§19.78.1ἅμα δὲ τούτοις πραττομένοις Κορκυραῖοι μὲν βοηθήσαντες Ἀπολλωνιάταις καὶ τοῖς Ἐπιδαμνίοις τοὺς μὲν στρατιώτας Κασάνδρου ὑποσπόνδους ἀφῆκαν, τῶν δὲ πόλεων Ἀπολλωνίαν μὲν ἠλευθέρωσαν, Ἐπίδαμνον δὲ Γλαυκίᾳ τῷ τῶν Ἰλλυριῶν βασιλεῖ παρέδωκαν.
이러한 일들이 행해지던 동시에, 코르키라인들은 아폴로니아인들과 에피담노스인들을 원조하여 카산드로스의 병사들을 협정 하에 무사히 돌려보냈으며, 그 도시들 중에서 아폴로니아는 해방하고 에피담노스는 일리리아인의 왕 글라우키아스에게 넘겨주었다.
§19.78.2ὁ δʼ Ἀντιγόνου στρατηγὸς Πτολεμαῖος χωρισθέντος εἰς Μακεδονίαν Κασάνδρου καταπληξάμενος τοὺς φρουροῦντας τὴν Χαλκίδα παρέλαβε τὴν πόλιν καὶ τοὺς Χαλκιδεῖς ἀφῆκεν ἀφρουρήτους, ὥστε γενέσθαι φανερὸν ὡς πρὸς ἀλήθειαν Ἀντίγονος ἐλευθεροῦν προῄρηται τοὺς Ἕλληνας·
반면 안티고노스의 장군 프톨레마이오스는 카산드로스가 마케도니아로 떠난 후, 칼키스를 지키던 수비대를 위압하여 그 도시를 접수하고 칼키스인들을 수비대가 없는 상태로 해방했다. 그리하여 안티고노스가 진정으로 그리스인들을 해방하기로 결정했다는 사실이 명백해졌다.
ἐπίκαιρος γὰρ ἡ πόλις ἐστὶ τοῖς βουλομένοις ἔχειν ὁρμητήριον πρὸς τὸ διαπολεμεῖν περὶ τῶν ὅλων.
왜냐하면 이 도시는 천하의 패권을 둘러싸고 전쟁을 완수하기 위한 거점을 마련하고자 하는 자들에게 요충지이기 때문이다.
§19.78.3ὁ δʼ οὖν Πτολεμαῖος ἐκπολιορκήσας Ὠρωπὸν παρέδωκε τοῖς Βοιωτοῖς καὶ τοὺς Κασάνδρου στρατιώτας ὑποχειρίους ἔλαβε.
어쨌든 프톨레마이오스는 오로포스를 포위 공격하여 함락시키고 이를 보이오티아인들에게 넘겨주었으며 카산드로스의 병사들을 포로로 잡았다.
μετὰ δὲ ταῦτα Ἐρετριεῖς καὶ Καρυστίους εἰς τὴν συμμαχίαν προσλαβόμενος ἐστράτευσεν εἰς τὴν Ἀττικήν, Δημητρίου τοῦ Φαληρέως ἐπιστατοῦντος τῆς πόλεως.
그 후 에레트리아인들과 카리스트스인들을 동맹으로 받아들인 뒤, 팔레론의 데메트리오스가 도시를 통치하고 있던 아티카로 원정했다.
§19.78.4οἱ δʼ Ἀθηναῖοι τὸ μὲν πρῶτον λάθρᾳ διεπέμποντο πρὸς Ἀντίγονον, ἀξιοῦντες ἐλευθερῶσαι τὴν πόλιν·
아테네인들은 처음에는 비밀리에 안티고노스에게 사절을 보내 자신들의 도시를 해방해 달라고 요구하고 있었다.
τότε δὲ τοῦ Πτολεμαίου παραγενηθέντος πλησίον τῆς πόλεως θαρρήσαντες ἠνάγκασαν τὸν Δημήτριον ἀνοχὰς ποιήσασθαι καὶ πρεσβείας ἀποστέλλειν πρὸς Ἀντίγονον περὶ συμμαχίας.
그러나 이때 프톨레마이오스가 도시 근처에 도착하자 용기를 얻어, 데메트리오스에게 휴전을 맺고 안티고노스에게 동맹에 관한 사절단을 파견하도록 강요했다.
§19.78.5ὁ δὲ Πτολεμαῖος ἀναζεύξας ἐκ τῆς Ἀττικῆς εἰς τὴν Βοιωτίαν τήν τε Καδμείαν εἷλε καὶ τὴν φρουρὰν ἐκβαλὼν ἠλευθέρωσε τὰς Θήβας.
프톨레마이오스는 아티카에서 보이오티아로 출발하여 카드메이아를 점령하고 수비대를 축출하여 테베를 해방했다.
μετὰ δὲ ταῦτα πορευθεὶς εἰς τὴν Φωκίδα καὶ τὰς μὲν πλείους τῶν πόλεων προσαγόμενος ἐξέβαλε πανταχόθεν τὰς Κασάνδρου φρουράς·
그 뒤 포키스로 나아가 대부분의 도시들을 자기 편으로 끌어들이는 한편, 도처에서 카산드로스의 수비대를 쫓아냈다.
ἐπῆλθε δὲ καὶ τὴν Λοκρίδα καὶ τῶν Ὀπουντίων τὰ Κασάνδρου φρονούντων συνεστήσατο πολιορκίαν καὶ συνεχεῖς προσβολὰς ἐποιεῖτο.
그는 로크리스에도 침입하여, 오푸스인들 중 카산드로스를 지지하는 세력에 대한 포위 공격을 개시하고 끊임없이 공세를 펼쳤다.