§19.72.1μετὰ δὲ ταῦτα Ἀγαθοκλῆς ὁρῶν ἔρημον οὖσαν τὴν Σικελίαν στρατοπέδων πολεμίων ἀδεῶς προσήγετο τὰς πόλεις καὶ τὰ χωρία.
이 일이 있은 후, 아가토클레스는 시켈리아에 적의 군대가 없는 것을 보고 아무런 염려 없이 여러 도시와 요새들을 자신의 진영으로 끌어들였다.
ταχὺ δὲ πολλῶν ἐγκρατὴς γενόμενος ἰσχυρὰν κατεσκευάσατο τὴν δυναστείαν·
그는 곧 많은 곳을 지배하에 두어 강력한 권력을 확립했다.
καὶ γὰρ συμμάχων πλῆθος καὶ προσόδους ἁδρὰς καὶ στρατόπεδον ἀξιόλογον περιεποιήσατο.
실제로 그는 수많은 동맹자와 풍부한 수입, 그리고 주목할 만한 군대를 손에 넣었던 것이다。
§19.72.2χωρὶς γὰρ τῶν συμμάχων καὶ τῶν ἐκ Συρακουσσῶν καταγραφέντων εἰς τὴν στρατείαν μισθοφόρους ἐπιλέκτους εἶχε πεζοὺς μὲν μυρίους, ἱππεῖς δὲ τρισχιλίους πεντήκοντα.
동맹자들과 시라쿠사에서 군대에 징집된 이들 외에도, 그는 보병 만 명과 기병 삼천오십 명으로 구성된 정예 용병대를 거느리고 있었다.
ἐποιήσατο δὲ καὶ παρασκευὴν ὅπλων καὶ βελῶν παντοδαπῶν, εἰδὼς τοὺς Καρχηδονίους ἐπιτετιμηκότας τῷ Ἀμίλκᾳ περὶ τῶν συνθηκῶν, συντόμως δὲ πρὸς αὐτὸν τὸν πόλεμον ἐξοίσοντας.
그는 또한 온갖 종류의 무기와 투척 무기의 준비도 갖추었는데, 이는 카르타고인들이 조약과 관련해 하밀카르를 비난했으며 조만간 자신에게 전쟁을 걸어올 것임을 알고 있었기 때문이다.
καὶ τὰ μὲν περὶ Σικελίαν ἐν τούτοις τοῖς χρόνοις τοιαύτην ἔσχε τὴν κατάστασιν.
이 시기 시켈리아의 정세는 이와 같은 상태에 있었다。
§19.72.3κατὰ δὲ τὴν Ἰταλίαν Σαμνῖται διαπολεμοῦντες Ῥωμαίοις ἔτη πλείονα περὶ τῆς ἡγεμονίας Πληστικὴν μὲν φρουρὰν ἔχουσαν Ῥωμαϊκὴν ἐξεπολιόρκησαν, Σωρανοὺς δʼ ἔπεισαν κατασφάξαι μὲν τοὺς παρʼ αὐτοῖς Ῥωμαίους, συμμαχίαν δὲ πρὸς Σαμνίτας συνθέσθαι.
한편 이탈리아에서는 패권을 두고 로마인들과 여러 해 동안 전쟁을 치르고 있던 삼니움인들이, 로마인 수비대가 배치되어 있던 플레스티카를 포위 공격하여 함락시켰고, 소라인들을 설득하여 그들 가운데 있던 로마인들을 학살하고 삼니움인들과 동맹을 맺게 했다。
§19.72.4μετὰ δὲ ταῦτα Ῥωμαίων Σατικόλαν πολιορκούντων ἐπεφάνησαν μετὰ δυνάμεως ἁδρᾶς, σπεύδοντες λῦσαι τὴν πολιορκίαν·
이 일이 있은 후, 로마인들이 사티쿨라를 포위하고 있을 때 그들이 대군을 이끌고 나타나 포위를 풀기 위해 서둘렀다.
γενομένης οὖν μάχης ἰσχυρᾶς πολλοὶ μὲν παρʼ ἀμφοτέρων ἀνῃρέθησαν, τέλος δὲ ἐπὶ τοῦ προτερήματος ἐγένοντο Ῥωμαῖοι.
그리하여 격렬한 전투가 벌어져 양측에서 많은 이들이 전사했으나, 결국 로마인들이 우세를 점했다.
μετὰ δὲ τὴν μάχην ἐκπολιορκήσαντες τὴν πόλιν ἐπῄεσαν ἀδεῶς τὰ πλησίον πολίσματα καὶ χωρία προσαγόμενοι.
