§18.59.1εὐθὺς οὖν παραγγείλας τοῖς περὶ αὐτὸν ἀναζευγνύειν προῆγεν ἐκ Καππαδοκίας, ἔχων ἱππεῖς μὲν περὶ πεντακοσίους, πεζοὺς δὲ πλείους τῶν δισχιλίων·
이에 [에우메네스는] 즉시 부하들에게 출발을 명령하고, 기병 약 500명과 보병 2,000명 이상을 거느리고 카파도키아에서 진군해 나갔다.
οὐ γὰρ ἔσχεν ἀναστροφὴν προσδέξασθαι τοὺς ἀφυστεροῦντας τῶν ἐπηγγελμένων συστρατεύσεσθαι διὰ τὸ προσάγειν παρʼ Ἀντιγόνου δύναμιν ἀξιόλογον καὶ στρατηγοὺς τοὺς περὶ Μένανδρον, κωλύσοντας αὐτὸν ἐνδιατρίβειν τῇ Καππαδοκίᾳ, πολέμιον γενόμενον τοῖς περὶ Ἀντίγονον.
왜냐하면 안티고노스 측으로부터 상당한 규모의 군대와 메난드로스가 이끄는 장군들이 접근하고 있었고, 이들은 안티고노스 일파와 적대 관계가 된 에우메네스가 카파도키아에 지체하는 것을 막으려 했기 때문에, 함께 종군하기로 약속했으나 뒤처진 자들을 기다려 줄 시간적 여유가 그에게 없었기 때문이다.
§18.59.2ἀλλὰ γὰρ ἡ δύναμις αὕτη τρισὶν ὕστερον ἡμέραις παραγενομένη καὶ τῶν καιρῶν ὑστεροῦσα ἐπεβάλετο μὲν διώκειν τοὺς μετʼ Εὐμενοῦς προάγοντας, οὐ δυναμένη δὲ καταλαβεῖν ἐπανῆλθεν εἰς Καππαδοκίαν.
그러나 이 군대는 사흘 뒤에야 도착하여 기회를 놓쳤고, 에우메네스와 함께 전진하는 자들을 추격하려 했으나, 그들을 따라잡지 못하고 카파도키아로 돌아갔다.
§18.59.3ὁ δʼ Εὐμενὴς συντόνους τὰς ὁδοιπορίας ποιησάμενος καὶ ταχὺ τὸν Ταῦρον ὑπερβαλὼν ἧκεν εἰς τὴν Κιλικίαν.
에우메네스는 강행군을 펼쳐 조속히 타우로스 산맥을 넘어 킬리키아에 도착했다.
οἱ δὲ τῶν ἀργυρασπίδων ἡγεμόνες Ἀντιγένης καὶ Τεύταμος, πειθαρχοῦντες ταῖς παρὰ τῶν βασιλέων ἐπιστολαῖς, ἀπάντησιν ἐποιήσαντο τῷ Εὐμενεῖ μετὰ τῶν φίλων ἐκ πολλοῦ διαστήματος.
'은방패대'의 지휘관들인 안티게네스와 테우타모스는 왕들이 보낸 서한에 복종하여, 멀리서부터 동료들과 함께 에우메네스를 마중 나왔다.
ἀσπασάμενοι δὲ φιλοφρόνως καὶ συγχαρέντες ἐπὶ τῷ διασεσῶσθαι παραδόξως αὐτὸν ἐκ τῶν μεγίστων κινδύνων ἐπηγγέλλοντο πάντα συμπράξειν αὐτῷ προθύμως·
이들은 따뜻하게 인사를 나누고, 그가 크나큰 위험으로부터 기적적으로 살아남은 것을 축하하며, 모든 일에 열성적으로 협력할 것을 약속했다.
οἵ τε ἀργυράσπιδες Μακεδόνες, ὄντες περὶ τρισχιλίους, ὁμοίως ἀπήντησαν μετὰ φιλοφροσύνης τε καὶ ὁρμῆς.
