§19.74.1ὁ δʼ Ἀντίγονος ἀποτυχὼν ταύτης τῆς ἐπιβολῆς ἐξέπεμψε Τελεσφόρον εἰς Πελοπόννησον, δοὺς αὐτῷ πεντήκοντα ναῦς καὶ στρατιώτας τοὺς ἱκανούς, καὶ τὰς πόλεις ἐλευθεροῦν ἐνετείλατο·
안티고노스는 이 시도에 실패하자 텔레스포로스를 펠로폰네소스로 파견하며 그에게 쉰 척의 배와 충분한 군사들을 주고, 도시들을 해방시키라고 명령했다.
τοῦτο γὰρ πράξας ἤλπιζε πίστιν κατασκευάζειν παρὰ τοῖς Ἕλλησιν ὅτι πρὸς ἀλήθειαν φροντίζει τῆς αὐτονομίας αὐτῶν, καὶ ἅμα γινώσκειν ὑπέλαβε τὰ Κασάνδρου πράγματα.
왜냐하면 그렇게 함으로써 그리스인들에게 자신이 진정으로 그들의 자치에 신경 쓰고 있다는 신뢰를 심어줄 수 있기를 바랐기 때문이며, 동시에 카산드로스의 정세를 살필 수 있으리라 생각했기 때문이다.
§19.74.2ὁ δὲ Τελεσφόρος ἐπειδὴ τάχιστα κατέπλευσεν εἰς τὴν Πελοπόννησον, ἐπῆλθε τὰς ὑπʼ Ἀλεξάνδρου φρουρουμένας πόλεις καὶ πάσας ἠλευθέρωσε πλὴν Σικυῶνος καὶ Κορίνθου·
텔레스포로스는 펠로폰네소스에 항해하여 도착하자마자 알렉산드로스에 의해 수비대가 배치되어 있던 도시들을 찾아가 시키온과 코린토스를 제외한 모든 도시들을 해방시켰다.
ἐν ταύταις γὰρ Πολυπέρχων διέτριβεν δυνάμεις ἁδρὰς ἔχων καὶ πιστεύων ταύταις τε καὶ ταῖς τῶν τόπων ὀχυρότησιν.
이들 도시에는 폴리페르콘이 강력한 군세를 이끌고 체류하고 있었으며, 이 군대와 그 지역들의 험준함에 의지하고 있었기 때문이다.
§19.74.3ἅμα δὲ τούτοις πραττομένοις Φίλιππος ὑπὸ Κασάνδρου πεμφθεὶς στρατηγὸς εἰς τὸν πρὸς Αἰτωλοὺς πόλεμον ὡς τάχισθʼ ἧκεν εἰς τὴν Ἀκαρνανίαν μετὰ τῆς δυνάμεως, τὸ μὲν πρῶτον ἐπεχείρει λεηλατεῖν τὴν Αἰτωλίαν, μετʼ ὀλίγον δὲ πυθόμενος Αἰακίδην τὸν Ἠπειρώτην εἰς τὴν βασιλείαν κατεληλυθότα καὶ δύναμιν ἁδρὰν συνηθροικότα ταχέως ὥρμησεν ἐπʼ αὐτόν·
이 일들이 진행되는 것과 동시에, 카산드로스에 의해 아이톨리아인들과의 전쟁을 위한 장군으로 파견된 필리포스는 군대를 이끌고 가능한 한 신속히 아카르나니아에 도착하여, 처음에는 아이톨리아를 약탈하려 시도했으나, 조금 뒤 에페이로스인 아이아키데스가 왕위로 귀환하여 강력한 군세를 모았다는 소식을 듣고 신속히 그를 향해 진격했다.
ἔσπευδε γὰρ κατʼ ἰδίαν διαγωνίσασθαι πρὶν ἢ συμμίξαι τὴν τῶν Αἰτωλῶν δύναμιν.
아이톨리아인들의 군세가 합류하기 전에 단독으로 승부를 내고자 서둘렀기 때문이다.
§19.74.4εὑρὼν δὲ τοὺς Ἠπειρώτας ἑτοίμους εἰς μάχην ἐξ ἐφόδου συνῆψεν εἰς χεῖρας καὶ πολλοὺς μὲν ἀνεῖλεν, οὐκ ὀλίγους δʼ ἐζώγρησεν, ἐν οἷς συνέβαινεν εἶναι καὶ τῶν αἰτίων τῆς τοῦ βασιλέως καθόδου περὶ πεντήκοντα τὸν ἀριθμόν, οὓς δήσας ἀπέστειλε πρὸς Κάσανδρον.
에페이로스인들이 전투 준비를 갖춘 것을 발견하자 그는 즉시 맞붙어 싸워 많은 이들을 사살하고 적지 않은 이들을 생포했는데, 그들 중에는 왕의 귀환을 주도한 원인 제공자들도 약 쉰 명가량 포함되어 있었고, 그는 이들을 결박하여 카산드로스에게 보냈다.
§19.74.5τῶν δὲ περὶ τὸν Αἰακίδην ἀθροισθέντων ἐκ τῆς φυγῆς καὶ τοῖς Αἰτωλοῖς συμμιξάντων πάλιν ἐπελθὼν ὁ Φίλιππος μάχῃ ἐκράτησεν καὶ πολλοὺς ἀνεῖλεν, ἐν οἷς ἦν καὶ Αἰακίδης ὁ βασιλεύς.
아이아키데스 주변의 사람들이 패주한 후 다시 모여 아이톨리아인들과 합류하자, 필리포스가 다시 진격하여 전투에서 승리를 거두고 많은 이들을 사살했는데, 그중에는 왕 아이아키데스도 있었다.
§19.74.6ἐν ὀλίγαις δʼ ἡμέραις τηλικαῦτα ποιήσας προτερήματα κατεπλήξατο πολλοὺς τῶν Αἰτωλῶν ἐπὶ τοσοῦτον ὥστε τὰς ἀνοχύρους πόλεις ἐκλιπεῖν, εἰς δὲ τὰ δυσβατώτατα τῶν ὀρῶν συμφυγεῖν μετὰ τέκνων καὶ γυναικῶν.
불과 며칠 만에 이토록 큰 전과를 올림으로써 그는 많은 아이톨리아인들을 크게 위압하여, 그들이 방비가 없는 도시들을 버리고 자식들과 아내들을 데리고 산속의 가장 험준한 곳으로 함께 도망치게 만들 정도였다.
καὶ τὰ μὲν περὶ τὴν Ἑλλάδα πραχθέντα τοιοῦτον ἔσχε τὸ τέλος.
이리하여 그리스 주변에서 행해진 일들은 이와 같은 결말을 맺었다.