§19.48.1ὁ δʼ Ἀντίγονος ἐπειδὴ τάχιστʼ ἦλθεν εἰς τὴν Περσίδα, τιμῆς μὲν ὑπὸ τῶν ἐγχωρίων ἠξιώθη βασιλικῆς ὡς ἂν κύριος ὢν ὁμολογουμένως τῆς Ἀσίας, αὐτὸς δὲ μετὰ τῶν φίλων συνεδρεύσας ἐβουλεύετο περὶ τῶν σατραπειῶν.
안티고노스는 페르시스에 도착하자마자 공인된 아시아의 지배자로서 현지인들로부터 왕에 걸맞은 영예를 받았고, 자신은 친구들과 회의를 소집하여 사트라페이아들에 관해 논의했다.
τὴν μὲν οὖν Καρμανίαν εἴασεν ἔχειν Τληπόλεμον καὶ τὴν Βακτριανὴν ὁμοίως Στασάνορα·
이에 따라 카르마니아는 틀레폴레모스가, 박트리아나 역시 스타사노르가 그대로 지배하도록 내버려 두었다.
οὐ γὰρ ῥᾴδιον ἦν τούτους διʼ ἐπιστολῆς ἐκβαλεῖν, εὖ τὰ πρὸς τοὺς ἐγχωρίους πεπολιτευμένους καὶ πολλοὺς ἔχοντας συναγωνιστάς.
왜냐하면 그들은 현지인들에게 선정을 베풀었고 많은 동조자들을 거느리고 있었기에 편지 한 장으로 이들을 축출하는 것은 쉬운 일이 아니었기 때문이다.
§19.48.2εἰς δὲ τὴν Ἀρίαν ἀπέστειλεν Εὔιτον· τελευτήσαντος δὲ μετʼ ὀλίγον χρόνον ἀντικατέστησεν Εὐαγόραν, ἄνδρα κατʼ ἀνδρείαν καὶ σύνεσιν θαυμαζόμενον.
한편 아리아에는 에위토스를 파견했으나, 그가 얼마 지나지 않아 사망하자 용기와 지혜로 칭송받던 에우아고라스를 대신 임명했다.
Ὀξυάρτην δὲ τὸν Ῥωξάνης πατέρα τὴν ἐν Παροπανισάδαις σατραπείαν εἴασεν ἔχειν, καθὰ καὶ πρότερον εἶχεν·
록사네의 아버지인 옥수아르테스에게는 파로파니사다이의 사트라페이아를 이전처럼 그대로 유지하게 했다.
οὐδὲ γὰρ τοῦτον ἦν ἐκβαλεῖν δυνατὸν ἄνευ χρόνου πολλοῦ καὶ δυνάμεως ἁδρᾶς.
왜냐하면 이 인물 역시 오랜 시간과 강력한 군대 없이는 축출하는 것이 불가능했기 때문이다.
§19.48.3μετεπέμψατο δὲ καὶ Σιβύρτιον ἐξ Ἀραχωτῶν, εὖ διακείμενον τὰ πρὸς αὐτόν, καὶ τήν τε σατραπείαν ἔχειν συνεχώρησε καὶ τῶν ἀργυρασπίδων συνέστησε τοὺς ταραχωδεστάτους, τῷ μὲν λόγῳ πρὸς τὰς ἐν τῷ πολέμῳ χρείας, τῷ δʼ ἔργῳ πρὸς ἀπώλειαν·
또한 그는 자신에게 호의적이었던 아라코시아의 시뷔르티오스를 소환하여 사트라페이아의 영유를 인정해 주는 한편, '은방패병' 중 가장 선동적인 자들을 그에게 귀속시켰다. 이는 말로는 전쟁에서의 필요를 위한 것이었으나, 실제로는 그들을 파멸시키기 위함이었다.
κατʼ ἰδίαν γὰρ ἐνετείλατο κατʼ ὀλίγους αὐτῶν εἰς τοιαύτας χρείας ἀποστέλλειν ἐν αἷς ἔμελλον ἀπολεῖσθαι.
안티고노스는 그들이 죽을 수밖에 없는 임무에 이들을 소수씩 나누어 파견하라고 은밀히 명령했기 때문이다.
§19.48.4ἐν δὲ τούτοις εἶναι συνέβαινε καὶ τοὺς Εὐμενῆ παραδόντας, ὥστε τῶν εἰς τὸν στρατηγὸν παρανομημάτων συντόμως αὐτοῖς ἐπιστῆναι τιμωρίαν·
그리고 이들 중에는 에우메네스를 배반한 자들도 포함되어 있었기에, 장군에 대한 불법적인 행동에 대한 벌이 그들에게 신속하게 임했다.
αἱ γὰρ ἀσεβεῖς χρεῖαι τοῖς μὲν δυνάσταις διὰ τὴν ἐξουσίαν γίνονται λυσιτελεῖς, τοῖς δʼ ὑπακούσασιν ἰδιώταις μεγάλων κακῶν ὡς ἐπίπαν αἴτιαι καθίστανται.