또한 약 3,000명에 달하는 마케도니아인 '은방패대' 역시 마찬가지로 따뜻한 정과 열의를 가지고 그를 맞이했다.
§18.59.4πάντες δʼ ἐθαύμαζον τὸ τῆς τύχης εὐμετάβολον καὶ παράδοξον, ὁρῶντες τούς τε βασιλεῖς καὶ τοὺς Μακεδόνας ὀλίγῳ μὲν χρόνῳ πρότερον κατεγνωκότας Εὐμενοῦς καὶ τῶν φίλων αὐτοῦ θάνατον, τότε δὲ ἐπιλαθομένους τῆς ἰδίας κρίσεως μὴ μόνον ἀθῷον ἀφεικότας τῆς τιμωρίας, ἀλλὰ καὶ πάσης τῆς βασιλείας τὴν ἡγεμονίαν αὐτῷ παραδεδωκότας.
모든 이는 운명의 가변성과 기묘함에 경탄했는데, 왕들과 마케도니아인들이 불과 얼마 전까지만 해도 에우메네스와 그의 친구들에게 사형을 선고했음에도 불구하고, 그때는 자신들의 결정을 잊은 채 그를 처벌에서 방면하여 무죄로 만들었을 뿐만 아니라 왕국 전체의 지배권까지 그에게 위임했기 때문이다.
§18.59.5καὶ τοῦτʼ εὐλόγως ἔπασχον ἅπαντες οἱ τότε τὰς Εὐμενοῦς ἐπισκοπούμενοι περιπετείας.
그리고 당시 에우메네스의 격변을 지켜보던 사람들은 누구나 당연히 이와 같은 감정을 느꼈다.
τίς γὰρ οὐκ ἂν λαβὼν ἔννοιαν τῆς κατὰ τὸν ἀνθρώπινον βίον ἀνωμαλίας καταπλαγείη τὴν ἐπʼ ἀμφότερα τὰ μέρη τῆς τύχης παλίρροιαν;
인간 삶의 불규칙성에 대해 생각하고서, 운명이 양극단으로 요동치는 모습에 압도되지 않을 사람이 어디 있겠는가?
ἢ τίς ἂν ταῖς κατὰ τὴν εὐτυχίαν ἐξουσίαις πιστεύσας ἀναλάβοι φρόνημα μεῖζον τῆς ἀνθρωπίνης ἀσθενείας;
아니면 행운에 따르는 권력을 믿고 인간의 나약함을 넘어서는 오만을 품을 사람이 어디 있겠는가?
§18.59.6ὁ γὰρ κοινὸς βίος ὥσπερ ὑπὸ θεῶν τινος οἰακιζόμενος ἐναλλὰξ ἀγαθοῖς τε καὶ κακοῖς κυκλεῖται πάντα τὸν αἰῶνα.
왜냐하면 인간의 삶은 마치 어떤 신에 의해 조타되는 것처럼, 늘 좋은 일과 나쁜 일이 교대로 나타나며 영원히 순환하기 때문이다.
διόπερ παράδοξόν ἐστιν οὐκ εἰ γέγονέν τι παράλογον, ἀλλʼ εἰ μὴ πᾶν ἐστι τὸ γινόμενον ἀνέλπιστον.
그러므로 뜻밖의 일이 일어났다고 해서 기이한 것이 아니라, 일어나는 모든 일이 기대 밖의 일이 아니라는 것(예상대로라는 것)이야말로 기이한 일이다.
διὸ καὶ τὴν ἱστορίαν προσηκόντως ἄν τις ἀποδέξαιτο· τῇ γὰρ τῶν πράξεων ἀνωμαλίᾳ καὶ μεταβολῇ διορθοῦται τῶν μὲν εὐτυχούντων τὴν ὑπερηφανίαν, τῶν δʼ ἀκληρούντων τὴν ἀτυχίαν.
그렇기에 역사 기록을 마땅히 높이 평가할 만한데, 역사적 사건들의 불규칙성과 변화를 통해 잘나가는 이들의 오만을 바로잡고 불우한 이들의 불운을 구제해 주기 때문이다.