§19.40.1Ἀντίγονος μὲν οὖν τοὺς ἱππεῖς ἐπὶ τὰ κέρατα διελόμενος τὸ μὲν εὐώνυμον μέρος Πίθωνι παρέδωκε, τὸ δὲ δεξιὸν τῷ υἱῷ Δημητρίῳ, μεθʼ οὗ καὶ αὐτὸς διαγωνίζεσθαι διεγνώκει·
그리하여 안티고노스는 기병을 양 날개로 나누어 좌익은 페이톤에게 위임했고, 우익은 아들 데메트리오스에게 위임했는데, 그 자신도 데메트리오스와 함께 싸우기로 결심한 상태였다.
τοὺς δὲ πεζοὺς εἰς μέσον καταστήσας παρέταξε παρʼ ὅλην τὴν δύναμιν τοὺς ἐλέφαντας, πληρώσας τὰ διαστήματα τοῖς ψιλικοῖς τάγμασιν.
또한 보병을 중앙에 배치하고, 군세의 전면에 걸쳐 코끼리들을 정렬시켰으며, 그 간격을 경무장 보병 부대들로 채웠다.
ὁ δὲ πᾶς ἀριθμὸς ἦν αὐτοῦ τῆς δυνάμεως πεζοὶ μὲν δισμύριοι δισχίλιοι, ἱππεῖς δʼ ἐννακισχίλιοι σὺν τοῖς ἐκ Μηδίας προσκαταγραφεῖσι, θηρία δὲ ἑξήκοντα καὶ πέντε.
그의 전군 숫자는 보병 이만 이천 명, 기병 구천 명(메디아에서 새로 추가 징집된 자들을 포함), 야수 예순다섯 마리였다.
§19.40.2ὁ δʼ Εὐμενὴς πυθόμενος τὸν Ἀντίγονον ἐπὶ τοῦ δεξιοῦ κέρατος τετάχθαι μετὰ τῶν ἀρίστων ἱππέων, καὶ αὐτὸς ἀντετάξατο, ἐπὶ τὸ λαιὸν κέρας ἐπιστήσας τοὺς ἀρίστους·
한편 에우메네스는 안티고노스가 가장 정예로운 기병들과 함께 우익에 배치되었다는 소식을 듣고, 자신도 그에 맞서 좌익에 가장 정예로운 자들을 배치했다.
καὶ γὰρ τῶν σατραπῶν τοὺς πλείστους ἐνταῦθα κατέστησεν μετὰ τῶν συναγωνιζομένων αὐτοῖς ἱππέων ἐπιλέκτων καὶ αὐτὸς μετὰ τούτων ἔμελλε κινδυνεύειν·
실제로 그는 사트라프들의 대부분을 그들과 함께 싸울 엄선된 기병들과 함께 그곳에 배치했으며, 그 자신도 이들과 함께 위험을 무릅쓰고 싸울 예정이었다.
συνῆν δʼ αὐτοῖς καὶ Μιθριδάτης ὁ Ἀριοβαρζάνου μὲν υἱός, ἀπόγονος δʼ ἑνὸς τῶν ἑπτὰ Περσῶν τῶν συγκαθελόντων τὸν μάγον Σμέρδιν, ἀνὴρ ἀνδρείᾳ διαφέρων καὶ τεθραμμένος ἐκ παιδὸς στρατιωτικῶς.
그들 곁에는 아리오바르자네스의 아들이자 마구스 스메르디스를 타도했던 일곱 명의 페르시아인 중 한 명의 후손인 미트리다테스도 함께 있었는데, 그는 용맹함이 뛰어났고 어릴 때부터 군인으로 길러진 인물이었다.
§19.40.3πρὸ δὲ τοῦ κέρατος παντὸς ἔταξεν ἐν ἐπικαμπίῳ τοὺς κρατίστους τῶν ἐλεφάντων ἑξήκοντα καὶ τὰ διαστήματα τοῖς ψιλοῖς διέλαβε τάγμασι.
그리고 좌익 전체의 전면에는 가장 강력한 코끼리 예순 마리를 만곡진 대형으로 배치하고, 그 간격을 경무장 부대들로 메웠다.
τῶν δὲ πεζῶν πρώτους μὲν ἔταξε τοὺς ὑπασπιστάς, εἶτα τοὺς ἀργυράσπιδας, ἐπὶ πᾶσι δὲ τοὺς ξένους καὶ τῶν ἄλλων τοὺς εἰς τὰ Μακεδονικὰ καθωπλισμένους, καὶ πρὸ τούτων ἐλέφαντας καὶ τῶν ψιλῶν τοὺς ἱκανούς.
보병 중에서는 먼저 호위보병을 배치하고, 다음으로 은방패병을 배치했으며, 이들 모두의 뒤에는 용병들과 마케도니아식으로 무장한 다른 자들을 배치했고, 이들의 전면에는 코끼리들과 충분한 수의 경무장병을 배치했다.
§19.40.4ἐπὶ δὲ τὸ δεξιὸν κέρας τάξας τῶν ἱππέων καὶ τῶν ἐλεφάντων τοὺς ἀσθενεστέρους ἀπέδειξεν ἡγεμόνα τῶν πάντων Φίλιππον·
우익에는 기병과 코끼리 중 더 약한 부대들을 배치하고, 필리포스를 그 전체의 지휘관으로 임명했다.
τούτῳ δὲ διεκελεύσατο φυγομαχεῖν καὶ τὴν ἀπὸ θατέρου μέρους κρίσιν ἀποθεωρεῖν.
그리고 그에게 전투를 피하고 다른 쪽에서의 결판을 관망하라고 지시했다.
οἱ δὲ σύμπαντες ἦσαν μετʼ Εὐμενοῦς κατὰ τοῦτον τὸν καιρὸν πεζοὶ μὲν τρισμύριοι ἑξακισχίλιοι ἑπτακόσιοι, ἱππεῖς δὲ ἑξακισχίλιοι, ἐλέφαντες δὲ ἑκατὸν τεσσαρεσκαίδεκα.
이 당시에 에우메네스와 함께한 전군은 보병 삼만 육천칠백 명, 기병 육천 명, 코끼리 백열네 마리였다.