불경한 봉사는 지배자들에게는 그 권력 덕분에 유익이 되지만, 이에 복종한 평범한 이들에게는 대체로 큰 재앙의 원인이 되기 때문이다.
§19.48.5ὁ δʼ οὖν Ἀντίγονος ὁρῶν τὸν Πευκέστην παρὰ τοῖς Πέρσαις μεγάλης ἀποδοχῆς τυγχάνοντα τὸ μὲν πρῶτον παρείλετο τὴν σατραπείαν αὐτοῦ.
한편 안티고노스는 페우케스타스가 페르시아인들 사이에서 큰 지지를 얻고 있는 것을 보고 처음에는 그의 사트라페이아를 박탈했다.
τῶν δὲ ἐγχωρίων ἀγανακτούντων, ἑνὸς δὲ τῶν ἐπιφανεστάτων Θεσπίου καὶ παρρησίαν ἀγαγόντος ὡς οὐχ ὑπακουσομένων Περσῶν ἑτέρῳ, τοῦτον μὲν ἀπέκτεινεν, Ἀσκληπιόδωρον δὲ κατέστησε τῆς Περσίδος ὕπαρχον καὶ τοὺς ἱκανοὺς στρατιώτας παρέδωκεν·
이에 현지인들이 분개하고, 가장 명망 있는 이들 중 하나인 테스피오스가 페르시아인들이 다른 이에게 복종하지 않을 것이라고 솔직하게 말하자 그를 처형했으며, 아스크레피오도로스를 페르시스의 부총독으로 임명하고 충분한 병력을 양도했다.
Πευκέστην δʼ εἰς ἄλλας ἐλπίδας ἀγαγὼν καὶ κενῶς μετεωρίσας ἐξήγαγεν ἐκ τῆς χώρας.
그리고 페우케스타스에게는 다른 희망을 품게 하여 헛되이 기대하게 만든 뒤 그 지역에서 밖으로 데리고 나갔다.
§19.48.6ποιουμένου δʼ αὐτοῦ τὴν πορείαν ἐπὶ Σούσων ἀπήντησεν αὐτῷ ἐπὶ τῷ Πασιτίγρι ποταμῷ Ξενόφιλος ὁ κυριεύων τῶν ἐν Σούσοις χρημάτων, ἀπεσταλμένος ὑπὸ Σελεύκου πᾶν ποιῆσαι τὸ προστασσόμενον.
그가 수사를 향해 행군을 이어가던 중, 수사의 재화를 관할하던 크세노필로스가 셀레우코스에 의해 파견되어 명령받은 모든 것을 실행하고자 파시티그리스 강에서 그를 맞이했다.
τοῦτον μὲν οὖν προσδεξάμενος προσεποιεῖτο τιμᾶν ἐν τοῖς μεγίστοις τῶν φίλων, εὐλαβούμενος μὴ μετανοήσας πάλιν αὐτὸν ἀποκλείσῃ·
안티고노스는 그가 마음을 바꾸어 다시 자신을 차단하지 않도록 경계하며, 그를 받아들이고 가장 중한 친구들처럼 대우하는 척했다.
§19.48.7αὐτὸς δὲ παραλαβὼν τὴν ἐν Σούσοις ἄκραν κατέλαβεν ἐν αὐτῇ τήν τε χρυσῆν ἀναδενδράδα καὶ πλῆθος ἄλλων κατασκευασμάτων, τῶν πάντων συναγομένων εἰς μύρια καὶ πεντακισχίλια τάλαντα.
안티고노스는 직접 수사의 요새를 인수하여 그 안에서 황금 포도나무를 비롯한 수많은 기물들을 확보했는데, 이 모든 것은 합계 일만 오천 탈란톤에 달했다.
§19.48.8ἠθροίσθη δʼ αὐτῷ καὶ ἄλλο πλῆθος χρημάτων ἔκ τε τῶν στεφάνων καὶ τῶν ἄλλων δωρεῶν, ἔτι δὲ ἐκ τῶν λαφύρων·
또한 왕관과 기타 선물들, 그리고 전리품으로부터도 다른 거액의 자금이 그에게 모였다.
ταῦτα γὰρ ἦσαν πεντακισχίλια τάλαντα, καὶ κατὰ τὴν Μηδίαν ἄλλα τοσαῦτα χωρὶς τῶν ἐν Σούσοις θησαυρῶν, ὥστε τὰ πάντα συναχθῆναι τάλαντα δισμύρια πεντακισχίλια.
이것이 오천 탈란톤이었고, 메디아에서도 수사의 보물 외에 이와 같은 액수가 모였기에, 이로써 총 이만 오천 탈란톤이 축적되었다.
καὶ τὰ μὲν περὶ Ἀντίγονον ἐν τούτοις ἦν.
안티고노스에 관한 일은 이러했다.