§19.25.1ὡς δʼ ἡμέρας ὁδὸν ἀπέσχον ἀπʼ ἀλλήλων τὰ στρατόπεδα, κατασκόπους ἔπεμψαν ἀμφότεροι καὶ μαθόντες τὰ πλήθη καὶ τὰς προαιρέσεις τῶν πολεμίων παρεσκευάσαντο μὲν πρὸς τὸν κίνδυνον, διελύθησαν δὲ χωρὶς μάχης·
양군의 진영이 서로 하루 길의 거리에 있게 되었을 때, 양측 모두 정찰병을 보냈고, 적의 병력과 의도를 파악한 후 전투 준비를 갖추었으나 교전 없이 퇴각했다.
§19.25.2προβεβλημένοι γὰρ ἀμφότεροι ποταμόν τινα καὶ χαράδραν ἐξέταξαν μὲν τὰς δυνάμεις, διὰ δὲ τὰς τῶν τόπων δυσχωρίας οὐκ ἠδυνήθησαν διαγωνίσασθαι.
양측 모두 전방에 어떤 강과 골짜기를 두고 군대를 전개했으나, 지형의 험난함으로 인해 결전을 치를 수 없었기 때문이다.
καταστρατοπεδεύσαντες δʼ ἀλλήλων ἀπὸ σταδίων τριῶν ἐπὶ μὲν ἡμέρας τέσσαρας ἀκροβολιζόμενοι καὶ προνομεύοντες τὴν χώραν διετέλεσαν, πάντων σπανίζοντες, τῇ πέμπτῃ δʼ Ἀντίγονος πρεσβευτὰς ἐξαπέστειλε πρός τε τοὺς σατράπας καὶ τοὺς Μακεδόνας, ἀξιῶν Εὐμενεῖ μὲν μὴ προσέχειν, ἑαυτῷ δὲ πιστεύειν·
그들은 서로 3스타디온 거리에 진을 치고 나흘 동안 모든 물자가 부족한 가운데서도 소규모 교전을 벌이고 주변 지역을 약탈하며 보냈는데, 닷새째 되는 날에 안티고노스가 사트라프들과 마케도니아인들 양측에 사절을 보내 에우메네스의 말에 귀 기울이지 말고 자신을 신뢰할 것을 요구했다.
§19.25.3συγχωρήσειν γὰρ ἔφη τοῖς μὲν σατράπαις ἔχειν τὰς ἰδίας σατραπείας, τῶν δὲ ἄλλων τοῖς μὲν χώραν πολλὴν δώσειν, τοὺς δὲ εἰς τὰς πατρίδας ἀποστελεῖν μετὰ τιμῆς καὶ δωρεῶν, τοὺς δὲ στρατεύεσθαι βουλομένους διανεμεῖν εἰς τὰς ἑκάστῳ καθηκούσας τάξεις.
그는 사트라프들에게는 각자의 사트라페이아를 보유하도록 허락하고, 다른 사람들 중 어떤 이들에게는 많은 토지를 주며, 어떤 이들은 명예와 선물을 주어 고국으로 돌려보내고, 군복무를 원하는 이들은 각자에게 적합한 부대 배치에 나누어 넣겠다고 말했기 때문이다.
§19.25.4τῶν δὲ Μακεδόνων οὐ προσεχόντων τοῖς λόγοις, ἀλλὰ καὶ προσαπειλούντων τοῖς πρεσβευταῖς Εὐμενὴς παρελθὼν ἐπῄνεσέν τε αὐτοὺς καὶ λόγον εἶπε τῶν παραδεδομένων μὲν καὶ παλαιῶν, οὐκ ἀνοίκειον δὲ τῆς περιστάσεως.
마케도니아인들이 그 말에 귀를 기울이지 않고 오히려 사절들을 위협하기까지 하자, 에우메네스가 앞으로 나아와 그들을 칭찬하고, 전해 내려오는 옛날 이야기이지만 당시의 상황에 어울리지 않는 것은 아닌 이야기를 하나 들려주었다.
§19.25.5ἔφη γὰρ ἐρασθέντα λέοντα παρθένου διαλεχθῆναι τῷ πατρὶ τῆς κόρης ὑπὲρ τοῦ γάμου, τὸν δὲ πατέρα λέγειν ὡς ἕτοιμος μέν ἐστιν αὐτῷ δοῦναι, δεδοικέναι δὲ τοὺς ὄνυχας καὶ τοὺς ὀδόντας, μήποτε γήμας καὶ παροξυνθεὶς διά τινα αἰτίαν προσενέγκηται τῇ παρθένῳ θηριωδῶς.
그는 한 사자가 처녀에게 반하여 그 소녀의 아버지에게 혼인에 관해 이야기했는데, 아버지는 사자에게 딸을 줄 준비는 되어 있으나 그의 발톱과 이빨이 두렵다고 말했으니, 이는 혼인한 후에 사자가 어떤 이유로 화가 나 처녀에게 야수처럼 사납게 굴까 염려했기 때문이었다고 한다.
§19.25.6τοῦ δὲ λέοντος ἐξελόντος τούς τε ὄνυχας καὶ τοὺς ὀδόντας τὸν πατέρα, θεωρήσαντα πάντα διʼ ὧν ἦν φοβερὸς ἀποβεβληκότα, τύπτοντα τῷ ξύλῳ ῥᾳδίως ἀποκτεῖναι.
이에 사자가 자신의 발톱과 이빨을 다 뽑아버리자, 아버지는 그가 자신을 두렵게 만들던 모든 것을 버린 것을 보고 몽둥이로 때려 쉽게 죽였다는 것이다.
τὸ παραπλήσιον οὖν ποιεῖν καὶ τὸν Ἀντίγονον·
그러므로 안티고노스 역시 이와 매우 유사한 짓을 하고 있다는 것이었다.
§19.25.7μέχρι τούτου γὰρ ποιεῖσθαι τὰς ἐπαγγελίας ἕως ἂν τῆς δυνάμεως κυριεύσῃ καὶ κολάσῃ τηνικαῦτα τοὺς ἀφηγουμένους.
왜냐하면 그는 군대를 손에 넣을 때까지만 약속을 늘어놓을 것이며, 정작 손에 넣고 나면 그때 지도자들을 처벌할 것이기 때문이라는 것이었다.
ἐπισημαινομένου δὲ τοῦ πλήθους ὡς ὀρθῶς λέγοντος τότε μὲν ἔλυσε τὴν ἐκκλησίαν·
무리가 그의 말이 옳다며 지지하는 신호를 보내자, 그는 그때 민회를 해산했다.