전투 후에 그들은 도시를 포위 공격하여 함락시킨 후, 아무런 두려움 없이 전진하여 근처의 소도시들과 요새들을 복속시켰다。
§19.72.5τοῦ δὲ πολέμου περὶ τὰς ἐν Ἀπουλίᾳ πόλεις συνεστῶτος οἱ μὲν Σαμνῖται πάντας τοὺς ἐν ἡλικίᾳ στρατείας ὄντας καταγράψαντες ἐστρατοπέδευσαν πλησίον τῶν πολεμίων, ὡς περὶ τῶν ὅλων κριθησόμενοι.
전쟁이 아풀리아의 도시들 주변에서 전개되는 가운데, 삼니움인들은 군대에 갈 나이의 모든 이들을 징집하여 운명을 결정지을 결전을 치르려는 듯 적의 근처에 진을 쳤다。
§19.72.6ἃ δὴ πυθόμενος ὁ δῆμος τῶν Ῥωμαίων καὶ διαγωνιάσας περὶ τοῦ μέλλοντος δύναμιν προέπεμψε πολλήν.
로마의 민중은 이 소식을 듣고 앞으로의 일에 대해 크게 불안해하며 대군을 전방으로 파견했다.
εἰωθότες δʼ ἐν τοῖς ἐπικινδύνοις καιροῖς αὐτοκράτορα τοῦ πολέμου καθιστᾶν τινὰ τῶν ἀξιολόγων ἀνδρῶν προεχειρίσαντο τότε Κόιντον Φάβιον καὶ μετʼ αὐτοῦ Κόιντον Αὔλιον ἵππαρχον.
그들은 위기 상황에 저명한 인물 중 한 명을 전쟁의 독재관으로 임명하는 관습이 있었으므로, 당시 퀸투스 파비우스를 지명하고 그와 함께 퀸투스 아울리우스를 기병장관으로 삼았다。
§19.72.7οὗτοι δὲ τὰς δυνάμεις παραλαβόντες παρετάξαντο πρὸς τοὺς Σαμνίτας περὶ τὰς καλουμένας Λαυστόλας καὶ πολλοὺς τῶν στρατιωτῶν ἀπέβαλον.
이들은 군대를 인수하여 라우툴라이라 불리는 곳 근처에서 삼니움인들을 상대로 진을 쳤으나 많은 군사를 잃었다.
τροπῆς δὲ γενομένης καθʼ ἅπαν τὸ στρατόπεδον ὁ μὲν Αὔλιος καταισχυνθεὶς ἐπὶ τῇ φυγῇ μόνος ὑπέστη τῷ πλήθει τῶν πολεμίων, οὐ κρατήσειν ἐλπίζων, ἀλλʼ ἀήττητον τὴν πατρίδα τὸ καθʼ αὑτὸν μέρος ἀποδεικνύων.
군대 전체에 패주가 일어났을 때, 아울리우스는 도망치는 것을 부끄럽게 여겨 이길 수 있으리라 기대하지 않으면서도, 단지 자신에게 속한 몫만큼은 조국이 패배하지 않았음을 증명하기 위해 홀로 적의 대군에 맞섰다。
§19.72.8οὗτος μὲν οὖν οὐ μετασχὼν τοῖς πολίταις τῆς κατὰ τὴν φυγὴν αἰσχύνης ἰδίᾳ περιεποιήσατο θάνατον ἔνδοξον·
그리하여 그는 시민들과 피난의 치욕을 나누지 않고 개인적으로 영광스러운 죽음을 맞이했다.
οἱ δὲ Ῥωμαῖοι φοβηθέντες μὴ τὰ κατὰ τὴν Απουλίαν πράγματα τελέως ἀποβάλωσιν, ἀποικίαν ἐξέπεμψαν εἰς Λουκερίαν πόλιν ἐπιφανεστάτην τῶν ἐν τοῖς τόποις.
그러나 로마인들은 아풀리아에서의 전황을 완전히 잃을까 두려워하여, 그 지역에서 가장 저명한 도시인 루케리아로 식민단을 파견했다.
ἐκ ταύτης δὲ ὁρμώμενοι διεπολέμουν τοῖς Σαμνίταις, οὐ κακῶς τῆς ἀσφαλείας προνοησάμενοι·
그곳을 기점으로 삼아 그들은 삼니움인들을 상대로 전쟁을 지속했으며, 자신들의 안전을 빈틈없이 도모했다。
§19.72.9διὰ γὰρ ταύτην τὴν πόλιν οὐ μόνον ἐν τούτῳ τῷ πολέμῳ προετέρησαν, ἀλλὰ καὶ κατὰ τοὺς μετὰ ταῦτα γενομένους ἕως τῶν καθʼ ἡμᾶς χρόνων διετέλεσαν ὁρμητηρίῳ χρώμενοι κατὰ τῶν πλησίον ἐθνῶν.
이 도시 덕분에 그들은 이 전쟁에서 우세를 점했을 뿐만 아니라, 그 후 우리 시대에 이르기까지 일어난 전쟁들에서도 주변의 여러 부족들을 치기 위한 전초기지로 이 도시를 계속해서 활용했기 때문이다。