ τὰ περὶ τοὺς ἰδίους ἐλαττώματα, τὸ μὲν πολὺ τῆς δυνάμεως κατέλιπεν ἐπὶ τῆς πολιορκίας, τὴν δὲ θεραπείαν καὶ τῶν στρατιωτῶν ὀλίγους ἀναλαβὼν λάθρᾳ προσῆλθεν ἐπί τινα τόπον ὀρεινόν, ὅθεν ὁρᾶσθαι δυνατὸν ἦν αὐτὸν ὑπό τε τῶν Ἀδρυμητινῶν καὶ τῶν Καρχηδονίων τῶν τὸν Τύνητα πολιορκούντων.
한편 아가토클레스는 아군이 열세에 처했다는 보고를 접하자, 군세의 대부분을 포위 공성에 남겨두고 자신의 시종들과 소수의 병사들만을 거느린 채 은밀히 어느 산악 지대로 접근했는데, 그곳은 하드루메툼 사람들과 튀네스를 포위하고 있던 카르타고인들 양측 모두에게 자신의 모습이 보일 수 있는 장소였다.
§20.17.4νυκτὸς δὲ συντάξας τοῖς στρατιώταις ἐπὶ πολὺν τόπον πυρὰ κάειν, δόξαν ἐν εποίησε τοῖς μὲν Καρχηδονίοις ὡς μετὰ μεγάλης δυνάμεως ἐπʼ αὐτοὺς πορευόμενος, τοῖς δὲ πολιορκουμένοις ὡς ἄλλης δυνάμεως ἁδρᾶς τοῖς πολεμίοις εἰς συμμαχίαν παραγεγενημένης.
밤이 되자 그는 병사들에게 넓은 지역에 걸쳐 모닥불을 피우라고 명령함으로써, 카르타고인들에게는 자신이 대군을 이끌고 그들을 향해 진격하고 있는 듯한 인상을 주었고, 포위당한 이들에게는 적군에게 동맹으로 참전할 또 다른 강력한 군세가 도착했다는 착각을 불러일으켰다.
§20.17.5ἀμφότεροι δὲ τῷ ψεύδει τοῦ στρατηγήματος παραλογισθέντες παραλόγως ἠλαττώθησαν, οἱ μὲν τὸν Τύνητα πολιορκοῦντες φυγόντες εἰς Καρχηδόνα καὶ τὰς μηχανὰς ἀπολιπόντες, οἱ δʼ Ἀδρυμητινοὶ διὰ τὸν φόβον παραδόντες τὴν πατρίδα.
양측 모두 이 기만의 계책에 속아 넘어가 뜻밖의 타격을 입었다. 튀네스를 포위하던 자들은 카르타고로 도망치며 공성 병기들을 내팽개쳤고, 하드루메툼 사람들은 공포 때문에 조국을 넘겨주고 말았다.
§20.17.6Ἀγαθοκλῆς δὲ ταύτην διʼ ὁμολογίας παραλαβὼν Θάψον εἷλε κατὰ κράτος καὶ τῶν ἄλλων τῶν ταύτῃ πόλεων ἃς μὲν ἐξεπολιόρκησεν, ἃς δὲ προσηγάγετο·
아가토클레스는 이 도시를 협정을 통해 양도받은 후 탑소스를 무력으로 공략했고, 이 지역의 다른 도시들 중 어떤 곳은 포위하여 함락시키고 어떤 곳은 귀순시켰다.
τὰς ἁπάσας δὲ πόλεις πλείους τῶν διακοσίων κεχειρωμένος εἰς τοὺς ἄνω τόπους τῆς Λιβύης διενοεῖτο στρατεύειν.
이렇듯 총 이백 개가 넘는 도시를 복속시킨 그는 리비아의 내륙 지방으로 원정할 것을 계획했다.