§19.3.1Δάμας γάρ τις τῶν ἐνδόξων ἀριθμούμενος ἐν Συρακούσσαις ἐρωτικῶς διετέθη πρὸς τὸν Ἀγαθοκλέα καὶ τὸ μὲν πρῶτον δαψιλῶς ἅπαντα χορηγῶν αἴτιος ἐγένετο σύμμετρον αὐτὸν οὐσίαν συλλέξασθαι, μετὰ δὲ ταῦτα αἱρεθεὶς ἐπʼ Ἀκράγαντα στρατηγός, ἐπειδὴ τῶν χιλιάρχων τις ἀπέθανεν, τοῦτον εἰς τὸν ἐκείνου τόπον κατέστησεν.
시라쿠사의 명망 있는 인사들 중 한 명으로 꼽히던 다마스라는 인물이 아가토클레스에게 사랑의 감정을 품게 되었고, 처음에는 모든 것을 아낌없이 제공함으로써 그가 상당한 재산을 모으는 계기를 마련해 주었다. 그 후 다마스가 아크라가스를 상대로 하는 장군으로 선출되었을 때, 천인대장 중 한 명이 사망하자 아가토클레스를 그 사람의 자리에 임명하였다.
§19.3.2ὁ δὲ καὶ πρὸ τῆς στρατείας μὲν ἦν πολύσεμνος διὰ τὸ μέγεθος τῶν ὅπλων·
아가토클레스는 이 원정 이전부터도 무구의 거대함 때문에 매우 눈에 띄는 존재였다.
ἐπετήδευσε γὰρ ἐν ταῖς ἐξοπλασίαις φορεῖν πανοπλίαν τηλικαύτην τὸ μέγεθος ὥστε μηδένα τῶν ἄλλων δύνασθαι ῥᾳδίως χρῆσθαι τῷ βάρει τῶν ὅπλων·
왜냐하면 그는 무장 훈련을 할 때, 다른 어느 누구도 그 무구의 무게를 쉽게 감당할 수 없을 정도로 거대한 전신 갑옷을 입는 것을 습관으로 삼았기 때문이다.
πολὺ δʼ ἔτι μᾶλλον γενόμενος χιλίαρχος περιεποιήσατο δόξαν, φιλοκίνδυνος μὲν ὢν καὶ παράβολος ἐν ταῖς μάχαις, ἰταμὸς δὲ καὶ πρόχειρος ἐν ταῖς δημηγοίαις.
천인대장이 된 후 그의 명성은 더욱 높아졌는데, 그는 전투에서는 위험을 무릅쓰고 대담했으며, 민회 연설에서는 거침없고 달변이었기 때문이다.
τοῦ δὲ Δάμαντος νόσῳ τελευτήσαντος καὶ τὴν οὐσίαν καταλιπόντος τῇ γυναικὶ ταύτην ἔγημε καὶ τῶν πλουσιωτάτων εἷς ἠριθμεῖτο.
한편 다마스가 병으로 사망하며 아내에게 재산을 남기자, 아가토클레스는 이 여성과 결혼하여 가장 부유한 사람들 중 한 명으로 꼽히게 되었다.
§19.3.3μετὰ δὲ ταῦτα Κροτωνιάταις πολιορκουμένοις ὑπὸ Βρεττίων οἱ Συρακόσιοι δύναμιν ἁδρὰν ἔπεμψαν, ἧς ἐστρατήγει μὲν μεθʼ ἑτέρων Ἄντανδρος ὁ Ἀγαθοκλέους ἀδελφός, τῶν δʼ ὅλων εἶχε τὴν ἡγεμονίαν Ἡρακλείδης καὶ Σώστρατος, ἄνδρες ἐν ἐπιβουλαῖς καὶ φόνοις καὶ μεγάλοις ἀσεβήμασι γεγονότες τὸν πλείω τοῦ βίου·
그 후 크로톤인들이 브레티온인들에게 포위당했을 때 시라쿠사 인들은 강력한 군대를 파견했는데, 이 군대는 아가토클레스의 형제인 안탄드로스가 다른 이들과 함께 장군으로서 이끌었으나, 전군에 대한 총지휘권은 헤라클레이데스와 소스트라토스가 쥐고 있었다. 이들은 인생의 대부분을 음모와 살인, 그리고 중대한 불경죄 속에서 보낸 인물들이었다.
περὶ ὧν τὰ κατὰ μέρος ἡ πρὸ ταύτης περιέχει βύβλος.
이들에 대한 자세한 사실들은 이 앞선 권에 담겨 있다.
§19.3.4συνεστρατεύετο δʼ αὐτοῖς καὶ Ἀγαθοκλῆς, ἐγνωσμένος ὑπὸ τοῦ δήμου καὶ τεταγμένος ἐπὶ χιλιαρχικῆς ἡγεμονίας, ὃς τὸ μὲν πρῶτον ἐν ταῖς πρὸς τοὺς βαρβάρους μάχαις γενόμενος κράτιστος ὑπὸ τῶν περὶ Σώστρατον ἀφῃρέθη τὴν τῶν ἀριστείων τιμὴν διὰ τὸν φθόνον.
아가토클레스 또한 이들과 함께 종군하였는데, 그는 민중에게 널리 알려져 있었고 천인대장의 지휘직에 배속되어 있었다. 그는 처음에 야만족들과의 전투에서 가장 용맹하게 싸웠으나, 질투심에 사로잡힌 소스트라토스 일파에 의해 무공의 영예를 박탈당했다.
§19.3.5ἐφʼ οἷς περιαλγὴς γενόμενος αὐτοὺς ὡς διεγνωκότας ἐπιθέσθαι τυραννίδι κατηγόρησεν ἐν τῷ δήμῳ.
이 일로 깊은 상처를 입은 그는 그들이 참주정을 수립하기로 결의했다고 민회에서 고발하였다.
οὐ προσεχόντων δὲ τῶν Συρακοσίων ταῖς διαβολαῖς οἱ μὲν περὶ Σώστρατον ἐδυνάστευσαν τῆς πατρίδος μετὰ τὴν ἐκ Κρότωνος ἐπάνοδον.
그러나 시라쿠사 인들이 이 고발에 귀를 기울이지 않자, 소스트라토스 일파는 크로톤에서 귀환한 후 조국의 지배권을 장악하였다.